Kiristo Yesu koro apakashnu guru Pauros newa akoro iriwak ne Timoteos anak ne, un tura no iki aomap an akoro Pirimon otta hemhem, akoro matiriwak ne Appia otta hemhem,

Kiristo Yesu kor a=pakasnu kur Pawros ne wa a=kor irwak ne Timoteos anakne, un turano iki a=omap an a=kor Pirimon or ta hemhem, a=kor matiriwak ne Appia or ta hemhem,

キリスト・イエスの囚人パウロと兄弟テモテから、わたしたちの愛する協力者フィレモン、

akoro tura no iki tum-koro guru ne Arkippos otta hemhem, orowa, e kot chisei ta an karisia otta hemhem kambi omande na:

a=kor turano iki tum-kor kur ne Arkippos or ta hemhem, orowa, e kot cise ta an karisia or ta hemhem kampi omante na:

姉妹アフィア、わたしたちの戦友アルキポ、ならびにあなたの家にある教会へ。

chikoro Michi ne Kamui newa Utarapa ne Yesu Kiristo orowa no irenga newa itomo echi otta an kuni akoramkon na.

ci=kor Mici ne Kamuy ne wa Utarpa ne Yesu Kiristo orowano irenka ne wa i=tom eci or ta an kuni akoramkon na.

わたしたちの父である神と主イエス・キリストからの恵みと平和が、あなたがたにあるように。

Ramma-kane ku goro Kamui ku koyaiiraige wa ku ki inonno-itak otta e reihei ku ye ruwe ne; e ki omap ambe gusu ne yakka,

Ramma-kane ku kor Kamuy ku koyayirayke wa ku ki inonno-itak or ta e rehe ku ye ruwe ne; e ki omap anpe kusu ne yakka,

わたしは、祈りの度に、あなたのことを思い起こして、いつもわたしの神に感謝しています。

Utarapa ne Yesu epeka e atte eishokor-i gusu ne yakka, orowa, ashkanne utara epeka e iki ambe gusu ne yakka ku nu ruwe ne;

Utarpa ne Yesu epeka e atte eysokor hi kusu ne yakka, orowa, askanne utar epeka e iki anpe kusu ne yakka ku nu ruwe ne;

というのは、主イエスに対するあなたの信仰と、聖なる者たち一同に対するあなたの愛とについて聞いているからです。

aige, echi onnaigeta an pishno okai pirikap eramu an ambe Kiristo orun tura no e atte eishokor-i anak ne iki kuni kiroroashnup ne kuni gusu ne na.

ayke, eci onnayke ta an pisno okay pirka p eramuan anpe Kiristo or un turano e atte eysokor hi anakne iki kuni kiroroasnup ne kuni kusu ne na.

わたしたちの間でキリストのためになされているすべての善いことを、あなたが知り、あなたの信仰の交わりが活発になるようにと祈っています。

Inambe gusu ne yakun, e koro omap ambe gusu poron no ku nupetne wa aomaoma an, ku iriwak ne guru, e ankushkerai ashkanne utara koro keutum sambe-shiturire nisa ruwe ne gusu ne na.

Inanpe kusu ne yakun, e kor omap anpe kusu poronno ku nupetne wa a=omaoma an, ku irwak ne kur, e an=kuskeray askanne utar kor kewtum sanpe-siturire nisa ruwe ne kusu ne na.

