TESSARONIKEUN UTARA OTTA AOMANDEPAUROS NUYE TU IKINNEAN KAMBI.

Pauros newa Sirounos newa Timoteos anak ne chikoro Michi ne Kamui newa Utarapa ne Yesu Kiristo oshiketa an Tessaronike kotan un karisia otta kambi omande na;

Pawros newa Sirownos newa Timoteos anakne ci=kor Mici ne Kamuy newa Utarpa ne Yesu Kiristo oske ta an Tessaronike kotan un karisia or ta kampi omante na;

παυλος και σιλουανος και τιμοθεος τη εκκλησια θεσσαλονικεων εν θεω πατρι ημων και κυριω ιησου χριστω

Paul, and Silvanus, and Timothy, unto the church of the Thessalonians in God our Father and the Lord Jesus Christ;

Michi ne Kamui newa Utarapa ne Yesu Kiristo orowa no irenga newa itomo echi gusu an na.

Mici ne Kamuy newa Utarpa ne Yesu Kiristo oro wano irenka newa i=tom eci kusu an na.

χαρις υμιν και ειρηνη απο θεου πατρος [ημων] και κυριου ιησου χριστου

Grace to you and peace from God the Father and the Lord Jesus Christ.

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

Irwak utar, owpak an no koraci ramma-kane eci utar kusu Kamuy koyayirayke as kunip ne, eci=iki eysokor hi nuye an no sukup, sama ta, ue-utaspa pisno eci=iki omap a=rap eci=opitta kusu a=porore wa an ruwe ne kusu ne na;

ευχαριστειν οφειλομεν τω θεω παντοτε περι υμων αδελφοι καθως αξιον εστιν οτι υπεραυξανει η πιστις υμων και πλεοναζει η αγαπη ενος εκαστου παντων υμων εις αλληλους

We are bound to give thanks to God alway for you, brethren, even as it is meet, for that your faith groweth exceedingly, and the love of each one of you all toward one another aboundeth;

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

opittano okay eci=eyaysiporore a=ekeske a=rap newa aeraracuptekpe uturu eci=ki yaiyupupu a=rap newa eysokor hi kusu Kamuy karisia tum ta eci utar kusu ci utar yayomonnure as pakno ne ruwe ne;

ωστε αυτους ημας εν υμιν ενκαυχασθαι εγκαυχασθαι εν ταις εκκλησιαις του θεου υπερ της υπομονης υμων και πιστεως εν πασιν τοις διωγμοις υμων και ταις θλιψεσιν αις ανεχεσθε

so that we ourselves glory in you in the churches of God for your patience and faith in all your persecutions and in the afflictions which ye endure;

tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

tanpe anakne Kamuy owpeka an koypisi kusu an a=nukar siros ne; kusu ka eci=ramusitne hine Kamuy mosir uyna kuni owpak no okay utar eci ne sekor eci=esanniyo an kuni kusu ne na:

ενδειγμα της δικαιας κρισεως του θεου εις το καταξιωθηναι υμας της βασιλειας του θεου υπερ ης και πασχετε

[which is ]a manifest token of the righteous judgment of God; to the end that ye may be counted worthy of the kingdom of God, for which ye also suffer:

Kamui erampeutek utara newa chikoro Utarapa ne Yesu Kiristo koro pirika shongo

Kamuy eranpewtek utar newa ci=kor Utarpa ne Yesu Kiristo kor pirka sonko

ειπερ δικαιον παρα θεω ανταποδουναι τοις θλιβουσιν υμας θλιψιν

if so be that it is a righteous thing with God to recompense affliction to them that afflict you,

koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

koytaknu somo ki utar koykemnu hine parparse ape oma kor kiroro un hawturunpe utar tura kanto wano ek Utarpa ne Yesu a=nukar hi ta eci ramucuptekka

και υμιν τοις θλιβομενοις ανεσιν μεθ ημων εν τη αποκαλυψει του κυριου ιησου απ ουρανου μετ αγγελων δυναμεως αυτου

and to you that are afflicted rest with us, at the revelation of the Lord Jesus from heaven with the angels of his power

