Kamui newa Utarapa ne Yesu Kiristo koro usshiune guru Yakob ku ne anak ne chiusachari wa okai tu ikashima wan ainu sanikiri un uirup otta irangarap ku ki na.

Kamuy ne wa Utarpa ne Yesu Kiristo kor ussiw ne kur Yakob ku ne anakne ciwsacari wa okay tu ikasma wan aynu sanikiri un uyrup or ta i=rankarap ku ki na.

神と主イエス・キリストの僕であるヤコブが、離散している十二部族の人たちに挨拶いたします。

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

Ku irwak utar, eci kor eysokor hi awwante anpe anak yayyupupu anpe hetukure ruwe ne sekor eraman wa,

わたしの兄弟たち、いろいろな試練に出会うときは、この上ない喜びと思いなさい。

chi utara usa okai akoramnukar-i koekari chiki aenupetne gusu an ambe ne sekoro esanniyo yan.

ci utar usa okay akoramnukar hi koekari ciki a=enupetne kusu an anpe ne sekor esanniyo yan.

信仰が試されることで忍耐が生じると、あなたがたは知っています。

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

Orowa, eci utar a=eramusinne ne wa ranme no okay wa nep ne yakka or ta somo eykohaye kuni kusu yayyupupu anpe ar monraykere yan.

あくまでも忍耐しなさい。そうすれば、完全で申し分なく、何一つ欠けたところのない人になります。

Koroka, echi utara tumugeta wayashnu-i gusu eikohaye guru an chiki, nuye an no obitta no okai utara otta koropare hine kosakayokara shomoki Kamui otta koramkoro yan; yakun akoropare kusu ne na.

Korka, eci utar tumke ta wayasnu hi kusu eykohaye kur an ciki, nuye an no opittano okay utar or ta korpare hine kosakayokar somo ki Kamuy or ta koramkor yan; yakun a=korpare kusu ne na.

あなたがたの中で知恵の欠けている人がいれば、だれにでも惜しみなくとがめだてしないでお与えになる神に願いなさい。そうすれば、与えられます。

Koroka, eishokor-i wa utumashi shomoki no koramkoro yan; inambe gusu ne yakun, yaiutumashire guru anak ne rera ani apata wa akaikaire an atui riri korachi ne ruwe ne.

Korka, eysokor hi wa utumasi somo ki no koramkor yan; inanpe kusu ne yakun, yayutumasire kur anakne rera ani a=pa ta wa akaykayre an atuy rir koraci ne ruwe ne.

いささかも疑わず、信仰をもって願いなさい。疑う者は、風に吹かれて揺れ動く海の波に似ています。

Nei no an guru anak ne Utarapa orowa no nep ka akore kusu ne na sekoro iteki yainu yan;

Ne no an kur anakne Utarpa orowano nep ka a=kor kusu ne na sekor iteki yaynu yan;

そういう人は、主から何かいただけると思ってはなりません。

tu keutum o guru ne, nep ne yakka gusu maunmaun ruwe ne gusu ne na.

tu kewtum o kur ne, nep ne yakka kusu mawnmawn ruwe ne kusu ne na.

心が定まらず、生き方全体に安定を欠く人です。

Koroka, eraratki an iriwak anak ne arikande gusu nupetne yan;

Korka, eraratki an irwak anakne arikante kusu nupetne yan;

貧しい兄弟は、自分が高められることを誇りに思いなさい。

orowa no, oteknu guru aeraratki gusu nupetne yan; mun epuige korachi isam kusu ne gusu ne na.

orowano, oteknu kur aeraratki kusu nupetne yan; mun epuyke koraci isam kusu ne kusu ne na.

また、富んでいる者は、自分が低くされることを誇りに思いなさい。富んでいる者は草花のように滅び去るからです。

Shirishumpa rera utura chup hetuku chiki, nei mun shumumgere ruwe ne; orowa, epuige rapapse hine nei hetuku aekiroro an-i aisamka ruwe ne: tap korachi ka ikoro koro guru anak ne koro apkash ru otta isam kusu ne na.

sirisunpa rera utura cup hetuku ciki, ne mun sumumkere ruwe ne; orowa, epuyke rapapse hine ne hetuku aekiroro an hi aysamka ruwe ne: tap koraci ka i=kor kor kur anakne kor apkas ru or ta isam kusu ne na.

日が昇り熱風が吹きつけると、草は枯れ、花は散り、その美しさは失せてしまいます。同じように、富んでいる者も、人生の半ばで消えうせるのです。

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

Koramnukar wa yaysiporore kur anakne a=nunuke ne: Sinuma awwante a=okere ciki, Utarpa omap utar or ta a=korpare kuni aytakamkire wa an inotu oma sapawnpe a=kor kusu ne kusu ne na.

試練を耐え忍ぶ人は幸いです。その人は適格者と認められ、神を愛する人々に約束された命の冠をいただくからです。

Nen ne yakka akoramnukara ita, kuani anak Kamui orowa no a en koramnukara an iteki ye yan: inambe gusu ne yakun, Kamui anak ne wenbe gusu akoramnukara eaikapbe ne, shui, Shinuma yaikota shomo ainu koramnukara ruwe ne:

Nen ne yakka akoramnukara hi ta, kuani anak Kamuy orowano a en koramnukar an iteki ye yan: inanpe kusu ne yakun, Kamuy anakne wenpe kusu akoramnukara eaykap pe ne, suy, Sinuma yaykota somo aynu koramnukar ruwe ne:

誘惑に遭うとき、だれも、「神に誘惑されている」と言ってはなりません。神は、悪の誘惑を受けるような方ではなく、また、御自分でも人を誘惑したりなさらないからです。

koroka, ainu pishno yaikota koro iki rusui keutum gusu apashte wa shiren chiki akoramnukan ruwe ne.

korka, aynu pisno yaykota kor iki rusuy kewtum kusu a=paste wa siren ciki akoramnukan ruwe ne.

むしろ、人はそれぞれ、自分自身の欲望に引かれ、唆されて、誘惑に陥るのです。

Orowa, yai-keutum iki rusuibe yairat chiki, katpak o: orowa, katpak anak shukup chiki; rai-arabe hetukure ruwe ne.

Orowa, yay-kewtum iki rusuy pe yayrat ciki, katpak o: orowa, katpak anak sukup ciki; ray-a=rap hetukure ruwe ne.

