Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

Kamuy renkayne an kusu Kiristo Yesu kor Apostoro ne Pawros anakne Epesos kotan ta okay aaskannere utar ne wa Kiristo Yesu kusu ikipniwkes utar or ta kampi omante:

神の御心によってキリスト・イエスの使徒とされたパウロから、エフェソにいる聖なる者たち、キリスト・イエスを信ずる人たちへ。

Chikoro Michi ne Kamui newa Utarapa ne Yesu Kiristo orowa no irenga newa itomo echi gusu an an.

Ci=kor Mici ne Kamuy ne wa Utarpa ne Yesu Kiristo orowano irenka ne wa i=tom eci kusu an an.

わたしたちの父である神と主イエス・キリストからの恵みと平和が、あなたがたにあるように。

Kiristo oma kando oshiketa obitta no okai ramat gusu an kashnukarape ani un nunuke chikoro Utarapa ne Yesu Kiristo koro Michi ne Kamui shinnunuke ne:

Kiristo oma kanto oske ta opittano okay ramat kusu an kasnukarape ani un nunuke ci=kor Utarpa ne Yesu Kiristo kor Mici ne Kamuy sinnunuke ne:

わたしたちの主イエス・キリストの父である神は、ほめたたえられますように。神は、わたしたちをキリストにおいて、天のあらゆる霊的な祝福で満たしてくださいました。

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

ci utar anakne Shinunra teksam ta omap ki hine, askanne ne wa pirisak no okay kuni ne, mosir naa somo a=kar etoko wano Kiristo kusu ne Kamuy anakne un numke nisa ruwe ne:

天地創造の前に、神はわたしたちを愛して、御自分の前で聖なる者、汚れのない者にしようと、キリストにおいてお選びになりました。

Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

sinunra etoko wano Yesu Kiristo an=kuskeray kusu Kamuy yaykota kor poho ne kuni uyr kar kusu an anpe esanniyo,

イエス・キリストによって神の子にしようと、御心のままに前もってお定めになったのです。

awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

awa, Shinunra kor Omap an kur kusu un or ta nuye an no korpare a=rakur ne wa irenka kusu ramuaye kuni ne kor kewtum pirka p renkayne anpe an koraci ne no ki nisa ruwe ne na:

神がその愛する御子によって与えてくださった輝かしい恵みを、わたしたちがたたえるためです。

Shinunra koro kemihi gusu chi utara anak ne kikiaraye wa katpak

sinunra kor kemihi kusu ci utar anakne kikiaraye wa katpak

わたしたちはこの御子において、その血によって贖われ、罪を赦されました。これは、神の豊かな恵みによるものです。

tusare ambe koro, tambe anak ne Kamui koro irenga oteknu ambe an korachi obitta no okai wayashnu ambe newa eramu ambe gusu un koropare nisa ruwe ne;

tusare anpe kor, tanpe anakne Kamuy kor irenka oteknu anpe an koraci opittano okay wayasnu anpe ne wa eramu anpe kusu un korpare nisa ruwe ne;

神はこの恵みをわたしたちの上にあふれさせ、すべての知恵と理解とを与えて、

Shinunra koro keutum ta an anuinap rengaine a un eramande;

sinunra kor kewtum ta an anuynap renkayne a un e=ramante;

秘められた計画をわたしたちに知らせてくださいました。これは、前もってキリストにおいてお決めになった神の御心によるものです。

tap ambe anak ne epa kuni paha epa ita Shinuma gusu aesanniyo kando otta an okaibe ne yakka, toi kata an okaibe ne yakka, obitta no an okaibe Kiristo otta aukotamgere kuni gusu an ambe ne;

tapanpe anakne epa kuni paha epa hi ta Sinuma kusu a=esanniyo kanto or ta an okay pe ne yakka, toy ka ta an okay pe ne yakka, opittano an okay pe Kiristo or ta awkotamkere kuni kusu an anpe ne;

こうして、時が満ちるに及んで、救いの業が完成され、あらゆるものが、頭であるキリストのもとに一つにまとめられます。天にあるものも地にあるものもキリストのもとに一つにまとめられるのです。

nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

nep ne yakka yaykota renkayne ukoramkor wa iki, ayke, kewtum an koraci etoko wano un esanniyo wa kor eykeskorope ne kuni un kar nisa ruwe ne;

キリストにおいてわたしたちは、御心のままにすべてのことを行われる方の御計画によって前もって定められ、約束されたものの相続者とされました。

tambe anak etoko wa Kiristo gusu chipachipa ki chi utara anak ne, Shinuma koro arakuru gusu airamye ambe ne kuni ne aki na;

tanpe anak etoko wa Kiristo kusu cipacipa ki ci utar anakne, Sinuma kor a=rakur kusu ayramye anpe ne kuni ne aki na;

それは、以前からキリストに希望を置いていたわたしたちが、神の栄光をたたえるためです。

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

eci utar ne yakka sonno an itak, eci kasiopiwki kusu an pirka sonko eci nu okake ta, orowa, Sinuma kusu eysokor ki okere ciki, Askanne Ramat kusu an eytakamkirep ani eci haw a=omare ruwe ne;

あなたがたもまた、キリストにおいて、真理の言葉、救いをもたらす福音を聞き、そして信じて、約束された聖霊で証印を押されたのです。

tambe anak ne Kamui nupeki ramuayere kuni gusu an Kamui yaikota iki kikiraye ambe epeka Kamui eikeshkorobe emkoso asangep ne ruwe tapan na.

tanpe anakne Kamuy nupeki ramuayere kuni kusu an Kamuy yaykota iki kikiraye anpe epeka Kamuy eykeskorope emkoso asankep ne ruwe tapan na.

この聖霊は、わたしたちが御国を受け継ぐための保証であり、こうして、わたしたちは贖われて神のものとなり、神の栄光をたたえることになるのです。

Tambe gusu, kuani ne yakka, echi utara Utarapa ne Yesu otta eishokoro ki ambe hene, obitta no okai Ashkanne utara gusu echi ki ikip ku nu gusu,

Tanpe kusu, kuani ne yakka, eci utar Utarpa ne Yesu or ta eysokor ki anpe hene, opittano okay Askanne utar kusu eciki iki p ku nu kusu,

こういうわけで、わたしも、あなたがたが主イエスを信じ、すべての聖なる者たちを愛していることを聞き、

inonno-itak ku ki ita echi eshkarun wa ramma echi utara gusu yaiiraige ku ki ruwe ne;

inonno-itak ku ki hi ta eci eskarun wa ramma eci utar kusu yayirayke ku ki ruwe ne;

祈りの度に、あなたがたのことを思い起こし、絶えず感謝しています。

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

ayke, ci=kor Utarpa ne Yesu Kiristo kor Kamuy, nupeki kor Mici, eci utar Sinuma e=ramante kuni ne eci wayasnure ne wa e=ramante kusu an ramat eci korpare;

どうか、わたしたちの主イエス・キリストの神、栄光の源である御父が、あなたがたに知恵と啓示との霊を与え、神を深く知ることができるようにし、

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

suy, eci kewtura ta okay sikihi makke hine, kusu eci utar a=hotuyekar an cipacipa anpe hemhem, Askanne utar eykeskoro kusu ne nupeki kusu an oteknu anpe hemhem,

心の目を開いてくださるように。そして、神の招きによってどのような希望が与えられているか、聖なる者たちの受け継ぐものがどれほど豊かな栄光に輝いているか悟らせてくださるように。

orowa, eishokoro wa okai chi utara gusu Shinuma Kiristo otta okirashnu an kiroro yupu wa iki Shinuma shi no poro kiroro echi eramande

orowa, eysokor wa okay ci utar kusu Sinuma Kiristo or ta okirasnu an kiror yupu wa iki Sinuma sino poro kiror eci e=ramante

