Amittai poho Yona otta Yehoba itak ek wa ene itak-hi:—

amittay poho Yona or ta Yehoba itak ek wa ene itak hi:—

Now the word of the LORD came unto Jonah the son of Amittai, saying,

E hopuni wa Ninebe machiya otta e oman wa nei machiya ko-hawe ashte; inambe gusu ne yakun shinuma utara wen-i anak ne En kotchaketa rikin ruwe ne, sekoro Yehoba itak.

E hopuni wa Ninebe maciya or ta e oman wa ne maciya ko-hawe aste; inanpe kusu ne yakun sinuma utar wen hi anakne En=kotcake ta rikin ruwe ne, sekor Yehoba itak.

Arise, go to Nineveh, that great city, and cry against it; for their wickedness is come up before me.

Koraka, Yona anak ne Yehoba shik sama orowa no Tarshish kotan orun ko-kira kuni ne hopuni nisa ruwe ne; awa, Yoppa kotan orun san wa Tarshish kotan orun paye shine chip nukara: tambe-gusu chip o ataye sange wa, Yehoba shik sama orowa no Tarshish kotan orun nei utara tura no oman wa ko-kira kuni ne chip orun ahun ruwe ne.

Korka, Yona anakne Yehoba sik sama oro wano Tarsis kotan orun ko-kira kuni ne hopuni nisa ruwe ne; awa, Yoppa kotan orun san wa Tarsis kotan orun paye sine cip nukar: tanpe-kusu cip o ataye sanke wa, Yehoba sik sama oro wano Tarsis kotan orun ne utar turano oman wa ko-kira kuni ne cip orun ahun ruwe ne.

But Jonah rose up to flee unto Tarshish from the presence of the LORD; and he went down to Joppa, and found a ship going to Tarshish: so he paid the fare thereof, and went down into it, to go with them unto Tarshish from the presence of the LORD.

Koroka, Yehoba anak ne atui otta poro rera eyapkiri, orowa, atui kata yupke ruyambe shiriwen gusu, chip awende noine shiriki ruwe ne.

Korka, Yehoba anakne atuy or ta poro rera eyapkir, orowa, atuy kata yupke ruyanpe sirwen kusu, cip awente noyne siriki ruwe ne.

But the LORD sent out a great wind into the sea, and there was a mighty tempest in the sea, so that the ship was like to be broken.

Aige, chip o utara ishitoma wa shinen range koro Kamui ko-hotuye-pakara ruwe ne; orowa no chip koshnere kuni oshiketa okai shikehe atui orun osura nisa ruwe ne. Koroka Yona anak ne chip iyotta rauta an ushiketa ran wa mokon-noye nisa ruwe ne.

Ayke, cip o utar isitoma wa sinen ranke kor Kamuy ko-hotuye-pakar ruwe ne; orowano cip kosnere kuni oske ta okay sikehe atuy orun osura nisa ruwe ne. Korka Yona anakne cip iyotta raw ta an uske ta ran wa mokon-noye nisa ruwe ne.

Then the mariners were afraid, and cried every man unto his god; and they cast forth the wares that were in the ship into the sea, to lighten it unto them. But Jonah was gone down into the innermost parts of the ship; and he lay, and was fast asleep.

Tambe gusu, chip esapane guru Yona otta ek wa ene itak-hi:— Mokon-nuye guru nekon a e ki ya? Hopuni wa e koro Kamui ko-hotuyepa yan, yak anak ne Kamui chi utara shomo aisamka kuni un esanniyo kuni ka aramu.

Tanpe kusu, cip esapane kur Yona or ta ek wa ene itak hi:— Mokon-nuye kur nekona e ki ya? Hopuni wa e=kor Kamuy ko-hotuyepa yan, yakanak ne Kamuy ci utar somo a=ysamka kuni un esanniyo kuni ka a=ramu.

So the shipmaster came to him, and said unto him, What meanest thou, O sleeper? arise, call upon thy God, if so be that God will think upon us, that we perish not.

