Kiristo Yesu koro usshiune utara ne Pauros newa Timoteos anak ne Piripoi kotan ta okai ashkanne utara episkopos newa deakonos tura orota kambi omande na:

Kiristo Yesu kor ussiw ne utar ne Pawros ne wa Timoteos anakne Piripoi kotan ta okay askanne utar episkopos ne wa teakonos tura oro ta kampi omante na:

キリスト・イエスの僕であるパウロとテモテから、フィリピにいて、キリスト・イエスに結ばれているすべての聖なる者たち、ならびに監督たちと奉仕者たちへ。

chikoro Michi ne Kamui newa Utarapa ne Yesu Kiristo orowa no irenga newa itomo echi gusu an an na.

ci=kor Mici ne Kamuy ne wa Utarpa ne Yesu Kiristo orowano irenka ne wa i=tom eci kusu an an na.

わたしたちの父である神と主イエス・キリストからの恵みと平和が、あなたがたにあるように。

Atpake an toho wano tane pakno pirika shongo otta echi utara en tura no ko-okai gusu,

Atpake an toho wano tane pakno pirka sonko or ta eci utar en turano ko-okay kusu,

わたしは、あなたがたのことを思い起こす度に、わたしの神に感謝し、

ramma echi eshkarun wa ku goro Kamui otta yaiiraige ku ki;

ramma eci eskarun wa ku kor Kamuy or ta yayirayke ku ki;

あなたがた一同のために祈る度に、いつも喜びをもって祈っています。

orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

orowa, ramma opittano okay eci utar kusu pisno pisno an ku ki inonno-itak yaykopuntek wa ku ki na;

それは、あなたがたが最初の日から今日まで、福音にあずかっているからです。

echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

eci oske ta pirka iki p heasire Kamuy anakne Yesu-Kiristo kor toho pakno ne anpe eramusinnere kusu ne a anpe,

あなたがたの中で善い業を始められた方が、キリスト・イエスの日までに、その業を成し遂げてくださると、わたしは確信しています。

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

tanpe kusu, ku eysokon ruwe ne: opitta eci utar kusu tap koraci poka ku esanniyo anpe anakne pirka p ne, inanpe kusu ne yakun, ku kor tupep or ta hene, pirka sonko kusu kikkar wa aste anpe or ta hene, eci utar opitta en tura irenka kor utar eci ne pakno, eci kor kewtura ta en eskarun ruwe ne kusu ne na.

わたしがあなたがた一同についてこのように考えるのは、当然です。というのは、監禁されているときも、福音を弁明し立証するときも、あなたがた一同のことを、共に恵みにあずかる者と思って、心に留めているからです。

Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

Yesu Kiristo kor kewtura ta opittano okay eci utar kusu ku yaykatekar anpe Kamuy pawetesu ruwe ne.

わたしが、キリスト・イエスの愛の心で、あなたがた一同のことをどれほど思っているかは、神が証ししてくださいます。

Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

Orowa, tanpe kusu inonno-itak ku ki: eciki omap anpe anakne naa naa eramu anpe or ta hene,

わたしは、こう祈ります。知る力と見抜く力とを身に着けて、あなたがたの愛がますます豊かになり、

obitta no okai ramepakari otta hene aporore wa iyotta pirika okaibe echi esanniyo kuni ne ruwe ne;

opittano okay ramepakari or ta hene aporore wa iyotta pirka okay pe eci esanniyo kuni ne ruwe ne;

本当に重要なことを見分けられるように。そして、キリストの日に備えて、清い者、とがめられるところのない者となり、

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

sama ta, Kamuy aramye kuni an, or ta nupeki atte kuni an Yesu Kiristo kusu hetuku owpeka oma ipehe ani a=esik wa Kiristo kor toho pakno eci tur-sak wa somo ureepecciwre kuni an anpe ne ruwe ne.

イエス・キリストによって与えられる義の実をあふれるほどに受けて、神の栄光と誉れとをたたえることができるように。

Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

Tanpe, irwak utar, eci onnere kuni ku kor rusuy, en kusu hetuku oruspe anakne makankane pirka sonko assuru aste kusu an ap ne;

兄弟たち、わたしの身に起こったことが、かえって福音の前進に役立ったと知ってほしい。

Kiristo gusu ku tupep anak ne esapane guru epungine obitta no okai tumikoro utara otta hemhem, obitta no okai moshima utara otta hemhem anukarape pakno an ap ne; orowa,

Kiristo kusu ku tupep anakne esapane kur epunkine opittano okay tumikor utar or ta hemhem, opittano okay mosma utar or ta hemhem anukarape pakno an ap ne; orowa,

つまり、わたしが監禁されているのはキリストのためであると、兵営全体、その他のすべての人々に知れ渡り、

shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

suy, Utarpa kusu an irwak utar poro serke anakne ku kor tupep kusu rametokkor wa naa kiror yupu hine isitoma somo ki no Kamuy itak ye ruwe ne.

主に結ばれた兄弟たちの中で多くの者が、わたしの捕らわれているのを見て確信を得、恐れることなくますます勇敢に、御言葉を語るようになったのです。

Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

eyayramikasure ne wa upaore kusu poka Kiristo ewpaskuma ki utar okay: suy, pirka irenka an kusu ki utar ka okay:

キリストを宣べ伝えるのに、ねたみと争いの念にかられてする者もいれば、善意でする者もいます。

eatteketa okai utara anak ne kuani pirika shongo kikikara gusu aashte guru ne sekoro eraman gusu,

eatteketa okay utar anakne kuani pirka sonko kikkar kusu a=aste kur ne sekor eraman kusu,

一方は、わたしが福音を弁明するために捕らわれているのを知って、愛の動機からそうするのですが、

omap ki wa upaskuma ki ruwe ne: shui, eatteketa okai utara anak ne kuani atupetupe an-hi kashita en eramuchuptekka rusui gusu, son no keutum koro shomoki no sakayo an gusu Kiristo orushpe assuru ashte ruwe ne na.

omap ki wa upaskuma ki ruwe ne: suy, eatteketa okay utar anakne kuani atupetupe an hi kasi ta en eramucuptekka rusuy kusu, sonno kewtum kor somo ki no sakayo an kusu Kiristo oruspe assuru aste ruwe ne na.