そして、欲望ははらんで罪を生み、罪が熟して死を生みます。

Aomap an ku iriwak utara iteki akokandama wa okai yan.

A=omap an ku irwak utar iteki a=kokantama wa okay yan.

わたしの愛する兄弟たち、思い違いをしてはいけません。

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Opittano okay pirka aykrap, opittano okay a=eramusinne an aykorep anakne, rik orowano an ap ne, yayutasare somo ki, hosari kusu kurihi kar somo ki peker kor Mici orowano sap ruwe ne.

良い贈り物、完全な賜物はみな、上から、光の源である御父から来るのです。御父には、移り変わりも、天体の動きにつれて生ずる陰もありません。

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Sinuma yaykota irenka kusu ci utar anakne Sinuma kar okay pe or ta ar-ipehe ne kuni ne, sonno an itak ani un hetukure nisa ruwe ne na.

御父は、御心のままに、真理の言葉によってわたしたちを生んでくださいました。それは、わたしたちを、いわば造られたものの初穂となさるためです。

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,

Ku omap an irwak utar, onnere yan. Korka, pisno an kur anakne nu kusu casnu, itak kusu moyre,

わたしの愛する兄弟たち、よくわきまえていなさい。だれでも、聞くのに早く、話すのに遅く、また怒るのに遅いようにしなさい。

irushka gusu moire yanro; inambe gusu ne yakun, ainu ki irushka ambe anak ne Kamui oupekap shomo kan ruwe ne.

iruska kusu moyre yanro; inanpe kusu ne yakun, aynu ki iruska anpe anakne Kamuy owpekap somo kan ruwe ne.

人の怒りは神の義を実現しないからです。

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

Tanpe kusu, opittano okay tur-us pe ne wa wenpe eykawnu kaspa p ante wa eci kor ramat kasiciopiwki easkay onnayke un hekatu wa an itak ramu-rocca wa uyna yaw.

だから、あらゆる汚れやあふれるほどの悪を素直に捨て去り、心に植え付けられた御言葉を受け入れなさい。この御言葉は、あなたがたの魂を救うことができます。

Koroka, echi utara anak ne nei itak ki, iteki ouse nei ambe nu wa echi yaikota yaikokandama yan.

Korka, eci utar anakne ne itak ki, iteki owse ne anpe nu wa eci yaykota yaykokantama yan.

御言葉を行う人になりなさい。自分を欺いて、聞くだけで終わる者になってはいけません。

Inambe gusu ne yakun, inan guru ne yakka nei itak nu wa shomo nei ambe ki chiki, yaikunnukarabe otta ahetuku an koro nanuhu esanniyo guru koheraye ruwe ne:

Inanpe kusu ne yakun, inan kur ne yakka ne itak nu wa somo ne anpe ki ciki, yaykunnukarape or ta a=hetuku an kor nanuhu esanniyo kur koheraye ruwe ne:

御言葉を聞くだけで行わない者がいれば、その人は生まれつきの顔を鏡に映して眺める人に似ています。

shinuma yainukara orowa oman wa nekon a anukarabe ainu ne ya ari an ambe oira ruwe ne gusu ne na.

sinuma yaynukara orowa oman wa nekona anukarape aynu ne ya ari an anpe oyra ruwe ne kusu ne na.

鏡に映った自分の姿を眺めても、立ち去ると、それがどのようであったか、すぐに忘れてしまいます。

Koroka, aeramushinne an, rengaine an nrondum oma tuitak otta hotku wa ingara wa okai gurʼanak ne, shinuma oira no an nu guru shomo ne, koroka, ikip ki guru ne wa gusu, tan guru anak ne iki wa akoingara kusu ne na.

Korka, a=eramusinne an, renkayne an nrontum oma tuytak or ta hotku wa inkar wa okay kur anakne, sinuma oyra no an nu kur somo ne, korka, iki p ki kur ne wa kusu, tan kur anakne iki wa akoynkara kusu ne na.

しかし、自由をもたらす完全な律法を一心に見つめ、これを守る人は、聞いて忘れてしまう人ではなく、行う人です。このような人は、その行いによって幸せになります。

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Inan kur ne yakka, Kamuy or ta yaysieywankere kur ne sekor yayyaynu wa, kor parunpe sikkasma somo ki no, kor ramat kokantama ciki, ne kur ki yaysieywankere anpe anakne raka i=sanpe ne ruwe ne.

自分は信心深い者だと思っても、舌を制することができず、自分の心を欺くならば、そのような人の信心は無意味です。

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

Ci=kor Kamuy ne wa Michihi tek-sama ta an tur-sak ne wa somo eci yaysieywankere hi anakne, tanpe ne ruwe ne, — Aeramchuptek wa okay esikop sak utar ne wa siyonpiyar siwentep utar hotanukar, sama ta, iteki mosir ani yayturukotaci kuni ne yaysikkasima anpe ne ruwe ne.

みなしごや、やもめが困っているときに世話をし、世の汚れに染まらないように自分を守ること、これこそ父である神の御前に清く汚れのない信心です。

Ku iriwak utara, ainu yaikoramu ki wa gusu iteki chikoro Utarapa ne nupeki koro Yesu Kiristo gusu an eishokor-i shikkashima yan.

Ku irwak utar, aynu yaykoramu ki wa kusu iteki ci=kor Utarpa ne nupeki kor Yesu Kiristo kusu an eysokor hi sikkasma yan.

わたしの兄弟たち、栄光に満ちた、わたしたちの主イエス・キリストを信じながら、人を分け隔てしてはなりません。

Inambe gusu ne yakun, kongani tek-orunbe aunu, sarambe anrip yaimire guru echi koro nwekari ta ahun chiki, samata, shui, wen

Inanpe kusu ne yakun, konkani tek-orunpe awnu, saranpe anrip yaymire kur eci kor nwekari ta ahun ciki, sama ta, suy, wen

あなたがたの集まりに、金の指輪をはめた立派な身なりの人が入って来、また、汚らしい服装の貧しい人も入って来るとします。

amip ami otek-sak guru ne yakka ahun yakun, aige, nei sarambe amip yaitomchiure guru orun nukara wa hetak tan pirika ushike ta a wa en kore ani ye, aine, toada ash hene, teda an ku goro chikiri set samta a hene otek-sak guru otta e ye chiki;

amip ami otek-sak kur ne yakka ahun yakun, ayke, ne saranpe amip yaytomciwre kur or un nukar wa hetak tan pirka uske ta a wa en kore ani ye, ayne, toata as hene, te ta an ku kor cikiri set sam ta a hene otek-sak kur or ta e ye ciki;

その立派な身なりの人に特別に目を留めて、「あなたは、こちらの席にお掛けください」と言い、貧しい人には、「あなたは、そこに立っているか、わたしの足もとに座るかしていなさい」と言うなら、

keutum ta utara ushinnai are wa wen yainu-lri gusu koipishi ki utara shomo echi ne ruwe he an?

kewtum ta utar usinnay are wa wen yaynu-lri kusu koypisi ki utar somo eci ne ruwe he an?