Orowa, utashpa utashpa ene hawe okai-hi:— Hetak, inan guru rengap gusu tap wen-i un otta ek ya nukara kuni ukokochi kara anro, sekoro itak. Tambe gusu ukokochi kara, a wa, Yona otta epeka nisa ruwe ne.

Orowa, utaspa utaspa ene hawe okay hi:— Hetak, inan kur renkap kusu tap wen hi un or ta ek ya nukar kuni ukokoci kar an ro, sekor itak. Tanpe kusu ukokoci kar, a wa, Yona or ta epeka nisa ruwe ne.

And they said every one to his fellow, Come, and let us cast lots, that we may know for whose cause this evil is upon us. So they cast lots, and the lot fell upon Jonah.

Tambe gusu, nei utara Yona otta ene itak-hi;— Nen rengap gusu tap wen-i un otta ek ya? Eani nep kara guru e ne ya? Newa e ek ya? E moshiri nep moshiri ne ya? E utarihi anak ne nen ne ruwe? un nure, sekoro itak.

Tanpe kusu, ne utar Yona or ta ene itak hi;— Nen renkap kusu tap wen hi un or ta ek ya? Eani nep kar kur e ne ya? Newa e ek ya? E mosir nep mosir ne ya? E utarihi anakne nen ne ruwe? un nure, sekor itak.

Then said they unto him, Tell us, we pray thee, for whose cause this evil is upon us; what is thine occupation? and whence comest thou? what is thy country? and of what people art thou?

Orowa, nei utara otta Yona ene itak-hi:— Kuani anak ne Heber un guru ku ne ruwe ne; orowa, toitoi hemhem atui hemhem kara kando otta an Kamui Yehoba ku shitoma guru ku ne ruwe ne.

Orowa, ne utar or ta Yona ene itak hi:— Kuani anakne Heper un kur ku ne ruwe ne; orowa, toytoy hemhem atuy hemhem kar kanto or ta an Kamuy Yehoba ku=sitoma kur ku ne ruwe ne.

And he said unto them, I am an Hebrew; and I fear the LORD, the God of heaven, which hath made the sea and the dry land.

Tambe gusu chip o utara shi no ishitoma wa orota ene itak-hi:— Tap eani shiriki-i anak ne nep ta an? sekoro itak. Yona orowa no nu okere gusu, Yehoba shik samata orowa no kira korʼan sekoro eramu an gusu ne ruwe ne.

Tanpe kusu cip o utar sino isitoma wa oro ta ene itak hi:— Tap eani siriki hi anakne nep ta an? sekor itak. Yona oro wano nu okere kusu, Yehoba sik sama ta oro wano kira kor an sekor eramuan kusu ne ruwe ne.

Then were the men exceedingly afraid, and said unto him, What is this that thou hast done? For the men knew that he fled from the presence of the LORD, because he had told them.

Awa, Yona orota ene itak-hi:— Un otta atui neto an kuni ne eani otta nekon a chi ki ko pirika ya? sekoro itak; inambe gusu ne yakun, atui anak ne kasu no kasu no yupke ne ruwe ne gusu ne na.

Awa, Yona oro ta ene itak hi:— Un or ta atuy neto an kuni ne eani or ta nekona ci ki ko pirka ya? sekor itak; inanpe kusu ne yakun, atuy anakne kasuno kasuno yupke ne ruwe ne kusu ne na.

Then said they unto him, What shall we do unto thee, that the sea may be calm unto us? for the sea grew more and more tempestuous.

Orota Yona ene itak-hi:— En uk wa atui otta en eyapkiri, yakun, echi otta atui neto an kusu ne; inambe gusu ne yakun, ku rengap gusu tan yupke shiriwen-i echi otta hetuku nisa ruwe ne kuni ku eramu un ruwe ne, sekoro itak.

Oro ta Yona ene itak hi:— En=uk wa atuy or ta en=eyapkir, yakun, eci or ta atuy neto an kusu ne; inanpe kusu ne yakun, ku=renkap kusu tan yupke sirwen hi eci or ta hetuku nisa ruwe ne kuni ku=eramu un ruwe ne, sekor itak.