他方は、自分の利益を求めて、獄中のわたしをいっそう苦しめようという不純な動機からキリストを告げ知らせているのです。

Yakun, nekon a an he ne ya? ouse nekon a ka, shunge ani hene ya, son no ambe ani hene ya, Kiristo anak ne assuru aashte ruwe ne; tambe gusu, ku nupetne ruwe ne, ruwe un, tambe gusu ku nupetne kusu ne.

Yakun, nekona an he ne ya? owse nekona ka, sunke ani hene ya, sonno anpe ani hene ya, Kiristo anakne assuru a=aste ruwe ne; tanpe kusu, ku nupetne ruwe ne, ruwe un, tanpe kusu ku nupetne kusu ne.

だが、それがなんであろう。口実であれ、真実であれ、とにかく、キリストが告げ知らされているのですから、わたしはそれを喜んでいます。これからも喜びます。

Inambe gusu ne yakun, tap okaibe anak ne echi koro ki koramkorobe newa Yesu Kiristo kon Ramat ikashui ambe an gusu en kashiobiuki kusu ne na,

Inanpe kusu ne yakun, tap okay pe anakne eci kor ki koramkorope ne wa Yesu Kiristo kon Ramat ikasuy anpe an kusu en kasiopiwki kusu ne na,

というのは、あなたがたの祈りと、イエス・キリストの霊の助けとによって、このことがわたしの救いになると知っているからです。

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

sekor ku eraman; kuani ar kor rusuy wa cipacipa anpe anakne ene ani ne, nep ne yakka kusu somo a en yaynikorosmare korka, ramma koraci tane poka, ku siknu yakka, ku ray yakka, Kiristo anakne ku netopake or ta pasere kuni anpe ne ruwe tapan na.

そして、どんなことにも恥をかかず、これまでのように今も、生きるにも死ぬにも、わたしの身によってキリストが公然とあがめられるようにと切に願い、希望しています。

Kuani gusu shiknu ambe anak ne Kiristo ne, rai ambe anak ne yaiepirikare ambe ne ruwe ne gusu ne na.

Kuani kusu siknu anpe anakne Kiristo ne, ray anpe anakne yayepirikare anpe ne ruwe ne kusu ne na.

わたしにとって、生きるとはキリストであり、死ぬことは利益なのです。

Koroka, kam otta shiknu ambe anak ne, — tambe anak ku monraige gusu an hetuku ibehe ne chiki, yakun, hemanda ku numge kusu ne ya, sekoro ku erampeutek ruwe ne.

Korka, kam or ta siknu anpe anakne, — tanpe anak ku monrayke kusu an hetuku ipehe ne ciki, yakun, hemanta ku numke kusu ne ya, sekor ku eranpewtek ruwe ne.

けれども、肉において生き続ければ、実り多い働きができ、どちらを選ぶべきか、わたしには分かりません。

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

Korka, tan tup kusu ku utumasire ruwe ne, ku oman wa Kiristo turano ku an rusuy; tanpe anak kasuno pirka ruwe ne:

この二つのことの間で、板挟みの状態です。一方では、この世を去って、キリストと共にいたいと熱望しており、この方がはるかに望ましい。

yakka, kam otta ku an-i anak ne echi utara gusu naa an kunip ne ruwe tapan na.

yakka, kam or ta ku an hi anakne eci utar kusu naa an kuni p ne ruwe tapan na.

だが他方では、肉にとどまる方が、あなたがたのためにもっと必要です。

Orowa, tap korachi ku eishokoro gusu, ku an wa riya sekoro ku eraman, ruwe ne wa echi utara eishokoro ki wa naa nupetne no okai kuni ne obitta no okai echi tura no ku an wa ku riya kusu ne;

Orowa, tap koraci ku eysokor kusu, ku an wa riya sekor ku eraman, ruwe ne wa eci utar eysokor ki wa naa nupetne no okay kuni ne opittano okay eci turano ku an wa ku riya kusu ne;

こう確信していますから、あなたがたの信仰を深めて喜びをもたらすように、いつもあなたがた一同と共にいることになるでしょう。

tambe anak ne shui kuani echi tura no ku an hine ku rengap gusu Kiristo Yesu oshiketa naa kasu no echi ramuritetke wa okai kuni gusu ne na.

tanpe anakne suy kuani eci turano ku an hine ku renkap kusu Kiristo Yesu oske ta naa kasuno eci ramuritetke wa okay kuni kusu ne na.

そうなれば、わたしが再びあなたがたのもとに姿を見せるとき、キリスト・イエスに結ばれているというあなたがたの誇りは、わたしゆえに増し加わることになります。

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korka, eciki puri anakne Kiristo kor pirka sonko kopakeat kuni ne ki yan: tanpe anak, kuani ku ek wa eci nukar hene ki, somo ku ek no eci kor oruspe ku nu hene ku ki ciki eci utar sine kewtum kor wa uwetusmak no pirka sonko kusu sikkasma hine sine ramat or ta tumasnu no eci roski kuni ne kar yan;

ひたすらキリストの福音にふさわしい生活を送りなさい。そうすれば、そちらに行ってあなたがたに会うにしても、離れているにしても、わたしは次のことを聞けるでしょう。あなたがたは一つの霊によってしっかり立ち、心を合わせて福音の信仰のために共に戦っており、

orowa, echi ipokba utara gusu okai nep orushpe an yakka iteki ishitoma no okai yan: nei ambe anak ne, nei utara gusu an aisamka kuni anukara shiroshi ne, koroka, echi utara gusu Kamui orowa no an kashiobiuki-hi gusu an ap ne ruwe tapan na;

orowa, eci ipokpa utar kusu okay nep oruspe an yakka iteki isitoma no okay yan: ne anpe anakne, ne utar kusu an aysamka kuni a=nukar sirosi ne, korka, eci utar kusu Kamuy orowano an kasiopiwki hi kusu an ap ne ruwe tapan na;

どんなことがあっても、反対者たちに脅されてたじろぐことはないのだと。このことは、反対者たちに、彼ら自身の滅びとあなたがたの救いを示すものです。これは神によることです。

inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

inanpe kusu ne yakun, Kiristo an=kuskeray eci utar anakne owse Sinuma eysokor patek somo ne, korka, Sinuma renkap kusu ayayramsitnere kuni hi ne yakka eci or ta a=kor ruwe ne:

つまり、あなたがたには、キリストを信じることだけでなく、キリストのために苦しむことも、恵みとして与えられているのです。

shui, teeda en oshiketa echi nukara, orowa shui, tane an en otta an sekoro anu yairamkoiki ambe echi utara kon ruwe ne na.

suy, teeta en oske ta eci nukar, orowa suy, tane an en or ta an sekor anu yayramkoyki anpe eci utar kor ruwe ne na.