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

utar epeka tasa iramucuptekka wa kore anpe hemhem, aeramcuptekka wa okay eci utar un turano aspinire a=rap hemhem anakne Kamuy tek-sama ta owpeka anpe ne nankor na:

εν πυρι φλογος διδοντος εκδικησιν τοις μη ειδοσιν θεον και τοις μη υπακουουσιν τω ευαγγελιω του κυριου ημων ιησου

in flaming fire, rendering vengeance to them that know not God, and to them that obey not the gospel of our Lord Jesus:

Shinuma anak koro ashkanne utara onnaigeta anupekte hemhem ki, orowa, nei toho ta (echi nure ash paweteshu ambe aeishokoro okere gusu) obitta no okai eishokoro okere utara orowa no aenushkari kuni gusu ek hemhem ki ita, nei utara anak ne apachigoatte kusu ne,

Sinuma anak kor askanne utar onnayke ta anupekte hemhem ki, orowa, ne toho ta (eci=nure as pawetesu anpe a=eysokor okere kusu) opittano okay eysokor okere utar oro wano aenuskari kuni kusu ek hemhem ki hi ta, ne utar anakne apacikoatte kusu ne,

οιτινες δικην τισουσιν ολεθρον αιωνιον απο προσωπου του κυριου και απο της δοξης της ισχυος αυτου

who shall suffer punishment, [even ]eternal destruction from the face of the Lord and from the glory of his might,

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

Utarpa kor nanuhu newa Sinuma kor kiroro oma nupeki oro wano otu sasuysir pakno akoysamka kusu ne na.

οταν ελθη ενδοξασθηναι εν τοις αγιοις αυτου και θαυμασθηναι εν πασιν τοις πιστευσασιν οτι επιστευθη το μαρτυριον ημων εφ υμας εν τη ημερα εκεινη

when he shall come to be glorified in his saints, and to be marveled at in all them that believed (because our testimony unto you was believed) in that day.

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

Ci=kor Kamuy anakne kusu eci=a=nisuk anpe epeka owpak no an utar eci ne hunak sanniyo hine kiroro ani opittano okay pirka p kon-rusuy pe newa eysokor hi iki iki p ueomare kuni ne, ramma-kane eci utar kusu ci utar ne yakka inonno-itak as ruwe ne;

εις ο και προσευχομεθα παντοτε περι υμων ινα υμας αξιωση της κλησεως ο θεος ημων και πληρωση πασαν ευδοκιαν αγαθωσυνης και εργον πιστεως εν δυναμει

To which end we also pray always for you, that our God may count you worthy of your calling, and fulfill every desire of goodness and [every ]work of faith, with power;

tambe anak chikoro Kamui irenga newa Utarapa ne Yesu Kiristo an nei no, Chikoro Utarapa ne Yesu Kiristo kon reihei echi oshiketa, samata, echi utara Shinumaoshiketa anupekte kuni gusu an ambe ne ruwe ne na.

tanpe anak ci=kor Kamuy irenka newa Utarpa ne Yesu Kiristo an néno, Ci=kor Utarpa ne Yesu Kiristo kor rehe eci=oske ta, sama ta, eci utar Sinumaosiketa anupekte kuni kusu an anpe ne ruwe ne na.

οπως ενδοξασθη το ονομα του κυριου ημων ιησου εν υμιν και υμεις εν αυτω κατα την χαριν του θεου ημων και κυριου ιησου χριστου

that the name of our Lord Jesus may be glorified in you, and ye in him, according to the grace of our God and the Lord Jesus Christ.

