YAKOB SANGEKATORIK KAMBI.

Kamui newa Utarapa ne Yesu Kiristo koro usshiune guru Yakob ku ne anak ne chiusachari wa okai tu ikashima wan ainu sanikiri un uirup otta irangarap ku ki na.

Kamuy newa Utarpa ne Yesu Kiristo kor ussiw ne kur Yakob ku ne anakne ciwsacari wa okay tu ikasma wan aynu sanikiri un uyrup or ta i=rankarap ku=ki na.

ιακωβος θεου και κυριου ιησου χριστου δουλος ταις δωδεκα φυλαις ταις εν τη διασπορα χαιρειν

神と主イエス・キリストの僕であるヤコブが、離散している十二部族の人たちに挨拶いたします。

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

Ku=irwak utar, eci=kor eysokor hi a=uwante anpe anak yaiyupupu anpe hetukure ruwe ne sekor eraman wa,

πασαν χαραν ηγησασθε αδελφοι μου οταν πειρασμοις περιπεσητε ποικιλοις

わたしの兄弟たち、いろいろな試練に出会うときは、この上ない喜びと思いなさい。

chi utara usa okai akoramnukar-i koekari chiki aenupetne gusu an ambe ne sekoro esanniyo yan.

ci utar usa okay a=koramnukar hi koekari ciki a=enupetne kusu an anpe ne sekor esanniyo yan.

γινωσκοντες οτι το δοκιμιον υμων της πιστεως κατεργαζεται υπομονην

信仰が試されることで忍耐が生じると、あなたがたは知っています。

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

Orowa, eci utar a=eramusinne newa ranme no okay wa nep ne yakka or ta somo eykohaye kuni kusu yaiyupupu anpe ar monraykere yan.

η δε υπομονη εργον τελειον εχετω ινα ητε τελειοι και ολοκληροι εν μηδενι λειπομενοι

あくまでも忍耐しなさい。そうすれば、完全で申し分なく、何一つ欠けたところのない人になります。

Koroka, echi utara tumugeta wayashnu-i gusu eikohaye guru an chiki, nuye an no obitta no okai utara otta koropare hine kosakayokara shomoki Kamui otta koramkoro yan; yakun akoropare kusu ne na.

Korka, eci utar tumke ta wayasnu hi kusu eykohaye kur an ciki, nuye an no opittano okay utar or ta korpare hine kosakayokar somo ki Kamuy or ta koramkor yan; yakun a=korpare kusu ne na.

ει δε τις υμων λειπεται σοφιας αιτειτω παρα του διδοντος θεου πασιν απλως και μη ονειδιζοντος και δοθησεται αυτω

あなたがたの中で知恵の欠けている人がいれば、だれにでも惜しみなくとがめだてしないでお与えになる神に願いなさい。そうすれば、与えられます。

Koroka, eishokor-i wa utumashi shomoki no koramkoro yan; inambe gusu ne yakun, yaiutumashire guru anak ne rera ani apata wa akaikaire an atui riri korachi ne ruwe ne.

Korka, eysokor hi wa utumasi somo ki no koramkor yan; inanpe kusu ne yakun, yayutumasire kur anakne rera ani a=pa ta wa akaykayre an atuy rir koraci ne ruwe ne.

αιτειτω δε εν πιστει μηδεν διακρινομενος ο γαρ διακρινομενος εοικεν κλυδωνι θαλασσης ανεμιζομενω και ριπιζομενω

いささかも疑わず、信仰をもって願いなさい。疑う者は、風に吹かれて揺れ動く海の波に似ています。

Nei no an guru anak ne Utarapa orowa no nep ka akore kusu ne na sekoro iteki yainu yan;

Néno an kur anakne Utarpa oro wano nep ka a=kore kusu ne na sekor iteki yaynu yan;

μη γαρ οιεσθω ο ανθρωπος εκεινος οτι λημψεται τι παρα του κυριου

そういう人は、主から何かいただけると思ってはなりません。

tu keutum o guru ne, nep ne yakka gusu maunmaun ruwe ne gusu ne na.

tu kewtum o kur ne, nep ne yakka kusu maunmaun ruwe ne kusu ne na.

