KOROSAIUN UTARA OTTA AOMANDEPAUROS NUYE KAMBI.

Kamui rengaine an gusu Kiristo Yesu koro Apostoro ne Pauros newa akoro iriwak ne Timoteos anak ne,

Kamuy renkayne an kusu Kiristo Yesu kor Apostoro ne Pawros newa a=kor irwak ne Timoteos anakne,

παυλος αποστολος χριστου ιησου δια θεληματος θεου και τιμοθεος ο αδελφος

Paul, an apostle of Christ Jesus through the will of God, and Timothy our brother,

Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

Korosay kotan ta osiroma Kiristo oske ta okay askanne utar newa ikipniwkes uyriwak utar orun kampi omante na: ci=kor Mici ne Kamuy oro wano irenka newa i=tom eci kusu an ro.

τοις εν κολοσσαις αγιοις και πιστοις αδελφοις εν χριστω χαρις υμιν και ειρηνη απο θεου πατρος ημων

To the saints and faithful brethren in Christ [which are ]at Colossae: Grace to you and peace from God our Father.

Chi utara anak ne chikoro Utarapa ne Yesu Kiristo koro Michi ne Kamui otta koyaiiraige ki hine ramma echi utara gusu inonno-itak ki na:

Ci utar anakne ci=kor Utarpa ne Yesu Kiristo kor Mici ne Kamuy or ta koyayirayke ki hine ramma eci utar kusu inonno-itak ki na:

ευχαριστουμεν τω θεω πατρι του κυριου ημων ιησου [χριστου] χριστου παντοτε περι υμων προσευχομενοι

We give thanks to God the Father of our Lord Jesus Christ, praying always for you,

eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

e=siri eci or ta ek pirka sonko oma sonno a=rap an itak ani eci=nu kanto or ta eci utar kusu ewmasnu wa an a=ecipacipa anpe kusu,

ακουσαντες την πιστιν υμων εν χριστω ιησου και την αγαπην [ην εχετε] ην εχετε εις παντας τους αγιους

having heard of your faith in Christ Jesus, and of the love which ye have toward all the saints,

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Kiristo Yesu or ta eci=ki eysokor hi hene, opittano okay askanne utar kusu eci=ki omap anpe hene ci nu nisa ruwe ne kusu ne na:

δια την ελπιδα την αποκειμενην υμιν εν τοις ουρανοις ην προηκουσατε εν τω λογω της αληθειας του ευαγγελιου

because of the hope which is laid up for you in the heavens, whereof ye heard before in the word of the truth of the gospel,

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

ne anpe poka mosir epitta ta okay wa ipehe hetukure hine sipiraspa, ayke, ne a=rap eci=nu wa sonno ka un Kamuy irenka eci=eraman toho wano eci or ta ne yakka koraci ne;

του παροντος εις υμας καθως και εν παντι τω κοσμω εστιν καρποφορουμενον και αυξανομενον καθως και εν υμιν αφ ης ημερας ηκουσατε και επεγνωτε την χαριν του θεου εν αληθεια

which is come unto you; even as it is also in all the world bearing fruit and increasing, as [it doth ]in you also, since the day ye heard and knew the grace of God in truth;

echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

eci utar kusu Kiristo kor ikipniwkes aeyaysieywankere kur ne ci=kor omap an tura iki ussiw ne Epapras oro wano ka eci yayhannokkara koraci ne;

καθως εμαθετε απο επαφρα του αγαπητου συνδουλου ημων ος εστιν πιστος υπερ ημων υμων διακονος του χριστου

even as ye learned of Epaphras our beloved fellow-servant, who is a faithful minister of Christ on our behalf,

shinuma anak, shui, Ramat otta an echi omap arabe un nure nisa ruwe ne.

sinuma anak, suy, Ramat or ta an eci=omap a=rap un nure nisa ruwe ne.

ο και δηλωσας ημιν την υμων αγαπην εν πνευματι

who also declared unto us your love in the Spirit.

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Tanpe kusu, ci utar ne yakka, ne oruspe nu toho oro wano eci utar anakne opittano okay ramat oma wayasnu anpe newa eraman hi or ta Sinuma kor irenka eraman pe ani eci aesikno an kuni hene,

δια τουτο και ημεις αφ ης ημερας ηκουσαμεν ου παυομεθα υπερ υμων προσευχομενοι και αιτουμενοι ινα πληρωθητε την επιγνωσιν του θεληματος αυτου εν παση σοφια και συνεσει πνευματικη

For this cause we also, since the day we heard [it], do not cease to pray and make request for you, that ye may be filled with the knowledge of his will in all spiritual wisdom and understanding,

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

sama ta, Utarpa nupetnere kuni kopakeatpe or ta eci=apkas hine opittano okay pirka iki p or ta ipehe hetukure wa Kamuy oma eraman pe or ta naa sukup kuni ne okere somo ki no inonno-itak ci ki wa koramkor siriki okay;

περιπατησαι αξιως του κυριου εις πασαν αρεσκειαν εν παντι εργω αγαθω καρποφορουντες και αυξανομενοι τη επιγνωσει του θεου

to walk worthily of the Lord unto all pleasing, bearing fruit in every good work, and increasing in the knowledge of God;

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Sinuma kor nupeki ani kiroro an koraci, nupetne hine opittano okay yaiyupupu a=rap newa ramusiporore anpe kusu, opittano okay kiroro ani atumasnure:

εν παση δυναμει δυναμουμενοι κατα το κρατος της δοξης αυτου εις πασαν υπομονην και μακροθυμιαν μετα χαρας

strengthened with all power, according to the might of his glory, unto all patience and longsuffering with joy;

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

orowa, peker or ta okay askanne utar tura aeykeskoro kuni an anpe ci uyna kuni ne un kopakeatte Mici or ta koyayirayke ki;

ευχαριστουντες τω πατρι τω ικανωσαντι υμας εις την μεριδα του κληρου των αγιων εν τω φωτι

giving thanks unto the Father, who made us meet to be partakers of the inheritance of the saints in light;