兄弟よ、わたしはあなたの愛から大きな喜びと慰めを得ました。聖なる者たちの心があなたのお陰で元気づけられたからです。

Tambe gusu, oupak no an ambe e ikashpaotte ash kuni,

Tanpe kusu, owpak no an anpe e ikaspaotte as kuni,

それで、わたしは、あなたのなすべきことを、キリストの名によって遠慮なく命じてもよいのですが、

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

Kiristo oske ta, nep rametokkor pe ka ku kor yakka, omap anpe an=kuskeray ku onisnisi as ruwe ne, onne Pawros ku ne kusu, sama ta, tane Kiristo Yesu kor epaskanu kur ku ne wa kusu ne na:

むしろ愛に訴えてお願いします、年老いて、今はまた、キリスト・イエスの囚人となっている、このパウロが。

atupetupe wa an rapoketa ku shikore ku poho ne Onesimos gusu e orun ku koramkon ruwe ne, shinuma anak ne etoko wa en gusu raka-sak guru ne,

atupetupe wa an rapoketa ku sikore ku poho ne Onesimos kusu e or un ku koramkon ruwe ne, sinuma anakne etoko wa en kusu raka-sak kur ne,

監禁中にもうけたわたしの子オネシモのことで、頼みがあるのです。

koroka, tane anak ne en gusu ne yakka aokai gusu ne yakka rak an gun ne ruwe ne: nei guru yaikota,

korka, tane anakne en kusu ne yakka aokay kusu ne yakka rak an kunne ruwe ne: ne kur yaykota,

彼は、以前はあなたにとって役に立たない者でしたが、今は、あなたにもわたしにも役立つ者となっています。

ku keutum tura, e orun ku hoshipire na: kuani anak ne pirika shongo gusu an tupep a en eokte wa an rapoketa e shirihine Shinuma en otta yaishieiwangere kuni ku reushire rusui, a koroka, e keutum shomo ku nu chiki nep ne yakka shomo ku iki;

ku kewtum tura, e or un ku hosipire na: kuani anakne pirka sonko kusu an tupep a en eokte wa an rapoketa e sirihi ne Sinuma en or ta yaysieywankere kuni ku rewsire rusuy, a korka, e kewtum somo ku nu ciki nep ne yakka somo ku iki;

わたしの心であるオネシモを、あなたのもとに送り帰します。

e koro pirika keutum anak asangere gusu an ambe shomo ne wa rengaine hetuku ambe ne kuni gusu ne na.

e kor pirka kewtum anak asankere kusu an anpe somo ne wa renkayne hetuku anpe ne kuni kusu ne na.

本当は、わたしのもとに引き止めて、福音のゆえに監禁されている間、あなたの代わりに仕えてもらってもよいと思ったのですが、

Ramma pakno aokai anak ne shinuma koro kuni gusu, an pakihi uturu shinuma oyakta an nangora;

Ramma pakno aokay anakne sinuma kor kuni kusu, an pakihi uturu sinuma oyakta an nankora;

あなたの承諾なしには何もしたくありません。それは、あなたのせっかくの善い行いが、強いられたかたちでなく、自発的になされるようにと思うからです。

tewa no ausshiunere wa an guru korachi shomo ne, koroka, ausshiunere wa an guru kasu no pasep korachi ne, aomap an iriwak ne guru korachi, makangane en gusu, koroka, kara otta ne yakka Utarapa otta ne yakka naa kasu no aokai gusu ne na.

tewano awssiwnere wa an kur koraci somo ne, korka, awssiwnere wa an kur kasuno pase p koraci ne, a=omap an irwak ne kur koraci, makankane en kusu, korka, kar or ta ne yakka Utarpa or ta ne yakka naa kasuno aokay kusu ne na.

恐らく彼がしばらくあなたのもとから引き離されていたのは、あなたが彼をいつまでも自分のもとに置くためであったかもしれません。

Kua-ni anak ne e tura no iki guru ku ne kunak e esanniyo chiki,

Ku=a-ni anakne e turano iki kur ku ne kunak e esanniyo ciki,

その場合、もはや奴隷としてではなく、奴隷以上の者、つまり愛する兄弟としてです。オネシモは特にわたしにとってそうですが、あなたにとってはなおさらのこと、一人の人間としても、主を信じる者としても、愛する兄弟であるはずです。

en korachi shinuma uk wa en kore. Koroka, shinuma e kowende hene ki chiki, e orun shohose hene an chiki, ku goro sanniyo kambi kata nuye wa

en koraci sinuma uk wa en kore. Korka, sinuma e kowente hene ki ciki, e or un sohose hene an ciki, ku kor sanniyo kampi ka ta nuye wa