あなたがたは、自分たちの中で差別をし、誤った考えに基づいて判断を下したことになるのではありませんか。

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

Ku omap an irwak utar nu yan; Sinuma omap utar or ta aeytakamkire wa an mosir eykeskore kusu Kamuy anak tara mosir kusu irapokkari wa eysokor hi kusu oteknu utar numke somo ki ruwe he an?

わたしの愛する兄弟たち、よく聞きなさい。神は世の貧しい人たちをあえて選んで、信仰に富ませ、御自身を愛する者に約束された国を、受け継ぐ者となさったではありませんか。

Koroka, echi utara anak ne nei irapokkari guru epeka shomo yaikatanu ki nisa ruwe ne na, oteknu utara anak ne echi ramunishte wa kore hine akoipishi set otta echi nimba shomoki ruwe he an?

Korka, eci utar anakne ne irapokkari kur epeka somo yaykatanu ki nisa ruwe ne na, oteknu utar anakne eci ramuniste wa kore hine akoypisi set or ta eci ninpa somo ki ruwe he an?

だが、あなたがたは、貧しい人を辱めた。富んでいる者たちこそ、あなたがたをひどい目に遭わせ、裁判所へ引っ張って行くではありませんか。

Ari echi reikore an aeoripak an reihei nei utara koatcha shomoki ruwe he an?

Ari eci rekor an a=eoripak an rehe ne utar koacca somo ki ruwe he an?

また彼らこそ、あなたがたに与えられたあの尊い名を、冒瀆しているではないですか。

Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na;

Yakka, eci utar anakne Kamuy kampi ka ta ciesinnuye wa an — Eani yaykota yay-omap koraci a=o ta un kur omap yan, — ari an sapane an tuytak uweomare ciki, pirka p eci iki na;

もしあなたがたが、聖書に従って、「隣人を自分のように愛しなさい」という最も尊い律法を実行しているのなら、それは結構なことです。

koroka, echi utara ainu yaikoramu iki yakun, katpak echi ki na, aige, akatpakte an utara korachi tuitak gusu katpak an sekoro aesanniyo ruwe ne na.

korka, eci utar aynu yaykoramu iki yakun, katpak eciki na, ayke, akatpakte an utar koraci tuytak kusu katpak an sekor a=esanniyo ruwe ne na.

しかし、人を分け隔てするなら、あなたがたは罪を犯すことになり、律法によって違犯者と断定されます。

Inambe gusu ne yakun, nen ne yakka tuitak ebitta ki wa shinep gusu ureepetchiu chiki, nei guru anak obitta ehaita ruwe ne.

Inanpe kusu ne yakun, nen ne yakka tuytak epitta ki wa sinep kusu ureepecciw ciki, ne kur anak opitta ehayta ruwe ne.

律法全体を守ったとしても、一つの点でおちどがあるなら、すべての点について有罪となるからです。

Iteki omoinu koro yan, sekoro ye Kamui anak ne, shui, iteki keuk yan ne yakka ye nisa ruwe ne gusu ne na. Orowa, eani anak ne omoinu shomoki yakka, koroka, keuk chiki, tuitak ehaita guru e ne ruwe ne.

Iteki omoynu kor yan, sekor ye Kamuy anakne, suy, iteki kewk yan ne yakka ye nisa ruwe ne kusu ne na. Orowa, eani anakne omoynu somo ki yakka, korka, kewk ciki, tuytak ehayta kur e ne ruwe ne.

「姦淫するな」と言われた方は、「殺すな」とも言われました。そこで、たとえ姦淫はしなくても、人殺しをすれば、あなたは律法の違犯者になるのです。

Rengaine mondum an tuitak ani akoipishi kusu ne utara nei no korachi ye yan, iki yan.

Renkayne montum an tuytak ani akoypisi kusu ne utar ne no koraci ye yan, iki yan.

自由をもたらす律法によっていずれは裁かれる者として、語り、またふるまいなさい。

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Inanpe kusu ne yakun, eranpokiwen wa kore somo ki kur anakne somo aeranpokiwen wa akoypisi kusu ne na: koypisi anpe anakne ranpoken kusu an=rapok a=kar kusu ne ruwe tapan na.

人に憐れみをかけない者には、憐れみのない裁きが下されます。憐れみは裁きに打ち勝つのです。

Ku iriwak utara, ainu anak ne eishokor-i an sekoro ye wa ki ikip isam chiki nep yaiepirikarep an a? Nei eishokor-i anak ne nei guru kashiobiuki eashkai ruwe he an?

Ku irwak utar, aynu anakne eysokor hi an sekor ye wa ki iki p isam ciki nep yayepirikarep an a? Ne eysokor hi anakne ne kur kasiopiwki easkay ruwe he an?

わたしの兄弟たち、自分は信仰を持っていると言う者がいても、行いが伴わなければ、何の役に立つでしょうか。そのような信仰が、彼を救うことができるでしょうか。

Okkai ainu iriwak hene mat ainu iriwak hene atusa hene ki, kesto e kuni aep sak hene ki,

Okkay aynu irwak hene mataynu irwak hene atusa hene ki, kesto e kuni aep sak hene ki,

もし、兄弟あるいは姉妹が、着る物もなく、その日の食べ物にも事欠いているとき、

aige, orota mo an no paye wa yaipopkere hene ki, ibe yaieramushinnere hene ki yan, sekoro echi tumugeta nenka ye chiki; yakka, netobake gusu nei aeishiramnep koropare shomoki yakun, nep epirikarep an ya?

ayke, oro ta mo an no paye wa yaypopkere hene ki, ipe yayeramusinnere hene ki yan, sekor eci tumke ta nen ka ye ciki; yakka, netopake kusu ne aeysiramnep korpare somo ki yakun, nep epirikarep an ya?