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Sinuma anakne kunne kiroro oro wano un ohaytare wa, kor omap an Toho kor mosir orun un ahupte nisa ruwe ne;

ος ερρυσατο ημας εκ της εξουσιας του σκοτους και μετεστησεν εις την βασιλειαν του υιου της αγαπης αυτου

who delivered us out of the power of darkness, and translated us into the kingdom of the Son of his love;

samata, Shinuma ankushkerai kikiaraye arabe chi koro, aige, chikoro katpak atusare an na:

sama ta, Sinuma an kuskeray kikiaraye a=rap ci kor, ayke, ci=kor katpak atusare an na:

εν ω εχομεν την απολυτρωσιν την αφεσιν των αμαρτιων

in whom we have our redemption, the forgiveness of our sins:

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

Sinuma anakne a=nukar eaykap Kamuy kor nokaha ne, opittano okay a=karpe etoko hetuku p ne; inanpe kusu ne yakun, kanto oske ta okay yakka,

ος εστιν εικων του θεου του αορατου πρωτοτοκος πασης κτισεως

who is the image of the invisible God, the firstborn of all creation;

moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, mondum korope hene ne yakka obitta Shinuma otta akan nisa ruwe ne;

mosir kata okay yakka, anukarape ne a yakka, a=nukar eaykap pe ne a yakka, araset hene, enispane a=rap hene, esapane a=rap hene, montum kor pe hene ne yakka opitta Sinuma or ta a=kar nisa ruwe ne;

οτι εν αυτω εκτισθη τα παντα εν τοις ουρανοις και επι της γης τα ορατα και τα αορατα ειτε θρονοι ειτε κυριοτητες ειτε αρχαι ειτε εξουσιαι τα παντα δι αυτου και εις αυτον εκτισται

for in him were all things created, in the heavens and upon the earth, things visible and things invisible, whether thrones or dominions or principalities or powers; all things have been created through him, and unto him;

obitta no okaibe Shinuma ankushkerai akara, Shinuma otta akan na; aige, Shinuma anak ne obitta no okaibe etokota an, samata, Shinuma gusu obitta no okaibe roshki ruwe ne.

opittano okaype Sinuma an kuskeray a=kar, Sinuma or ta a=kar na; ayke, Sinuma anakne opittano okaype etoko ta an, sama ta, Sinuma kusu opittano okaype roski ruwe ne.

και αυτος εστιν προ παντων και τα παντα εν αυτω συνεστηκεν

and he is before all things, and in him all things consist.

Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

Orowa, Sinuma anakne ne netopake ne karisia kor sapaha ne: atpake an ap ne, ray hi oro wano hosike hetuku p ne ruwe ne; Sinuma opittano okaype kusu e=sapanep ne kuni kusu ne na.

και αυτος εστιν η κεφαλη του σωματος της εκκλησιας ος εστιν [η] αρχη πρωτοτοκος εκ των νεκρων ινα γενηται εν πασιν αυτος πρωτευων

And he is the head of the body, the church: who is the beginning, the firstborn from the dead; that in all things he might have the preeminence.

Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

Inanpe kusu ne yakun, opittano okay e=wpakte hi Sinuma oske ta osiroma kuni anpe anak Sinuma irenka ne ruwe ne kusu ne na;

οτι εν αυτω ευδοκησεν παν το πληρωμα κατοικησαι

For it was the good pleasure [of the Father ]that in him should all the fulness dwell;

samata, koro utasap kemihi ani itomo ashte hine, Shinuma ankushkerai gusu yai otta obitta no okaibe irenga usaraye kuni gusu ne na; moshiri kata okaibe ne a yakka, kando oshiketa okaibe ne a yakka, Shinuma ankushkeraipo aratchire kuni gusu nep.

sama ta, kor utasa p kemihi ani i=tom aste hine, Sinuma an kuskeray kusu yay or ta opittano okaype irenka usaraye kuni kusu ne na; mosir kata okaype ne a yakka, kanto oske ta okaype ne a yakka, Sinuma an kuskeraypo a=ratcire kuni kusu nep.

και δι αυτου αποκαταλλαξαι τα παντα εις αυτον ειρηνοποιησας δια του αιματος του σταυρου αυτου [δι αυτου] ειτε τα επι της γης ειτε τα εν τοις ουρανοις

and through him to reconcile all things unto himself, having made peace through the blood of his cross; through him, [I say], whether things upon the earth, or things in the heavens.

Orowa, echi utara anak ne etoko wa echi wen ikichi ambe gusu echi koro keutum oshke uwoyake an hine epokba utara echi ne a yakka,

Orowa, eci utar anakne etoko wa eci=wen ikici anpe kusu eci=kor kewtum oske uwoyak an hine epokpa utar eci ne a yakka,

και υμας ποτε οντας απηλλοτριωμενους και εχθρους τη διανοια εν τοις εργοις τοις πονηροις νυνι δε αποκατηλλαξεν

And you, being in time past alienated and enemies in your mind in your evil works, yet now hath he reconciled

Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

Sinuma kotcake ta askanne newa tur-sak newa wen-puri sak no eci=roskire kuni ne, tane, Sinuma ray a=rap kor kar netopake oske ta irenka usaraye nisa ruwe ne:

εν τω σωματι της σαρκος αυτου δια του θανατου παραστησαι υμας αγιους και αμωμους και ανεγκλητους κατενωπιον αυτου

in the body of his flesh through death, to present you holy and without blemish and unreproveable before him:

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

eci utar anakne ne eispokor hi ta asamaha ante hine yayatte wa kanto corpoke ta an opittano okaype or ta eci=nu okere a=ewpaskuma pirka sonko kusu an cipacipa a=rap oro wano somo oyak ta okay wa eci=okay yakun, néno an ruwe ne; Pawros ne kuani anakne kusu yaysieywankere kur ku ne ruwe ne na.

