Pauros newa Sirounos newa Timoteos anak ne chikoro Michi ne Kamui newa Utarapa ne Yesu Kiristo oshiketa an Tessaronike kotan un karisia otta kambi omande na;

Pawros ne wa Sirownos ne wa Timoteos anakne ci=kor Mici ne Kamuy ne wa Utarpa ne Yesu Kiristo oske ta an Tessaronike kotan un karisia or ta kampi omante na;

パウロ、シルワノ、テモテから、わたしたちの父である神と主イエス・キリストに結ばれているテサロニケの教会へ。

Michi ne Kamui newa Utarapa ne Yesu Kiristo orowa no irenga newa itomo echi gusu an na.

Mici ne Kamuy ne wa Utarpa ne Yesu Kiristo orowano irenka ne wa i=tom eci kusu an na.

わたしたちの父である神と主イエス・キリストからの恵みと平和が、あなたがたにあるように。

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

Irwak utar, owpak an no koraci ramma-kane eci utar kusu Kamuy koyayirayke as kuni p ne, eci iki eysokor hi nuye an no sukup, sama ta, uwe-utaspa pisno eci iki omap a=rap eci opitta kusu aporore wa an ruwe ne kusu ne na;

兄弟たち、あなたがたのことをいつも神に感謝せずにはいられません。また、そうするのが当然です。あなたがたの信仰が大いに成長し、お互いに対する一人一人の愛が、あなたがたすべての間で豊かになっているからです。

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

opittano okay eci eyaysiporore aekeske a=rap ne wa aeraracuptekpe uturu eciki yayyupupu a=rap ne wa eysokor hi kusu Kamuy karisia tum ta eci utar kusu ci utar yayomonnure as pakno ne ruwe ne;

それで、わたしたち自身、あなたがたが今、受けているありとあらゆる迫害と苦難の中で、忍耐と信仰を示していることを、神の諸教会の間で誇りに思っています。

tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

tanpe anakne Kamuy owpeka an koypisi kusu an a=nukar siros ne; kusu ka eci ramusitne hine Kamuy mosir uyna kuni owpak no okay utar eci ne sekor eci esanniyo an kuni kusu ne na:

これは、あなたがたを神の国にふさわしい者とする、神の判定が正しいという証拠です。あなたがたも、神の国のために苦しみを受けているのです。

Kamui erampeutek utara newa chikoro Utarapa ne Yesu Kiristo koro pirika shongo

Kamuy eranpewtek utar ne wa ci=kor Utarpa ne Yesu Kiristo kor pirka sonko

神は正しいことを行われます。あなたがたを苦しめている者には、苦しみをもって報い、

koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

koytaknu somo ki utar koykemnu hine parparse ape oma kor kiror un hawturunpe utar tura kanto wano ek Utarpa ne Yesu a=nukar hi ta eci ramucuptekka

また、苦しみを受けているあなたがたには、わたしたちと共に休息をもって報いてくださるのです。主イエスが力強い天使たちを率いて天から来られるとき、神はこの報いを実現なさいます。

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

utar epeka tasa iramucuptekka wa kore anpe hemhem, aeramcuptekka wa okay eci utar un turano aspinire a=rap hemhem anakne Kamuy tek-sama ta owpeka anpe ne nankon na:

主イエスは、燃え盛る火の中を来られます。そして神を認めない者や、わたしたちの主イエスの福音に聞き従わない者に、罰をお与えになります。

Shinuma anak koro ashkanne utara onnaigeta anupekte hemhem ki, orowa, nei toho ta (echi nure ash paweteshu ambe aeishokoro okere gusu) obitta no okai eishokoro okere utara orowa no aenushkari kuni gusu ek hemhem ki ita, nei utara anak ne apachigoatte kusu ne,

Sinuma anak kor askanne utar onnayke ta anupekte hemhem ki, orowa, ne toho ta (eci nure as pawetesu anpe a=eysokor okere kusu) opittano okay eysokor okere utar orowano aenuskari kuni kusu ek hemhem ki hi ta, ne utar anakne apacikoatte kusu ne,

彼らは、主の面前から退けられ、その栄光に輝く力から切り離されて、永遠の破滅という刑罰を受けるでしょう。

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

Utarpa kor nanuhu ne wa Sinuma kor kiror oma nupeki orowano otu sasuysir pakno akoysamka kusu ne na.