あなたがたは、わたしの戦いをかつて見、今またそれについて聞いています。その同じ戦いをあなたがたは戦っているのです。

Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

Tanpe kusu, Kiristo or ta a=omaoma anpe an, omap hi kusu kewtura raccire anpe an, Ramat kusu ukopoyeke anpe an, kuroma ne wa ranpokiwen wa a=kor anpe an ciki, eci utar sine yaynu hi ki,

そこで、あなたがたに幾らかでも、キリストによる励まし、愛の慰め、“霊”による交わり、それに慈しみや憐れみの心があるなら、

shine omap ambe kishima, Shine keutum koro, shineatki no ramuoshma wa en nupetnere wa en eramushinnere yan;

sine omap anpe kisma, Sine kewtum kor, sineatki no ramuosma wa en nupetnere wa en eramusinnere yan;

同じ思いとなり、同じ愛を抱き、心を合わせ、思いを一つにして、わたしの喜びを満たしてください。

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

nep ne yakka eciki hi ta anakne sakayo ne wa yayomonnure kusu iteki ki yan, korka, kewtum yayeoripakka wa mosma okay utar anakne yaykota kasuno pirka p ne sekor pisno pisno esanniyo yan;

何事も利己心や虚栄心からするのではなく、へりくだって、互いに相手を自分よりも優れた者と考え、

pishno echi utara anak ne iteki yaikota korobe otta ingara yan, koroka, echi pishno moshima an guru korobe ne yakka nukara yan.

pisno eci utar anakne iteki yaykota kor pe or ta inkar yan, korka, eci pisno mosma an kur kor pe ne yakka nukar yan.

めいめい自分のことだけでなく、他人のことにも注意を払いなさい。

Kiristo Yesu koro keutum ta tap esanniyo korachi echi utara ne yakka esanniyo yan;

Kiristo Yesu kor kewtum ta tap esanniyo koraci eci utar ne yakka esanniyo yan;

互いにこのことを心がけなさい。それはキリスト・イエスにもみられるものです。

Shinuma anak ne Kamui kat nep koro an, awa, Kamui tura ueripak an ambe anak aoshkoro kash pa kunip ne sekoro esanniyo shomoki nisa ruwe ne,

Sinuma anakne Kamuy kat nep kor an, awa, Kamuy tura uerpak an anpe anak aoskoro kaspa kuni p ne sekor esanniyo somo ki nisa ruwe ne,

キリストは、神の身分でありながら、神と等しい者であることに固執しようとは思わず、

koroka, Shinuma anak ne yaikota yaiohare hine ausshiune guru kat nep koro uk, awa, ainu nokaha korachi ne nisa ruwe ne;

korka, Sinuma anakne yaykota yayohare hine awssiwne kur kat nep kor uk, awa, aynu nokaha koraci ne nisa ruwe ne;

かえって自分を無にして、僕の身分になり、人間と同じ者になられました。人間の姿で現れ、

orowa, koro katuhu anak ne ainu nei no an ap anukarape ne gusu, Shinuma yaieoripakka wa rai pakno itaknu ki, ruwe un, utasa chikuni otta araige pakno itaknu ki nisa ruwe ne na.

orowa, kor katuhu anakne aynu ne no an ap anukarape ne kusu, Sinuma yayeoripakka wa ray pakno itak nu ki, ruwe un, utasa cikuni or ta a=rayke pakno itak nu ki nisa ruwe ne na.

へりくだって、死に至るまで、それも十字架の死に至るまで従順でした。

Tambe gusu ka Kamui anak ne shi no Shinuma pasere wa kando otta hene, moshiri kata hene, moshiri choropoketa hene obitta no okai reihei kasu no assuru an reihei koropare nisa ruwe ne;

Tanpe kusu ka Kamuy anakne sino Sinuma pasere wa kanto or ta hene, mosir ka ta hene, mosir corpoke ta hene opittano okay rehe kasuno assuru an rehe korpare nisa ruwe ne;

このため、神はキリストを高く上げ、あらゆる名にまさる名をお与えになりました。

Yesu ari an reihei otta obitta no okai kokkasap anak ne komo hemhem ki,

Yesu ari an rehe or ta opittano okay kokkasap anakne komo hemhem ki,

こうして、天上のもの、地上のもの、地下のものがすべて、イエスの御名にひざまずき、

samata, obitta no okai parumbe anak ne Michi ne Kamui nupeki gusu Yesu Kiristo anak Utarapa ne sekoro eyaipushi kuni hemhem ki ruwe ne gusu ne na.

sama ta, opittano okay parunpe anakne Mici ne Kamuy nupeki kusu Yesu Kiristo anak Utarpa ne sekor eyaypusi kuni hemhem ki ruwe ne kusu ne na.