ει γε επιμενετε τη πιστει τεθεμελιωμενοι και εδραιοι και μη μετακινουμενοι απο της ελπιδος του ευαγγελιου ου ηκουσατε του κηρυχθεντος εν παση κτισει τη υπο τον ουρανον ου εγενομην εγω παυλος διακονος

if so be that ye continue in the faith, grounded and stedfast, and not moved away from the hope of the gospel which ye heard, which was preached in all creation under heaven; whereof I Paul was made a minister.

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Tane anakne eci utar kusu ku=iki yay ramsitnere a=rap ku=enupetne ruwe ne, ayke, kuani anak Kiristo iki aeramcuptekpe eykohaye anpe karisia ne Sinuma kor netopake kusu ku=kar or ta kasi iyo wa upakte ruwe ne;

νυν χαιρω εν τοις παθημασιν υπερ υμων και ανταναπληρω τα υστερηματα των θλιψεων του χριστου εν τη σαρκι μου υπερ του σωματος αυτου ο εστιν η εκκλησια

Now I rejoice in my sufferings for your sake, and fill up on my part that which is lacking of the afflictions of Christ in my flesh for his body’s sake, which is the church;

otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

otusasiri wano okay uyrup ikiri or ta esina wa an mukkep ne Kamuy itak ueomare kuni kusu, eci utar epeka a en=kore Kamuy en=kar anpe néno koraci,

ης εγενομην εγω διακονος κατα την οικονομιαν του θεου την δοθεισαν μοι εις υμας πληρωσαι τον λογον του θεου

whereof I was made a minister, according to the dispensation of God which was given me to you-ward, to fulfill the word of God,

nei karisia otta aeyaishieiwangerere guru ku ne ruwe ne: koroka, tane anak ne nei arabe Shinuma koro ashkanne utara otta aeramande, awa,

ne karisia or ta aeyaysieywankerere kur ku ne ruwe ne: korka, tane anakne ne a=rap Sinuma kor askanne utar or ta a=eramante, awa,

το μυστηριον το αποκεκρυμμενον απο των αιωνων και απο των γενεων νυν δε εφανερωθη τοις αγιοις αυτου

[even ]the mystery which hath been hid from all ages and generations: but now hath it been manifested to his saints,

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Oya utar tumke ta tapan mukkep kusu an a=rakur kor oteknu hi eramante kuni ap Kamuy kewtum ne, ne anpe anak a=rakur ecipacipare anpe ne, eci=oske ta an Kiristo ne ruwe ne na:

οις ηθελησεν ο θεος γνωρισαι τι το πλουτος της δοξης του μυστηριου τουτου εν τοις εθνεσιν ο εστιν χριστος εν υμιν η ελπις της δοξης

to whom God was pleased to make known what is the riches of the glory of this mystery among the Gentiles, which is Christ in you, the hope of glory:

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

ci utar anakne pisno an aynu Kiristo oske ta a=eramusinne wa atte kuni ne, wayasnu no pisno an aynu onisnisi hene ki, pisno an aynu epakasnu hene ki hine, Kiristo ewpaskuma as ruwe ne;

ον ημεις καταγγελλομεν νουθετουντες παντα ανθρωπον και διδασκοντες παντα ανθρωπον εν παση σοφια ινα παραστησωμεν παντα ανθρωπον τελειον εν χριστω

whom we proclaim, admonishing every man and teaching every man in all wisdom, that we may present every man perfect in Christ;

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

ne a=rap kusu poka kuani anak, en=onnayke ta kiroroasnu no iki, Sinuma kar a=rap néno kiroro yupu hine ku=monrayke ruwe ne.

εις ο και κοπιω αγωνιζομενος κατα την ενεργειαν αυτου την ενεργουμενην εν εμοι εν δυναμει

whereunto I labour also, striving according to his working, which worketh in me mightily.

Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;

Inanpe kusu ne yakun, eci utar kusu hemhem, Raodikia un utar kusu hemhem, kar oma ku=nanuhu somo nukar opittano okay utar kusu hemhem, hemanta yupke no kiroro atte hine ku=iki a=rap eci=eraman kuni ku=kor rusuy ruwe ne;

θελω γαρ υμας ειδεναι ηλικον αγωνα εχω υπερ υμων και των εν λαοδικεια και οσοι ουχ εορακαν το προσωπον μου εν σαρκι

For I would have you know how greatly I strive for you, and for them at Laodicea, and for as many as have not seen my face in the flesh;

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

tanpe anakne utar kor sarape a=omaoma kuni kusu an ap ne, ayke, sinuma utar omap anpe ani awrukire hine eraman no an somo utumasire an a=rap kusu hetuku aeoteknup or ta an kuni kusu ne; tanpe anakne utar.

ινα παρακληθωσιν αι καρδιαι αυτων συμβιβασθεντες εν αγαπη και εις παν πλουτος της πληροφοριας της συνεσεως εις επιγνωσιν του μυστηριου του θεου χριστου

that their hearts may be comforted, they being knit together in love, and unto all riches of the full assurance of understanding, that they may know the mystery of God, [even ]Christ,

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Kamuy mukkep eraman kuni kusu nep; ne mukkep anakne Kiristo ne, ayke, Sinuma oske ta wayasnu anpe newa eramuspe oma aeoteknup a=nuyna wa an na.

εν ω εισιν παντες οι θησαυροι της σοφιας και γνωσεως αποκρυφοι

in whom are all the treasures of wisdom and knowledge hidden.

Inan guru ne yakka iteki shisak itak ani echi kokandama kuni ne, tambe ku ye ruwe ne.

Inan kur ne yakka iteki sisak itak ani eci=kokantama kuni ne, tanpe ku=ye ruwe ne.

τουτο λεγω ινα μηδεις υμας παραλογιζηται εν πιθανολογια

This I say, that no one may delude you with persuasiveness of speech.

Inambe gusu ne yakun, kara gusu echi tura no ku an shomoki yakka, ramat gusu echi tura no ku an, aige, echi ikiri an no an arabe hemhem, Kiristo gusu echi atte eishokor-i yupkep hemhem ku nukara wa ku nupetne ruwe ne na.