あなたがたのだれかが、彼らに、「安心して行きなさい。温まりなさい。満腹するまで食べなさい」と言うだけで、体に必要なものを何一つ与えないなら、何の役に立つでしょう。

Tap korachi eishokor-i anak ne ki ikip sak no an chiki, yaikota gusu rai wa an ruwe ne.

Tap koraci eysokor hi anakne ki iki p sak no an ciki, yaykota kusu ray wa an ruwe ne.

信仰もこれと同じです。行いが伴わないなら、信仰はそれだけでは死んだものです。

Ruwe un, Eani anak ne eishokor-i koro, orowa, kuani anak ki ikip an, sekoro ye kusu ne guru an: ki ikip sak no an e koro eishokor-i en nukare yan, yakun, kuani anak ku ki ikip ani ku goro eishokor-i e nukare ash na.

Ruwe un, Eani anakne eysokor hi kor, orowa, kuani anak ki iki p an, sekor ye kusu ne kur an: ki iki p sak no an e kor eysokor hi en nukare yan, yakun, kuani anak ku ki iki p ani ku kor eysokor hi e nukare as na.

しかし、「あなたには信仰があり、わたしには行いがある」と言う人がいるかもしれません。行いの伴わないあなたの信仰を見せなさい。そうすれば、わたしは行いによって、自分の信仰を見せましょう。

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

Kamuy sinep ne sekor eani eysokor ki; ne anpe pirka ne: nitnep ne yakka eysokor wa tususke ruwe ne.

あなたは「神は唯一だ」と信じている。結構なことだ。悪霊どももそう信じて、おののいています。

Aa haita guru, ki ikip sak no an eishokor-i anak ne toirenbe ne sekoro onnere shomoki ya?

Aa hayta kur, ki iki p sak no an eysokor hi anakne toyrenpe ne sekor onnere somo ki ya?

ああ、愚かな者よ、行いの伴わない信仰が役に立たない、ということを知りたいのか。

Yange set kashiketa koro poho Isaak yange gusu, chikoro michi ne Abraham anak ne nei ki ikip gusu aoupekare shomoki nisa ruwe he an?

Yanke set kasiketa kor poho Isaak yanke kusu, ci=kor mici ne Abraham anakne ne ki iki p kusu aowpekare somo ki nisa ruwe he an?

神がわたしたちの父アブラハムを義とされたのは、息子のイサクを祭壇の上に献げるという行いによってではなかったですか。

Shinuma koro ki ikip tura eishokor-i ki, samata, ki ikip gusu eishokor-i anak aeramushinnere nisa ruwe ne sekoro eani nukara; awa,

Sinuma kor ki iki p tura eysokor hi ki, sama ta, ki iki p kusu eysokor hi anak aeramusinnere nisa ruwe ne sekor eani nukar; awa,

アブラハムの信仰がその行いと共に働き、信仰が行いによって完成されたことが、これで分かるでしょう。

Abraham anak ne Kamui eishokoro, aige, tambe anak shinuma gusu oupeka ambe ne sekoro aesanniyo nisa ruwe ne sekorobe ye Kamui kambi auweomare nisa ruwe ne; orowa, shinuma anak ne Kamui koro ikatairotke guru ne ani aye nisa ruwe ne na.

Abraham anakne Kamuy eysokor, ayke, tanpe anak sinuma kusu owpeka anpe ne sekor a=esanniyo nisa ruwe ne sekorope ye Kamuy kampi awweomare nisa ruwe ne; orowa, sinuma anakne Kamuy kor ikatayrotke kur ne ani aye nisa ruwe ne na.

「アブラハムは神を信じた。それが彼の義と認められた」という聖書の言葉が実現し、彼は神の友と呼ばれたのです。

Ainu anak ne ki ikip gusu aoupekare wa ouse eishokor-i gusu shomo ne ruwe ne sekoro echi nukan ruwe ne.

Aynu anakne ki iki p kusu aowpekare wa owse eysokor hi kusu somo ne ruwe ne sekor eci nukan ruwe ne.

これであなたがたも分かるように、人は行いによって義とされるのであって、信仰だけによるのではありません。

Tambe nei no yaiupshoro chari gunʼne Rahab ne yakka nei ateshkara utara ahupte, orowa, oya ru kari payere-hi gusu seenne aoupekare shomoki ruwe he an?

Tanpe ne no yayupsoro cari kunne Rahab ne yakka ne a=teskar utar ahupte, orowa, oya ru kari payere hi kusu seenne aowpekare somo ki ruwe he an?

同様に、娼婦ラハブも、あの使いの者たちを家に迎え入れ、別の道から送り出してやるという行いによって、義とされたではありませんか。

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.

Inanpe kusu ne yakun, ramat sak no an netopake anakne ray koraci, tanpe ne no ki iki p sak no an eysokor hi anakne ray wa an ap ne ruwe ne na.

魂のない肉体が死んだものであるように、行いを伴わない信仰は死んだものです。

Ku iriwak utara, chi utara anak ne naa yupke no aesanniyo wa akoipishi kusu ne sekorʼambe eraman wa inne no echi utara anak ne iteki epakashnu utara ne yan.

Ku irwak utar, ci utar anakne naa yupke no a=esanniyo wa akoypisi kusu ne sekor anpe eraman wa inne no eci utar anakne iteki epakasnu utar ne yan.

わたしの兄弟たち、あなたがたのうち多くの人が教師になってはなりません。わたしたち教師がほかの人たちより厳しい裁きを受けることになると、あなたがたは知っています。

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

Inanpe kusu ne yakun, inne no okay pe kusu ci utar opitta ureepecciw ruwe ne kusu ne na. Itak kusu ureepecciw somo ki kur an ciki, sinuma anak a=eramusinne aynu ne, kor netopake ne yakka epitta sikkasma easkay pe ne.

わたしたちは皆、度々過ちを犯すからです。言葉で過ちを犯さないなら、それは自分の全身を制御できる完全な人です。

Shui, chikon rusuibe akire kuni ne, umma paroho otta kuchiwa omare yakun, koro tumama ne yakka ebitta henoyere ruwe ne.

Suy, ci=kon rusuy pe a=kir kuni ne, umma paroho or ta kuciwa omare yakun, kor tumama ne yakka epitta henoyere ruwe ne.