すべての舌が、「イエス・キリストは主である」と公に宣べて、父である神をたたえるのです。

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Tanpe kusu, ku omap an utar, eci utar anakne ramma kane itak nu ki wa owse ku an rapoketa koraci somo ne no, korka, naa kasuno ku isam hi ta ne yakka isitoma wa tususke hine kasiaopiwki kuni kusu ki yan;

だから、わたしの愛する人たち、いつも従順であったように、わたしが共にいるときだけでなく、いない今はなおさら従順でいて、恐れおののきつつ自分の救いを達成するように努めなさい。

inambe gusu ne yakun, Kamui anak ne koro pirika irenga rengaine gusu echi onnaigeta iki wa echi keutum attere hemhem ki, echi monraigere hemhem ki ruwe ne gusu ne na.

inanpe kusu ne yakun, Kamuy anakne kor pirka irenka renkayne kusu eci onnayke ta iki wa eci kewtum attere hemhem ki, eci monraykere hemhem ki ruwe ne kusu ne na.

あなたがたの内に働いて、御心のままに望ませ、行わせておられるのは神であるからです。

Echi utara chikokatpak sak newa pekashnu hine wen wa oheuge ainu ikiri tumta turusak no an Kamui poho utara echi ne, aige, nei utara tumuge un moshirʼotta echi okai wa inotu oma itak eukoturire tombe korachi anukara kuni ne,

Eci utar cikokatpak sak ne wa pekasnu hine wen wa ohewke aynu ikiri tum ta tursak no an Kamuy poho utar eci ne, ayke, ne utar tumuke un mosir or ta eciokay wa inotu oma itak ewkoturire tonpe koraci a=nukar kuni ne,

何事も、不平や理屈を言わずに行いなさい。

oromam newa upaore shomoki no nep ne yakka kara yan:

oromam ne wa upaore somo ki no nep ne yakka kar yan:

そうすれば、とがめられるところのない清い者となり、よこしまな曲がった時代の中で、非のうちどころのない神の子として、世にあって星のように輝き、

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

kuani raka sak no somo ku hoyupu, raka sak no somo ku monrayke wa, Kiristo kor toho ta kuani yayomonnure uske an kuni ne ne no ki yan.

命の言葉をしっかり保つでしょう。こうしてわたしは、自分が走ったことが無駄でなく、労苦したことも無駄ではなかったと、キリストの日に誇ることができるでしょう。

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Ruwe un, eci kor eysokor hi kusu an ayankep ne wa yaysieywankere anpe kusu a en enomi ciki, ku nupetne, opittano okay eci utar tura ramu-ritetke ruwe ne:

更に、信仰に基づいてあなたがたがいけにえを献げ、礼拝を行う際に、たとえわたしの血が注がれるとしても、わたしは喜びます。あなたがた一同と共に喜びます。

nei no korachi echi utara ne yakka nupetne hine en tura no ramu-ritetke yan.

ne no koraci eci utar ne yakka nupetne hine en turano ramu-ritetke yan.

同様に、あなたがたも喜びなさい。わたしと一緒に喜びなさい。

Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

Korka kuani eci oruspe ku nu wa a=omaoma kuni kusu, nahun Utarpa ne Yesu irenka kusu eci oro ta Timoteos ku omante kuni p kor yaynu ruwe ne na.

さて、わたしはあなたがたの様子を知って力づけられたいので、間もなくテモテをそちらに遣わすことを、主イエスによって希望しています。

Inambe gusu ne yakun, son no newa shinuma korachi echi gusu an orushpe kashiramu kusu ne a guru isam ruwe ne.

Inanpe kusu ne yakun, sonno ne wa sinuma koraci eci kusu an oruspe kasiramu kusu ne a kur isam ruwe ne.

テモテのようにわたしと同じ思いを抱いて、親身になってあなたがたのことを心にかけている者はほかにいないのです。

Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Opittano okay utar anak yaykota kor pe hunara, Yesu Kiristo kor pe somo hunara ruwe ne kusu ne na.

他の人は皆、イエス・キリストのことではなく、自分のことを追い求めています。

Koroka, Shinuma anak ne nekon a auwande-i an a ainu ne ya sekoro echi eraman, poho koro michi ikashui korachi, shinuma pirika shongo assuru ashte-hi gusu en ikashui nisa ruwe ne na.

Korka, Sinuma anakne nekona awwante hi an a aynu ne ya sekor eci eraman, poho kor mici ikasuy koraci, sinuma pirka sonko assuru aste hi kusu en ikasuy nisa ruwe ne na.

テモテが確かな人物であることはあなたがたが認めるところであり、息子が父に仕えるように、彼はわたしと共に福音に仕えました。

Tambe gusu, en gusu nekon a akara ya ku eraman chiki, nani echi otta shinuma ku omande kunibe koro yainu ruwe ne:

Tanpe kusu, en kusu nekona a=kar ya ku eraman ciki, nani eci or ta sinuma ku omante kuni p kor yaynu ruwe ne:

そこで、わたしは自分のことの見通しがつきしだいすぐ、テモテを送りたいと願っています。

koroka, kuani yaikota tewa no tunashi no echi orun ku oman kuni Utarapa gusu ku chipachipa ruwe ne.

korka, kuani yaykota tewano tunasno eci or un ku oman kuni Utarpa kusu ku cipacipa ruwe ne.

わたし自身も間もなくそちらに行けるものと、主によって確信しています。

Koroka, ku iriwak ne guru, tura no monraige, tura no tumikoro guru ne, echi orowa no aette wa ku eishiramnep gusu yaishieiwangere an Epaproditus echi orota nekon a ka aomande kunip ne sekoro ku esanniyo nisa ruwe ne;

Korka, ku irwak ne kur, turano monrayke, turano tumikor kur ne, eci orowano aette wa ku eysiramnep kusu yaysieywankere an Epaproditus eci oro ta nekona ka a=omante kuni p ne sekor ku esanniyo nisa ruwe ne;

ところでわたしは、エパフロディトをそちらに帰さねばならないと考えています。彼はわたしの兄弟、協力者、戦友であり、また、あなたがたの使者として、わたしの窮乏のとき奉仕者となってくれましたが、

inambe gusu ne yakun, shinuma anak ne tashum ki ruwe ne sekoro echi nu a gusu, nei guru shi no yairamkoiki wa echi enishomap nisa ruwe ne gusu ne na;

inanpe kusu ne yakun, sinuma anakne tasum ki ruwe ne sekor eci nu a kusu, ne kur sino yayramkoyki wa eci enisomap nisa ruwe ne kusu ne na;

