1 Ik.

Amittai poho Yona otta Yehoba itak ek wa ene itak-hi:—

amittay poho Yona or ta Yehoba itak ek wa ene itak hi:—

主の言葉がアミタイの子ヨナに臨んだ。

E hopuni wa Ninebe machiya otta e oman wa nei machiya ko-hawe ashte; inambe gusu ne yakun shinuma utara wen-i anak ne En kotchaketa rikin ruwe ne, sekoro Yehoba itak.

E hopuni wa Ninebe maciya or ta e oman wa ne maciya ko-hawe aste; inanpe kusu ne yakun sinuma utar wen hi anakne En=kotcake ta rikin ruwe ne, sekor Yehoba itak.

「さあ、大いなる都ニネベに行ってこれに呼びかけよ。彼らの悪はわたしの前に届いている。」

Koraka, Yona anak ne Yehoba shik sama orowa no Tarshish kotan orun ko-kira kuni ne hopuni nisa ruwe ne; awa, Yoppa kotan orun san wa Tarshish kotan orun paye shine chip nukara: tambe-gusu chip o ataye sange wa, Yehoba shik sama orowa no Tarshish kotan orun nei utara tura no oman wa ko-kira kuni ne chip orun ahun ruwe ne.

Korka, Yona anakne Yehoba sik sama oro wano Tarsis kotan orun ko-kira kuni ne hopuni nisa ruwe ne; awa, Yoppa kotan orun san wa Tarsis kotan orun paye sine cip nukar: tanpe-kusu cip o ataye sanke wa, Yehoba sik sama oro wano Tarsis kotan orun ne utar turano oman wa ko-kira kuni ne cip orun ahun ruwe ne.

しかしヨナは主から逃れようとして出発し、タルシシュに向かった。ヤッファに下ると、折よくタルシシュ行きの船が見つかったので、船賃を払って乗り込み、人々に紛れ込んで主から逃れようと、タルシシュに向かった。

Koroka, Yehoba anak ne atui otta poro rera eyapkiri, orowa, atui kata yupke ruyambe shiriwen gusu, chip awende noine shiriki ruwe ne.

Korka, Yehoba anakne atuy or ta poro rera eyapkir, orowa, atuy kata yupke ruyanpe sirwen kusu, cip awente noyne siriki ruwe ne.

主は大風を海に向かって放たれたので、海は大荒れとなり、船は今にも砕けんばかりとなった。

Aige, chip o utara ishitoma wa shinen range koro Kamui ko-hotuye-pakara ruwe ne; orowa no chip koshnere kuni oshiketa okai shikehe atui orun osura nisa ruwe ne. Koroka Yona anak ne chip iyotta rauta an ushiketa ran wa mokon-noye nisa ruwe ne.

Ayke, cip o utar isitoma wa sinen ranke kor Kamuy ko-hotuye-pakar ruwe ne; orowano cip kosnere kuni oske ta okay sikehe atuy orun osura nisa ruwe ne. Korka Yona anakne cip iyotta raw ta an uske ta ran wa mokon-noye nisa ruwe ne.

船乗りたちは恐怖に陥り、それぞれ自分の神に助けを求めて叫びをあげ、積み荷を海に投げ捨て、船を少しでも軽くしようとした。しかし、ヨナは船底に降りて横になり、ぐっすりと寝込んでいた。

Tambe gusu, chip esapane guru Yona otta ek wa ene itak-hi:— Mokon-nuye guru nekon a e ki ya? Hopuni wa e koro Kamui ko-hotuyepa yan, yak anak ne Kamui chi utara shomo aisamka kuni un esanniyo kuni ka aramu.

Tanpe kusu, cip esapane kur Yona or ta ek wa ene itak hi:— Mokon-nuye kur nekona e ki ya? Hopuni wa e=kor Kamuy ko-hotuyepa yan, yakanak ne Kamuy ci utar somo a=ysamka kuni un esanniyo kuni ka a=ramu.

船長はヨナのところに来て言った。「寝ているとは何事か。さあ、起きてあなたの神を呼べ。神が気づいて助けてくれるかもしれない。」

Orowa, utashpa utashpa ene hawe okai-hi:— Hetak, inan guru rengap gusu tap wen-i un otta ek ya nukara kuni ukokochi kara anro, sekoro itak. Tambe gusu ukokochi kara, a wa, Yona otta epeka nisa ruwe ne.

Orowa, utaspa utaspa ene hawe okay hi:— Hetak, inan kur renkap kusu tap wen hi un or ta ek ya nukar kuni ukokoci kar an ro, sekor itak. Tanpe kusu ukokoci kar, a wa, Yona or ta epeka nisa ruwe ne.

さて、人々は互いに言った。「さあ、くじを引こう。誰のせいで、我々にこの災難がふりかかったのか、はっきりさせよう。」そこで、くじを引くとヨナに当たった。

Tambe gusu, nei utara Yona otta ene itak-hi;— Nen rengap gusu tap wen-i un otta ek ya? Eani nep kara guru e ne ya? Newa e ek ya? E moshiri nep moshiri ne ya? E utarihi anak ne nen ne ruwe? un nure, sekoro itak.

Tanpe kusu, ne utar Yona or ta ene itak hi;— Nen renkap kusu tap wen hi un or ta ek ya? Eani nep kar kur e ne ya? Newa e ek ya? E mosir nep mosir ne ya? E utarihi anakne nen ne ruwe? un nure, sekor itak.