馬を御するには、口にくつわをはめれば、その体全体を意のままに動かすことができます。

Chip ne yakka ingara yan, nei ambe anak ne ene poro shiriki, aine, yupke rera ani apashte yakka, kanchi koro guru rengaine nei shiri pon kanchi gusu henoyere eashkai ruwe ne.

Cip ne yakka inkar yan, ne anpe anakne ene poro siriki, ayne, yupke rera ani a=paste yakka, kanci kor kur renkayne ne siri pon kanci kusu henoyere easkay ruwe ne.

また、船を御覧なさい。あのように大きくて、強風に吹きまくられている船も、舵取りは、ごく小さい舵で意のままに操ります。

Tap korachi parumbe anak ne ponbe ne a koroka porobe gusu yaiomonnure shiriki. Ingara gusu, nep poro nitai pon abe anak uhuye ruwe!

Tap koraci parunpe anakne ponpe ne a korka poro p kusu yayomonnure siriki. Inkar kusu, nep poro nitay pon ape anak uhuy ruwe!

同じように、舌は小さな器官ですが、大言壮語するのです。御覧なさい。どんなに小さな火でも大きい森を燃やしてしまう。

Orowa, parumbe anak ne abe ne: netobake ebitta turusakte chikoro tumam awehe tumta an oupeka sak moshiri ne, Gehenna gusu aare wa moshirʼebitta uhuyeka ruwe ne.

Orowa, parunpe anakne ape ne: netopake epitta turusakte ci=kor tumam awehe tum ta an owpeka sak mosir ne, Gehenna kusu a=re wa mosir epitta uhuyeka ruwe ne.

舌は火です。舌は「不義の世界」です。わたしたちの体の器官の一つで、全身を汚し、移り変わる人生を焼き尽くし、自らも地獄の火によって燃やされます。

Inambe gusu ne yakun, nep chikoikip hene, chikap hene, reye ambe hene, rep un okaibe hene, aratchitara shiomaparare an, Ainu orowa no aratchitara shiomaparare nisa ruwe ne:

Inanpe kusu ne yakun, nep cikoykip hene, cikap hene, reye anpe hene, repun okay pe hene, araccitara siomaparare an, Aynu orowano araccitara siomaparare nisa ruwe ne:

あらゆる種類の獣や鳥、また這うものや海の生き物は、人間によって制御されていますし、これまでも制御されてきました。

koroka, parumbe ratchitara shiomaparare guru isam; nei ambe anak ne shinire hokamba wenbe ne, rai oma surugu ne ruwe ne na.

korka, parunpe raccitara siomaparare kur isam; ne anpe anakne sinire hokanpa wenpe ne, ray oma surku ne ruwe ne na.

しかし、舌を制御できる人は一人もいません。舌は、疲れを知らない悪で、死をもたらす毒に満ちています。

Nei ambe ani chi utara anak ne Utarapa newa Michi ne Kamui ramye ruwe ne; shui, nei ambe ani Kamui katuhu nepkoro korachi akara ainu iyoitakushi ki ruwe ne;

Ne anpe ani ci utar anakne Utarpa ne wa Mici ne Kamuy ramye ruwe ne; suy, ne anpe ani Kamuy katuhu nep kor koraci a=kar aynu iyoytakus ki ruwe ne;

わたしたちは舌で、父である主を賛美し、また、舌で、神にかたどって造られた人間を呪います。

shine paro wano ramye ambe newa iyoitakushi ambe san ruwe ne. Ku iriwak utara tap ambe anak ene okaibe an kunip shomo ne ruwe tapan na.

sine paro wano ramye anpe ne wa iyoytakus anpe san ruwe ne. Ku irwak utar tapanpe anak ene okay pe an kuni p somo ne ruwe tapan na.

同じ口から賛美と呪いが出て来るのです。わたしの兄弟たち、このようなことがあってはなりません。

Shine pui orowa no pituru wakka newa shiunin wakka tup ne kane asangere eashkaibe ne ruwe he an?

Sine puy orowano pituru wakka ne wa siwnin wakka tup ne kane asankere easkay pe ne ruwe he an?

泉の同じ穴から、甘い水と苦い水がわき出るでしょうか。

Ku iriwak utara, ichijiku chikuni anak ne kanran nikaop hetukure eashkai ya? Shui, hat pungara anak ne ichijiku nikaop hetukure eashkai ya? tap korachi, runnu wakka anak ne pituru wakka sangere eaikap ruwe ne na.

Ku irwak utar, icijiku cikuni anakne kanran nikaop hetukure easkay ya? Suy, hat punkar anakne icijiku nikaop hetukure easkay ya? tap koraci, runnu wakka anakne pituru wakka sankere eaykap ruwe ne na.

わたしの兄弟たち、いちじくの木がオリーブの実を結び、ぶどうの木がいちじくの実を結ぶことができるでしょうか。塩水が甘い水を作ることもできません。

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

Eci tum ta wayasnu wa eramus kur nen ne ruwe? Ne kur i=su wa pirka puri kor hine ramurocca an wayasnu iki p nukare yan.

あなたがたの中で、知恵があり分別があるのはだれか。その人は、知恵にふさわしい柔和な行いを、立派な生き方によって示しなさい。

Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.

Korka, kewtum ta ikoytupa siwnin pe ne wa sakayo kane eci kor ciki, iteki yayomonnure, iteki sonep kusu sunke ki yan.

しかし、あなたがたは、内心ねたみ深く利己的であるなら、自慢したり、真理に逆らってうそをついたりしてはなりません。

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Tapne an wayasnu hi anakne rik orowano ran ap somo ne, korka, mosir un pe ne, renkayne an kewtum un pe ne, nitne kamuy un pe ne ruwe ne.

そのような知恵は、上から出たものではなく、地上のもの、この世のもの、悪魔から出たものです。

Inambe gusu ne yakun, ikoitupa ambe newa sakayo an ita anak ne, nei ushiketa eramu-hokasusu ambe

Inanpe kusu ne yakun, ikoytupa anpe ne wa sakayo an hi ta anakne, ne uske ta eramu-hokasusu anpe

ねたみや利己心のあるところには、混乱やあらゆる悪い行いがあるからです。

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

ne wa opittano okay wen-puri an kusu ne na. Korka, rik orowano an wayasnu hi anakne hoskino turusakpe ne, orowa, i=tom irenka kor pe ne, rocca ne, yayroccare kasus ne anpe ne, ranpoken ne wa pirka iki p ani a=esik, utomotne somo ki, kankapkapeka somo ki ruwe ne.