しきりにあなたがた一同と会いたがっており、自分の病気があなたがたに知られたことを心苦しく思っているからです。

son no poka shinuma rai ehange pakno tashum ki: koroka, Kamui anak ne shinuma ko-erampokiwen wa kore nisa ruwe ne; orowa, shui, Shinuma patek shomo ne, koroka, kuani anak yairamkoiki wa naa yairamkoiki kashpa shomo ku ki kuni ne, en poka ko-erampokiwen wa kore nisa ruwe ne na.

sonno poka sinuma ray ehanke pakno tasum ki: korka, Kamuy anakne sinuma ko-eranpokiwen wa kore nisa ruwe ne; orowa, suy, Sinuma patek somo ne, korka, kuani anak yayramkoyki wa naa yayramkoyki kaspa somo ku ki kuni ne, en poka ko-eranpokiwen wa kore nisa ruwe ne na.

実際、彼はひん死の重病にかかりましたが、神は彼を憐れんでくださいました。彼だけでなく、わたしをも憐れんで、悲しみを重ねずに済むようにしてくださいました。

Tambe gusu echi utara kanna-shui shinuma nukara chiki, yaikopuntek, samata, kuani ne yakka naa isaika no yairamkoiki kuni ne yaikikip no echi orun ku omande nisa ruwe ne na.

Tanpe kusu eci utar kanna-suy sinuma nukar ciki, yaykopuntek, sama ta, kuani ne yakka naa isayka no yayramkoyki kuni ne yaykikip no eci or un ku omante nisa ruwe ne na.

そういうわけで、大急ぎで彼を送ります。あなたがたは再会を喜ぶでしょうし、わたしも悲しみが和らぐでしょう。

Tambe gusu, Utarapa oshiketa shinuma uk wa nupetne yan; samata, nei no okai ainu ko-oripak yan:

Tanpe kusu, Utarpa oske ta sinuma uk wa nupetne yan; sama ta, ne no okay aynu ko-oripak yan:

だから、主に結ばれている者として大いに歓迎してください。そして、彼のような人々を敬いなさい。

inambe gusu ne yakun, shinuma anak Kiristo koro moni gusu rai ehange nisa ruwe ne, echi utara en gusu yaishieiwangere kunip aeikohayep epakte gusu koro inotu aeyaikikip no aisamka ange shiri iki nisa ruwe ne gusu ne na.

inanpe kusu ne yakun, sinuma anak Kiristo kor mon kusu ray ehanke nisa ruwe ne, eci utar en kusu yaysieywankere kuni p aeykohayep epakte kusu kor inotu aeyaykikip no aysamka anke siri iki nisa ruwe ne kusu ne na.

わたしに奉仕することであなたがたのできない分を果たそうと、彼はキリストの業に命をかけ、死ぬほどの目に遭ったのです。

Orokeseta, ku iriwak utara, Utarapa oshiketa enupetne yan. Ukorachi an ap echi utara gusu ku nuye ambe anak ne ku erannak poka shomo ku ki ruwe ne,

Orokeseta, ku irwak utar, Utarpa oske ta enupetne yan. Ukoraci an ap eci utar kusu ku nuye anpe anakne ku erannak poka somo ku ki ruwe ne,

では、わたしの兄弟たち、主において喜びなさい。同じことをもう一度書きますが、これはわたしには煩わしいことではなく、あなたがたにとって安全なことなのです。

koroka, echi utara gusu pirikarep ne. Nei seta yaitubare, wenbe ki utara yaitubare, tuye ki utara yaitubare yan:

korka, eci utar kusu pirikarep ne. Ne seta yaytupare, wenpe ki utar yaytupare, tuye ki utar yaytupare yan:

あの犬どもに注意しなさい。よこしまな働き手たちに気をつけなさい。切り傷にすぎない割礼を持つ者たちを警戒しなさい。

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

inanpe kusu ne yakun, Kamuy Ramat ani onkami hene ki, Kiristo Yesu or ta yayomonnure hene ki, sama ta, kar kusu somo eyaykopaste hi hene ki ci utar anakne sonno okarituye puri a=kir utar ci ne ruwe ne:

彼らではなく、わたしたちこそ真の割礼を受けた者です。わたしたちは神の霊によって礼拝し、キリスト・イエスを誇りとし、肉に頼らないからです。

koroka, kuani yaikota anak ne kara gusu poka eyaikopashte ushike an na: nenka moshima guru anak ne kam gusu eyaikopashte-i an sekoro yainu chiki, kuani anak ne naa kasu no an:

korka, kuani yaykota anakne kar kusu poka eyaykopaste uske an na: nen ka mosma kur anakne kam kusu eyaykopaste hi an sekor yaynu ciki, kuani anakne naa kasuno an:

とはいえ、肉にも頼ろうと思えば、わたしは頼れなくはない。だれかほかに、肉に頼れると思う人がいるなら、わたしはなおさらのことです。

tupesan ikinne an toho ta okarituye buri akire, Israeru sanikiri ne, Benyamin koro ikiri un guru ne, Hebrai un utara un Hebrai un guru ku ne ruwe ne; tuitak gusu Parisee un guru ne,

tupesan ikinne an toho ta okarituye puri a=kir, Israeru sanikiri ne, Benyamin kor ikiri un kur ne, Hebray un utar un Hebray un kur ku ne ruwe ne; tuytak kusu Parisee un kur ne,

わたしは生まれて八日目に割礼を受け、イスラエルの民に属し、ベニヤミン族の出身で、ヘブライ人の中のヘブライ人です。律法に関してはファリサイ派の一員、

keutum opopmau kara gusu karisia keshke; tuitak gusu an oupeka ambe gusu oheuge sak no anukan nisa ruwe ne.

kewtum opopmaw kar kusu karisia keske; tuytak kusu an owpeka anpe kusu ohewke sak no an=kan nisa ruwe ne.

熱心さの点では教会の迫害者、律法の義については非のうちどころのない者でした。

Yakka, en epirikare ambe anak ne Kiristo gusu so-no-ki ambe ne sekoro ku esanniyo nisa ruwe ne na.