だから、わたしを仲間と見なしてくれるのでしたら、オネシモをわたしと思って迎え入れてください。

en kore yan; Pauros ku ne anak ne yaikota ku goro teke ani ku nuye ruwe ne, nei ambe ku sange kusu ne na: aige, aokai yaikota anak ne nei a moshima yaikota en orun sange kunip ne sekoro shomo ku ye kuni gusu ne na.

en kore yan; Pawros ku ne anakne yaykota ku kor teke ani ku nuye ruwe ne, ne anpe ku sanke kusu ne na: ayke, aokay yaykota anakne ne a mosma yaykota en or un sanke kuni p ne sekor somo ku ye kuni kusu ne na.

彼があなたに何か損害を与えたり、負債を負ったりしていたら、それはわたしの借りにしておいてください。

Ruwe un, iriwak ne guru, aokai gusu Utarapa oshiketa a en kaobiuki kuni ne ki yan: Kiristo oshiketa ku sarabe shiturire wa en kore yan.

Ruwe un, irwak ne kur, aokay kusu Utarpa oske ta a en kaopiwki kuni ne ki yan: Kiristo oske ta ku sarape siturire wa en kore yan.

わたしパウロが自筆で書いています。わたしが自分で支払いましょう。あなたがあなた自身を、わたしに負うていることは、よいとしましょう。

Aokai anak ne itaknu ki kuni ku eishokoro gusu e orun kambi ku nuye ruwe ne, ku ye-hi kasu no poka e ki kusu ne sekoro ku eraman ruwe ne na.

Aokay anakne itak nu ki kuni ku eysokor kusu e or un kampi ku nuye ruwe ne, ku ye hi kasuno poka e ki kusu ne sekor ku eraman ruwe ne na.

そうです。兄弟よ、主によって、あなたから喜ばせてもらいたい。キリストによって、わたしの心を元気づけてください。

Koroka, moshima shui, reushi kuni ushike ne yakka en gusu etokooiki wa en kore: inambe gusu ne yakun, e ki inonno-itak ankushkerai e orun a en omande kusu ne sekoro ku chipachipa ruwe ne gusu ne na.

Korka, mosma suy, rewsi kuni uske ne yakka en kusu etokooyki wa en kore: inanpe kusu ne yakun, e ki inonno-itak an=kuskeray e or un a en omante kusu ne sekor ku cipacipa ruwe ne kusu ne na.

あなたが聞き入れてくれると信じて、この手紙を書いています。わたしが言う以上のことさえもしてくれるでしょう。

Kiristo Yesu oshiketa en tura apakashnu wa an Epapras e ekap na;

Kiristo Yesu oske ta en tura a=pakasnu wa an Epapras e ekap na;

ついでに、わたしのため宿泊の用意を頼みます。あなたがたの祈りによって、そちらに行かせていただけるように希望しているからです。

samata, en tura no iki Markos hemhem, Aristarkos hemhem, Demas hemhem, Roukos hemhem ne yakka.

sama ta, en turano iki Markos hemhem, Aristarkos hemhem, Demas hemhem, Rowkos hemhem ne yakka.

キリスト・イエスのゆえにわたしと共に捕らわれている、エパフラスがよろしくと言っています。

Chikoro Utarapa ne Yesu Kiristo e kon ramat tura no an kuni akoramkon na. Amen.

Ci=kor Utarpa ne Yesu Kiristo e kor ramat turano an kuni akoramkon na. Amen.

わたしの協力者たち、マルコ、アリスタルコ、デマス、ルカからもよろしくとのことです。 主イエス・キリストの恵みが、あなたがたの霊と共にあるように。