また、わたしたち信仰者に対して絶大な働きをなさる神の力が、どれほど大きなものであるか、悟らせてくださるように。

kuni gusu an ambe ne, Shinunra Kiristo rai orowa no hetopo-shiknure wa obitta no okai esapane ambe hene,

kuni kusu an anpe ne, Shinunra Kiristo ray orowano hetopo-siknure wa opittano okay esapane anpe hene,

神は、この力をキリストに働かせて、キリストを死者の中から復活させ、天において御自分の右の座に着かせ、

nrondum korobe hene, kiroro hene, enishpare ambe hene, samata, tan moshirʼotta okai patek shomo ne, koroka, iyoshi no ek moshiri ta ne yakka obitta no okai aporose reihei kasu no pasere kuni gusu, kando oshiketa shimontek samata Shinunra roktere nisa ruwe ne:

nrontum kor pe hene, kiror hene, enispare anpe hene, sama ta, tan mosir or ta okay patek somo ne, korka, iyosno ek mosir ta ne yakka opittano okay a=porse rehe kasuno pasere kuni kusu, kanto oske ta simontek sama ta Shinunra roktere nisa ruwe ne:

すべての支配、権威、勢力、主権の上に置き、今の世ばかりでなく、来るべき世にも唱えられるあらゆる名の上に置かれました。

orowa shui, Shinuma obitta no okaibe Kiristo koro

orowa suy, Sinuma opittano okay pe Kiristo kor

神はまた、すべてのものをキリストの足もとに従わせ、キリストをすべてのものの上にある頭として教会にお与えになりました。

chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.

cikiri corpoke ta ante wa itaknure, sama ta, kor netopake ne, ani nep ne yakka sikte Kamuy kor sikte hi ne, karisia kusu opittano okay pe esapanere nisa ruwe ne na.

教会はキリストの体であり、すべてにおいてすべてを満たしている方の満ちておられる場です。

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Kamuy anakne kor owhaytap ne wa cikokatpak kusu ray okere eci utar kanna siknure nisa ruwe ne;

さて、あなたがたは、以前は自分の過ちと罪のために死んでいたのです。

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

teeta eci utar tane an aynu ikiri kar koraci ne owhaytap ne wa cikokatpak kari apkas; suy, tane okay itakkasi ki poho oske ta iki ramat ne taskor-maw un kiror esapanep ne no teeta eci apkas nisa;

この世を支配する者、かの空中に勢力を持つ者、すなわち、不従順な者たちの内に今も働く霊に従い、過ちと罪を犯して歩んでいました。

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

etoko ta eci utar ne yakka ne utar tumke ta okay wa kar kusu an ipeporore anpe kor, kar ne wa yaynu hi kusu an okay pe ki rusuy wa mosma okay utar koraci siko orowano iruska kusu an poho eci ne nisa ruwe ne:— korka,

わたしたちも皆、こういう者たちの中にいて、以前は肉の欲望の赴くままに生活し、肉や心の欲するままに行動していたのであり、ほかの人々と同じように、生まれながら神の怒りを受けるべき者でした。

Kamui anak ne nuye an no rampoken koro wa, chi utara koro katpak gusu rai okere yakka,

Kamuy anakne nuye an no ranpoken kor wa, ci utar kor katpak kusu ray okere yakka,

しかし、憐れみ豊かな神は、わたしたちをこの上なく愛してくださり、その愛によって、

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

poro omap hi ani un omap poka hi hine, Kiristo tura un siknure nisa ruwe ne (irenka an=kuskeray kusu eci utar kasiaopiwki nisa ruwe ne),

罪のために死んでいたわたしたちをキリストと共に生かし、――あなたがたの救われたのは恵みによるのです――

orowa, Shinunra tura un hetoposhiknure wa, Kiristo Yesu gusu Shinunra tura no kando un ushiketa un rokte nisa ruwe ne na:

orowa, Shinunra tura un hetoposiknure wa, Kiristo Yesu kusu Shinunra turano kanto un uske ta un rokte nisa ruwe ne na:

キリスト・イエスによって共に復活させ、共に天の王座に着かせてくださいました。

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

tanpe anak iyosno ek paha ikiri ta Kiristo Yesu oske ta okay un epeka no an irenka ne wa iyeramuhawke anpe sino nuye an no an anpe un nukare kusu ne okay pe ne:

こうして、神は、キリスト・イエスにおいてわたしたちにお示しになった慈しみにより、その限りなく豊かな恵みを、来るべき世に現そうとされたのです。

inambe gusu ne yakun, irenga ani eishokor-i ankushkerai echi kashiaobiuki nisa ruwe ne; echi utara yaikota gusu an ambe shomo ne: koroka,

inanpe kusu ne yakun, irenka ani eysokor hi an=kuskeray eci kasiaopiwki nisa ruwe ne; eci utar yaykota kusu an anpe somo ne: korka,

事実、あなたがたは、恵みにより、信仰によって救われました。このことは、自らの力によるのではなく、神の賜物です。

Kamui kore ambe ne ruwe ne: inan guru ne yakka shomo yaiomonnure ki kuni ne, ki ikip gusu echi

Kamuy kore anpe ne ruwe ne: inan kur ne yakka somo yayomonnure ki kuni ne, ki iki p kusu eci

行いによるのではありません。それは、だれも誇ることがないためなのです。

kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

kasiaopiwki somo ki ruwe ne. Ci utar anakne Shinunra kar pe ne, pirka p iki kusu Kiristo Yesu or ta akan nisa ruwe ne; ne pirka iki p or ta apkas kuni anpe Kamuy anakne teeta etoko-oyki nisa ruwe ne na.

なぜなら、わたしたちは神に造られたものであり、しかも、神が前もって準備してくださった善い業のために、キリスト・イエスにおいて造られたからです。わたしたちは、その善い業を行って歩むのです。

Tambe gusu, tambe uonnere yan, etokota kam gusu Oya utara echi ne wa, teke ani kam otta akara Okarituye buri akire utara orowa no, Shomo-okarituye buri akire utara ani echi aporose nisa ruwe ne;

Tanpe kusu, tanpe uonnere yan, etoko ta kam kusu Oya utar eci ne wa, teke ani kam or ta a=kar Okarituye puri a=kir utar orowano, Somo-okarituye puri a=kir utar ani eci a=porse nisa ruwe ne;

だから、心に留めておきなさい。あなたがたは以前には肉によれば異邦人であり、いわゆる手による割礼を身に受けている人々からは、割礼のない者と呼ばれていました。

awa, nei rapoketa, echi utara Kiristo sak no okai, Israeru un utara koro ikiri gusu uwoyakta aande wa okai, eitakamkire gusu an uitaknup shomo koro, chipachipa kunip isam no Kamui sak no moshiri kata okai utara echi ne nisa ruwe ne.

awa, ne rapoketa, eci utar Kiristo sak no okay, Israeru un utar kor ikiri kusu uwoyakta an=te wa okay, eytakamkire kusu an uytaknup somo kor, cipacipa kuni p isam no Kamuy sak no mosir ka ta okay utar eci ne nisa ruwe ne.

また、そのころは、キリストとかかわりなく、イスラエルの民に属さず、約束を含む契約と関係なく、この世の中で希望を持たず、神を知らずに生きていました。

Koroka, tane poka teeda ukattuima no okai echi utara anak ne Kiristo Yesu oshiketa, Kiristo koro kem gusu, ehange no arakire an ruwe ne.

Korka, tane poka teeta ukattuymano okay eci utar anakne Kiristo Yesu oske ta, Kiristo kor kem kusu, ehanke no arkire an ruwe ne.