Iriwak utara, chikoro Utarapa ne Yesu Kiristo ek kusu ne a arabe newa Shinuma orun chi utara uwekarapa ash ambe newa gusu echi koramkoro ash ruwe ne;

Irwak utar, ci=kor Utarpa ne Yesu Kiristo ek kusu ne a a=rap newa Sinuma orun ci utar uekarpa as anpe newa kusu eci=koramkor as ruwe ne;

ερωτωμεν δε υμας αδελφοι υπερ της παρουσιας του κυριου [ημων] ημων ιησου χριστου και ημων επισυναγωγης επ αυτον

Now we beseech you, brethren, touching the coming of our Lord Jesus Christ, and our gathering together unto him;

tambe anak Utarapa toho tane an sekorobe gusu iteki echi keutura autumashire tunash, ramat ani ne yakka, itak ani ne yakka, un orowa no aette kambi ani ne yakka, iteki keutum chiukopoyere kuni

tanpe anak Utarpa toho tane an sekorope kusu iteki eci kewtura awtumasire tunas, ramat ani ne yakka, itak ani ne yakka, un oro wano aette kampi ani ne yakka, iteki kewtum ciwkopoyere kuni

εις το μη ταχεως σαλευθηναι υμας απο του νοος μηδε θροεισθαι μητε δια πνευματος μητε δια λογου μητε δι επιστολης ως δι ημων ως οτι ενεστηκεν η ημερα του κυριου

to the end that ye be not quickly shaken from your mind, nor yet be troubled, either by spirit, or by word, or by epistle as from us, as that the day of the Lord is [now ]present;

an arabe ne; nep ne yakka gusu iteki inan guru ne yakka echi kokandamare yan: inambe gusu ne yakun, hoshiki no eyaikoemaka arabe an, samata, nei a chikokatpak ainu, nei a aisamka ambe poho anukara shomoki chiki,

an a=rap ne; nep ne yakka kusu iteki inan kur ne yakka eci kokantamare yan: inanpe kusu ne yakun, hoskino eyaykoemaka a=rap an, sama ta, ne a ci=kokatpak aynu, ne a a=ysamka anpe poho a=nukar somo ki ciki,

μη τις υμας εξαπατηση κατα μηδενα τροπον οτι εαν μη ελθη η αποστασια πρωτον και αποκαλυφθη ο ανθρωπος της ανομιας ο υιος της απωλειας

let no man beguile you in any wise: for [it will not be], except the falling away come first, and the man of sin be revealed, the son of perdition,

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

ne toho somo an ruwe ne; ne kur anakne opittano okay Kamuy aporosep okkew kasi hene onkami kunip okkew kasi hene yayriknare epokpap ne; Kamuy kor kenru ta a kane yaykota Kamuy ne kar pakno poka iki kur ne ruwe ne.

ο αντικειμενος και υπεραιρομενος επι παντα λεγομενον θεον η σεβασμα ωστε αυτον εις τον ναον του θεου καθισαι αποδεικνυντα εαυτον οτι εστιν θεος

he that opposeth and exalteth himself against all that is called God or that is worshipped; so that he sitteth in the temple of God, setting himself forth as God.

Kuani naa echi tura no ku an rapoketa tap okaibe gusu echi nure ash nisa sekorʼambe echi eshkarun shomoki ruwe he an?

Kuani naa eci turano ku=an rapoketa tap okaype kusu eci=nure as nisa sekor anpe eci=eskarun somo ki ruwe he an?

ου μνημονευετε οτι ετι ων προς υμας ταυτα ελεγον υμιν

Remember ye not, that, when I was yet with you, I told you these things?

Nei guru yaikota koro pakihi ta anukare kuni ne tane shinuma shinnatush ambe echi eraman ruwe ne.

Ne kur yaykota kor pakihi ta a=nukare kuni ne tane sinuma sinnatus anpe eci=eraman ruwe ne.

και νυν το κατεχον οιδατε εις το αποκαλυφθηναι αυτον εν τω αυτου εαυτου καιρω

And now ye know that which restraineth, to the end that he may be revealed in his own season.

Inambe gusu ne yakun, ikashpaotte otereke mukkep anak ne tane monraige shiri-ki: ouse nei guru oyake un auk pakno shinnatushbe an ruwe ne.

Inanpe kusu ne yakun, ikaspaotte oterke mukkep anakne tane monrayke siri-ki: owse ne kur oyake un auk pakno sinnatuspe an ruwe ne.

το γαρ μυστηριον ηδη ενεργειται της ανομιας μονον ο κατεχων αρτι εως εκ μεσου γενηται

For the mystery of lawlessness doth already work: only [there is ]one that restraineth now, until he be taken out of the way.