And he said unto them, Take me up, and cast me forth into the sea; so shall the sea be calm unto you: for I know that for my sake this great tempest is upon you.

Yakka, chip o utara heashi yan kuni ne yuptek no chip o nisa ruwe ne a koroka, nei utara epeka no ruyambe naa kusu no naa kusu no rui wa gusu yan eaikap ruwe ne.

Yakka, cip o utar heasi yan kuni ne yuptek no cip o nisa ruwe ne a korka, ne utar epeka no ruyanpe naa kusu no naa kusu no ruy wa kusu yan eaykap ruwe ne.

Nevertheless the men rowed hard to get them back to the land; but they could not: for the sea grew more and more tempestuous against them.

Tambe gusu nei utara Yehoba ko-hotuyepa wa ene itak-hi:— Nekon ka newa Yehoba, nekon ka newa, tan guru ramat rengap gusu iteki un isamka wa un kore, turu sak kem iteki un kashiketa seire wa un kore, inambe gusu ne yakun, Yehoba, Aokai yaikota rengaine E kip ne ruwe ne, sekoro itak.

Tanpe kusu ne utar Yehoba ko-hotuyepa wa ene itak hi:— Nekon ka newa Yehoba, nekon ka newa, tan kur ramat renkap kusu iteki un isamka wa un kore, tur sak kem iteki un kasike ta sere wa un kore, inanpe kusu ne yakun, Yehoba, Aokay yaykota renkayne E kip ne ruwe ne, sekor itak.

Wherefore they cried unto the LORD, and said, We beseech thee, O LORD, we beseech thee, let us not perish for this man’s life, and lay not upon us innocent blood: for thou, O LORD, hast done as it pleased thee.

Orowa, nei utara Yona kishima wa atui oshiketa eyapkiri, orowa, atui anak ne koro ruyambe more nisa ruwe ne.

Orowa, ne utar Yona kisma wa atuy oske ta eyapkir, orowa, atuy anakne kor ruyanpe more nisa ruwe ne.

So they took up Jonah, and cast him forth into the sea: and the sea ceased from her raging.

Awa, chip o utara anak ne shi no Yehoba ishitoma wa, Yehoba otta yangep yange, orowa, Kamui otta ekambakte nisa ruwe ne. Orowa, Yona ruki kuni ne Yehoba poro chep etokooiki; awa, Yona anak ne tokap to rere ko kunne to rere ko uturuta chep honihi oshiketa an ruwe ne.

Awa, cip o utar anakne sino Yehoba isitoma wa, Yehoba or ta yankep yanke, orowa, Kamuy or ta ekanpakte nisa ruwe ne. Orowa, Yona ruki kuni ne Yehoba poro cep etokooyki; awa, Yona anakne tokap to rere ko kunne to rere ko utur ta cep honihi oske ta an ruwe ne.

Then the men feared the LORD exceedingly; and they offered a sacrifice unto the LORD, and made vows.

Orowa, chep honihi orowa no Yona anak ne koro Kamui Yehoba otta inonno-itak wa ene ye-hi:—

Orowa, cep honihi oro wano Yona anakne kor Kamuy Yehoba or ta inonno-itak wa ene ye hi:—

Then Jonah prayed unto the LORD his God out of the fish’s belly.

Ku ramshitne gusu Yehoba otta ku hotuyepa nisa ruwe ne, Orowa Shinuma en nu ruwe ne; Sheo honihi wana ku hotuyepa wa, Aokai ku hawe E nu nisa ruwe ne na.

Ku ramsitne kusu Yehoba or ta ku hotuyepa nisa ruwe ne, Orowa Sinuma en=nu ruwe ne; Seo honihi wan ku hotuyepa wa, Aokay ku hawe E nu nisa ruwe ne na.

And he said, I called by reason of mine affliction unto the LORD, and he answered me; out of the belly of hell cried I, [and ]thou heardest my voice.