しかしあなたがたは、以前は遠く離れていたが、今や、キリスト・イエスにおいて、キリストの血によって近い者となったのです。

Shinuma anak ne chikoro itomo ne wa gusu, nei tup ani shinep ne kara,

Sinuma anakne ci=kor i=tom ne wa kusu, ne tup ani sinep ne kar,

実に、キリストはわたしたちの平和であります。二つのものを一つにし、御自分の肉において敵意という隔ての壁を取り壊し、

Shinuma nei tumugeta ash wa usaraye gusu an tumama hokushte wa ikashpaotte oshiketa okai ipawetenge gusu an tuitak, koro kam ani nei uwe-epokba ambe isamka ruwe ne; tambe anak ne Shinuma nei tup ani yaikota yaioshiketa shine ashiri ainu kara wa itomo hetukure kuni gusu an ambe ne;

Sinuma ne tumke ta as wa usaraye kusu an tumama hokuste wa ikaspaotte oske ta okay ipawetenke kusu an tuytak, kor kam ani ne uwe-epokpa anpe isamka ruwe ne; tanpe anakne Sinuma ne tup ani yaykota yayosiketa sine a=siri aynu kar wa i=tom hetukure kuni kusu an anpe ne;

規則と戒律ずくめの律法を廃棄されました。こうしてキリストは、双方を御自分において一人の新しい人に造り上げて平和を実現し、

orowa shui, nei ambe ani nei uwe-epokba ambe araige wa, utasa chikuni gusu, nei tup shine netobake koro hine Kamui tura irenga aratchire kuni gusu an ambe ne ruwe ne;

orowa suy, ne anpe ani ne uwe-epokpa anpe a=rayke wa, utasa cikuni kusu, ne tup sine netopake kor hine Kamuy tura irenka araccire kuni kusu an anpe ne ruwe ne;

十字架を通して、両者を一つの体として神と和解させ、十字架によって敵意を滅ぼされました。

orowa, Shinuma ek wa ukattuima no okai echi utara otta itomo gusu an pirika shongo eupaskuma ki, shui, ehange no okai utara otta ne yakka itomo irenga eupaskuma ki nisa ruwe ne na:

orowa, Sinuma ek wa ukattuymano okay eci utar or ta i=tom kusu an pirka sonko ewpaskuma ki, suy, ehanke no okay utar or ta ne yakka i=tom irenka ewpaskuma ki nisa ruwe ne na:

キリストはおいでになり、遠く離れているあなたがたにも、また、近くにいる人々にも、平和の福音を告げ知らせられました。

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

inanpe kusu ne yakun, Sinuma kusu tup ne okay ci utar anakne sine Ramat or ta Mici or un ehanke no arkire nisa ruwe ne kusu ne na.

それで、このキリストによってわたしたち両方の者が一つの霊に結ばれて、御父に近づくことができるのです。

Tambe gusu, echi utara anak ne tane Oya utara hene, payekai utara hene shomo echi ne, koroka, Ashkanne utara tura, Kamui uni un utara tura shine moshiri uirup utara echi ne ruwe ne;

Tanpe kusu, eci utar anakne tane Oya utar hene, payekay utar hene somo eci ne, korka, Askanne utar tura, Kamuy uni un utar tura sine mosir uyrup utar eci ne ruwe ne;

従って、あなたがたはもはや、外国人でも寄留者でもなく、聖なる民に属する者、神の家族であり、

Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

apostoro ne wa uweynkara utar kasiketa asama an=te wa a=karpe an utar eci ne, Kiristo Yesu yaykota ne sapane sikkew nep ne ruwe ne;

使徒や預言者という土台の上に建てられています。そのかなめ石はキリスト・イエス御自身であり、

Shinuma otta pishno okai aashte kunip anak ne auweunu wa Utarapa gusu Ashkanne kenru ne

Sinuma or ta pisno okay a=aste kuni p anakne awwewnu wa Utarpa kusu Askanne kenru ne

キリストにおいて、この建物全体は組み合わされて成長し、主における聖なる神殿となります。

shukup ruwe ne; Shinuma otta echi utara ne yakka Ramat ani Kamui gusu an oshiroma-i echi kara an na.

sukup ruwe ne; Sinuma or ta eci utar ne yakka Ramat ani Kamuy kusu an osiroma hi eci kar an na.

キリストにおいて、あなたがたも共に建てられ、霊の働きによって神の住まいとなるのです。

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Tanpe kusu, Oya utar eci utar renkap kusu Kiristo Yesu kor a=pakasnu kur Pawros ku ne anak,

こういうわけで、あなたがた異邦人のためにキリスト・イエスの囚人となっているわたしパウロは……。

echi utara gusu Kamui en shikkashimare kuni en koropare irenga echi nu nangora;

eci utar kusu Kamuy en sikkasmare kuni en korpare irenka eci nu nankora;

あなたがたのために神がわたしに恵みをお与えになった次第について、あなたがたは聞いたにちがいありません。

eeshiri moyo an itak ani ku nuye korachi, ekambakbe ani mukke wa an okaibe a

e=siri moyo an itak ani ku nuye koraci, ekanpakpe ani mukke wa an okay pe a

初めに手短に書いたように、秘められた計画が啓示によってわたしに知らされました。

en eramande ruwe ne; nei ambe echi oro-oitak chiki, kuani Kiristo koro mukkep ku eraman ambe echi onnere kusu ne na;

en e=ramante ruwe ne; ne anpe eci oro-oytak ciki, kuani Kiristo kor mukkep ku eraman anpe eci onnere kusu ne na;

あなたがたは、それを読めば、キリストによって実現されるこの計画を、わたしがどのように理解しているかが分かると思います。

tane Ramat ani koro Apostoro utara newa uweingara utara otta aekambakte nei no, nei ambe anak moshima okai ikiri ta ainu poho utara otta shomo aeramande nisa ruwe ne;

tane Ramat ani kor Apostoro utar ne wa uweynkara utar or ta aekanpakte ne no, ne anpe anak mosma okay ikiri ta aynu poho utar or ta somo aeramante nisa ruwe ne;

この計画は、キリスト以前の時代には人の子らに知らされていませんでしたが、今や“霊”によって、キリストの聖なる使徒たちや預言者たちに啓示されました。

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Oya utar anakne pirka sonko kusu uko eykeskoro utar ne, ukotura sine netopake un awehe ne, Kiristo Yesu kor eytakamkire anpe uko-uyna utar ne ruwe ne;

すなわち、異邦人が福音によってキリスト・イエスにおいて、約束されたものをわたしたちと一緒に受け継ぐ者、同じ体に属する者、同じ約束にあずかる者となるということです。

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

kor kiror iki p an kusu a en korpare Kamuy irenka ne korarape an koraci, kuani anakne ne pirka sonko or ta yaysieywankerere kur ku ne ruwe ne na.

神は、その力を働かせてわたしに恵みを賜り、この福音に仕える者としてくださいました。

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Opittano okay Askanne utar tumke ta an iyotta ponpe kasuno pokasnu kur ne en or ta hunara eaykap pakno an Kiristo kor aeoteknup oya utar or ta ewpaskuma ki kuni irenka a en kore;

この恵みは、聖なる者たちすべての中で最もつまらない者であるわたしに与えられました。わたしは、この恵みにより、キリストの計り知れない富について、異邦人に福音を告げ知らせており、

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

sama ta, opittano okay ikiri wano nep ne yakka kar Kamuy oske ta mukke wa an aspikkasimarep opittano okay utar or ta nure kuni irenka a en korpare nisa ruwe ne;

すべてのものをお造りになった神の内に世の初めから隠されていた秘められた計画が、どのように実現されるのかを、すべての人々に説き明かしています。

tambe anak ne Kamui chikoro Utarapa ne Kiristo Yesu gusu shashuishiri wano an keutum an korachi,

tanpe anakne Kamuy ci=kor Utarpa ne Kiristo Yesu kusu sasuysir wano an kewtum an koraci,

こうして、いろいろの働きをする神の知恵は、今や教会によって、天上の支配や権威に知らされるようになったのですが、

tane kando un kiroro newa mondum koro utara otta karisia ani Kamui inne no okai wayashnu ambe anure kuni gusu ne na;

tane kanto un kiror ne wa montum kor utar or ta karisia ani Kamuy inne no okay wayasnu anpe an=re kuni kusu ne na;

これは、神がわたしたちの主キリスト・イエスによって実現された永遠の計画に沿うものです。

chi utara anak ne Shinuma eishokoro gusu rametok koro wa ehonnai shomoki no Kamui otta karange no araki ruwe ne na.

ci utar anakne Sinuma eysokor kusu rametok kor wa ehonnay somo ki no Kamuy or ta karankeno arki ruwe ne na.