上から出た知恵は、何よりもまず、純真で、更に、温和で、優しく、従順なものです。憐れみと良い実に満ちています。偏見はなく、偽善的でもありません。

Orowa, oupeka gusu an ibehe anak ne itomo an no itomo irenga sange utara ani aetoita ruwe ne na.

Orowa, owpeka kusu an ipehe anakne i=tom an no i=tom irenka sanke utar ani a=etoyta ruwe ne na.

義の実は、平和を実現する人たちによって、平和のうちに蒔かれるのです。

Echi tumugeta okai iki tumi newa ukoiki ambe anak ne hunak wa hetuku ya? Echi koro awehe ta iki eikaunu an keutum gusu shomo hetuku ya?

Eci tumke ta okay iki tumi ne wa ukoyki anpe anakne hunak wa hetuku ya? Eci kor awehe ta iki eykawnu an kewtum kusu somo hetuku ya?

何が原因で、あなたがたの間に戦いや争いが起こるのですか。あなたがた自身の内部で争い合う欲望が、その原因ではありませんか。

Echi utara ibeporore ki, koroka, shomo koro: echi keuk hemhem ki, ikoitupa hemhem ki, koroka, uina eaikap ruwe ne: ukoiki echi ki, tumi echi koro; shomo echi koramkoro gusu shomo echi kon ruwe ne.

Eci utar ipeporore ki, korka, somo kor: eci kewk hemhem ki, ikoytupa hemhem ki, korka, uyna eaykap ruwe ne: ukoyki eciki, tumi eci kor; somo eci koramkor kusu somo eci kor ruwe ne.

あなたがたは、欲しても得られず、人を殺します。また、熱望しても手に入れることができず、争ったり戦ったりします。得られないのは、願い求めないからで、

Echi koramkoro, aige, shomo akore na, eikaunu an no yaikota gusu nei ambe eiwange kuni ne wen no echi koramkoro ruwe ne gusu ne na.

Eci koramkor, ayke, somo a=kor na, eykawnu an no yaykota kusu ne anpe eywanke kuni ne wenno eci koramkor ruwe ne kusu ne na.

願い求めても、与えられないのは、自分の楽しみのために使おうと、間違った動機で願い求めるからです。

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

omoynu kor utar, mosir kateomare anpe anakne Kamuy epokpap ne sekor somo eci eraman ya? Tanpe kusu, nen ne yakka mosir kateomare kuni ramu kur anakne, Kamuy epokpa kur ne yaykar ruwe ne.

神に背いた者たち、世の友となることが、神の敵となることだとは知らないのか。世の友になりたいと願う人はだれでも、神の敵になるのです。

Samata, ikkewe isam no Kamui kambi ye ruwe ne sekoro echi yainu ya? Un onnaigeta Shinuma shiromare ramat anak ne eyaitunnap iki ruwe he an?

Sama ta, ikkewe isam no Kamuy kampi ye ruwe ne sekor eci yaynu ya? Un onnayke ta Sinuma siromare ramat anakne eyaytunnap iki ruwe he an?

それとも、聖書に次のように書かれているのは意味がないと思うのですか。「神はわたしたちの内に住まわせた霊を、ねたむほどに深く愛しておられ、

Koroka, Shinuma anak ne irenga naa an no un koropare. Tambe gusu, Kamui anak ne pakesara utara eshishi, koroka, yaieoripakka utara otta irenga koropare ruwe ne, ari itak.

Korka, Sinuma anakne irenka naa an no un korpare. Tanpe kusu, Kamuy anakne pakesara utar esisi, korka, yayeoripakka utar or ta irenka korpare ruwe ne, ari itak.

もっと豊かな恵みをくださる。」それで、こう書かれています。「神は、高慢な者を敵とし、謙遜な者には恵みをお与えになる。」

Tambe gusu, Kamui koitaknu yan; koroka, nitne kamui esbishi yan, yakun shinuma echi orowa no shaot kusu ne na.

Tanpe kusu, Kamuy koytaknu yan; korka, nitne kamuy espisi yan, yakun sinuma eci orowano saot kusu ne na.

だから、神に服従し、悪魔に反抗しなさい。そうすれば、悪魔はあなたがたから逃げて行きます。

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

Kamuy or un karankeno arki yan, yakun, Sinuma eci or un karankeno ek kusu ne. Katpak kor utar, eci kor teke askannere yan; tu kewtum kor utar, eci kor sarape turusakte yan.

神に近づきなさい。そうすれば、神は近づいてくださいます。罪人たち、手を清めなさい。心の定まらない者たち、心を清めなさい。

Yairamkoiki hene ki, yaituwashkarap hene ki, chish hene ki yan; echi mina ambe itasare wa yaituwashkarap ne kara, echi nupetne-hi itasare wa oknatara ambe ne kara yan.

yayramkoyki hene ki, yaytuwaskarap hene ki, cis hene ki yan; eci mina anpe itasare wa yaytuwaskarap ne kar, eci nupetne hi itasare wa oknatara anpe ne kar yan.

悲しみ、嘆き、泣きなさい。笑いを悲しみに変え、喜びを愁いに変えなさい。

Utarapa tek-samata yaieoripakka yan, yakun Shinuma echi riknare kusu ne na.

Utarpa tek-sama ta yayeoripakka yan, yakun Sinuma eci riknare kusu ne na.

主の前にへりくだりなさい。そうすれば、主があなたがたを高めてくださいます。

Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.

Irwak utar, utaspa iteki ohaykekar yan. Kor irwak kusu ohaykekar hene ki, irwak koypisi hene ki kur anakne tuytak ohaykekar, tuytak koypisi ruwe ne: korka, eani anakne tuytak koypisi ciki, tuytak ki kur somo e ne, koypisi ki kur e ne ruwe ne.

兄弟たち、悪口を言い合ってはなりません。兄弟の悪口を言ったり、自分の兄弟を裁いたりする者は、律法の悪口を言い、律法を裁くことになります。もし律法を裁くなら、律法の実践者ではなくて、裁き手です。

Tuitak sange wa koipiship shinep an, nei ambe anak ne kashiobiuki hene ki isamka hene ki eashkaibe ne: koroka, aota un guru koipishi eani anak ne nen ne ruwe?