Orowa, okake an koro, Utarapa ne Yesu anak koro paro oma heisepa ani raige wa iki koro ek wa an arabe ani isamka nei ikashpaotte otereke guru anukare kusu ne na;

Orowa, okake an kor, Utarpa ne Yesu anak kor paro oma heysepa ani rayke wa iki kor ek wa an a=rap ani isamka ne ikaspaotte oterke kur a=nukare kusu ne na;

και τοτε αποκαλυφθησεται ο ανομος ον ο κυριος [ιησους] ανελει τω πνευματι του στοματος αυτου και καταργησει τη επιφανεια της παρουσιας αυτου

And then shall be revealed the lawless one, whom the Lord Jesus shall slay with the breath of his mouth, and bring to nought by the manifestation of his coming;

aige, nei utara anak ne kashiaobiuki kuni ne sonep omap ambe shomo uina nisa ruwe ne gusu,

ayke, ne utar anakne kasiaopiwki kuni ne sonep omap anpe somo uyna nisa ruwe ne kusu,

ου εστιν η παρουσια κατ ενεργειαν του σατανα εν παση δυναμει και σημειοις και τερασιν ψευδους

[even he], whose coming is according to the working of Satan with all power and signs and lying wonders,

nei guru anak ne Satan iki-hi korachi, usa okai kiroro newa shiroshi newa shunge iyokonnurep, samata, aisamka kuni gusu an utara gusu usa okai kokandama arabe newa oupeka-sakbe koro wa ek ruwe ne.

ne kur anakne Satan iki hi koraci, usa okay kiroro newa sirosi newa sunke iyokonnurep, sama ta, a=ysamka kuni kusu an utar kusu usa okay kokantama a=rap newa owpeka-sak pe kor wa ek ruwe ne.

και εν παση απατη αδικιας τοις απολλυμενοις ανθ ων την αγαπην της αληθειας ουκ εδεξαντο εις το σωθηναι αυτους

and with all deceit of unrighteousness for them that are perishing; because they received not the love of the truth, that they might be saved.

Nei utara anak ne shungep eishokoro kuni ne, tambe gusu Kamui nei utara orun ouhaitap ikichi kuni arabe omande ruwe ne:

Ne utar anakne sunkep eysokor kuni ne, tanpe kusu Kamuy ne utar orun owhaytap ikici kuni a=rap omante ruwe ne:

και δια τουτο πεμπει αυτοις ο θεος ενεργειαν πλανης εις το πιστευσαι αυτους τω ψευδει

And for this cause God sendeth them a working of error, that they should believe a lie:

tambe anak ne sonep eishokoro shomoki wa oupeka-sakbe enupetne obitta no okai utara akoipishi kuni gusu an ap ne ruwe ne.

tanpe anakne sonep eysokor somo ki wa owpeka-sak pe enupetne opittano okay utar akoypisi kuni kusu an ap ne ruwe ne.

ινα κριθωσιν παντες οι μη πιστευσαντες τη αληθεια αλλα ευδοκησαντες τη αδικια

that they all might be judged who believed not the truth, but had pleasure in unrighteousness.

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Korka, Utarpa oro wano a=omap an irwak utar, atpake wano Kamuy anakne Ramat askannere anpe newa sonep eysokor anpe or ta eci=numke wa kasiopiwki kusu, ramma-kane eci utar kusu Kamuy koyayirayke kunip ci ne ruwe ne;

ημεις δε οφειλομεν ευχαριστειν τω θεω παντοτε περι υμων αδελφοι ηγαπημενοι υπο κυριου οτι ειλατο υμας ο θεος απ αρχης απαρχην εις σωτηριαν εν αγιασμω πνευματος και πιστει αληθειας

But we are bound to give thanks to God alway for you, brethren beloved of the Lord, for that God chose you from the beginning unto salvation in sanctification of the Spirit and belief of the truth:

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

ci=kor Utarpa ne Yesu Kiristo kor nupeki a=kore kuni ne, Sinuma anakne ci=kor pirka sonko an kuskeray tata or ta eci=nisuk nisa ruwe ne.