わたしたちは主キリストに結ばれており、キリストに対する信仰により、確信をもって、大胆に神に近づくことができます。

Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

Tanpe kusu, eci utar kusu ku ki aeraracuptekpe kusu iteki eci ramuray kuni ku koramkor; ne anpe anakne eci kusu an nupeki ne ruwe ne kusu ne na.

だから、あなたがたのためにわたしが受けている苦難を見て、落胆しないでください。この苦難はあなたがたの栄光なのです。

Tambe gusu, orowa no kando otta ne yakka

Tanpe kusu, orowano kanto or ta ne yakka

こういうわけで、わたしは御父の前にひざまずいて祈ります。

moshiri kata ne yakka pishno pishno okai uirup areikore Michi otta ku kokkaea ruwe ne;

mosir ka ta ne yakka pisno pisno okay uyrup a=rekor Mici or ta ku kokkaea ruwe ne;

御父から、天と地にあるすべての家族がその名を与えられています。

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Sinuma anakne kor nupeki an i=kor esanniyo wa eci onnayke ta an aynu Sinuma kor ramat kusu kiror

どうか、御父が、その豊かな栄光に従い、その霊により、力をもってあなたがたの内なる人を強めて、

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

ani atumasnure hemhem ki, orowa, eysokor hi an kusu Kiristo anakne eci kor kewtum ta okay, sama ta, eci utar anakne omap anpe or un sinrit oma hine

信仰によってあなたがたの心の内にキリストを住まわせ、あなたがたを愛に根ざし、愛にしっかりと立つ者としてくださるように。

asama aande wa, obitta no okai Ashkanne utara tura aesanniyo eaikap an Kiristo koro omap-i eraman hine,

asama an=te wa, opittano okay Askanne utar tura a=esanniyo eaykap an Kiristo kor omap hi eraman hine,

また、あなたがたがすべての聖なる者たちと共に、キリストの愛の広さ、長さ、高さ、深さがどれほどであるかを理解し、

nei tomotuye ambe hene, epesh ambe hene, ri-hi hene, ooho-i hene, echi atumashnure wa onnere ki, orowa, Kamui koro aeshikbe ani echi aeshiktere kuni ne ku koramkon na.

ne tomotuye anpe hene, epes anpe hene, ri hi hene, ooho hi hene, eci atumasnure wa onnere ki, orowa, Kamuy kor aesikpe ani eci aesiktere kuni ne ku koramkon na.

人の知識をはるかに超えるこの愛を知るようになり、そしてついには、神の満ちあふれる豊かさのすべてにあずかり、それによって満たされるように。

Un oshiketa iki kiroro an korachi, chi utara koramkoro hene ki, esanniyo hene ki kasu no naa nuye an no kara eashkaibe otta,

Un oske ta iki kiror an koraci, ci utar koramkor hene ki, esanniyo hene ki kasuno naa nuye an no kar easkay pe or ta,

わたしたちの内に働く御力によって、わたしたちが求めたり、思ったりすることすべてを、はるかに超えてかなえることのおできになる方に、

Shinuma otta shashuishiri pakno karisia oshiketa hene, Kiristo Yesu oshiketa hene nupeki anro. Amen.

Sinuma or ta sasuysir pakno karisia oske ta hene, Kiristo Yesu oske ta hene nupeki an ro. Amen.

教会により、また、キリスト・イエスによって、栄光が世々限りなくありますように、アーメン。

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Tanpe kusu, Utarpa kusu a=pakasnu kur kuani anakne, eciokay utar yayeoripakka hene ki, ramusiroma hene ki, ramusiporore hene ki, uwe-utaspa omap hene ki hine uwe-eyay-siporore hene ki,

そこで、主に結ばれて囚人となっているわたしはあなたがたに勧めます。神から招かれたのですから、その招きにふさわしく歩み、

orowa, gusu echi atak wa okai atak ambe kopakeot no apkash hene ki,

orowa, kusu eci a=tak wa okay a=tak anpe kopakeot no apkas hene ki,

一切高ぶることなく、柔和で、寛容の心を持ちなさい。愛をもって互いに忍耐し、

samata, itomo ari an kut ani akutkoro hine, shiarikiki no Ramat gusu an shinep ne ambe shikkashima hene echi ki kuni echi onishnishi ash na.

sama ta, i=tom ari an kut ani a=kutkor hine, siarikiki no Ramat kusu an sinep ne anpe sikkasma hene eciki kuni eci onisnisi as na.

平和のきずなで結ばれて、霊による一致を保つように努めなさい。

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Eci utar poka a=tak wa okay wa ne a=tak anpe kusu sine cipacipap an koraci, sine netopake, sine Ramat an;

体は一つ、霊は一つです。それは、あなたがたが、一つの希望にあずかるようにと招かれているのと同じです。

Shine Utarapa, shine eishokor-i, shine baptisma, utara obitta enishpare gusu shine Michi ne Kamui an,

Sine Utarpa, sine eysokor hi, sine paptisma, utar opitta enispare kusu sine Mici ne Kamuy an,

主は一人、信仰は一つ、洗礼は一つ、

Shinuma anak ne obitta no okai utara kashiketa an, obitta no okai utara gusu an, obitta no okai utara otta an ruwe ne.

Sinuma anakne opittano okay utar kasiketa an, opittano okay utar kusu an, opittano okay utar or ta an ruwe ne.

すべてのものの父である神は唯一であって、すべてのものの上にあり、すべてのものを通して働き、すべてのものの内におられます。

Koroka, Kiristo sange aikrap apakari wa an wa, pishno pishno okai un otta irenga a un kore nisa.

Korka, Kiristo sanke aykrap apa kari wa an wa, pisno pisno okay un or ta irenka a un kore nisa.

しかし、わたしたち一人一人に、キリストの賜物のはかりに従って、恵みが与えられています。

Tambe gusu, shinunra ene itak-hi; — Shinuma ri ushike oruu rikiu ita, teke-apashte ambe teke-pashte nisa ruwe ne. Orowa, utara otta aikrap koropare nisa ruwe ne na.

Tanpe kusu, sinunra ene itak hi; — Sinuma ri uske or rikiw hi ta, teke-a=paste anpe teke-paste nisa ruwe ne. Orowa, utar or ta aykrap korpare nisa ruwe ne na.

そこで、「高い所に昇るとき、捕らわれ人を連れて行き、人々に賜物を分け与えられた」と言われています。

(Tapan Shinunra rikin, sekorʼan itak — Shinuma moshiri pokna an-i otta ne yakka ran moshima hemanda ne ya?

(Tapan Shinunra rikin, sekor an itak — Sinuma mosir pokna an hi or ta ne yakka ran mosma hemanta ne ya?

「昇った」というのですから、低い所、地上に降りておられたのではないでしょうか。

Ran guru anak ne nep ne yakka shikte kuni gusu, obitta no okai kando ara kashike orun ne yakka rikin guru uoyap shomo ne ruwe ne).