Yakka, en e=pirkare anpe anakne Kiristo kusu so-no-ki anpe ne sekor ku esanniyo nisa ruwe ne na.

しかし、わたしにとって有利であったこれらのことを、キリストのゆえに損失と見なすようになったのです。

Ruwe ne wa, son no un, ku goro Utarapa ne Kiristo Yesu eramambe pirikap gusu kuani obitta no okaibe so-no-ki ambe ari ku esanniyo nisa; Shinuma gusu obitta no okaibe kuani so-no-ki wa aemakbap ne sekoro ku esanniyo;

Ruwe ne wa, sonno un, ku kor Utarpa ne Kiristo Yesu eraman pe pirka p kusu kuani opittano okay pe so-no-ki anpe ari ku esanniyo nisa; Sinuma kusu opittano okay pe kuani so-no-ki wa aemakpap ne sekor ku esanniyo;

そればかりか、わたしの主キリスト・イエスを知ることのあまりのすばらしさに、今では他の一切を損失とみています。キリストのゆえに、わたしはすべてを失いましたが、それらを塵あくたと見なしています。キリストを得、

tambe anak ne Kiristo ku epirikare wa Shinuma oshiketa a en nukara, samata, tuitak gusu hetuku yaikota koro oupeka ambe koro shomoki, koroka, Kiristo otta an eishokor-i gusu hetuku oupeka ambe, — eishokor-i gusu Kamui orowa no hetuku oupeka

tanpe anakne Kiristo ku e=pirkare wa Sinuma oske ta a en nukar, sama ta, tuytak kusu hetuku yaykota kor owpeka anpe kor somo ki, korka, Kiristo or ta an eysokor hi kusu hetuku owpeka anpe, — eysokor hi kusu Kamuy orowano hetuku owpeka

キリストの内にいる者と認められるためです。わたしには、律法から生じる自分の義ではなく、キリストへの信仰による義、信仰に基づいて神から与えられる義があります。

ambe ku koro kuni gusu an ambe ne: orowa, kuani anak ne Shinuma newa Shinuma hetopo-shiknu ambe gusu an kiroro newa Shinuma tura ayairamshitnere ambe ki hine ku eraman wa Shinuma ki rai ambe nep koro korachi a en kara;

anpe ku kor kuni kusu an anpe ne: orowa, kuani anakne Sinuma ne wa Sinuma hetopo-siknu anpe kusu an kiror ne wa Sinuma tura ayayramsitnere anpe ki hine ku eraman wa Sinuma ki ray anpe nep kor koraci a en kar;

わたしは、キリストとその復活の力とを知り、その苦しみにあずかって、その死の姿にあやかりながら、

aige, nekon a ka kuani rai-i orowa no hetopo ku shiknu kuni gusu aki na.

ayke, nekona ka kuani ray hi orowano hetopo ku siknu kuni kusu aki na.

何とかして死者の中からの復活に達したいのです。

Kuani koro okere nei no shomo ne, samata, kuani aeramushinnere okere nei no shomo ne: koroka, nekon a ka, gusu Kiristo Yesu ani a en shikkashima okaibe, kuani ne yakka shikkashima kuni gusu ku keshke na.

Kuani kor okere ne no somo ne, sama ta, kuani aeramusinnere okere ne no somo ne: korka, nekona ka, kusu Kiristo Yesu ani a en sikkasma okay pe, kuani ne yakka sikkasma kuni kusu ku keske na.

わたしは、既にそれを得たというわけではなく、既に完全な者となっているわけでもありません。何とかして捕らえようと努めているのです。自分がキリスト・イエスに捕らえられているからです。

Iriwak utara, kuani shikkashima okere sekoro yaikota shomo ku esanniyo: koroka, tan shinep an, oshmake un okaibe ku oira hine kotchake un okaibe orun ku turi,

Irwak utar, kuani sikkasma okere sekor yaykota somo ku esanniyo: korka, tan sinep an, osmake un okay pe ku oyra hine koccake un okay pe or un ku turi,

兄弟たち、わたし自身は既に捕らえたとは思っていません。なすべきことはただ一つ、後ろのものを忘れ、前のものに全身を向けつつ、

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

ayke, Kiristo Yesu oske ta Kamuy rik oro a=tak kuni aoskorope ari an osikpekarep or un ku keske ruwe ne.

神がキリスト・イエスによって上へ召して、お与えになる賞を得るために、目標を目指してひたすら走ることです。

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

Tanpe kusu, a=eramusinne okere opittano okay ci utar anakne ne no esanniyo asro; orowa, nep okay pe kusu sinnayno eci sanniyo ciki tanpe poka Kamuy anakne eci e=ramante kusu ne:

だから、わたしたちの中で完全な者はだれでも、このように考えるべきです。しかし、あなたがたに何か別の考えがあるなら、神はそのことをも明らかにしてくださいます。

ouse pakno shirepa ash okere-hi gusu nei no korachi apkash ashro.

owse pakno sirepa as okere hi kusu ne no koraci apkas asro.

いずれにせよ、わたしたちは到達したところに基づいて進むべきです。

Iriwak utara, en tura eikoisamba utara ne wa, chi utara ani aikoikarabe ne kara hine apkash utara esanniyo yan.

Irwak utar, en tura eykoysanpa utar ne wa, ci utar ani aykoykarape ne kar hine apkas utar esanniyo yan.

兄弟たち、皆一緒にわたしに倣う者となりなさい。また、あなたがたと同じように、わたしたちを模範として歩んでいる人々に目を向けなさい。

Inambe gusu ne yakun, gusu kanna-kanna echi nure ash utara, samata, tane ku chish poka echi nure ash inne utara apkash, aige, Kiristo koro utasap gusu keshke utara ne ruwe ne;

Inanpe kusu ne yakun, kusu kanna-kanna eci nure as utar, sama ta, tane ku cis poka eci nure as inne utar apkas, ayke, Kiristo kor utasa p kusu keske utar ne ruwe ne;

何度も言ってきたし、今また涙ながらに言いますが、キリストの十字架に敵対して歩んでいる者が多いのです。

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

ne utar okere hi anakne aysamka anpe ne, kor Kamuy anak kor honihi ne, aeyaynikorosma kuni anpe iramye, niosir or ta okay pe esanniyo ruwe ne.