Tuytak sanke wa koypisip sinep an, ne anpe anakne kasiopiwki hene ki isamka hene ki easkay pe ne: korka, a=o ta un kur koypisi eani anakne nen ne ruwe?

律法を定め、裁きを行う方は、おひとりだけです。この方が、救うことも滅ぼすこともおできになるのです。隣人を裁くあなたは、いったい何者なのですか。

Tanto hene nishatta hene nei kotan paye ash hine shine pa reushi, orowa, iraugetupa wa yaiepirikare kusu ne, ari an itak ani ye utara hetak tane esanniyo yan:

Tanto hene nisatta hene ne kotan paye as hine sine pa rewsi, orowa, irawketupa wa yayepirikare kusu ne, ari an itak ani ye utar hetak tane esanniyo yan:

よく聞きなさい。「今日か明日、これこれの町へ行って一年間滞在し、商売をして金もうけをしよう」と言う人たち、

nishatta hetuku kusu ne okaibe nekon a ambe ne ya sekoro echi erampeutek ruwe ne gusu ne na. Echi koro inotu nekon a ambe ne ya? Echi utara anak ne irukai an, aige, ush wa isam paha echi ne ruwe ne gusu ne na.

nisatta hetuku kusu ne okay pe nekona anpe ne ya sekor eci eranpewtek ruwe ne kusu ne na. Eci kor inotu nekona anpe ne ya? Eci utar anakne irukay an, ayke, us wa isam paha eci ne ruwe ne kusu ne na.

あなたがたには自分の命がどうなるか、明日のことは分からないのです。あなたがたは、わずかの間現れて、やがて消えて行く霧にすぎません。

Utarapa ramuoshma yakun chi utara shiknu wa tambe hene ki nei ambe hene ki kusu ne na ari an itak ani echi ye kuni an ambe ne.

Utarpa ramuosma yakun ci utar siknu wa tanpe hene ki ne anpe hene ki kusu ne na ari an itak ani eci ye kuni an anpe ne.

むしろ、あなたがたは、「主の御心であれば、生き永らえて、あのことやこのことをしよう」と言うべきです。

Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

Korka, pakesara wa tane eci yayomonnure ruwe ne: tap koraci yayomonnure anpe anakne wenpe ne ruwe ne na.

ところが、実際は、誇り高ぶっています。そのような誇りはすべて、悪いことです。

Tambe gusu, pirikap ki katu eraman wa nei ambe shomo iki guru an chiki, shinuma gusu katpak ne ruwe ne na.

Tanpe kusu, pirka p ki katu eraman wa ne anpe somo iki kur an ciki, sinuma kusu katpak ne ruwe ne na.

人がなすべき善を知りながら、それを行わないのは、その人にとって罪です。

Oteknu an echi utara, tane paye wa echi otta ek kushki yairamkoiki ambe gusu chish yan, hawe ashte yan.

Oteknu an eci utar, tane paye wa eci or ta ek kuski yayramkoyki anpe kusu cis yan, hawe aste yan.

富んでいる人たち、よく聞きなさい。自分にふりかかってくる不幸を思って、泣きわめきなさい。

Echi koro ikoro munin, echi koro amip shish ae ruwe ne.

Eci kor i=kor munin, eci kor amip sis ae ruwe ne.

あなたがたの富は朽ち果て、衣服には虫が付き、

Echi koro kongani, echi koro shirokani shikopop; nei shikopopbe anak ne echi gusu paweteshu ki, abe korachi echi koro kam ibe kusu ne na. Okese an toho ta ikoro echi eumashnu nisa ruwe ne.

Eci kor konkani, eci kor sirokani sikopop; ne sikopoppe anakne eci kusu pawetesu ki, ape koraci eci kor kam ipe kusu ne na. Okes an toho ta i=kor eci ewmasnu nisa ruwe ne.

金銀もさびてしまいます。このさびこそが、あなたがたの罪の証拠となり、あなたがたの肉を火のように食い尽くすでしょう。あなたがたは、この終わりの時のために宝を蓄えたのでした。

Ingarʼan, echi utara iramisamka ki wa echi kot toi mose-kara gusu auitek utara koro pummaha hawe ashte ruwe ne: mose-kara ki utara koro hawehe anak ne Sabaot koro Utarapa kisaraha orun ahun nisa ruwe ne na.

Inkar an, eci utar iramisamka ki wa eci kot toy mose-kar kusu awitek utar kor pummaha hawe aste ruwe ne: mose-kar ki utar kor hawehe anakne Sabaot kor Utarpa kisaraha or un ahun nisa ruwe ne na.

御覧なさい。畑を刈り入れた労働者にあなたがたが支払わなかった賃金が、叫び声をあげています。刈り入れをした人々の叫びは、万軍の主の耳に達しました。

Moshiri kata aep oshiroma no echi ishu wa yai yainuchattekte nisa, raige kuni toho ta keutum echi ritetkere nisa ruwe ne.

Mosir ka ta aep osiroma no eci i=su wa yay yaynucattekte nisa, rayke kuni toho ta kewtum eci ritetkere nisa ruwe ne.

あなたがたは、地上でぜいたくに暮らして、快楽にふけり、屠られる日に備え、自分の心を太らせ、

Katpak kore wa oupeka guru echi raige; shinuma eshishire shomoki ruwe ne na.

katpak kore wa owpeka kur eci rayke; sinuma esisire somo ki ruwe ne na.

正しい人を罪に定めて、殺した。その人は、あなたがたに抵抗していません。

Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

Tanpe kusu, ku irwak utar, Utarpa an pakno ramusiporore yan. Inkar an, toyta kur anakne ar-apto okake apto ek pakno ramusiporore wa toy wano an nupur ipehe untere ruwe ne.

兄弟たち、主が来られるときまで忍耐しなさい。農夫は、秋の雨と春の雨が降るまで忍耐しながら、大地の尊い実りを待つのです。

Echi utara poka ramushiporore yan; koro keutum atte yan:

Eci utar poka ramusiporore yan; kor kewtum atte yan:

あなたがたも忍耐しなさい。心を固く保ちなさい。主が来られる時が迫っているからです。

Utarapa ehange no an ruwe ne gusu ne na. Ku iriwak utara, shomo echi akoipishi an kuni ne, iteki utashpa oromam ki yan; ingarʼan, koipishi ki Kamui anak ne apa samaketa an ruwe ne.