Ran kur anakne nep ne yakka sikte kuni kusu, opittano okay kanto ar kasike or un ne yakka rikin kur uoyap somo ne ruwe ne).

この降りて来られた方が、すべてのものを満たすために、もろもろの天よりも更に高く昇られたのです。

Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

Orowa, Shinunra korpare aykrap anakne Apostoro ne kuni serke an; uweynkara kur ne kuni serke an; pirka sonko a=kor kur ne kuni serke an; epunkine kur ne wa epakasnu kur ne kuni serke an ruwe ne;

そして、ある人を使徒、ある人を預言者、ある人を福音宣教者、ある人を牧者、教師とされたのです。

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

tanpe an ci utar opitta sinep ne an eysokor hi ki hine Kamuy Poho eraman wa rupne kur ne, Kiristo kusu an a=esikte anpe upak an keweri pakno sukup as kuni ne,

こうして、聖なる者たちは奉仕の業に適した者とされ、キリストの体を造り上げてゆき、

shieiwangere-hi gusu Kiristo kon netobake aashte gusu, Ashkanne utara eramushinnere kuni gusu an ambe ne;

sieywankere hi kusu Kiristo kor netopake a=aste kusu, Askanne utar eramusinnere kuni kusu an anpe ne;

ついには、わたしたちは皆、神の子に対する信仰と知識において一つのものとなり、成熟した人間になり、キリストの満ちあふれる豊かさになるまで成長するのです。

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

tewano ci utar anakne nokan utar somo ci ne wa, irara wa utar cinorep kusu somo a=siren wa opittano okay epakasi kusu kosunke an kokantama anpe ari aye rera ani iteki ekesne-ekesne a=sisuye kuni kusu an anpe ne;

こうして、わたしたちは、もはや未熟な者ではなくなり、人々を誤りに導こうとする悪賢い人間の、風のように変わりやすい教えに、もてあそばれたり、引き回されたりすることなく、

koroka, omap wa sonep ki hine nep ne yakka gusu sapaha ne Kiristo otta shukup kuni gusu an ambe ne ruwe ne na;

korka, omap wa sonep ki hine nep ne yakka kusu sapaha ne Kiristo or ta sukup kuni kusu an anpe ne ruwe ne na;

むしろ、愛に根ざして真理を語り、あらゆる面で、頭であるキリストに向かって成長していきます。

Shinuma gusu pishno okai ikra koropare ambe an gusu, netobake ebitta irammakaka aurukire wa uweyupu hine pishno an awehe ki ikip an korachi, omap ki wa netobake shukupte wa yaiashte ruwe ne.

Sinuma kusu pisno okay ikra korpare anpe an kusu, netopake epitta irammakaka awrukire wa uweyupu hine pisno an awehe ki iki p an koraci, omap ki wa netopake sukupte wa yayaste ruwe ne.

キリストにより、体全体は、あらゆる節々が補い合うことによってしっかり組み合わされ、結び合わされて、おのおのの部分は分に応じて働いて体を成長させ、自ら愛によって造り上げられてゆくのです。

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Tanpe kusu, tapne ku ye wa Utarpa kusu pawetesu ku ki:— Oya utar ka kewtum raka-sak pe or ta, kor osike un ramusakpe kusu, kor sarape niste wa kusu,

そこで、わたしは主によって強く勧めます。もはや、異邦人と同じように歩んではなりません。彼らは愚かな考えに従って歩み、

Kamui inotu orowa no uwoyakta an wa eraman kuni mondum akunnere wa an gusu apkash korachi, iteki nei no echi apkash yan;

Kamuy inotu orowano uwoyakta an wa eraman kuni montum akunnere wa an kusu apkas koraci, iteki ne no eci apkas yan;

知性は暗くなり、彼らの中にある無知とその心のかたくなさのために、神の命から遠く離れています。

nei utara yainikoroshmap erampeutek wa yaikoshipuinere hine obitta no okai ichakkere ambe iraugetupa kuni ne ramupekere otta yaikoropare nisa ruwe ne.

ne utar yaynikorosmap eranpewtek wa yaykosipuynere hine opittano okay icakkere anpe irawketupa kuni ne ramupekere or ta yaykorpare nisa ruwe ne.

そして、無感覚になって放縦な生活をし、あらゆるふしだらな行いにふけってとどまるところを知りません。

Koroka, echi utara anak ne nei no korachi shomo Kiristo eyaihannokkara ruwe ne;

Korka, eci utar anakne ne no koraci somo Kiristo eyayhannokkara ruwe ne;

しかし、あなたがたは、キリストをこのように学んだのではありません。

echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

eci utar Yesu osike un sonno anpe an koraci Sinuma or ta ko-nu wa Sinuma or ta aepakasnure an nisa ruwe ne:

キリストについて聞き、キリストに結ばれて教えられ、真理がイエスの内にあるとおりに学んだはずです。

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

ne anpe tapne ne, kokantama oyna iki rusuy pe kusu a=wente wa an husko aynu etoko an puri tura oyakta ante hine,

だから、以前のような生き方をして情欲に迷わされ、滅びに向かっている古い人を脱ぎ捨て、

echi keutum oma ramat ashin no akara wa Kamui gusu,

eci kewtum oma ramat asinno a=kar wa Kamuy kusu,

心の底から新たにされて、

oupekap gusu hemhem, son no unbe newa turu-sakbe otta hemhem akara ashiri ainu yaimire kuni ambe ne ruwe ne na.

owpekap kusu hemhem, sonno un pe ne wa tur-sak pe or ta hemhem a=kar a=siri aynu yaymire kuni anpe ne ruwe ne na.

神にかたどって造られた新しい人を身に着け、真理に基づいた正しく清い生活を送るようにしなければなりません。

Tambe gusu, echi utara anak ne shungep ande wa pishno pishno aun guru otta son no ambe ye yan: chi utara anak ne uwe-utashpa an awehe ne ruwe ne gusu ne na Irushka wa iteki katpak ki:

Tanpe kusu, eci utar anakne sunkep ante wa pisno pisno awn kur or ta sonno anpe ye yan: ci utar anakne uwe-utaspa an awehe ne ruwe ne kusu ne na Iruska wa iteki katpak ki:

だから、偽りを捨て、それぞれ隣人に対して真実を語りなさい。わたしたちは、互いに体の一部なのです。

chup ahun pakno iteki irushka yan:

cup ahun pakno iteki iruska yan:

怒ることがあっても、罪を犯してはなりません。日が暮れるまで怒ったままでいてはいけません。

samata, nitne Kamui gusu ushike iteki kara yan.

sama ta, nitne Kamuy kusu uske iteki kar yan.

悪魔にすきを与えてはなりません。

Ikka nisa guru anak ne tewa no iteki ikka yanro: koroka, eishiramne guru otta koropare kuni okaibe an kuni ne, monraige wa koro teke ani pirikap ki yan.

Ikka nisa kur anakne tewano iteki ikka yanro: korka, eysiramne kur or ta korpare kuni okay pe an kuni ne, monrayke wa kor teke ani pirka p ki yan.

盗みを働いていた者は、今からは盗んではいけません。むしろ、労苦して自分の手で正当な収入を得、困っている人々に分け与えるようにしなさい。

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Eci paro wano iteki wen itak sanke yan, korka, nu utar or ta irenka an kuni kusu easkay pakno wayasnure pirka p sanke yan.

悪い言葉を一切口にしてはなりません。ただ、聞く人に恵みが与えられるように、その人を造り上げるのに役立つ言葉を、必要に応じて語りなさい。

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

kikiraye kuni toho pakno ani eci utar han a=omare Kamuy kor Askanne Ramat iteki oknatara yan.