Inanpe kusu ne yakun, kar kusu eci turano ku=an somo ki yakka, ramat kusu eci turano ku=an, ayke, eci=ikiri an no an a=rap hemhem, Kiristo kusu eci=atte eysokor hi yupke p hemhem ku=nukar wa ku=nupetne ruwe ne na.

ει γαρ και τη σαρκι απειμι αλλα τω πνευματι συν υμιν ειμι χαιρων και βλεπων υμων την ταξιν και το στερεωμα της εις χριστον πιστεως υμων

For though I am absent in the flesh, yet am I with you in the spirit, joying and beholding your order, and the stedfastness of your faith in Christ.

Tambe gusu, echi utara Utarapa ne Kiristo Yesu akore korachi, Shinuma oshiketa apkash yan; Shinuma oshiketa shinrichi koro hine aeyairoshkire, aige,

Tanpe kusu, eci utar Utarpa ne Kiristo Yesu a=kore koraci, Sinuma oske ta apkas yan; Sinuma oske ta sinrici kor hine aeyayroskire, ayke,

ως ουν παρελαβετε τον χριστον ιησουν τον κυριον εν αυτω περιπατειτε

As therefore ye received Christ Jesus the Lord, [so ]walk in him,

aepakashnu an korachi poka, iyaiiraige an keutura koro wa echi ki eishokor-i atte yan.

a=epakasnu an koraci poka, i=yayirayke an kewtura kor wa eci=ki eysokor hi atte yan.

ερριζωμενοι και εποικοδομουμενοι εν αυτω και βεβαιουμενοι τη πιστει καθως εδιδαχθητε περισσευοντες [εν αυτη] εν ευχαριστια

rooted and builded up in him, and stablished in your faith, even as ye were taught, abounding in thanksgiving.

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

Kiristo kusu somo ne, korka, utar kor oyna kusu hene, mosir kusu an isayka epakasi kusu hene, kor aeramasure eramuspe newa oyra kokantama itak ani iteki eci=siren kur an kuni yaytupare yan:

βλεπετε μη τις υμας εσται ο συλαγωγων δια της φιλοσοφιας και κενης απατης κατα την παραδοσιν των ανθρωπων κατα τα στοιχεια του κοσμου και ου κατα χριστον

Take heed lest there shall be any one that maketh spoil of you through his philosophy and vain deceit, after the tradition of men, after the rudiments of the world, and not after Christ:

inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

inanpe kusu ne yakun, a=eramusinne an kamuy-oype anak netopake an néno Kiristo oske ta osiroma ruwe ne,

οτι εν αυτω κατοικει παν το πληρωμα της θεοτητος σωματικως

for in him dwelleth all the fulness of the Godhead bodily,

aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa mondum korobe koro sapaha ne ruwe ne:

ayke, Sinuma oske ta eci utar aeramusinnere an na, ayne, Sinuma anakne opittano okay e=sapanep newa montum kor pe kor sapaha ne ruwe ne:

και εστε εν αυτω πεπληρωμενοι ος εστιν η κεφαλη πασης αρχης και εξουσιας

and in him ye are made full, who is the head of all principality and power:

Shinuma oshiketa teke ani shomo akore okarituye buri ani echi utara anak ne okarituye buri ani akore poka ki nisa ruwe ne, tambe anak Kiristo koro okarituye buri ne, kam netobake shiraraye arabe ne ruwe ne;

Sinuma oske ta teke ani somo a=kore okarituye puri ani eci utar anakne okarituye puri ani a=kore poka ki nisa ruwe ne, tanpe anak Kiristo kor okarituye puri ne, kam netopake siraraye a=rap ne ruwe ne;

εν ω και περιετμηθητε περιτομη αχειροποιητω εν τη απεκδυσει του σωματος της σαρκος εν τη περιτομη του χριστου

in whom ye were also circumcised with a circumcision not made with hands, in the putting off of the body of the flesh, in the circumcision of Christ;

aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

ayke, Sinuma tura paptisma eun a=omare hine ray hi oro wano Sinuma hetopo-siknure Kamuy iki iki p ani eysokor hi an kuskeray Sinuma tura eci utar ne yakka hetopo-a=siknure nisa ruwe ne.

συνταφεντες αυτω εντω τω βαπτισματι βαπτισμω ενω ω και συνηγερθητε δια της πιστεως της ενεργειας του θεου του εγειραντος αυτον εκ νεκρων

having been buried with him in baptism, wherein ye were also raised with him through faith in the working of God, who raised him from the dead.

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

Orowa, eci utar anakne, kor ci=kokatpak newa kam oma okarituye puri an kuskeray kusu ray okere eci utar anakne, opittano okay ci=kor ci=kokatpak Sinuma tusare hine Sinuma oro wano Sinuma tura a=siknure nisa ruwe ne;

και υμας νεκρους οντας [εν] τοις παραπτωμασιν και τη ακροβυστια της σαρκος υμων συνεζωοποιησεν υμας συν αυτω χαρισαμενος ημιν παντα τα παραπτωματα

And you, being dead through your trespasses and the uncircumcision of your flesh, you, [I say], did he quicken together with him, having forgiven us all our trespasses;

aige, un epeka wa un epokba ipawetenge nei no ikiri koro teke ani anuye kambi isamka: aine, nei ambe oyakta koro wa utasa chikuni otta kungi kokikkik nisa ruwe ne;

ayke, un epeka wa un epokpa ipawetenke néno ikiri kor teke ani a=nuye kampi isamka: ayne, ne anpe oyak ta kor wa utasa cikuni or ta kunki kokikkik nisa ruwe ne;

εξαλειψας το καθ ημων χειρογραφον τοις δογμασιν ο ην υπεναντιον ημιν και αυτο ηρκεν εκ του μεσου προσηλωσας αυτο τω σταυρω

having blotted out the bond written in ordinances that was against us, which was contrary to us: and he hath taken it out of the way, nailing it to the cross;

samata, yaikota yai orowa no esapane ambe newa mondum korobe soshpa okere chiki, anukan no nei ambe nukare hine, gusu nei ambe epeka yaiokkainere nisa ruwe ne na.

sama ta, yaykota yay oro wano esapane anpe newa montum kor pe sospa okere ciki, a=nukar no ne anpe nukare hine, kusu ne anpe epeka yayokkaynere nisa ruwe ne na.