ανηρ διψυχος ακαταστατος εν πασαις ταις οδοις αυτου

心が定まらず、生き方全体に安定を欠く人です。

Koroka, eraratki an iriwak anak ne arikande gusu nupetne yan;

Korka, eraratki an irwak anakne arikante kusu nupetne yan;

καυχασθω δε [ο] ο αδελφος ο ταπεινος εν τω υψει αυτου

貧しい兄弟は、自分が高められることを誇りに思いなさい。

orowa no, oteknu guru aeraratki gusu nupetne yan; mun epuige korachi isam kusu ne gusu ne na.

orowano, oteknu kur aeraratki kusu nupetne yan; mun epuyke koraci isam kusu ne kusu ne na.

ο δε πλουσιος εν τη ταπεινωσει αυτου οτι ως ανθος χορτου παρελευσεται

また、富んでいる者は、自分が低くされることを誇りに思いなさい。富んでいる者は草花のように滅び去るからです。

Shirishumpa rera utura chup hetuku chiki, nei mun shumumgere ruwe ne; orowa, epuige rapapse hine nei hetuku aekiroro an-i aisamka ruwe ne: tap korachi ka ikoro koro guru anak ne koro apkash ru otta isam kusu ne na.

sirisunpa rera utura cup hetuku ciki, ne mun sumumkere ruwe ne; orowa, epuyke rapapse hine ne hetuku aekiroro an hi a=ysamka ruwe ne: tap koraci ka i=kor kor kur anakne kor apkas ru or ta isam kusu ne na.

ανετειλεν γαρ ο ηλιος συν τω καυσωνι και εξηρανεν τον χορτον και το ανθος αυτου εξεπεσεν και η ευπρεπεια του προσωπου αυτου απωλετο ουτως και ο πλουσιος εν ταις πορειαις αυτου μαρανθησεται

日が昇り熱風が吹きつけると、草は枯れ、花は散り、その美しさは失せてしまいます。同じように、富んでいる者も、人生の半ばで消えうせるのです。

Koramnukara wa yaishiporore gurʼanak ne anunuke ne: shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

Koramnukar wa yaysiporore kur anakne a=nunuke ne: sinuma a=uwante a=okere ciki, Utarpa omap utar or ta a=korpare kuni aytakamkire wa an inotu oma sapaunpe a=kore kusu ne kusu ne na.

μακαριος ανηρ ος υπομενει πειρασμον οτι δοκιμος γενομενος λημψεται τον στεφανον της ζωης ον επηγγειλατο τοις αγαπωσιν αυτον

試練を耐え忍ぶ人は幸いです。その人は適格者と認められ、神を愛する人々に約束された命の冠をいただくからです。

Nen ne yakka akoramnukara ita, kuani anak Kamui orowa no a en koramnukara an iteki ye yan: inambe gusu ne yakun, Kamui anak ne wenbe gusu akoramnukara eaikapbe ne, shui, Shinuma yaikota shomo ainu koramnukara ruwe ne:

Nen ne yakka a=koramnukar hi ta, kuani anak Kamuy oro wano a en=koramnukar an iteki ye yan: inanpe kusu ne yakun, Kamuy anakne wenpe kusu a=koramnukar eaykap pe ne, suy, Sinuma yaykota somo aynu koramnukar ruwe ne:

μηδεις πειραζομενος λεγετω οτι απο θεου πειραζομαι ο γαρ θεος απειραστος εστιν κακων πειραζει δε αυτος ουδενα

誘惑に遭うとき、だれも、「神に誘惑されている」と言ってはなりません。神は、悪の誘惑を受けるような方ではなく、また、御自分でも人を誘惑したりなさらないからです。

koroka, ainu pishno yaikota koro iki rusui keutum gusu apashte wa shiren chiki akoramnukan ruwe ne.

korka, aynu pisno yaykota kor iki rusuy kewtum kusu a=paste wa siren ciki a=koramnukar ruwe ne.

εκαστος δε πειραζεται υπο της ιδιας επιθυμιας εξελκομενος και δελεαζομενος

むしろ、人はそれぞれ、自分自身の欲望に引かれ、唆されて、誘惑に陥るのです。

Orowa, yai-keutum iki rusuibe yairat chiki, katpak o: orowa, katpak anak shukup chiki; rai-arabe hetukure ruwe ne.

Orowa, yay-kewtum iki rusuy pe yayrat ciki, katpak o: orowa, katpak anak sukup ciki; ray-a=rap hetukure ruwe ne.