神の聖霊を悲しませてはいけません。あなたがたは、聖霊により、贖いの日に対して保証されているのです。

Obitta no okai iporo-shiube hene, kinrakarabe hene, irushka ambe hene, irambotarare ambe hene, koatcha ambe hene, obitta no okai wenbe tura oyakta ande yan:

Opittano okay iporo-siw pe hene, kinrakarape hene, iruska anpe hene, iranpotarare anpe hene, koacca anpe hene, opittano okay wenpe tura oyakta ante yan:

無慈悲、憤り、怒り、わめき、そしりなどすべてを、一切の悪意と一緒に捨てなさい。

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

orowa, utaspa uweramuhawke ki hine uweramuhapuru yan, Kamuy anakne Kiristo kusu ka eci kor cikokatpak tusare koraci, eci utar ne yakka uwewtaspa tusare yan.

互いに親切にし、憐れみの心で接し、神がキリストによってあなたがたを赦してくださったように、赦し合いなさい。

Tambe gusu, aomap an poho utara nei no Kamui eikosamba utara ne yan; orowa, omap ki wa apkash,

Tanpe kusu, a=omap an poho utar ne no Kamuy eykosanpa utar ne yan; orowa, omap ki wa apkas,

あなたがたは神に愛されている子供ですから、神に倣う者となりなさい。

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Kiristo ne yakka eci omap wa un renkap kusu niwa hura an aykrap ne wa a=yanke kuni p kusu Kamuy or ta yaykota yayyanke koraci ki yan.

キリストがわたしたちを愛して、御自分を香りのよい供え物、つまり、いけにえとしてわたしたちのために神に献げてくださったように、あなたがたも愛によって歩みなさい。

Koroka, hoiyo newa obitta no okai ichakkere ambe hene, yaikoshipuinere ambe ne yakka, ashkanne kuni utara an korachi, echi tumugeta porose poka iteki ki yan;

Korka, hoyyo ne wa opittano okay icakkere anpe hene, yaykosipuynere anpe ne yakka, askanne kuni utar an koraci, eci tumke ta porse poka iteki ki yan;

あなたがたの間では、聖なる者にふさわしく、みだらなことやいろいろの汚れたこと、あるいは貪欲なことを口にしてはなりません。

samata, turu-ushbe hene, katchak itak hene, eoya-itak ambe hene, iteki porose yan, tap okaibe oupak no an ambe shomo ne ruwe ne: koroka, makangane ko-yaiiraige ki yan.

sama ta, tur-us pe hene, kaccak itak hene, e=oya-itak anpe hene, iteki porse yan, tap okay pe owpak no an anpe somo ne ruwe ne: korka, makankane ko-yayirayke ki yan.

卑わいな言葉や愚かな話、下品な冗談もふさわしいものではありません。それよりも、感謝を表しなさい。

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Eci utar pirkano tanpe uonnere na, hoyyo ki kur hene, icakkere kur hene, yaykosipuynere ki kur hene, potoki ko-onkami kur hene, Kiristo ne wa Kamuy mosir oar eykeskoro somo ki ruwe ne kusu ne na.

すべてみだらな者、汚れた者、また貪欲な者、つまり、偶像礼拝者は、キリストと神との国を受け継ぐことはできません。このことをよくわきまえなさい。

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Oha itak ani nen ka orowano iteki aeyaykokantama kuni okay yan: inanpe kusu ne yakun, tap okay pe an kusu itakkasi utar kasiketa Kamuy iruska hi kasiaomare ruwe ne kusu ne na.

むなしい言葉に惑わされてはなりません。これらの行いのゆえに、神の怒りは不従順な者たちに下るのです。

Tambe gusu, iteki nei utara tura ukouina yan;

Tanpe kusu, iteki ne utar tura ukowina yan;

だから、彼らの仲間に引き入れられないようにしなさい。

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

inanpe kusu ne yakun, teeta eci utar kurokokpe eci ne a korka, tane anak Utarpa or ta pekerepe eci ne ruwe ne kusu ne na:

あなたがたは、以前には暗闇でしたが、今は主に結ばれて、光となっています。光の子として歩みなさい。

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

peker poho koraci apkas yan (peker hetuku p anakne pirka p or ta hene, owpekap or ta hene, sonep or ta hene an anpe ne ruwe ne kusu ne),

――光から、あらゆる善意と正義と真実とが生じるのです。――

Utarapa nupetnere ambe uwande wa okai yan:

Utarpa nupetnere anpe uwante wa okay yan:

何が主に喜ばれるかを吟味しなさい。

shui, ibe-sak no an kurokok buri shomo ukokoro wa nei ambe koipishi wa esanniyo yan,

suy, ipe-sak no an kurokok puri somo ukokor wa ne anpe koypisi wa esanniyo yan,

実を結ばない暗闇の業に加わらないで、むしろ、それを明るみに出しなさい。

inambe gusu ne yakun, nuina no nei utara ki ikip aporose yakka yainikoroshmarep ne ruwe ne gusu ne na Koroka,

inanpe kusu ne yakun, nuyna no ne utar ki iki p a=porse yakka yaynikorosmarep ne ruwe ne kusu ne na Korka,

彼らがひそかに行っているのは、口にするのも恥ずかしいことなのです。

obitta no okaibe akoipishi wa aesanniyo chiki pekere gusu anukare ambe ne: inambe gusu ne yakun, nep ne yakka pekereka ambe

opittano okay pe akoypisi wa a=esanniyo ciki peker kusu a=nukar anpe ne: inanpe kusu ne yakun, nep ne yakka pekereka anpe

しかし、すべてのものは光にさらされて、明らかにされます。

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

anakne peker ne ruwe ne kusu ne na. Tanpe kusu, Sinuma ene itak hi — Mokor wa an kur mos wa ray hi orowano hetopo-siknu yan, orowa, Kiristo anakne e or un peker atte kusu ne na.

明らかにされるものはみな、光となるのです。それで、こう言われています。「眠りについている者、起きよ。死者の中から立ち上がれ。そうすれば、キリストはあなたを照らされる。」

Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

Tanpe kusu, nekona eci apkas ya yaytupare yan; wayasap kur koraci somo ne no wayasnu kur ne no ki yan;

愚かな者としてではなく、賢い者として、細かく気を配って歩みなさい。

toho wen wa gusu pakihi kikiraye yan.

toho wen wa kusu pakihi kikiraye yan.

時をよく用いなさい。今は悪い時代なのです。

Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

Tanpe kusu iteki ramu-sak no okay yan, korka, Utarpa irenka nekona anpe ne ya esanniyo yan.

だから、無分別な者とならず、主の御心が何であるかを悟りなさい。

Samata, otta esanasapte an tonoto gusu iteki ihoshki yan, koroka, Ramat ani aeshik no okai yan; orowa,

Sama ta, or ta esanasapte an tonoto kusu iteki ihoski yan, korka, Ramat ani a=esik no okay yan; orowa,

酒に酔いしれてはなりません。それは身を持ち崩すもとです。むしろ、霊に満たされ、

iyohaiochish ani hene, shinotcha ani hene, ramat oma yairap ani hene, uweutashpa itak, orowa, koro keutum ta Utarapa gusu shinotcha ki wa hau ashte yan;

iyohayocis ani hene, sinocca ani hene, ramat oma yayrap ani hene, uwewtaspa itak, orowa, kor kewtum ta Utarpa kusu sinocca ki wa haw aste yan;

詩編と賛歌と霊的な歌によって語り合い、主に向かって心からほめ歌いなさい。

ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

ramma nep ne yakka kusu ci=kor Utarpa ne Yesu Kiristo kor rehe an=kuskeray a=kor Mici ne Kamuy or ta koyayirayke ki;

そして、いつも、あらゆることについて、わたしたちの主イエス・キリストの名により、父である神に感謝しなさい。

samata, Kiristo gusu an ishitoma-hi koro wa uweutashpa yai-uitaknure yan.

sama ta, Kiristo kusu an isitoma hi kor wa uwewtaspa yay-uytaknure yan.