Aokai anak ne ooho ushiketa en eyapkiri, atui sambe otta en eyapkiri nisa ruwe ne, Orepumbe en okari an; E koro ruyambe E koro riri en kashiketa oman nisa ruwe ne.

Aokay anakne ooho uske ta en=eyapkir, atuy sanpe or ta en=eyapkir nisa ruwe ne, Orepunpe en=okari an; E=kor ruyanpe E=kor rir en=kasike ta oman nisa ruwe ne.

For thou didst cast me into the depth, in the heart of the seas, and the flood was round about me; all thy waves and thy billows passed over me.

Orowa, kuani ene ku ye-hi:— E shik kotchake wano a-en-emaka na; Yakka, E koro ashkanne chisei orun shui ku ingara kusu ne.

Orowa, kuani ene ku=ye hi:— E sik kotcake wano a-en-emaka na; Yakka, E=kor askanne cise orun suy ku=inkar kusu ne.

And I said, am cast out from before thine eyes; yet I will look again toward thy holy temple.

Wakka en okari, ku ramat pakno en okari nisa ruwe ne; Ooho anak ne en okari an; Mun anak ku sapa chikokarakari an.

Wakka en=okari, ku=ramat pakno en=okari nisa ruwe ne; Ooho anakne en=okari an; Mun anak ku=sapa ci=kokarkari an.

The waters compassed me about, even to the soul; the deep was round about me; the weeds were wrapped about my head.

Nupuri asama pakno ku ran ruwe ne; Moshiri anak ne hembara pakno ne yakka koro sakiri ani en okari ruwe ne na: Yakka, ku goro Kamui Yehoba, munin ushike wano Aokai ku ramat rikinde nisa ruwe ne.

Nupuri asama pakno ku=ran ruwe ne; Mosir anakne henpara pakno ne yakka kor sakiri ani en=okari ruwe ne na: Yakka, ku=kor Kamuy Yehoba, munin usike wano Aokay ku=ramat rikinte nisa ruwe ne.

I went down to the bottoms of the mountains; the earth with her bars [closed ]upon me for ever: yet hast thou brought up my life from the pit, O LORD my God.

En oshiketa ku ramachi sambe toranne ita, Yehoba ku eshkarun ruwe ne; E koro ashkanne chisei oshike un E kotchaketa ku ki inonno-itak ahun nisa ruwe ne.

En=oske ta ku=ramaci sanpe toranne hi ta, Yehoba ku=eskarun ruwe ne; E=kor askanne cise osike un E kotcake ta ku=ki inonno-itak ahun nisa ruwe ne.

When my soul fainted within me, I remembered the LORD: and my prayer came in unto thee, into thine holy temple.

Shunge raka isambe esanniyo utara anak ne, Yaikota gusu an erampoken eshishi ruwe ne.

Sunke raka i=sanpe esanniyo utar anakne, Yaykota kusu an eranpoken esisi ruwe ne.

They that regard lying vanities forsake their own mercy.

Koroka, kuani anak ne iramye hau ani Aokai otta yangep ku yange kusu ne; Ku ekambakte-i ku yange kusu ne, Kashiobiuki-i anak ne Yehoba orowa no ekbe ne ruwe ne.

Korka, kuani anakne iramye haw ani Aokay or ta yankep ku=yanke kusu ne; Ku ekanpakte hi ku=yanke kusu ne, Kasiopiwki hi anakne Yehoba oro wano ek pe ne ruwe ne.

But I will sacrifice unto thee with the voice of thanksgiving; I will pay that which I have vowed. Salvation is of the LORD.

Orowa no Yehoba chep otta ye wa, chep yata Yona eatu nisa ruwe ne na.

Orowano Yehoba cep or ta ye wa, cep ya ta Yona eatu nisa ruwe ne na.

And the LORD spake unto the fish, and it vomited out Jonah upon the dry land.