απεκδυσαμενος τας αρχας και τας εξουσιας εδειγματισεν εν παρρησια θριαμβευσας αυτους εν αυτω

having put off from himself the principalities and the powers, he made a show of them openly, triumphing over them in it.

Tambe gusu, ibe arabe gusu hene, iku ambe gusu hene, iwai an toho gusu hene, ashiri kunne-chup gusu hene, shini toho gusu hene, iteki nen ka echi koipishi kuni ne ki yan:

Tanpe kusu, ipe a=rap kusu hene, iku anpe kusu hene, iway an toho kusu hene, a=siri kunne-cup kusu hene, sini toho kusu hene, iteki nen ka eci koypisi kuni ne ki yan:

μη ουν τις υμας κρινετω εν βρωσει και εν ποσει η εν μερει εορτης η νεομηνιας η σαββατων

Let no man therefore judge you in meat, or in drink, or in respect of a feast day or a new moon or a sabbath day:

tap arabe anak ne ek kushki okaibe gusu an kurihi ne; koroka netobake anak ne Kiristo korobe ne ruwe ne.

tap a=rap anakne ek kuski okaype kusu an kurihi ne; korka netopake anakne Kiristo kor pe ne ruwe ne.

α εστιν σκια των μελλοντων το δε σωμα του χριστου

which are a shadow of the things to come; but the body is Christ’s.

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Iteki nen ka iki renkayne an yayeoripakka anpe newa Kamuy hawturunpe koonkamire anpe ani eci=kor iwayehe eikkare yan; néno ikici kur anakne anukarape an a=rap kata roski,

μηδεις υμας καταβραβευετω θελων εν ταπεινοφροσυνη και θρησκεια των αγγελων α εορακεν εμβατευων εικη φυσιουμενος υπο του νοος της σαρκος αυτου

Let no man rob you of your prize by a voluntary humility and worshipping of the angels, dwelling in the things which he hath seen, vainly puffed up by his fleshly mind,

raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.

raka-sak no kor kam-us kewtura kusu pittarane, ayke, ari netopake epitta ikra newa kut-rit an kuskeray kusu a=respa hine Kamuy oro wano asukupte wa sukup ne sapaha yupke no somo sikkasima ruwe ne na.

και ου κρατων την κεφαλην εξ ου παν το σωμα δια των αφων και συνδεσμων επιχορηγουμενον και συμβιβαζομενον αυξει την αυξησιν του θεου

and not holding fast the Head, from whom all the body, being supplied and knit together through the joints and bands, increaseth with the increase of God.

Tam moshiri gusu an isaika ambe epeka Kiristo tura echi rai nisa ruwe ne a yakun,

Tam mosir kusu an isayka anpe epeka Kiristo tura eci=ray nisa ruwe ne a yakun,

ει απεθανετε συν χριστω απο των στοιχειων του κοσμου τι ως ζωντες εν κοσμω δογματιζεσθε

If ye died with Christ from the rudiments of the world, why, as though living in the world, do ye subject yourselves to ordinances,

hemanda gusu, moshiri gusu koishu korachi, utara epakashi nei no utara ikashpaotte nei no ipawetenge nep koran esanniyop koitaknu ya?

hemanta kusu, mosir kusu koysu koraci, utar epakasi néno utar ikaspaotte néno ipawetenke nep koran esanniyop koytaknu ya?

μη αψη μηδε γευση μηδε θιγης

Handle not, nor taste, nor touch

(nei arabe anak, iteki teke ani kishima, iteki sapke, iteki tomooshma ari an ap ne).

(ne a=rap anak, iteki teke ani kisma, iteki sapke, iteki tomoosma ari an ap ne).

α εστιν παντα εις φθοραν τη αποχρησει κατα τα ενταλματα και διδασκαλιας των ανθρωπων

(all which things are to perish with the using), after the precepts and doctrines of men?

Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.

Tapan okaype anakne renkayne an kewtura ani Kamuy koonkami anpe kusu hemhem, yayeoripakka anpe kusu hemhem, netopake epeka eramu-yupke kore anpe kusu hemhem wayasnu kotom a=rap ne sekor a=nukar; korka, kam iki rusuy pe epeka raka-sak no an anpe ne ruwe ne.

ατινα εστιν λογον μεν εχοντα σοφιας εν εθελοθρησκια και ταπεινοφροσυνη [και] αφειδια σωματος ουκ εν τιμη τινι προς πλησμονην της σαρκος

Which things have indeed a show of wisdom in will-worship, and humility, and severity to the body; [but are ]not of any value against the indulgence of the flesh.

Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

Tanpe kusu eci utar anakne Kiristo tura hetopo-a=siknure ciki, Kamuy simon tek-sama ta a koran Kiristo osiroma uske ta an okaype hunara yan.

ει ουν συνηγερθητε τω χριστω τα ανω ζητειτε ου ο χριστος εστιν εν δεξια του θεου καθημενος

If then ye were raised together with Christ, seek the things that are above, where Christ is, seated on the right hand of God.

Rikta an okaibe esanniyo wa iteki moshiri kata an okaibe esanniyo yan.

Rik ta an okaype esanniyo wa iteki mosir kata an okaype esanniyo yan.

τα ανω φρονειτε μη τα επι της γης

Set your mind on the things that are above, not on the things that are upon the earth.