キリストに対する畏れをもって、互いに仕え合いなさい。

Machi ne utara, Utarapa otta itaknu korachi, echi koro hoku otta ne yakka ki yan.

Maci ne utar, Utarpa or ta itak nu koraci, eci kor hoku or ta ne yakka ki yan.

妻たちよ、主に仕えるように、自分の夫に仕えなさい。

Inambe gusu ne yakun, hoku ne guru anak ne koro machi sapaba ne, Kiristo poka karisia koro sapaba ne wa, yaikota nei netobake kashiobiuki ambe korachi ne na.

Inanpe kusu ne yakun, hoku ne kur anakne kor maci sap pa ne, Kiristo poka karisia kor sap pa ne wa, yaykota ne netopake kasiopiwki anpe koraci ne na.

キリストが教会の頭であり、自らその体の救い主であるように、夫は妻の頭だからです。

Koroka, karisia anak ne Kiristo otta koitaknu korachi, tambe nei no machi ne utara ne yakka nep ne yakka gusu

Korka, karisia anakne Kiristo or ta koytaknu koraci, tanpe ne no maci ne utar ne yakka nep ne yakka kusu

また、教会がキリストに仕えるように、妻もすべての面で夫に仕えるべきです。

koro hoku otta koitaknu yan. Hoku ne utara, Kiristo anak ne karisia omap wa nei ambe gusu yaiyange nei no, echi utara poka shem korachi koro machi omap yan;

kor hoku or ta koytaknu yan. Hoku ne utar, Kiristo anakne karisia omap wa ne anpe kusu yayyanke ne no, eci utar poka semkoraci kor maci omap yan;

夫たちよ、キリストが教会を愛し、教会のために御自分をお与えになったように、妻を愛しなさい。

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Sinuma ne no ki anpe anakne, itak ani wakka or ta huraye wa ne karisia tur-sakte, ayke, askannere hene ki wa,

キリストがそうなさったのは、言葉を伴う水の洗いによって、教会を清めて聖なるものとし、

echi ne wa ukokomonse nei no an okaibe sak no, koroka, ashkanue, turu-sak no Shinuma nei karisia ani nupeki an karisia yaikota otta kore kuni kan nisa ruwe ne.

eci ne wa ukokomonse ne no an okay pe sak no, korka, askanue, tur-sak no Sinuma ne karisia ani nupeki an karisia yaykota or ta kore kuni kan nisa ruwe ne.

しみやしわやそのたぐいのものは何一つない、聖なる、汚れのない、栄光に輝く教会を御自分の前に立たせるためでした。

Tap korachi poka hoku ne utara anak ne yaikota koro netobake omap korachi koro machi ne yakka omap kuni gusu ne a ambe ne. Yaikota koro machi omap guru anak ne yaikota yaiomap ruwe ne:

Tap koraci poka hoku ne utar anakne yaykota kor netopake omap koraci kor maci ne yakka omap kuni kusu ne a anpe ne. Yaykota kor maci omap kur anakne yaykota yayomap ruwe ne:

そのように夫も、自分の体のように妻を愛さなくてはなりません。妻を愛する人は、自分自身を愛しているのです。

yaikota koro kam etunne guru shinen ka isam; koroka, Kiristo anak ne koro karisia poka omap korachi, utara anak ne koro kara ne yakka reshpa wa nitata ruwe ne;

yaykota kor kam etunne kur sinen ka isam; korka, Kiristo anakne kor karisia poka omap koraci, utar anakne kor kar ne yakka respa wa nitata ruwe ne;

わが身を憎んだ者は一人もおらず、かえって、キリストが教会になさったように、わが身を養い、いたわるものです。

chi utara Shinuma kon netobake oma awehe chi ne ruwe ne gusu ne na.

ci utar Sinuma kor netopake oma awehe ci ne ruwe ne kusu ne na.

わたしたちは、キリストの体の一部なのです。

Tambe gusu, ainu anak ne koro ona koro unu ande wa koro machi tura ko-an, orowa, nei tun anak ne shine kara ne kusu ne.

Tanpe kusu, aynu anakne kor ona kor unu ante wa kor maci tura ko-an, orowa, ne tun anakne sine kar ne kusu ne.

「それゆえ、人は父と母を離れてその妻と結ばれ、二人は一体となる。」

Tan mukkep anak ne poro: koroka, Kiristo newa karisia epeka no ku ye na.

Tan mukkep anakne poro: korka, Kiristo ne wa karisia epeka no ku ye na.

この神秘は偉大です。わたしは、キリストと教会について述べているのです。

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

Yakka, eci utar pisno yaykota yayomap koraci yaykota kor maci omap yan; orowa, maci ne kur anakne kor hoku ko-oripak yan.

いずれにせよ、あなたがたも、それぞれ、妻を自分のように愛しなさい。妻は夫を敬いなさい。

Nokan utara, Utarapa gusu echi koro eshikop otta koitaknu yan:

Nokan utar, Utarpa kusu eci kor esikop or ta koytaknu yan:

子供たち、主に結ばれている者として両親に従いなさい。それは正しいことです。

tambe echi ki kunip ne ruwe ne gusu ne na.

tanpe eciki kuni p ne ruwe ne kusu ne na.

「父と母を敬いなさい。」これは約束を伴う最初の掟です。

Aokai irammakaka ohonno moshiri koishu kuni ne e koro ona e koro unu ko-oripak yan (tambe anak uitaknu koro atpake an ikashpaotte ne ruwe ne na).

Aokay irammakaka ohonno mosir koysu kuni ne e kor ona e kor unu ko-oripak yan (tanpe anak uytaknu kor atpake an ikaspaotte ne ruwe ne na).

「そうすれば、あなたは幸福になり、地上で長く生きることができる」という約束です。

Orowa, Michi ne echi utara, iteki echi koro poho irushkare yan: koroka, Utarapa gusu an pakashnu ambe hene, onishinishi ambe hene ani reshpa yan.

Orowa, Mici ne eci utar, iteki eci kor poho iruskare yan: korka, Utarpa kusu an pakasnu anpe hene, onisinisi anpe hene ani respa yan.

父親たち、子供を怒らせてはなりません。主がしつけ諭されるように、育てなさい。

Ausshiune an echi utara, Kiristo otta korachi, shine keutura koro wa tusushke newa ishitoma kane ki hine kara gusu an echi kon nishpa gusu koitaknu yan;

awssiwne an eci utar, Kiristo or ta koraci, sine kewtura kor wa tususke ne wa isitoma kane ki hine kar kusu an eci kor nispa kusu koytaknu yan;

奴隷たち、キリストに従うように、恐れおののき、真心を込めて、肉による主人に従いなさい。

utara nupetnere anukara kuni gusu shomo ne no, koroka, sarabe osshi wano Kamui irenga ki hine Kiristo koro usshiune utara korachi ki yan;

utar nupetnere a=nukar kuni kusu somo ne no, korka, sarape ossi wano Kamuy irenka ki hine Kiristo kor ussiw ne utar koraci ki yan;

人にへつらおうとして、うわべだけで仕えるのではなく、キリストの奴隷として、心から神の御心を行い、

irenga keutum koro wa utara otta korachi shomo ne no,

irenka kewtum kor wa utar or ta koraci somo ne no,

人にではなく主に仕えるように、喜んで仕えなさい。

Utarapa otta iki korachi yaishieiwangere yan: aige, nep ne yakka pishno okai echi utara ki pirikap gusu, usshiune guru ne a yakka, rengaine an mondum koro guru ne a yakka shui nei ambe Utarapa orowa no