Utarpa ehanke no an ruwe ne kusu ne na. Ku irwak utar, somo eci akoypisi an kuni ne, iteki utaspa oromam ki yan; inkar an, koypisi ki Kamuy anakne apa samake ta an ruwe ne.

兄弟たち、裁きを受けないようにするためには、互いに不平を言わぬことです。裁く方が戸口に立っておられます。

Ku iriwak utara. Utarapa reihei gusu ye uweingara utara koikara hine yairamkoiki wa ramushiporore yan.

Ku irwak utar. Utarpa rehe kusu ye uweynkara utar koykar hine yayramkoyki wa ramusiporore yan.

兄弟たち、主の名によって語った預言者たちを、辛抱と忍耐の模範としなさい。

Ingarʼan, yaishiporore ki a utara anunuke ne sekoro chi ye: Yob ki yaishiporore ambe echi nu nisa, orowa, Utarapa anak ne chishildraine ani aeshik wa rampoken kore Utarapa ne sekoro echi nukan nisa ruwe ne na.

Inkar an, yaysiporore ki a utar a=nunuke ne sekor ci ye: Yop ki yaysiporore anpe eci nu nisa, orowa, Utarpa anakne cisiltrayne ani a=esik wa ranpoken kore Utarpa ne sekor eci nukan nisa ruwe ne na.

忍耐した人たちは幸せだと、わたしたちは思います。あなたがたは、ヨブの忍耐について聞き、主が最後にどのようにしてくださったかを知っています。主は慈しみ深く、憐れみに満ちた方だからです。

Koroka, ku iriwak utara, tambe makangane yaitubare yan, kando epeka no hemhem, toitoi epeka no hemhem, moshima okaibe epeka no hemhem iteki shiyuppa no ekambakbe ki yan: koroka shomo echi akoipishi an kuni ne, ruwe un anak ne ruwe un ani ye, shomo anak ne shomo ani ye yan.

Korka, ku irwak utar, tanpe makankane yaytupare yan, kanto epeka no hemhem, toytoy epeka no hemhem, mosma okay pe epeka no hemhem iteki siyuppa no ekanpakpe ki yan: korka somo eci akoypisi an kuni ne, ruwe un anakne ruwe un ani ye, somo anakne somo ani ye yan.

わたしの兄弟たち、何よりもまず、誓いを立ててはなりません。天や地を指して、あるいは、そのほかどんな誓い方によってであろうと。裁きを受けないようにするために、あなたがたは「然り」は「然り」とし、「否」は「否」としなさい。

Echi tumugeta wenbe gusu yairamkoiki guru an ya? yakun, inonno-itak ki yan. Yainuchattek guru an ya? yakun, iramye shinotcha ki yan.

Eci tumke ta wenpe kusu yayramkoyki kur an ya? yakun, inonno-itak ki yan. Yainuchattek kur an ya? yakun, iramye sinocca ki yan.

あなたがたの中で苦しんでいる人は、祈りなさい。喜んでいる人は、賛美の歌をうたいなさい。

Echi tumugeta tashum ki guru an ya? yakun, Karisia un ekashi utara hotuyekara wa shinuma gusu inonno-itak ki, aige, Utarapa reihei ankushkerai kashiketa shum ota yan: orowa,

Eci tumke ta tasum ki kur an ya? yakun, Karisia un ekasi utar hotuyekar wa sinuma kusu inonno-itak ki, ayke, Utarpa rehe an=kuskeray kasiketa sum ota yan: orowa,

あなたがたの中で病気の人は、教会の長老を招いて、主の名によってオリーブ油を塗り、祈ってもらいなさい。

eishokoro an inonno-itak anak ne tashum guru shiknure, Utarapa anak ne Shinuma iwangere kusu ne na: samata, shinuma katpak ki a chiki atusare kusu ne na.

eysokor an inonno-itak anakne tasum kur siknure, Utarpa anakne Sinuma iwankere kusu ne na: sama ta, sinuma katpak ki a ciki atusare kusu ne na.

信仰に基づく祈りは、病人を救い、主がその人を起き上がらせてくださいます。その人が罪を犯したのであれば、主が赦してくださいます。

Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.

Tanpe kusu, eciki katpak utaspa uwe-eyaypusi yan, eci utar aywankere kuni ne uwewtaspa kusu inonno-itak ki yan. Owpeka kur ki inonno-itak anakne poro p iki ruwe ne na.

だから、主にいやしていただくために、罪を告白し合い、互いのために祈りなさい。正しい人の祈りは、大きな力があり、効果をもたらします。

Ericha anak ne chi utara korachi ainu buri koro, aige, apto shomo ash kuni ne shinuma inonno-itak ki nisa ruwe ne, aine, re pa re chup uturuta moshiri kata apto isam nisa ruwe ne na.

Erica anakne ci utar koraci aynu puri kor, ayke, apto somo as kuni ne sinuma inonno-itak ki nisa ruwe ne, ayne, re pa re cup utur ta mosir ka ta apto isam nisa ruwe ne na.

エリヤは、わたしたちと同じような人間でしたが、雨が降らないようにと熱心に祈ったところ、三年半にわたって地上に雨が降りませんでした。

Orowa, shui shinuma inonno-itak ki; awa, kando anak ne apto koropare, aige, toitoi ibehe hetukure nisa ruwe ne.

Orowa, suy sinuma inonno-itak ki; awa, kanto anakne apto korpare, ayke, toytoy ipehe hetukure nisa ruwe ne.

しかし、再び祈ったところ、天から雨が降り、地は実をみのらせました。

Ku iriwak utara, echi tumugeta nen ka sonep ehaita, aige, moshima guru shinuma yaikokatpakte chiki; tambe onnere yan,

Ku irwak utar, eci tumke ta nen ka sonep ehayta, ayke, mosma kur sinuma yaykokatpakte ciki; tanpe onnere yan,

わたしの兄弟たち、あなたがたの中に真理から迷い出た者がいて、だれかがその人を真理へ連れ戻すならば、

koro ohaita katpak eyaikokatpakte guru anak ne rai-i orowa no ramat ohaita re kusu ne, samata, inne no okai katpak kamure kusu ne na.

kor ohay ta katpak eyaykokatpakte kur anakne ray hi orowano ramat ohay ta re kusu ne, sama ta, inne no okay katpak kamure kusu ne na.

罪人を迷いの道から連れ戻す人は、その罪人の魂を死から救い出し、多くの罪を覆うことになると、知るべきです。