Inambe gusu ne yakun, echi utara anak ne rai nisa ruwe ne, echi koro inotu Kiristo tura

Inanpe kusu ne yakun, eci utar anakne ray nisa ruwe ne, eci=kor inotu Kiristo tura

απεθανετε γαρ και η ζωη υμων κεκρυπται συν τω χριστω εν τω θεω

For ye died, and your life is hid with Christ in God.

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Kamuy or ta a=nuyna wa an ruwe ne. Ci=kor inotu ne Kiristo anakne a=nukar kusu ne hi ta, ne hi ta anak eci utar ne yakka Sinuma turano nupeki or ta a=nukar kusu ne na.

οταν ο χριστος φανερωθη η ζωη ημων υμων τοτε και υμεις συν αυτω φανερωθησεσθε εν δοξη

When Christ, [who is ]our life, shall be manifested, then shall ye also with him be manifested in glory.

Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

Tanpe kusu, mosir kata okay eci=kor awehe rayke yan; hoiyo hene, icakkere a=rap hene, wen katcam hene, wenpe ki rusuy kewtura hene, potoki koonkami ari an yaykosipuynere a=rap hene rayke yan;

νεκρωσατε ουν τα μελη τα επι της γης πορνειαν ακαθαρσιαν παθος επιθυμιαν κακην και την πλεονεξιαν ητις εστιν ειδωλολατρια

Mortify therefore your members which are upon the earth; fornication, uncleanness, passion, evil desire, and covetousness, the which is idolatry;

tap okaibe rengap gusu itakkashi poho utara otta Kamui irushka ambe ek ruwe ne;

tap okaype renkap kusu itakkasi poho utar or ta Kamuy iruska anpe ek ruwe ne;

δι α ερχεται η οργη του θεου [επι τους υιους της απειθειας]

for which things’ sake cometh the wrath of God upon the sons of disobedience;

orowa, tap okaibe otta echi shiknu wa an rapoketa, otta eeshiri echi utara ne yakka apkash nisa ruwe ne na.

orowa, tap okaype or ta eci=siknu wa an rapoketa, or ta e=siri eci utar ne yakka apkas nisa ruwe ne na.

εν οις και υμεις περιεπατησατε ποτε οτε εζητε εν τουτοις

in the which ye also walked aforetime, when ye lived in these things.

Koroka, irushka arabe hemhem, kinrakarabe hemhem, wenbe hemhem, koatcha arabe hemhem, paro wano san yainikoroshma itak ambe hemhem, tane tap okaibe obitta oyakta are yan:

Korka, iruska a=rap hemhem, kinrakarape hemhem, wenpe hemhem, koatca a=rap hemhem, paro wano san yaynikorosma itak anpe hemhem, tane tap okaype opitta oyak ta are yan:

νυνι δε αποθεσθε και υμεις τα παντα οργην θυμον κακιαν βλασφημιαν αισχρολογιαν εκ του στοματος υμων

But now put ye also away all these; anger, wrath, malice, railing, shameful speaking out of your mouth:

iteki utashpa shunge yan: fushko ainu koro iki ikip tura echi shioraye hine ashiri ainu echi utomchiure okere ruwe ne gusu ne na;

iteki utaspa sunke yan: husko aynu kor iki iki p tura eci sioraye hine a=siri aynu eci=utomciwre okere ruwe ne kusu ne na;

μη ψευδεσθε εις αλληλους απεκδυσαμενοι τον παλαιον ανθρωπον συν ταις πραξεσιν αυτου

lie not one to another; seeing that ye have put off the old man with his doings,

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

ne a=rap anakne oro wano a=kar Kamuy kor katuhu néno eramanuspe kusu asinno a=kar kor an ruwe ne:

και ενδυσαμενοι τον νεον τον ανακαινουμενον εις επιγνωσιν κατ εικονα του κτισαντος αυτον

and have put on the new man, which is being renewed unto knowledge after the image of him that created him:

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

ne uske ta Herenes hene Yudea un pe hene, okarituye puri a=kore a=rap hene okarituye puri somo a=kore anpe hene, oya kotan un kur hene, Skitia un kur hene, aussiwne an kur hene, renkayne an kur hene isam: korka, Kiristo anakne opittano okaype okkasi an, opittano okaype onnayke ta an ruwe ne na.

οπου ουκ ενι ελλην και ιουδαιος περιτομη και ακροβυστια βαρβαρος σκυθης δουλος ελευθερος αλλα [τα] παντα και εν πασιν χριστος

where there cannot be Greek and Jew, circumcision and uncircumcision, barbarian, Scythian, bondman, freeman: but Christ is all, and in all.

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Tanpe kusu, Kamuy kor a=numke askanne newa a=omap an utar koraci, ranpokiwen an kewtura hemhem, pirka irenka hemhem, yayeoripakka a=rap hemhem, ramu-rotca a=rap hemhem, ramu-siporore anpe hemhem,

ενδυσασθε ουν ως εκλεκτοι του θεου αγιοι και ηγαπημενοι σπλαγχνα οικτιρμου χρηστοτητα ταπεινοφροσυνην πραυτητα μακροθυμιαν

Put on therefore, as God’s elect, holy and beloved, a heart of compassion, kindness, humility, meekness, longsuffering;

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

utomciwre yan; utaspa ue-siyupupu; nep ne yakka eiyonnuppa kuni usike an ciki uwewsaraye yan; Utarpa eci=tusare koraci eci utar ne yakka néno ki yan;

ανεχομενοι αλληλων και χαριζομενοι εαυτοις εαν τις προς τινα εχη μομφην καθως και ο κυριος εχαρισατο υμιν ουτως και υμεις

forbearing one another, and forgiving each other, if any man have a complaint against any; even as the Lord forgave you, so also do ye:

orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

orowa, tap okaype kasuno pasere wa omap a=rap utomciwre yan; tanpe anakne a=eramusinne kusu an kut ne ruwe ne na.

επι πασιν δε τουτοις την αγαπην ο εστιν συνδεσμος της τελειοτητος

and above all these things [put on ]love, which is the bond of perfectness.