ειτα η επιθυμια συλλαβουσα τικτει αμαρτιαν η δε αμαρτια αποτελεσθεισα αποκυει θανατον

そして、欲望ははらんで罪を生み、罪が熟して死を生みます。

Aomap an ku iriwak utara iteki akokandama wa okai yan.

A=omap an ku=irwak utar iteki a=kokantama wa okay yan.

μη πλανασθε αδελφοι μου αγαπητοι

わたしの愛する兄弟たち、思い違いをしてはいけません。

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Opittano okay pirka aikrap, opittano okay a=eramusinne an aykore p anakne, rik oro wano an ap ne, yayutasare somo ki, hosari kusu kurihi kar somo ki peker kor Mici oro wano sap ruwe ne.

πασα δοσις αγαθη και παν δωρημα τελειον ανωθεν εστιν καταβαινον απο του πατρος των φωτων παρ ω ουκ ενι παραλλαγη η τροπης αποσκιασμα

良い贈り物、完全な賜物はみな、上から、光の源である御父から来るのです。御父には、移り変わりも、天体の動きにつれて生ずる陰もありません。

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Sinuma yaykota irenka kusu ci utar anakne Sinuma kar okaype or ta a=ro-ipehe ne kuni ne, sonno an itak ani un hetukure nisa ruwe ne na.

βουληθεις απεκυησεν ημας λογω αληθειας εις το ειναι ημας απαρχην τινα των αυτου κτισματων

御父は、御心のままに、真理の言葉によってわたしたちを生んでくださいました。それは、わたしたちを、いわば造られたものの初穂となさるためです。

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,

Ku=omap an irwak utar, onnere yan. Korka, pisno an kur anakne nu kusu casnu, itak kusu moyre,

ιστε αδελφοι μου αγαπητοι εστω δε πας ανθρωπος ταχυς εις το ακουσαι βραδυς εις το λαλησαι βραδυς εις οργην

わたしの愛する兄弟たち、よくわきまえていなさい。だれでも、聞くのに早く、話すのに遅く、また怒るのに遅いようにしなさい。

irushka gusu moire yanro; inambe gusu ne yakun, ainu ki irushka ambe anak ne Kamui oupekap shomo kan ruwe ne.

iruska kusu moyre yanro; inanpe kusu ne yakun, aynu ki iruska anpe anakne Kamuy owpekap somo kan ruwe ne.

οργη γαρ ανδρος δικαιοσυνην θεου ουκ εργαζεται

人の怒りは神の義を実現しないからです。

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yan.

Tanpe kusu, opittano okay tur-uspe newa wenpe e=kawnu kaspa p ante wa eci=kor ramat kasiciopiwki easkay onnayke un hekatu wa an itak ramu-rotca wa uyna yan.

διο αποθεμενοι πασαν ρυπαριαν και περισσειαν κακιας εν πραυτητι δεξασθε τον εμφυτον λογον τον δυναμενον σωσαι τας ψυχας υμων

だから、あらゆる汚れやあふれるほどの悪を素直に捨て去り、心に植え付けられた御言葉を受け入れなさい。この御言葉は、あなたがたの魂を救うことができます。

Koroka, echi utara anak ne nei itak ki, iteki ouse nei ambe nu wa echi yaikota yaikokandama yan.

Korka, eci utar anakne ne itak ki, iteki owse ne anpe nu wa eci=yaykota yaykokantama yan.

γινεσθε δε ποιηται λογου και μη ακροαται μονον μονον ακροαται παραλογιζομενοι εαυτους

御言葉を行う人になりなさい。自分を欺いて、聞くだけで終わる者になってはいけません。

Inambe gusu ne yakun, inan guru ne yakka nei itak nu wa shomo nei ambe ki chiki, yaikunnukarabe otta ahetuku an koro nanuhu esanniyo guru koheraye ruwe ne:

Inanpe kusu ne yakun, inan kur ne yakka ne itak nu wa somo ne anpe ki ciki, yaykunnukarape or ta a=hetuku an kor nanuhu esanniyo kur koheraye ruwe ne:

οτι ει τις ακροατης λογου εστιν και ου ποιητης ουτος εοικεν ανδρι κατανοουντι το προσωπον της γενεσεως αυτου εν εσοπτρω

御言葉を聞くだけで行わない者がいれば、その人は生まれつきの顔を鏡に映して眺める人に似ています。

shinuma yainukara orowa oman wa nekon a anukarabe ainu ne ya ari an ambe oira ruwe ne gusu ne na.

sinuma yaynukara orowa oman wa nekona anukarape aynu ne ya ari an anpe oyra ruwe ne kusu ne na.