かの日、主が来られるとき、主は御自分の聖なる者たちの間であがめられ、また、すべて信じる者たちの間でほめたたえられるのです。それは、あなたがたがわたしたちのもたらした証しを信じたからです。

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

Ci=kor Kamuy anakne kusu eci a=nisuk anpe epeka owpak no an utar eci ne hunak sanniyo hine kiror ani opittano okay pirka p kon-rusuy pe ne wa eysokor hi iki iki p uweomare kuni ne, ramma-kane eci utar kusu ci utar ne yakka inonno-itak as ruwe ne;

このことのためにも、いつもあなたがたのために祈っています。どうか、わたしたちの神が、あなたがたを招きにふさわしいものとしてくださり、また、その御力で、善を求めるあらゆる願いと信仰の働きを成就させてくださるように。

tambe anak chikoro Kamui irenga newa Utarapa ne Yesu Kiristo an nei no, Chikoro Utarapa ne Yesu Kiristo kon reihei echi oshiketa, samata, echi utara Shinumaoshiketa anupekte kuni gusu an ambe ne ruwe ne na.

tanpe anak ci=kor Kamuy irenka ne wa Utarpa ne Yesu Kiristo an ne no, Ci=kor Utarpa ne Yesu Kiristo kor rehe eci oske ta, sama ta, eci utar Sinumaosiketa anupekte kuni kusu an anpe ne ruwe ne na.

それは、わたしたちの神と主イエス・キリストの恵みによって、わたしたちの主イエスの名があなたがたの間であがめられ、あなたがたも主によって誉れを受けるようになるためです。

Iriwak utara, chikoro Utarapa ne Yesu Kiristo ek kusu ne a arabe newa Shinuma orun chi utara uwekarapa ash ambe newa gusu echi koramkoro ash ruwe ne;

Irwak utar, ci=kor Utarpa ne Yesu Kiristo ek kusu ne a a=rap ne wa Sinuma or un ci utar uwekarpa as anpe ne wa kusu eci koramkor as ruwe ne;

さて、兄弟たち、わたしたちの主イエス・キリストが来られることと、そのみもとにわたしたちが集められることについてお願いしたい。

tambe anak Utarapa toho tane an sekorobe gusu iteki echi keutura autumashire tunash, ramat ani ne yakka, itak ani ne yakka, un orowa no aette kambi ani ne yakka, iteki keutum chiukopoyere kuni

tanpe anak Utarpa toho tane an sekorope kusu iteki eci kewtura awtumasire tunas, ramat ani ne yakka, itak ani ne yakka, un orowano aette kampi ani ne yakka, iteki kewtum ciwkopoyere kuni

霊や言葉によって、あるいは、わたしたちから書き送られたという手紙によって、主の日は既に来てしまったかのように言う者がいても、すぐに動揺して分別を無くしたり、慌てふためいたりしないでほしい。

an arabe ne; nep ne yakka gusu iteki inan guru ne yakka echi kokandamare yan: inambe gusu ne yakun, hoshiki no eyaikoemaka arabe an, samata, nei a chikokatpak ainu, nei a aisamka ambe poho anukara shomoki chiki,

an a=rap ne; nep ne yakka kusu iteki inan kur ne yakka eci kokantamare yan: inanpe kusu ne yakun, hoskino eyaykoemaka a=rap an, sama ta, ne a cikokatpak aynu, ne a aysamka anpe poho a=nukar somo ki ciki,

だれがどのような手段を用いても、だまされてはいけません。なぜなら、まず、神に対する反逆が起こり、不法の者、つまり、滅びの子が出現しなければならないからです。

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

ne toho somo an ruwe ne; ne kur anakne opittano okay Kamuy aporosep okkew kasi hene onkami kuni p okkew kasi hene yayriknare epokpap ne; Kamuy kor kenru ta a kane yaykota Kamuy ne kar pakno poka iki kur ne ruwe ne.

この者は、すべて神と呼ばれたり拝まれたりするものに反抗して、傲慢にふるまい、ついには、神殿に座り込み、自分こそは神であると宣言するのです。

Kuani naa echi tura no ku an rapoketa tap okaibe gusu echi nure ash nisa sekorʼambe echi eshkarun shomoki ruwe he an?

Kuani naa eci turano ku an rapoketa tap okay pe kusu eci nure as nisa sekor anpe eci eskarun somo ki ruwe he an?

まだわたしがあなたがたのもとにいたとき、これらのことを繰り返し語っていたのを思い出しませんか。

Nei guru yaikota koro pakihi ta anukare kuni ne tane shinuma shinnatush ambe echi eraman ruwe ne.

Ne kur yaykota kor pakihi ta a=nukar kuni ne tane sinuma sinnatus anpe eci eraman ruwe ne.