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

Suy, Kiristo kor i=tom eci=kewtum ta esapanere yan, tanpe kusu ka sine netopake or ta eci=a=hotuyekar wa okay ruwe ne na;

και η ειρηνη του χριστου βραβευετω εν ταις καρδιαις υμων εις ην και εκληθητε εν [ενι] ενι σωματι και ευχαριστοι γινεσθε

And let the peace of Christ rule in your hearts, to the which also ye were called in one body; and be ye thankful.

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshiromare yan; iyohaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

orowa, yayirayke an no okay yan. Sino wayasnu no nuye an no Kiristo kor itak eci=oske ta osiromare yan; iyohaycis ani hene, sinotca ani hene, ramat oma yayrap ani hene eci=kor kewtura ta irenka kor wa Kamuy or ta sinotcaki wa utaspa ue-epakasnu hemhem ki, ue-onisnisi hemhem ki yan.

ο λογος του χριστου ενοικειτω εν υμιν πλουσιως εν παση σοφια διδασκοντες και νουθετουντες εαυτους ψαλμοις υμνοις ωδαις πνευματικαις εν [τη] χαριτι αδοντες εν ταις καρδιαις υμων τω θεω

Let the word of Christ dwell in you richly in all wisdom; teaching and admonishing one another with psalms [and ]hymns [and ]spiritual songs, singing with grace in your hearts unto God.

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

Orowa, itak or ta hene iki p or ta hene nep ne yakka eci=ki ciki Utarpa ne Yesu Kiristo rehe an kuskeraypo ki, ayne, Sinuma kor irenka kusu Mici ne Kamuy or ta ko-yayirayke yan.

και παν ο τι εαν ποιητε εν λογω η εν εργω παντα εν ονοματι κυριου ιησου ευχαριστουντες τω θεω πατρι δι αυτου

And whatsoever ye do, in word or in deed, [do ]all in the name of the Lord Jesus, giving thanks to God the Father through him.

Machi ne utara, Utarapa gusu kopakeat kuni ne echi koro hoku otta koitaknu yan.

Maci ne utar, Utarpa kusu kopakeat kuni ne eci=kor hoku or ta koytaknu yan.

αι γυναικες υποτασσεσθε τοις ανδρασιν ως ανηκεν εν κυριω

Wives, be in subjection to your husbands, as is fitting in the Lord.

Hoku ne utara, echi koro machi omap wa otta iteki iporo-slriuka yan.

Hoku ne utar, eci=kor maci omap wa or ta iteki iporo-slriwka yan.

οι ανδρες αγαπατε τας γυναικας και μη πικραινεσθε προς αυτας

Husbands, love your wives, and be not bitter against them.

Poho utara, nep ne yakka gusu echi koro eshikop koitaknu yan, tambe anak ne Utara nupetnere ambe ne ruwe ne gusu ne na.

Poho utar, nep ne yakka kusu eci=kor esikop koytaknu yan, tanpe anakne Utar nupetnere anpe ne ruwe ne kusu ne na.

τα τεκνα υπακουετε τοις γονευσιν κατα παντα τουτο γαρ ευαρεστον εστιν εν κυριω

Children, obey your parents in all things, for this is well-pleasing in the Lord.

Michihi utara, echi koro poho utara iteki ramu-rai kuni ne iteki irushkare yan.

Micihi utar, eci=kor poho utar iteki ramu-ray kuni ne iteki iruskare yan.

οι πατερες μη ερεθιζετε τα τεκνα υμων ινα μη αθυμωσιν

Fathers, provoke not your children, that they be not discouraged.

Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

aussiwne okay utar, nep ne yakka kusu kar epeka an eci=esapane utar koytaknu yan; aynu nupetnere kusu aesikkoinkara kuni koraci somo ne, korka, Utarpa kusu iki néno ohewke sak sarape kor yan: nep ne yakka eci=ki ciki,

οι δουλοι υπακουετε κατα παντα τοις κατα σαρκα κυριοις μη εν οφθαλμοδουλιαις οφθαλμοδουλια ως ανθρωπαρεσκοι αλλ εν απλοτητι καρδιας φοβουμενοι τον κυριον

Servants, obey in all things them that are your masters according to the flesh; not with eyeservice, as men-pleasers, but in singleness of heart, fearing the Lord:

ramu-osshi wa ki yan, utara gusu shomo iki no Utarapa gusu iki korachi ki yan;

ramu-ossi wa ki yan, utar kusu somo iki no Utarpa kusu iki koraci ki yan;

ο εαν ποιητε εκ ψυχης εργαζεσθε ως τω κυριω και ουκ ανθρωποις

whatsoever ye do, work heartily, as unto the Lord, and not unto men;

Utarapa orowa aeikeshkorobe gusu an iwayehe akore kusu ne ambe eraman; aige, Utarapa ne Kiristo gusu echi yaishieiwangere na.

Utarpa orowa aeykeskorope kusu an iwayehe a=kore kusu ne anpe eraman; ayke, Utarpa ne Kiristo kusu eci yaysieywankere na.

ειδοτες οτι απο κυριου απολημψεσθε την ανταποδοσιν της κληρονομιας τω κυριω χριστω δουλευετε

knowing that from the Lord ye shall receive the recompense of the inheritance: ye serve the Lord Christ.

Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.

Inanpe kusu ne yakun, wenpe ikici kur anakne aki okere wenpe kusu tasa a=kore kusu ne: ayne, utar kowen utar ko pirka kewtum isam ruwe ne kusu ne na.

ο γαρ αδικων κομισεται ο ηδικησεν και ουκ εστιν προσωπολημψια

For he that doeth wrong shall receive again for the wrong that he hath done: and there is no respect of persons.

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

Nispa ne utar, eci=kor ussiw ne utar or ta owpeka newa owpak an anpe kore yan; ayke, eci utar ne yakka kanto oske ta Nispa kor ruwe ne kunak eramu yan.