Orowa, kanna shui Yehoba itak Yona otta ek wa ene hawe okai-hi:—

Orowa, kanna suy Yehoba itak Yona or ta ek wa ene hawe okay hi:—

And the word of the LORD came unto Jonah the second time, saying,

E hopuni wa Ninebe kotan orota nei a poro machiya orota e oman wa ko-hawe ashte Ku e nure ash itak ani upaskuma ki yan, sekoro itak.

E hopuni wa Ninebe kotan oro ta ne a poro maciya oro ta e oman wa ko-hawe aste Ku=e nure as itak ani upaskuma ki yan, sekor itak.

Arise, go unto Nineveh, that great city, and preach unto it the preaching that I bid thee.

Tambe gusu Yona hopuni wa Yehoba ye korachi Ninebe kotan orota oman nisa ruwe ne. Ninebe kotan anak ne shi no poro machiya ne, rere ko paye pakno poro ruwe ne.

Tanpe kusu Yona hopuni wa Yehoba ye koraci Ninebe kotan oro ta oman nisa ruwe ne. Ninebe kotan anakne sino poro maciya ne, rere ko paye pakno poro ruwe ne.

So Jonah arose, and went unto Nineveh, according to the word of the LORD. Now Nineveh was an exceeding great city, of three days’ journey.

Orowa Yona machiya otta ahun heashiri wa shine to paye, aige, hawe ashte wa ene itak-hi:— Naa tu hotne rere ko an ko anak ne Ninebe kotan akiru kusu ne, sekoro itak.

Orowa Yona maciya or ta ahun heasiri wa sine to paye, ayke, hawe aste wa ene itak hi:— Naa tu hotne rere ko an ko anakne Ninebe kotan a=kiru kusu ne, sekor itak.

And Jonah began to enter into the city a day’s journey, and he cried, and said, Yet forty days, and Nineveh shall be overthrown.

Orowa no Ninebe kotan un utara Kamui eishokoro; orowa, poro guru wano pon guru pakno obitta shomo ibe gusu aipawetenge wa bai ani akara mipihi mi nisa ruwe ne.

Orowano Ninebe kotan un utar Kamuy eysokor; orowa, poro kur wano pon kur pakno opitta somo ipe kusu a=ypawetenke wa pay ani a=kar mipihi mi nisa ruwe ne.

And the people of Nineveh believed God; and they proclaimed a fast, and put on sackcloth, from the greatest of them even to the least of them.

Orowa, tap orushpe Ninebe kotan esapane guru otta kotuk, awa, shinuma anak ne am-set ka wa ash wa koro mipi ande wa hai ani akara mipihi yaimire, orowa no uina otta a nisa ruwe ne.

Orowa, tap oruspe Ninebe kotan esapane kur or ta kotuk, awa, sinuma anakne am-set ka wa as wa kor mipi ante wa hay ani a=kar mipihi yaymire, orowano uyna or ta a nisa ruwe ne.

And the tidings reached the king of Nineveh, and he arose from his throne, and laid his robe from him, and covered him with sackcloth, and sat in ashes.

Orowa, pase utara hemhem esapane guru hemhem utura ipawetenge ki wa Ninebe kotan otta asuru ashte wa ene itak-hi:— Ainu hemhem chikoikip hemhem chikoikip topaha hemhem iteki nep ne yakka sapke, nep ne yakka iteki ibe iteki iku anro:

Orowa, pase utar hemhem esapane kur hemhem utura ipawetenke ki wa Ninebe kotan or ta asuru aste wa ene itak hi:— Aynu hemhem cikoykip hemhem cikoykip topaha hemhem iteki nep ne yakka sapke, nep ne yakka iteki ipe iteki iku an ro:

And he made proclamation and published through Nineveh by the decree of the king and his nobles, saying, Let neither man nor beast, herd nor flock, taste any thing: let them not feed, nor drink water:

koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro.

korka, aynu hene cikoykip hene hay ani a=kar mipihi a=mire wa yupke no Kamuy or ta ko-hotuyepa an ro: nen ne yakka kor wenpuri newa tekehe or ta okay wen monihi wano kiru an ro.

but let them be covered with sackcloth, both man and beast, and let them cry mightily unto God: yea, let them turn every one from his evil way, and from the violence that is in their hands.