今、彼を抑えているものがあることは、あなたがたも知っているとおりです。それは、定められた時に彼が現れるためなのです。

Inambe gusu ne yakun, ikashpaotte otereke mukkep anak ne tane monraige shiri-ki: ouse nei guru oyake un auk pakno shinnatushbe an ruwe ne.

Inanpe kusu ne yakun, ikaspaotte oterke mukkep anakne tane monrayke siri-ki: owse ne kur oyake un awk pakno sinnatuspe an ruwe ne.

不法の秘密の力は既に働いています。ただそれは、今のところ抑えている者が、取り除かれるまでのことです。

Orowa, okake an koro, Utarapa ne Yesu anak koro paro oma heisepa ani raige wa iki koro ek wa an arabe ani isamka nei ikashpaotte otereke guru anukare kusu ne na;

Orowa, okake an kor, Utarpa ne Yesu anak kor paro oma heysepa ani rayke wa iki kor ek wa an a=rap ani isamka ne ikaspaotte oterke kur a=nukar kusu ne na;

その時が来ると、不法の者が現れますが、主イエスは彼を御自分の口から吐く息で殺し、来られるときの御姿の輝かしい光で滅ぼしてしまわれます。

aige, nei utara anak ne kashiaobiuki kuni ne sonep omap ambe shomo uina nisa ruwe ne gusu,

ayke, ne utar anakne kasiaopiwki kuni ne sonep omap anpe somo uyna nisa ruwe ne kusu,

不法の者は、サタンの働きによって現れ、あらゆる偽りの奇跡としるしと不思議な業とを行い、

nei guru anak ne Satan iki-hi korachi, usa okai kiroro newa shiroshi newa shunge iyokonnurep, samata, aisamka kuni gusu an utara gusu usa okai kokandama arabe newa oupeka-sakbe koro wa ek ruwe ne.

ne kur anakne Satan iki hi koraci, usa okay kiror ne wa sirosi ne wa sunke iyokonnurep, sama ta, aysamka kuni kusu an utar kusu usa okay kokantama a=rap ne wa owpeka-sak pe kor wa ek ruwe ne.

そして、あらゆる不義を用いて、滅びていく人々を欺くのです。彼らが滅びるのは、自分たちの救いとなる真理を愛そうとしなかったからです。

Nei utara anak ne shungep eishokoro kuni ne, tambe gusu Kamui nei utara orun ouhaitap ikichi kuni arabe omande ruwe ne:

Ne utar anakne sunkep eysokor kuni ne, tanpe kusu Kamuy ne utar or un owhaytap ikici kuni a=rap omante ruwe ne:

それで、神は彼らに惑わす力を送られ、その人たちは偽りを信じるようになります。

tambe anak ne sonep eishokoro shomoki wa oupeka-sakbe enupetne obitta no okai utara akoipishi kuni gusu an ap ne ruwe ne.

tanpe anakne sonep eysokor somo ki wa owpeka-sak pe enupetne opittano okay utar akoypisi kuni kusu an ap ne ruwe ne.

こうして、真理を信じないで不義を喜んでいた者は皆、裁かれるのです。

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Korka, Utarpa orowano a=omap an irwak utar, atpake wano Kamuy anakne Ramat askannere anpe ne wa sonep eysokor anpe or ta eci numke wa kasiopiwki kusu, ramma-kane eci utar kusu Kamuy koyayirayke kuni p ci ne ruwe ne;

しかし、主に愛されている兄弟たち、あなたがたのことについて、わたしたちはいつも神に感謝せずにはいられません。なぜなら、あなたがたを聖なる者とする“霊”の力と、真理に対するあなたがたの信仰とによって、神はあなたがたを、救われるべき者の初穂としてお選びになったからです。

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

ci=kor Utarpa ne Yesu Kiristo kor nupeki a=kor kuni ne, Sinuma anakne ci=kor pirka sonko an=kuskeray tata or ta eci nisuk nisa ruwe ne.

神は、このことのために、すなわち、わたしたちの主イエス・キリストの栄光にあずからせるために、わたしたちの福音を通して、あなたがたを招かれたのです。

Tambe gusu iriwak utara, tumashnu no roshki, orowa, itak ani hene ne ya chi nuye kambi ani hene ne ya aepakashnu oina shikkashima yan.

Tanpe kusu irwak utar, tumasnu no roski, orowa, itak ani hene ne ya ci nuye kampi ani hene ne ya a=epakasnu oyna sikkasma yan.

