3 Ik.

Orowa, kanna shui Yehoba itak Yona otta ek wa ene hawe okai-hi:—

Orowa, kanna suy Yehoba itak Yona or ta ek wa ene hawe okay hi:—

主の言葉が再びヨナに臨んだ。

E hopuni wa Ninebe kotan orota nei a poro machiya orota e oman wa ko-hawe ashte Ku e nure ash itak ani upaskuma ki yan, sekoro itak.

E hopuni wa Ninebe kotan oro ta ne a poro maciya oro ta e oman wa ko-hawe aste Ku=e nure as itak ani upaskuma ki yan, sekor itak.

「さあ、大いなる都ニネベに行って、わたしがお前に語る言葉を告げよ。」

Tambe gusu Yona hopuni wa Yehoba ye korachi Ninebe kotan orota oman nisa ruwe ne. Ninebe kotan anak ne shi no poro machiya ne, rere ko paye pakno poro ruwe ne.

Tanpe kusu Yona hopuni wa Yehoba ye koraci Ninebe kotan oro ta oman nisa ruwe ne. Ninebe kotan anakne sino poro maciya ne, rere ko paye pakno poro ruwe ne.

ヨナは主の命令どおり、直ちにニネベに行った。ニネベは非常に大きな都で、一回りするのに三日かかった。

Orowa Yona machiya otta ahun heashiri wa shine to paye, aige, hawe ashte wa ene itak-hi:— Naa tu hotne rere ko an ko anak ne Ninebe kotan akiru kusu ne, sekoro itak.

Orowa Yona maciya or ta ahun heasiri wa sine to paye, ayke, hawe aste wa ene itak hi:— Naa tu hotne rere ko an ko anakne Ninebe kotan a=kiru kusu ne, sekor itak.

ヨナはまず都に入り、一日分の距離を歩きながら叫び、そして言った。「あと四十日すれば、ニネベの都は滅びる。」

Orowa no Ninebe kotan un utara Kamui eishokoro; orowa, poro guru wano pon guru pakno obitta shomo ibe gusu aipawetenge wa bai ani akara mipihi mi nisa ruwe ne.

Orowano Ninebe kotan un utar Kamuy eysokor; orowa, poro kur wano pon kur pakno opitta somo ipe kusu a=ypawetenke wa pay ani a=kar mipihi mi nisa ruwe ne.

すると、ニネベの人々は神を信じ、断食を呼びかけ、身分の高い者も低い者も身に粗布をまとった。

Orowa, tap orushpe Ninebe kotan esapane guru otta kotuk, awa, shinuma anak ne am-set ka wa ash wa koro mipi ande wa hai ani akara mipihi yaimire, orowa no uina otta a nisa ruwe ne.

Orowa, tap oruspe Ninebe kotan esapane kur or ta kotuk, awa, sinuma anakne am-set ka wa as wa kor mipi ante wa hay ani a=kar mipihi yaymire, orowano uyna or ta a nisa ruwe ne.

このことがニネベの王に伝えられると、王は王座から立ち上がって王衣を脱ぎ捨て、粗布をまとって灰の上に座し、

Orowa, pase utara hemhem esapane guru hemhem utura ipawetenge ki wa Ninebe kotan otta asuru ashte wa ene itak-hi:— Ainu hemhem chikoikip hemhem chikoikip topaha hemhem iteki nep ne yakka sapke, nep ne yakka iteki ibe iteki iku anro:

Orowa, pase utar hemhem esapane kur hemhem utura ipawetenke ki wa Ninebe kotan or ta asuru aste wa ene itak hi:— Aynu hemhem cikoykip hemhem cikoykip topaha hemhem iteki nep ne yakka sapke, nep ne yakka iteki ipe iteki iku an ro:

王と大臣たちの名によって布告を出し、ニネベに断食を命じた。「人も家畜も、牛、羊に至るまで、何一つ食物を口にしてはならない。食べることも、水を飲むことも禁ずる。

koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro.

korka, aynu hene cikoykip hene hay ani a=kar mipihi a=mire wa yupke no Kamuy or ta ko-hotuyepa an ro: nen ne yakka kor wenpuri newa tekehe or ta okay wen monihi wano kiru an ro.

人も家畜も粗布をまとい、ひたすら神に祈願せよ。おのおの悪の道を離れ、その手から不法を捨てよ。

Chi okai utara iteki aisamka kuni ne Kamui keutum kiru wa koro niwen irushka-i orowa no ekohopi ya shomo ya eramu an guru nen ne ruwe ta an? sekoro itak.

Ci okay utar iteki a=ysamka kuni ne Kamuy kewtum kiru wa kor niwen iruska hi oro wano ekohopi ya somo ya eramuan kur nen ne ruwe ta an? sekor itak.

そうすれば神が思い直されて激しい怒りを静め、我々は滅びを免れるかもしれない。」

Orowa no Kamui nei utara koro wenburi orowa no kiru wa okai sekoro shiriki-i nukara: Orowa no Kamui nei utara otta ki kusu ne kushki keutum kiru wa shomo nei no ki nisa ruwe ne na.

Orowano Kamuy ne utar kor wenpuri oro wano kiru wa okay sekor siriki hi nukar: Orowano Kamuy ne utar or ta ki kusu ne kuski kewtum kiru wa somo néno ki nisa ruwe ne na.

神は彼らの業、彼らが悪の道を離れたことを御覧になり、思い直され、宣告した災いをくだすのをやめられた。