εις ο [και] εκαλεσεν υμας δια του ευαγγελιου ημων εις περιποιησιν δοξης του κυριου ημων ιησου χριστου

whereunto he called you through our gospel, to the obtaining of the glory of our Lord Jesus Christ.

Tambe gusu iriwak utara, tumashnu no roshki, orowa, itak ani hene ne ya chi nuye kambi ani hene ne ya aepakashnu oina shikkashima yan.

Tanpe kusu irwak utar, tumasnu no roski, orowa, itak ani hene ne ya ci nuye kampi ani hene ne ya a=epakasnu oyna sikkasima yan.

αρα ουν αδελφοι στηκετε και κρατειτε τας παραδοσεις ας εδιδαχθητε ειτε δια λογου ειτε δι επιστολης ημων

So then, brethren, stand fast, and hold the traditions which ye were taught, whether by word, or by epistle of ours.

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

Tane ci=kor Utarpa ne Yesu Kiristo yaykota hemhem un omap wa irenka an kuskeray otusasiri pakno an omaoma anpe newa pirka cipacipa anpe un korpare ci=kor Mici ne Kamuy hemhem anakne,

αυτος δε ο κυριος ημων ιησους χριστος και [ο] θεος ο πατηρ ημων ο αγαπησας ημας και δους παρακλησιν αιωνιαν και ελπιδα αγαθην εν χαριτι

Now our Lord Jesus Christ himself, and God our Father which loved us and gave us eternal comfort and good hope through grace,

echi koro sambe omaoma hine obitta no okai pirika ikip newa itak otta roshkire kuni akoramkon na.

eci=kor sanpe omaoma hine opittano okay pirka iki p newa itak or ta roskire kuni a=koramkor na.

παρακαλεσαι υμων τας καρδιας και στηριξαι εν παντι εργω και λογω αγαθω

comfort your hearts and stablish them in every good work and word.

Orokeseta, iriwak utara, echi tumta korachi poka, Utarapa koro itak shipiraspa wa anupekte kuni ne,

Orokeseta, irwak utar, eci=tum ta koraci poka, Utarpa kor itak sipiraspa wa anupekte kuni ne,

το λοιπον προσευχεσθε αδελφοι περι ημων ινα ο λογος του κυριου τρεχη και δοξαζηται καθως και προς υμας

Finally, brethren, pray for us, that the word of the Lord may run and be glorified, even as also [it is ]with you;

un gusu inonno-itak ki wa un kore; samata, sambe oheuge newa wen utara orowa no chi utara aouhaitare kuni ne inonno-itak yan; obitta no okai utara anak eisbokor-i atte shomoki ruwe ne gusu ne na.

un kusu inonno-itak ki wa un kore; sama ta, sanpe ohewke newa wen utar oro wano ci utar aowhaytare kuni ne inonno-itak yan; opittano okay utar anak eispokor hi atte somo ki ruwe ne kusu ne na.

και ινα ρυσθωμεν απο των ατοπων και πονηρων ανθρωπων ου γαρ παντων η πιστις

and that we may be delivered from unreasonable and evil men; for all have not faith.

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

Korka, Utarpa anakne ikipniwkespe ne hine eci=roskire hemhem ki, wenpe kusu eci=kosiratki hemhem ki kusu ne na.

πιστος δε εστιν ο κυριος ος στηριξει υμας και φυλαξει απο του πονηρου

But the Lord is faithful, who shall stablish you, and guard you from the evil [one].

Orowa, echi kashpaotte ash okaibe echi iki shiri okai sekorobe hemhem, echi iki kusu ne sekorobe ka hemhem, echi utara gusu Utarapa oshiketa eishokoro ash ruwe ne.

Orowa, eci=kaspaotte as okaype eci=iki siri okay sekorope hemhem, eci=iki kusu ne sekorope ka hemhem, eci utar kusu Utarpa oske ta eysokor as ruwe ne.

πεποιθαμεν δε εν κυριω εφ υμας οτι α παραγγελλομεν [και] ποιειτε και ποιησετε

And we have confidence in the Lord touching you, that ye both do and will do the things which we command.

Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

Utarpa anakne Kamuy omap hi or ta hemhem, Kiristo kusu an yaiyupupu anpe or ta hemhem eci=kor sanpe tura kuni a=koramkor na.

ο δε κυριος κατευθυναι υμων τας καρδιας εις την αγαπην του θεου και εις την υπομονην του χριστου

And the Lord direct your hearts into the love of God, and into the patience of Christ.

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

Orowa, irwak utar, un oro wano a=korpare oyna koraci somo ki wa uottumasi apkas pisno okay irwak wano yay-sisire kuni, ci=kor Utarpa ne Yesu Kiristo kor rehe an kuskeray eci=kaspaotte as na.

παραγγελλομεν δε υμιν αδελφοι εν ονοματι του κυριου [ημων] ιησου χριστου στελλεσθαι υμας απο παντος αδελφου ατακτως περιπατουντος και μη κατα την παραδοσιν ην παρελαβετε παρελαβοσαν παρ ημων

Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which they received of us.

Inambe gusu ne yakun, echi utara anak ne un eikoisamba kunip ne sekoro echi yaikota eraman ruwe ne: chi utara yaikota anak ne echi tumugeta okai rapoketa uottumashi ki ka shomoki nisa ruwe ne gusu ne na:

Inanpe kusu ne yakun, eci utar anakne un eykoysanpa kunip ne sekor eci=yaykota eraman ruwe ne: ci utar yaykota anakne eci=tumke ta okay rapoketa uottumasi ki ka somo ki nisa ruwe ne kusu ne na:

αυτοι γαρ οιδατε πως δει μιμεισθαι ημας οτι ουκ ητακτησαμεν εν υμιν

For yourselves know how ye ought to imitate us: for we behaved not ourselves disorderly among you;

samata, oro sange shomoki no inan guru koro aep shomo chi e, koroka, echi tumuge un inan guru ne yakka iteki airamukurukuru kuni ne tokap ne yakka anchikara ne yakka monraige wa nuwap nisa ruwe ne:

sama ta, oro sanke somo ki no inan kur kor aep somo ci e, korka, eci=tumuke un inan kur ne yakka iteki ayramukurukuru kuni ne tokap ne yakka ancikar ne yakka monrayke wa nuwap nisa ruwe ne:

ουδε δωρεαν αρτον εφαγομεν παρα τινος αλλ εν κοπω και μοχθω νυκτος και ημερας εργαζομενοι προς το μη επιβαρησαι τινα υμων

neither did we eat bread for nought at any man’s hand, but in labour and travail, working night and day, that we might not burden any of you:

shomo uk kuni utara chi ne wa gusu an ambe shomo ne, koroka, echi utara anak un eikoisamba kuni ne, echi gusu aikoikarabe ne yaikara nisa ne ruwe ne a ambe ne na.

somo uk kuni utar ci ne wa kusu an anpe somo ne, korka, eci utar anakun eykoysanpa kuni ne, eci kusu aykoykarape ne yaykar nisa ne ruwe ne a anpe ne na.

ουχ οτι ουκ εχομεν εξουσιαν αλλ ινα εαυτους τυπον δωμεν υμιν εις το μιμεισθαι ημας

not because we have not the right, but to make ourselves an ensample unto you, that ye should imitate us.

Inambe gusu ne yakun, echi tumugeta okai ash rapoketa, tambe ikashpaotte ash nisa ruwe ne; — Inan guru ne yakka shomo monraige yakun, shinuma iteki ibe yak pirika.

Inanpe kusu ne yakun, eci=tumke ta okay as rapoketa, tanpe ikaspaotte as nisa ruwe ne; — Inan kur ne yakka somo monrayke yakun, sinuma iteki ipe yak pirka.

και γαρ οτε ημεν προς υμας τουτο παρηγγελλομεν υμιν οτι ει τις ου θελει εργαζεσθαι μηδε εσθιετω

For even when we were with you, this we commanded you, If any will not work, neither let him eat.