ですから、兄弟たち、しっかり立って、わたしたちが説教や手紙で伝えた教えを固く守り続けなさい。

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

Tane ci=kor Utarpa ne Yesu Kiristo yaykota hemhem un omap wa irenka an=kuskeray otusasiri pakno an omaoma anpe ne wa pirka cipacipa anpe un korpare ci=kor Mici ne Kamuy hemhem anakne,

わたしたちの主イエス・キリスト御自身、ならびに、わたしたちを愛して、永遠の慰めと確かな希望とを恵みによって与えてくださる、わたしたちの父である神が、

echi koro sambe omaoma hine obitta no okai pirika ikip newa itak otta roshkire kuni akoramkon na.

eci kor sanpe omaoma hine opittano okay pirka iki p ne wa itak or ta roskire kuni akoramkon na.

どうか、あなたがたの心を励まし、また強め、いつも善い働きをし、善い言葉を語る者としてくださるように。

Orokeseta, iriwak utara, echi tumta korachi poka, Utarapa koro itak shipiraspa wa anupekte kuni ne,

Orokeseta, irwak utar, eci tum ta koraci poka, Utarpa kor itak sipiraspa wa anupekte kuni ne,

終わりに、兄弟たち、わたしたちのために祈ってください。主の言葉が、あなたがたのところでそうであったように、速やかに宣べ伝えられ、あがめられるように、

un gusu inonno-itak ki wa un kore; samata, sambe oheuge newa wen utara orowa no chi utara aouhaitare kuni ne inonno-itak yan; obitta no okai utara anak eisbokor-i atte shomoki ruwe ne gusu ne na.

un kusu inonno-itak ki wa un kore; sama ta, sanpe ohewke ne wa wen utar orowano ci utar aowhaytare kuni ne inonno-itak yan; opittano okay utar anak eyspokor hi atte somo ki ruwe ne kusu ne na.

また、わたしたちが道に外れた悪人どもから逃れられるように、と祈ってください。すべての人に、信仰があるわけではないのです。

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

Korka, Utarpa anakne ikipniwkespe ne hine eci roskire hemhem ki, wenpe kusu eci kosiratki hemhem ki kusu ne na.

しかし、主は真実な方です。必ずあなたがたを強め、悪い者から守ってくださいます。

Orowa, echi kashpaotte ash okaibe echi iki shiri okai sekorobe hemhem, echi iki kusu ne sekorobe ka hemhem, echi utara gusu Utarapa oshiketa eishokoro ash ruwe ne.

Orowa, eci kaspaotte as okay pe eci iki siri okay sekorope hemhem, eci iki kusu ne sekorope ka hemhem, eci utar kusu Utarpa oske ta eysokor as ruwe ne.

そして、わたしたちが命令することを、あなたがたは現に実行しており、また、これからもきっと実行してくれることと、主によって確信しています。

Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

Utarpa anakne Kamuy omap hi or ta hemhem, Kiristo kusu an yayyupupu anpe or ta hemhem eci kor sanpe tura kuni akoramkon na.

どうか、主が、あなたがたに神の愛とキリストの忍耐とを深く悟らせてくださるように。

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

Orowa, irwak utar, un orowano a=korpare oyna koraci somo ki wa uottumasi apkas pisno okay irwak wano yay-sisire kuni, ci=kor Utarpa ne Yesu Kiristo kor rehe an=kuskeray eci kaspaotte as na.

兄弟たち、わたしたちは、わたしたちの主イエス・キリストの名によって命じます。怠惰な生活をして、わたしたちから受けた教えに従わないでいるすべての兄弟を避けなさい。

Inambe gusu ne yakun, echi utara anak ne un eikoisamba kunip ne sekoro echi yaikota eraman ruwe ne: chi utara yaikota anak ne echi tumugeta okai rapoketa uottumashi ki ka shomoki nisa ruwe ne gusu ne na:

Inanpe kusu ne yakun, eci utar anakne un eykoysanpa kuni p ne sekor eci yaykota eraman ruwe ne: ci utar yaykota anakne eci tumke ta okay rapoketa uottumasi ki ka somo ki nisa ruwe ne kusu ne na:

あなたがた自身、わたしたちにどのように倣えばよいか、よく知っています。わたしたちは、そちらにいたとき、怠惰な生活をしませんでした。

samata, oro sange shomoki no inan guru koro aep shomo chi e, koroka, echi tumuge un inan guru ne yakka iteki airamukurukuru kuni ne tokap ne yakka anchikara ne yakka monraige wa nuwap nisa ruwe ne:

sama ta, oro sanke somo ki no inan kur kor aep somo ci e, korka, eci tumuke un inan kur ne yakka iteki ayramukurukuru kuni ne tokap ne yakka ancikar ne yakka monrayke wa nuwap nisa ruwe ne:

また、だれからもパンをただでもらって食べたりはしませんでした。むしろ、だれにも負担をかけまいと、夜昼大変苦労して、働き続けたのです。

shomo uk kuni utara cbi ne wa gusu an ambe shomo ne, koroka, echi utara anak un eikoisamba kuni ne, echi gusu aikoikarabe ne yaikara nisa ne ruwe ne a ambe ne na.

somo uk kuni utar cpi ne wa kusu an anpe somo ne, korka, eci utar anak un eykoysanpa kuni ne, eci kusu aykoykarape ne yaykar nisa ne ruwe ne a anpe ne na.