Utarpa or ta iki koraci yaysieywankere yan: ayke, nep ne yakka pisno okay eci utar ki pirka p kusu, ussiw ne kur ne a yakka, renkayne an montum kor kur ne a yakka suy ne anpe Utarpa orowano

あなたがたも知っているとおり、奴隷であっても自由な身分の者であっても、善いことを行えば、だれでも主から報いを受けるのです。

akore kusu ne na, sekoro uonnere yan. Orowa, nishpa ne echi utara, shinuma utara gusu nei no ki wa, iteki kosakayokara yan; aige, nei utara kon nishpa ne yakka echi kon nishpa ne yakka kando oshiketa an sekoro esanniyo yan, orowa, Shinuma anak ne ainu chari ainu kowen keutura shomo kon ruwe ne na.

a=kor kusu ne na, sekor uonnere yan. Orowa, nispa ne eci utar, sinuma utar kusu ne no ki wa, iteki kosakayokar yan; ayke, ne utar kor nispa ne yakka eci kor nispa ne yakka kanto oske ta an sekor esanniyo yan, orowa, Sinuma anakne aynu cari aynu kowen kewtura somo kor ruwe ne na.

主人たち、同じように奴隷を扱いなさい。彼らを脅すのはやめなさい。あなたがたも知っているとおり、彼らにもあなたがたにも同じ主人が天におられ、人を分け隔てなさらないのです。

Tewa no, Utarapa newa Shinuma koro kiroro oina tumashnu ambe gusu aeyaitumashnure no okai yan.

Tewano, Utarpa ne wa Sinuma kor kiror oyna tumasnu anpe kusu aeyaytumasnure no okay yan.

最後に言う。主に依り頼み、その偉大な力によって強くなりなさい。

Echi utara nitne kamui kokandama ambe esbishi eashkai kuni ne, Kamui hayokbe utomchiure yan.

Eci utar nitne kamuy kokantama anpe espisi easkay kuni ne, Kamuy hayokpe utomciwre yan.

悪魔の策略に対抗して立つことができるように、神の武具を身に着けなさい。

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Inanpe kusu ne yakun, ci ki ukoterke anpe anakne kem ne wa kar tura iki p somo ne, korka, esapanep tura hene, montum kor pe tura hene, tapan kunne hi mosir esapanep tura hene, kanto un uske ta okay wen ramat tura hene ukoterke anpe ne ruwe ne.

わたしたちの戦いは、血肉を相手にするものではなく、支配と権威、暗闇の世界の支配者、天にいる悪の諸霊を相手にするものなのです。

Tambe gusu, wen toho ta echi eshishi hemhem ki, orowa, obitta no okaibe kara wa echi roshki hemhem ki eashkai kuni ne, Kamui koro obitta no okai hayokbe koro yan.

Tanpe kusu, wen toho ta eci esisi hemhem ki, orowa, opittano okay pe kar wa eci roski hemhem ki easkay kuni ne, Kamuy kor opittano okay hayokpe kor yan.

だから、邪悪な日によく抵抗し、すべてを成し遂げて、しっかりと立つことができるように、神の武具を身に着けなさい。

Tambe gusu, echi roshki kane sonep ani kutkoro,

Tanpe kusu, eci roski kane sonep ani kutkor,

立って、真理を帯として腰に締め、正義を胸当てとして着け、

oupeka ambe ani rerara-kotukbe koro, itomo an pirika shongo etokooiki-hi ani chikiri otta eushi;

owpeka anpe ani rerar-kotukpe kor, i=tom an pirka sonko etokooyki hi ani cikiri or ta ewsi;

平和の福音を告げる準備を履物としなさい。

samata, ani nitnep koro obitta no okai abe-o ai ushka eashkai gusu an eishokor-i ari an kikhumbe koro yan.

sama ta, ani nitnep kor opittano okay ape-o ay uska easkay kusu an eysokor hi ari an kikhunpe kor yan.

なおその上に、信仰を盾として取りなさい。それによって、悪い者の放つ火の矢をことごとく消すことができるのです。

Orowa, kashiobiuki-hi ani kane pon kasa ne koro, samata, Kamui itak ari an Ramat un rangetam ne koro yan;

Orowa, kasiopiwki hi ani kane pon kasa ne kor, sama ta, Kamuy itak ari an Ramat un ranke tam ne kor yan;

また、救いを兜としてかぶり、霊の剣、すなわち神の言葉を取りなさい。

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

suy, ramma-kane Ramat or ta opittano okay inonno ne wa koramkorope ani inonno-itak ki, orowa, ne okay pe kusu siwre wa opittano okay askanne utar kusu yaysiporore hine koramkor,

どのような時にも、“霊”に助けられて祈り、願い求め、すべての聖なる者たちのために、絶えず目を覚まして根気よく祈り続けなさい。

samata, ku paroho ku maka wa pirika shongo gusu an anuina ambe ku eupaskuma ehonnai shomoki no a en itakte kuni ne,

sama ta, ku paroho ku maka wa pirka sonko kusu an an=uyna anpe ku ewpaskuma ehonnay somo ki no a en itakte kuni ne,

また、わたしが適切な言葉を用いて話し、福音の神秘を大胆に示すことができるように、わたしのためにも祈ってください。

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

ne anpe kusu somo ehonnay no ku ki wa ku ye kusu ne ap koraci ku ye kuni ne, en kusu koramkor yan; ne anpe kusu kani sinkop eok a=teskar kur ku ne ruwe ne na.

わたしはこの福音の使者として鎖につながれていますが、それでも、語るべきことは大胆に話せるように、祈ってください。

Koroka, echi utara anak ne kuani nekon a iki ya, en gusu an orushpe ne yakka echi nu kuni gusu, aomap an iriwak ne Utarapa otta ikipniukesh wa yaishieiwangere Tikikus anak obitta no okaibe echi nure kusu ne na:

Korka, eci utar anakne kuani nekona iki ya, en kusu an oruspe ne yakka eci nu kuni kusu, a=omap an irwak ne Utarpa or ta ikipniwkes wa yaysieywankere Tikikus anak opittano okay pe eci nure kusu ne na:

わたしがどういう様子でいるか、また、何をしているか、あなたがたにも知ってもらうために、ティキコがすべて話すことでしょう。彼は主に結ばれた、愛する兄弟であり、忠実に仕える者です。

tambe gusu, echi orun shinuma ku arapare ruwe ne, echi utara un gusu an orushpe aeramande wa echi keutum aomaoma kuni ne ruwe tapan na.

tanpe kusu, eci or un sinuma ku arpare ruwe ne, eci utar un kusu an oruspe aeramante wa eci kewtum a=omaoma kuni ne ruwe tapan na.

彼をそちらに送るのは、あなたがたがわたしたちの様子を知り、彼から心に励ましを得るためなのです。

Michi ne Kamui newa Utarapa ne Yesu Kiristo orowa no iriwak ne utara otta itomo newa eishokor-i tura omap ambe an kuni ku koramkoro.

Mici ne Kamuy ne wa Utarpa ne Yesu Kiristo orowano irwak ne utar or ta i=tom ne wa eysokor hi tura omap anpe an kuni ku koramkor.

平和と、信仰を伴う愛が、父である神と主イエス・キリストから、兄弟たちにあるように。

Turu-sak no chikoro Utarapa ne Yesu Kiristo omap obitta no okai utara otta irenga an na.

Tur-sak no ci=kor Utarpa ne Yesu Kiristo omap opittano okay utar or ta irenka an na.

恵みが、変わらぬ愛をもってわたしたちの主イエス・キリストを愛する、すべての人と共にあるように。