Chi okai utara iteki aisamka kuni ne Kamui keutum kiru wa koro niwen irushka-i orowa no ekohopi ya shomo ya eramu an guru nen ne ruwe ta an? sekoro itak.

Ci okay utar iteki a=ysamka kuni ne Kamuy kewtum kiru wa kor niwen iruska hi oro wano ekohopi ya somo ya eramuan kur nen ne ruwe ta an? sekor itak.

Who knoweth whether God will not turn and repent, and turn away from his fierce anger, that we perish not?

Orowa no Kamui nei utara koro wenburi orowa no kiru wa okai sekoro shiriki-i nukara: Orowa no Kamui nei utara otta ki kusu ne kushki keutum kiru wa shomo nei no ki nisa ruwe ne na.

Orowano Kamuy ne utar kor wenpuri oro wano kiru wa okay sekor siriki hi nukar: Orowano Kamuy ne utar or ta ki kusu ne kuski kewtum kiru wa somo néno ki nisa ruwe ne na.

And God saw their works, that they turned from their evil way; and God repented of the evil, which he said he would do unto them; and he did it not.

Koroka, tambe anak ne shi no Yona eramu-echiure wa irushkare nisa ruwe ne.

Korka, tanpe anakne sino Yona eramu-eci=wr wa iruskare nisa ruwe ne.

But it displeased Jonah exceedingly, and he was angry.

Orowa, shinuma Yehoba otta inonno-itak wa ene itak-hi:— Aa Yehoba, kuani ku kotan ku an ita, tap korachi an kusu ne ku ye shomoki ya? Tambe gusu Aokai anak ne ramu-hauge Kamui ne, erampoken ani eshik wa irushka moire, erampoki-wen-nu wa panakte-i wano kiru Kamui E ne ruwe ne, sekoro ku eramu an gusu kuani Tarshish kotan otta ku ko-kira kuni ku tunash nisa ruwe ne na.

Orowa, sinuma Yehoba or ta inonno-itak wa ene itak hi:— Aa Yehoba, kuani ku=kotan ku=an hi ta, tap koraci an kusu ne ku=ye somo ki ya? Tanpe kusu Aokay anakne ramu-hawke Kamuy ne, eranpoken ani esik wa iruska moyre, eranpoki-wen-nu wa panakte hi wano kiru Kamuy E ne ruwe ne, sekor ku=eramu an kusu kuani Tarsis kotan or ta ku=ko-kira kuni ku=tunas nisa ruwe ne na.

And he prayed unto the LORD, and said, I pray thee, O LORD, was not this my saying, when I was yet in my country? Therefore I hasted to flee unto Tarshish: for I knew that thou art a gracious God, and full of compassion, slow to anger, and plenteous in mercy, and repentest thee of the evil.

Tambe gusu, Yehoba, tane, nekon ka newa, en raige wa en kore, ku shiknu wa an kasu no rai-i anak ku epirika ruwe ne gusu ne, sekoro itak.

Tanpe kusu, Yehoba, tane, nekon ka newa, en=rayke wa en=kore, ku=siknu wa an kasuno ray hi anak ku=e=pirka ruwe ne kusu ne, sekor itak.

Therefore now, O LORD, take, I beseech thee, my life from me; for it is better for me to die than to live.

Tambe gusu, Yehoba ene itak-hi:— E irushka katu pirika ya? sekoro itak.

Tanpe kusu, Yehoba ene itak hi:— E iruska katu pirka ya? sekor itak.

And the LORD said, Doest thou well to be angry?

Orowa, Yona anak machiya orowa no soine wa machiya-pa ta a ruwe ne, orowa, kash kara wa tan machiya nekon a ane ya nukara kuni kash sempiriketa a nisa ruwe ne.

Orowa, Yona anak maciya oro wano soyne wa maciya-pa ta a ruwe ne, orowa, kas kar wa tan maciya nekona an ya nukar kuni kas senpirke ta a nisa ruwe ne.