οι κυριοι το δικαιον και την ισοτητα τοις δουλοις παρεχεσθε ειδοτες οτι και υμεις εχετε κυριον εν ουρανω

Masters, render unto your servants that which is just and equal; knowing that ye also have a Master in heaven.

Shiyuppa no inonno-itak ki, iyaiiraige koro wa iki hine shiruwande yan;

Siyuppa no inonno-itak ki, i=yayirayke kor wa iki hine siruwante yan;

τη προσευχη προσκαρτερειτε γρηγορουντες εν αυτη εν ευχαριστια

Continue stedfastly in prayer, watching therein with thanksgiving;

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

samake ta, un kusu ne yakka iki, Kiristo kusu an a=nuyna anpe a=ye hine itak a=rap ahun kusu, un orun Kamuy apa maka kuni ne ki yan,

προσευχομενοι αμα και περι ημων ινα ο θεος ανοιξη ημιν θυραν του λογου λαλησαι το μυστηριον του χριστου δι ο και δεδεμαι

withal praying for us also, that God may open unto us a door for the word, to speak the mystery of Christ, for which I am also in bonds;

nei okaibe gusu ku atupetupe an na; samata, nekon a katu ani ku ye kunip ne ya aeramande kuni gusu ki yan.

ne okaype kusu ku=a=tupetupe an na; sama ta, nekona katu ani ku=ye kunip ne ya a=eramante kuni kusu ki yan.

ινα φανερωσω αυτο ως δει με λαλησαι

that I may make it manifest, as I ought to speak.

Soita okai utara epeka pakihi kikiraye korachi wayashnu no apkash yan.

Soy ta okay utar epeka pakihi kikiraye koraci wayasnu no apkas yan.

εν σοφια περιπατειτε προς τους εξω τον καιρον εξαγοραζομενοι

Walk in wisdom toward them that are without, redeeming the time.

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

Nekona katu ani pisno an kur orun koese kunip ne ya sekor eci=eraman kuni ne, ramma kane eci=ye itak irenka tura a=sanke wa sippo eomare yan.

ο λογος υμων παντοτε εν χαριτι αλατι ηρτυμενος ειδεναι πως δει υμας ενι εκαστω αποκρινεσθαι

Let your speech be always with grace, seasoned with salt, that ye may know how ye ought to answer each one.

Obitta no okai ku goro orushpe gusu anak Tikikos echi nure kushki, nei guru anak ne Utarapa oshiketa aomap an iriwak ne, ikipniukesh yaishieiwangere guru ne, tura no iki ausshiunere an gunʼne ruwe ne: echi utara un gusu an orushpe eraman,

Opittano okay ku=kor oruspe kusu anak Tikikos eci=nure kuski, ne kur anakne Utarpa oske ta a=omap an irwak ne, ikipniwkes yaysieywankere kur ne, turano iki aussiwnere an kunne ruwe ne: eci utar un kusu an oruspe eraman,

τα κατ εμε παντα γνωρισει υμιν τυχικος ο αγαπητος αδελφος και πιστος διακονος και συνδουλος εν κυριω

All my affairs shall Tychicus make known unto you, the beloved brother and faithful minister and fellow-servant in the Lord:

orowa, shinuma echi sambe omaoma kuni gusu an, tapan son no ikkewehe an gusu echi orun kuani shinuma omande nisa ruwe ne;

orowa, sinuma eci=sanpe omaoma kuni kusu an, tapan sonno ikkewehe an kusu eci=orun kuani sinuma omante nisa ruwe ne;

ον επεμψα προς υμας εις αυτο τουτο ινα γνωτε τα περι ημων και παρακαλεση τας καρδιας υμων

whom I have sent unto you for this very purpose, that ye may know our estate, and that he may comfort your hearts;

echi tumuge wano an nei ikipniukesh newa aomap an iriwak guru ne Onesimos tura ku omande ruwe ne na. Nei utara anak ne teda an orushpe obitta echi nure kushki na.

eci=tumuke wano an ne ikipniwkes newa a=omap an irwak kur ne Onesimos tura ku=omante ruwe ne na. Ne utar anakne teta an oruspe opitta eci=nure kuski na.

συν ονησιμω τω πιστω και αγαπητω αδελφω ος εστιν εξ υμων παντα υμιν γνωρισουσιν τα ωδε

together with Onesimus, the faithful and beloved brother, who is one of you. They shall make known unto you all things that [are done ]here.

En tura no ipakashnu chisei ta an Aristarkos echi ekap an na, Barnabas koro karaku Markos ne yakka echi ekap na (shinuma gusu echi kashpaotte ash okere; aige, shinuma echi orun ek chiki uk wa en kore yan),

En turano ipakasnu cise ta an Aristarkos eci=ekap an na, Barnabas kor karku Markos ne yakka eci=ekap na (sinuma kusu eci=kaspaotte as okere; ayke, sinuma eci=orun ek ciki uk wa en=kore yan),

ασπαζεται υμας αρισταρχος ο συναιχμαλωτος μου και μαρκος ο ανεψιος βαρναβα περι ου ελαβετε εντολας εαν ελθη προς υμας δεξασθε αυτον

Aristarchus my fellow-prisoner saluteth you, and Mark, the cousin of Barnabas (touching whom ye received commandments; if he come unto you, receive him),

samata, okarituye-buri oma Youstos ari aporose Yesu ne yakka echi ekap na: tan utara patek Kamui moshiri gusu tura no ikichi utara ne, gusu a en omaoma utara ne ruwe ne.

sama ta, okarituye-puri oma Youstos ari a=porse Yesu ne yakka eci=ekap na: tan utar patek Kamuy mosir kusu turano ikici utar ne, kusu a en=omaoma utar ne ruwe ne.

και ιησους ο λεγομενος ιουστος οι οντες εκ περιτομης ουτοι μονοι συνεργοι εις την βασιλειαν του θεου οιτινες εγενηθησαν μοι παρηγορια

and Jesus, which is called Justus, who are of the circumcision: these only [are my ]fellow-workers unto the kingdom of God, men that have been a comfort unto me.

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.