人々は彼に詰め寄って、「さあ、話してくれ。この災難が我々にふりかかったのは、誰のせいか。あなたは何の仕事で行くのか。どこから来たのか。国はどこで、どの民族の出身なのか」と言った。

Orowa, nei utara otta Yona ene itak-hi:— Kuani anak ne Heber un guru ku ne ruwe ne; orowa, toitoi hemhem atui hemhem kara kando otta an Kamui Yehoba ku shitoma guru ku ne ruwe ne.

Orowa, ne utar or ta Yona ene itak hi:— Kuani anakne Heper un kur ku ne ruwe ne; orowa, toytoy hemhem atuy hemhem kar kanto or ta an Kamuy Yehoba ku=sitoma kur ku ne ruwe ne.

ヨナは彼らに言った。「わたしはヘブライ人だ。海と陸とを創造された天の神、主を畏れる者だ。」

Tambe gusu chip o utara shi no ishitoma wa orota ene itak-hi:— Tap eani shiriki-i anak ne nep ta an? sekoro itak. Yona orowa no nu okere gusu, Yehoba shik samata orowa no kira korʼan sekoro eramu an gusu ne ruwe ne.

Tanpe kusu cip o utar sino isitoma wa oro ta ene itak hi:— Tap eani siriki hi anakne nep ta an? sekor itak. Yona oro wano nu okere kusu, Yehoba sik sama ta oro wano kira kor an sekor eramuan kusu ne ruwe ne.

人々は非常に恐れ、ヨナに言った。「なんという事をしたのだ。」人々はヨナが、主の前から逃げて来たことを知った。彼が白状したからである。

Awa, Yona orota ene itak-hi:— Un otta atui neto an kuni ne eani otta nekon a chi ki ko pirika ya? sekoro itak; inambe gusu ne yakun, atui anak ne kasu no kasu no yupke ne ruwe ne gusu ne na.

Awa, Yona oro ta ene itak hi:— Un or ta atuy neto an kuni ne eani or ta nekona ci ki ko pirka ya? sekor itak; inanpe kusu ne yakun, atuy anakne kasuno kasuno yupke ne ruwe ne kusu ne na.

彼らはヨナに言った。「あなたをどうしたら、海が静まるのだろうか。」海は荒れる一方だった。

Orota Yona ene itak-hi:— En uk wa atui otta en eyapkiri, yakun, echi otta atui neto an kusu ne; inambe gusu ne yakun, ku rengap gusu tan yupke shiriwen-i echi otta hetuku nisa ruwe ne kuni ku eramu un ruwe ne, sekoro itak.

Oro ta Yona ene itak hi:— En=uk wa atuy or ta en=eyapkir, yakun, eci or ta atuy neto an kusu ne; inanpe kusu ne yakun, ku=renkap kusu tan yupke sirwen hi eci or ta hetuku nisa ruwe ne kuni ku=eramu un ruwe ne, sekor itak.

ヨナは彼らに言った。「わたしの手足を捕らえて海にほうり込むがよい。そうすれば、海は穏やかになる。わたしのせいで、この大嵐があなたたちを見舞ったことは、わたしが知っている。」

Yakka, chip o utara heashi yan kuni ne yuptek no chip o nisa ruwe ne a koroka, nei utara epeka no ruyambe naa kusu no naa kusu no rui wa gusu yan eaikap ruwe ne.

Yakka, cip o utar heasi yan kuni ne yuptek no cip o nisa ruwe ne a korka, ne utar epeka no ruyanpe naa kusu no naa kusu no ruy wa kusu yan eaykap ruwe ne.

乗組員は船を漕いで陸に戻そうとしたが、できなかった。海がますます荒れて、襲いかかってきたからである。

Tambe gusu nei utara Yehoba ko-hotuyepa wa ene itak-hi:— Nekon ka newa Yehoba, nekon ka newa, tan guru ramat rengap gusu iteki un isamka wa un kore, turu sak kem iteki un kashiketa seire wa un kore, inambe gusu ne yakun, Yehoba, Aokai yaikota rengaine E kip ne ruwe ne, sekoro itak.

Tanpe kusu ne utar Yehoba ko-hotuyepa wa ene itak hi:— Nekon ka newa Yehoba, nekon ka newa, tan kur ramat renkap kusu iteki un isamka wa un kore, tur sak kem iteki un kasike ta sere wa un kore, inanpe kusu ne yakun, Yehoba, Aokay yaykota renkayne E kip ne ruwe ne, sekor itak.

ついに、彼らは主に向かって叫んだ。「ああ、主よ、この男の命のゆえに、滅ぼさないでください。無実の者を殺したといって責めないでください。主よ、すべてはあなたの御心のままなのですから。」

Orowa, nei utara Yona kishima wa atui oshiketa eyapkiri, orowa, atui anak ne koro ruyambe more nisa ruwe ne.

Orowa, ne utar Yona kisma wa atuy oske ta eyapkir, orowa, atuy anakne kor ruyanpe more nisa ruwe ne.

彼らがヨナの手足を捕らえて海へほうり込むと、荒れ狂っていた海は静まった。

Awa, chip o utara anak ne shi no Yehoba ishitoma wa, Yehoba otta yangep yange, orowa, Kamui otta ekambakte nisa ruwe ne. Orowa, Yona ruki kuni ne Yehoba poro chep etokooiki; awa, Yona anak ne tokap to rere ko kunne to rere ko uturuta chep honihi oshiketa an ruwe ne.

Awa, cip o utar anakne sino Yehoba isitoma wa, Yehoba or ta yankep yanke, orowa, Kamuy or ta ekanpakte nisa ruwe ne. Orowa, Yona ruki kuni ne Yehoba poro cep etokooyki; awa, Yona anakne tokap to rere ko kunne to rere ko utur ta cep honihi oske ta an ruwe ne.

人々は大いに主を畏れ、いけにえをささげ、誓いを立てた。