Then Jonah went out of the city, and sat on the east side of the city, and there made him a booth, and sat under it in the shadow, till he might see what would become of the city.

Orowa Yehoba Kamui anak ne shine fukube-ni etokooiki wa sapa shukus kara shomoki kuni ne Yona kashiketa kashikamure ruwe ne.

Orowa Yehoba Kamuy anakne sine hukupe-ni etokooyki wa sapa sukus kar somo ki kuni ne Yona kasike ta kasi kamure ruwe ne.

And the LORD God prepared a gourd, and made it to come up over Jonah, that it might be a shadow over his head, to deliver him from his evil case. So Jonah was exceeding glad because of the gourd.

Tambe gusu fukube-ni an gusu Yona shi no nupetne ruwe ne. Koroka, nishatta ek ko Kamui shine tonin kara wa nei a tonin fukube-ni e, tambe gusu shumumge nisa ruwe ne.

Tanpe kusu hukupe-ni an kusu Yona sino nupetne ruwe ne. Korka, nisatta ek ko Kamuy sine tonin kar wa ne a tonin hukupe-ni e, tanpe kusu sumumke nisa ruwe ne.

But God prepared a worm when the morning rose the next day, and it smote the gourd, that it withered.

Orowa, chup hetuku orowa no Kamui popke moshiri-pa wano ek rera etokooiki ruwe ne: awa, chup shukus Yona sapaha epeka, shinuma sambe toranne gusu, rai kuni koramkoro wa ene itak-hi:— Ku shiknu wa an kasu no ku rai-i anak ku pirika ruwe ne sekoro itak.

Orowa, cup hetuku oro wano Kamuy popke mosir-pa wano ek rera etokooyki ruwe ne: awa, cup sukus Yona sapaha epeka, sinuma sanpe toranne kusu, ray kuni koramkor wa ene itak hi:— Ku=siknu wa an kasuno ku=ray hi anak ku=pirka ruwe ne sekor itak.

And it came to pass, when the sun arose, that God prepared a sultry east wind; and the sun beat upon the head of Jonah, that he fainted, and requested for himself that he might die, and said, It is better for me to die than to live.

Orowa Yona otta Kamui ene itak-hi:— Fukube-ni gusu e irushka ko anak ne pirika ya? sekoro itak. Ku rai pakno ku irushka yak pirika na, shinuma, ye nisa ruwe ne.

Orowa Yona or ta Kamuy ene itak hi:— Fukube-ni kusu e iruska ko anakne pirka ya? sekor itak. Ku=ray pakno ku=iruska yak pirka na, sinuma, ye nisa ruwe ne.

And God said to Jonah, Doest thou well to be angry for the gourd? And he said, I do well to be angry even unto death.

Yehoba ene itak-hi:— Gusu e monraige shomoki, e hetukure shomoki shine anchikara ta hetuku shine anchikara ta shumumge fukube-ni eani erampoken ruwe ne, awa,

Yehoba ene itak hi:— Kusu e monrayke somo ki, e hetukure somo ki sine ancikar ta hetuku sine ancikar ta sumumke hukupe-ni eani eranpoken ruwe ne, awa,

And the LORD said, Thou hast had pity on the gourd; for the which thou hast not laboured, neither madest it grow; which came up in a night, and perished in a night:

shimon teke hene hariki teke hene ushinnai no are eaikap tu man ikashima wan man kasu no okai utara hemhem inne chikoikip hemhem otta okai nei poro machiya, Ninebe machiya ku erampoken shomoki ya? sekoro Yehoba itak.

simon teke hene harki teke hene usinnay no are eaykap tu man ikasma wan man kasuno okay utar hemhem inne cikoykip hemhem or ta okay ne poro maciya, Ninebe maciya ku eranpoken somo ki ya? sekor Yehoba itak.

and should not I have pity on Nineveh, that great city; wherein are more than sixscore thousand persons that cannot discern between their right hand and their left hand; and also much cattle?