援助を受ける権利がわたしたちになかったからではなく、あなたがたがわたしたちに倣うように、身をもって模範を示すためでした。

Inambe gusu ne yakun, echi tumugeta okai ash rapoketa, tambe ikashpaotte ash nisa ruwe ne; — Inan guru ne yakka shomo monraige yakun, shinuma iteki ibe yak pirika.

Inanpe kusu ne yakun, eci tumke ta okay as rapoketa, tanpe ikaspaotte as nisa ruwe ne; — Inan kur ne yakka somo monrayke yakun, sinuma iteki ipe yak pirka.

実際、あなたがたのもとにいたとき、わたしたちは、「働きたくない者は、食べてはならない」と命じていました。

Inambe gusu ne yakun, echi tumugeta uottumashi iki hine pon no ka shomo monraige, koroka, katukari utara okai sekoro chi nu ruwe ne gusu ne na.

Inanpe kusu ne yakun, eci tumke ta uottumasi iki hine ponno ka somo monrayke, korka, katukar utar okay sekor ci nu ruwe ne kusu ne na.

ところが、聞くところによると、あなたがたの中には怠惰な生活をし、少しも働かず、余計なことをしている者がいるということです。

Tane nei no okai utara mo no monraige wa yaikota koro aep ibe kuni ne Utarapa ne Yesu Kiristo oshiketa onishnishi wa kashpaotte ash ruwe ne.

Tane ne no okay utar mo no monrayke wa yaykota kor aep ipe kuni ne Utarpa ne Yesu Kiristo oske ta onisnisi wa kaspaotte as ruwe ne.

そのような者たちに、わたしたちは主イエス・キリストに結ばれた者として命じ、勧めます。自分で得たパンを食べるように、落ち着いて仕事をしなさい。

Koroka, echi utara gusu anak, iriwak utara, pirikap iki gusu iteki shingi yan.

Korka, eci utar kusu anak, irwak utar, pirka p iki kusu iteki sinki yan.

そして、兄弟たち、あなたがたは、たゆまず善いことをしなさい。

Nen ka tan kambi kata anuye wa an chi ki itak koitaknu shomoki guru an chiki, nei guru shirosh omare yan, aige, iteki echi aeyainikoroshmare kuni ne shomo shinuma tura yan.

Nen ka tan kampi ka ta a=nuye wa an ci ki itak koytaknu somo ki kur an ciki, ne kur siros omare yan, ayke, iteki eci aeyaynikorosmare kuni ne somo sinuma tura yan.

もし、この手紙でわたしたちの言うことに従わない者がいれば、その者には特に気をつけて、かかわりを持たないようにしなさい。そうすれば、彼は恥じ入るでしょう。

Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

Yakka aepokpa kuni kur ne sekor iteki esanniyo, korka, irwak ne kur ne no epakasnu yan.

しかし、その人を敵とは見なさず、兄弟として警告しなさい。

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

Ne ta pakno ne wa ne yakka i=tom kor Utarpa yaykota eci or un i=tom irenka sanke kuni a=koramkor. Utarpa opittano okay eci utar turano an kuni akoramkon na.

どうか、平和の主御自身が、いついかなる場合にも、あなたがたに平和をお与えくださるように。主があなたがた一同と共におられるように。

Pauros ne kuani anak ne yaikota koro teke ani ekap an itak nuye na, nei ambe anak pishno ku sange kambi kata ku goro shirosh ne: nei no ku nuye ruwe ne.

Pawros ne kuani anakne yaykota kor teke ani ekap an itak nuye na, ne anpe anak pisno ku sanke kampi ka ta ku kor siros ne: ne no ku nuye ruwe ne.

わたしパウロが、自分の手で挨拶を記します。これはどの手紙にも記す印です。わたしはこのように書きます。

Chikoro Utarapa ne Yesu Kiristo korʼirenga obitta no okai echi utara tura no an kuni akoramkon na.

Ci=kor Utarpa ne Yesu Kiristo kor irenka opittano okay eci utar turano an kuni akoramkon na.

わたしたちの主イエス・キリストの恵みが、あなたがた一同と共にあるように。