彼らの行き着くところは滅びです。彼らは腹を神とし、恥ずべきものを誇りとし、この世のことしか考えていません。

Chikoro moshiri anak ne kando otta an; nei i wano Utarapa ne Yesu Kiristo ari aye kashiobiukip ek kuni poka chi ehuye wa okai ruwe ne:

Ci=kor mosir anakne kanto or ta an; ne i wano Utarpa ne Yesu Kiristo ari aye kasiopiwkip ek kuni poka ci ehuy wa okay ruwe ne:

しかし、わたしたちの本国は天にあります。そこから主イエス・キリストが救い主として来られるのを、わたしたちは待っています。

Shinuma anak ne ani obitta no okaibe yaikota otta itaknure eashkai iki-hi nei no an no chikoro aeoripakka an netobake ashinno kara hine koro nupeki an netobake korachi kara kusu ne na.

Sinuma anakne ani opittano okay pe yaykota or ta itaknure easkay iki hi ne no an no ci=kor aeoripakka an netopake asinno kar hine kor nupeki an netopake koraci kar kusu ne na.

キリストは、万物を支配下に置くことさえできる力によって、わたしたちの卑しい体を、御自分の栄光ある体と同じ形に変えてくださるのです。

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

Tanpe kusu, a=omap an, aeyaykatekara an, ku nupetne a=rap, ku sapa-un pe ne irwak utar, tap koraci a=kor omap an utar Utarpa or ta roski yan.

だから、わたしが愛し、慕っている兄弟たち、わたしの喜びであり、冠である愛する人たち、このように主によってしっかりと立ちなさい。

Utarapa otta shine keutum koro kuni ne Euodia ku onishnishi, Sintike ne yakka ku onishnishi ruwe ne.

Utarpa or ta sine kewtum kor kuni ne Ewodia ku onisnisi, Sintike ne yakka ku onisnisi ruwe ne.

わたしはエボディアに勧め、またシンティケに勧めます。主において同じ思いを抱きなさい。

Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

Ruwe ne wa, en tura sonno monrayke ki kur aokay ne yakka ku onisnisi ruwe ne, tan siwentep utar ikasiw yan, inanpe kusu ne yakun, ne utar anakne Kurementos ne yakka, orowa mosma okay kor rehe inotu un kampi-sos ka ta a=nuye wa an en tura monrayke utar poka pirka sonko or ta monrayke nisa ruwe ne kusu ne na.

なお、真実の協力者よ、あなたにもお願いします。この二人の婦人を支えてあげてください。二人は、命の書に名を記されているクレメンスや他の協力者たちと力を合わせて、福音のためにわたしと共に戦ってくれたのです。

Ramma Utarapa enupetne yan: shui, nupetne yan, ani ku ye.

Ramma Utarpa enupetne yan: suy, nupetne yan, ani ku ye.

主において常に喜びなさい。重ねて言います。喜びなさい。

Echi kon rotcha keutum obitta no okai utara otta nukare yan.

Eci kor rocca kewtum opittano okay utar or ta nukare yan.

あなたがたの広い心がすべての人に知られるようになさい。主はすぐ近くにおられます。

Utarapa ehange no an. Nep ne yakka gusu iteki nishomap yan; koroka, nep ne yakka gusu iyaiiraige wa inonno-itak ani, koramkor-i ani echi eishiramnep Kamui nure yan.

Utarpa ehanke no an. Nep ne yakka kusu iteki nisomap yan; korka, nep ne yakka kusu i=yayirayke wa inonno-itak ani, koramkor hi ani eci eysiramnep Kamuy nure yan.

どんなことでも、思い煩うのはやめなさい。何事につけ、感謝を込めて祈りと願いをささげ、求めているものを神に打ち明けなさい。

Orowa, obitta no okai eraman kuni mondum akkari kara Kamui itomo irenga, Kiristo Yesu gusu echi yainu-hi hemhem echi keutura hemhem epungine kusu ne na.

Orowa, opittano okay eraman kuni montum akkari kar Kamuy i=tom irenka, Kiristo Yesu kusu eci yaynu hi hemhem eci kewtura hemhem epunkine kusu ne na.

そうすれば、あらゆる人知を超える神の平和が、あなたがたの心と考えとをキリスト・イエスによって守るでしょう。

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Orokeseta, irwak utar, nep ne yakka sonno a=rap, nep ne yakka a=eoripak kuni a=rap, nep ne yakka owpeka a=rap, nep ne yakka tur-sak anpe, nep ne yakka a=omap kuni anpe, nep ne yakka pirka assuru kor anpe; nep ka puri pirka uske an ciki, nep ka ramye kuni uske an ciki, tap okay pe esanniyo yan.

終わりに、兄弟たち、すべて真実なこと、すべて気高いこと、すべて正しいこと、すべて清いこと、すべて愛すべきこと、すべて名誉なことを、また、徳や称賛に値することがあれば、それを心に留めなさい。

Echi utara anak ne eyaihannokkara hene ki, akore hene ki, nu hene ki, en otta nukara hene ki okaibe, tap okaibe kara yan; orowa, itomo koro Kamui echi tura an kusu ne na.

Eci utar anakne eyayhannokkara hene ki, a=kor hene ki, nu hene ki, en or ta nukar hene ki okay pe, tap okay pe kar yan; orowa, i=tom kor Kamuy eci tura an kusu ne na.

わたしから学んだこと、受けたこと、わたしについて聞いたこと、見たことを実行しなさい。そうすれば、平和の神はあなたがたと共におられます。

Koroka, tane an aine echi utara anak ne shui en eshkarun gusu, Utarapa otta shi no ku nupetne ruwe ne; nei ambe gusu echi utara anak ne eshkarun poka echi ki nisa, koroka, kara kusu ne i isam ruwe ne na.