Inambe gusu ne yakun, echi tumugeta uottumashi iki hine pon no ka shomo monraige, koroka, katukari utara okai sekoro chi nu ruwe ne gusu ne na.

Inanpe kusu ne yakun, eci=tumke ta uottumasi iki hine ponno ka somo monrayke, korka, katukar utar okay sekor ci nu ruwe ne kusu ne na.

ακουομεν γαρ τινας περιπατουντας εν υμιν ατακτως μηδεν εργαζομενους αλλα περιεργαζομενους

For we hear of some that walk among you disorderly, that work not at all, but are busybodies.

Tane nei no okai utara mo no monraige wa yaikota koro aep ibe kuni ne Utarapa ne Yesu Kiristo oshiketa onishnishi wa kashpaotte ash ruwe ne.

Tane néno okay utar mo no monrayke wa yaykota kor aep ipe kuni ne Utarpa ne Yesu Kiristo oske ta onisnisi wa kaspaotte as ruwe ne.

τοις δε τοιουτοις παραγγελλομεν και παρακαλουμεν εν κυριω ιησου χριστω ινα μετα ησυχιας εργαζομενοι τον εαυτων αρτον εσθιωσιν

Now them that are such we command and exhort in the Lord Jesus Christ, that with quietness they work, and eat their own bread.

Koroka, echi utara gusu anak, iriwak utara, pirikap iki gusu iteki shingi yan.

Korka, eci utar kusu anak, irwak utar, pirka p iki kusu iteki sinki yan.

υμεις δε αδελφοι μη ενκακησητε εγκακησητε καλοποιουντες

But ye, brethren, be not weary in well-doing.

Nen ka tan kambi kata anuye wa an chi ki itak koitaknu shomoki guru an chiki, nei guru shirosh omare yan, aige, iteki echi aeyainikoroshmare kuni ne shomo shinuma tura yan.

Nen ka tan kampi kata a=nuye wa an ci ki itak koytaknu somo ki kur an ciki, ne kur siros omare yan, ayke, iteki eci aeyaynikorosmare kuni ne somo sinuma tura yan.

ει δε τις ουχ υπακουει τω λογω ημων δια της επιστολης τουτον σημειουσθε μη συναναμιγνυσθαι αυτω ινα εντραπη

And if any man obeyeth not our word by this epistle, note that man, that ye have no company with him, to the end that he may be ashamed.

Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

Yakka aepokpa kuni kur ne sekor iteki esanniyo, korka, irwak ne kur néno epakasnu yan.

και μη ως εχθρον ηγεισθε αλλα νουθετειτε ως αδελφον

And [yet ]count him not as an enemy, but admonish him as a brother.

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

Ne ta pakno ne wa ne yakka i=tom kor Utarpa yaykota eci=orun i=tom irenka sanke kuni a=koramkor. Utarpa opittano okay eci utar turano an kuni a=koramkor na.

αυτος δε ο κυριος της ειρηνης δωη υμιν την ειρηνην δια παντος εν παντι τροπω ο κυριος μετα παντων υμων

Now the Lord of peace himself give you peace at all times in all ways. The Lord be with you all.

Pauros ne kuani anak ne yaikota koro teke ani ekap an itak nuye na, nei ambe anak pishno ku sange kambi kata ku goro shirosh ne: nei no ku nuye ruwe ne.

Pawros ne kuani anakne yaykota kor teke ani ekap an itak nuye na, ne anpe anak pisno ku=sanke kampi kata ku=kor siros ne: néno ku=nuye ruwe ne.

ο ασπασμος τη εμη χειρι παυλου ο εστιν σημειον εν παση επιστολη ουτως γραφω

The salutation of me Paul with mine own hand, which is the token in every epistle: so I write.

Chikoro Utarapa ne Yesu Kiristo korʼirenga obitta no okai echi utara tura no an kuni akoramkon na.

Ci=kor Utarpa ne Yesu Kiristo kor irenka opittano okay eci utar turano an kuni a=koramkor na.

η χαρις του κυριου ημων ιησου χριστου μετα παντων υμων

The grace of our Lord Jesus Christ be with you all.