Korka, tane an ayne eci utar anakne suy en eskarun kusu, Utarpa or ta sino ku nupetne ruwe ne; ne anpe kusu eci utar anakne eskarun poka eciki nisa, korka, kar kusu ne i isam ruwe ne na.

さて、あなたがたがわたしへの心遣いを、ついにまた表してくれたことを、わたしは主において非常に喜びました。今までは思いはあっても、それを表す機会がなかったのでしょう。

Kuani nepka eikohaye gusu ku ye shomoki; inambe gusu ne yakun, nekon a i an a yakka nei ambe gusu aeramushinne kuni ku eyaihannokkara okere.

Kuani nep ka eykohaye kusu ku ye somo ki; inanpe kusu ne yakun, nekona i an a yakka ne anpe kusu a=eramusinne kuni ku eyayhannokkara okere.

物欲しさにこう言っているのではありません。わたしは、自分の置かれた境遇に満足することを習い覚えたのです。

Yaishiwennere ambe hene, nuye an no koro ambe hene, ku eraman: nep ne yakka gusu, obitta no okaibe gusu, akironnu ambe hene sambe-chinoiba ambe hene, nuye an no koro ambe hene, eikohaye ambe hene,

yaysiwennere anpe hene, nuye an no kor anpe hene, ku eraman: nep ne yakka kusu, opittano okay pe kusu, a=kironnu anpe hene sanpe-cinoypa anpe hene, nuye an no kor anpe hene, eykohaye anpe hene,

貧しく暮らすすべも、豊かに暮らすすべも知っています。満腹していても、空腹であっても、物が有り余っていても不足していても、いついかなる場合にも対処する秘訣を授かっています。

ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

ku eyayhannokkara nisa ruwe ne. En tumasnure Kamuy oske ta kuani nep ne yakka ki easkay ruwe ne.

わたしを強めてくださる方のお陰で、わたしにはすべてが可能です。

Yakka echi utara anak ne ku ki aeramuchuptekbe gusu en tura no echi ki-hi anak pirika ruwe ne.

Yakka eci utar anakne ku ki aeramucuptekpe kusu en turano eciki hi anak pirka ruwe ne.

それにしても、あなたがたは、よくわたしと苦しみを共にしてくれました。

Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

Orowa, Piripoi un eci utar, pirka sonko eatpakeheta, kuani Makedonia kotan orowano ku hopunpa hi ta anakne, eci utar mosma, kore hene ki a=kor hene ki oruspe kusu, en turano ki karisia isam, sekor, eci utar yaykota eci eraman;

フィリピの人たち、あなたがたも知っているとおり、わたしが福音の宣教の初めにマケドニア州を出たとき、もののやり取りでわたしの働きに参加した教会はあなたがたのほかに一つもありませんでした。

Tessaronike otta poka kuani aeishiramnep an gusu kanna-kanna en otta echi teshkara nisa ruwe ne gusu ne na.

Tessaronike or ta poka kuani aeysiramnep an kusu kanna-kanna en or ta eci teskar nisa ruwe ne kusu ne na.

また、テサロニケにいたときにも、あなたがたはわたしの窮乏を救おうとして、何度も物を送ってくれました。

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

aykrap ku hunara kusu somo ne; korka, eci utar kusu nuye an no hetuku ipehe ku hunara kusu ne ruwe tapan na.

贈り物を当てにして言うわけではありません。むしろ、あなたがたの益となる豊かな実を望んでいるのです。

Koroka, nep ne yakka ku koro wa nuye an no ku an; Epaproditos koro wa ek echi orowa no okai shisak hura pirikap, uk kuni ayangep, Kamui nupetnere okaibe, ku uk okere gusu kuani kironnu wa an ruwe ne.

Korka, nep ne yakka ku kor wa nuye an no ku an; Epaproditos kor wa ek eci orowano okay sisak hura pirka p, uk kuni ayankep, Kamuy nupetnere okay pe, ku uk okere kusu kuani kironnu wa an ruwe ne.

わたしはあらゆるものを受けており、豊かになっています。そちらからの贈り物をエパフロディトから受け取って満ち足りています。それは香ばしい香りであり、神が喜んで受けてくださるいけにえです。

Orowa, ku goro Kamui anak ne Kiristo Yesu oshiketa nupeki otta okai koro oteknu ambe an a-i korachi obitta no an echi eishiramne ambe uweomare kusu ne na.

Orowa, ku kor Kamuy anakne Kiristo Yesu oske ta nupeki or ta okay kor oteknu anpe an a hi koraci opittano an eci eysiramne anpe uweomare kusu ne na.

わたしの神は、御自分の栄光の富に応じて、キリスト・イエスによって、あなたがたに必要なものをすべて満たしてくださいます。

Tane shashuishiri wano shashuishiri pakno chikoro Kamui ne Michi orota arakuru an na. Amen.

Tane sasuysir wano sasuysir pakno ci=kor Kamuy ne Mici oro ta a=rakur an na. Amen.

わたしたちの父である神に、栄光が世々限りなくありますように、アーメン。

Kiristo Yesu otta ashkanne guru pishno rangarap yan. En tura no okai iriwak utara anak ne echi otta rangarap ki.

Kiristo Yesu or ta askanne kur pisno rankarap yan. En turano okay irwak utar anakne eci or ta rankarap ki.

キリスト・イエスに結ばれているすべての聖なる者たちに、よろしく伝えてください。わたしと一緒にいる兄弟たちも、あなたがたによろしくと言っています。

Obitta no okai Ashkanne utara echi otta rangarap an, Kaisaros chisei un utara anak ne makangane nei no ki na.

Opittano okay Askanne utar eci or ta rankarap an, Kaysaros cise un utar anakne makankane ne no ki na.

すべての聖なる者たちから、特に皇帝の家の人たちからよろしくとのことです。

Utarapa ne Yesu Kiristo korʼirenga echi kon ramat tura an kuni akoramkon na.

Utarpa ne Yesu Kiristo kor irenka eci kor ramat tura an kuni akoramkon na.

主イエス・キリストの恵みが、あなたがたの霊と共にあるように。