κατενοησεν γαρ εαυτον και απεληλυθεν και ευθεως επελαθετο οποιος ην

鏡に映った自分の姿を眺めても、立ち去ると、それがどのようであったか、すぐに忘れてしまいます。

Koroka, aeramushinne an, rengaine an mondum oma tuitak otta hotku wa ingara wa okai gurʼanak ne, shinuma oira no an nu guru shomo ne, koroka, ikip ki guru ne wa gusu, tan guru anak ne iki wa akoingara kusu ne na.

Korka, a=eramusinne an, renkayne an montum oma tuytak or ta hotku wa inkar wa okay kur anakne, sinuma oyra no an nu kur somo ne, korka, iki p ki kur ne wa kusu, tan kur anakne iki wa a=koinkar kusu ne na.

ο δε παρακυψας εις νομον τελειον τον της ελευθεριας και παραμεινας ουκ ακροατης επιλησμονης γενομενος αλλα ποιητης εργου ουτος μακαριος εν τη ποιησει αυτου εσται

しかし、自由をもたらす完全な律法を一心に見つめ、これを守る人は、聞いて忘れてしまう人ではなく、行う人です。このような人は、その行いによって幸せになります。

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Inan kur ne yakka, Kamuy or ta yaysieywankere kur ne sekor yaiyaynu wa, kor parunpe sikkasima somo ki no, kor ramat kokantama ciki, ne kur ki yaysieywankere anpe anakne raka i=sanpe ne ruwe ne.

ει τις δοκει θρησκος ειναι μη χαλιναγωγων γλωσσαν εαυτου αυτου αλλα απατων καρδιαν εαυτου αυτου τουτου ματαιος η θρησκεια

自分は信心深い者だと思っても、舌を制することができず、自分の心を欺くならば、そのような人の信心は無意味です。

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

Ci=kor Kamuy newa Micihi tek-sama ta an tur-sak newa somo eci yaysieywankere hi anakne, tanpe ne ruwe ne, — Aeramchuptek wa okay esikop sak utar newa siyonpiyar siwentep utar hotanukar, sama ta, iteki mosir ani yayturukotaci kuni ne yaysikkasma anpe ne ruwe ne.

θρησκεια καθαρα και αμιαντος παρα τω θεω και πατρι αυτη εστιν επισκεπτεσθαι ορφανους και χηρας εν τη θλιψει αυτων ασπιλον εαυτον τηρειν απο του κοσμου

みなしごや、やもめが困っているときに世話をし、世の汚れに染まらないように自分を守ること、これこそ父である神の御前に清く汚れのない信心です。

Ku iriwak utara, ainu yaikoramu ki wa gusu iteki chikoro Utarapa ne nupeki koro Yesu Kiristo gusu an eishokor-i shikkashima yan.

Ku=irwak utar, aynu yaykoramu ki wa kusu iteki ci=kor Utarpa ne nupeki kor Yesu Kiristo kusu an eysokor hi sikkasima yan.

αδελφοι μου μη εν προσωπολημψιαις εχετε την πιστιν του κυριου ημων ιησου χριστου της δοξης

わたしの兄弟たち、栄光に満ちた、わたしたちの主イエス・キリストを信じながら、人を分け隔てしてはなりません。

Inambe gusu ne yakun, kongani tek-orunbe aunu, sarambe anrip yaimire guru echi koro uwekari ta ahun chiki, samata, shui, wen

Inanpe kusu ne yakun, konkani tek-orunpe a=wn, saranpe anrip yaymire kur eci=kor uekari ta ahun ciki, sama ta, suy, wen

εαν γαρ εισελθη εις συναγωγην υμων ανηρ χρυσοδακτυλιος εν εσθητι λαμπρα εισελθη δε και πτωχος εν ρυπαρα εσθητι

あなたがたの集まりに、金の指輪をはめた立派な身なりの人が入って来、また、汚らしい服装の貧しい人も入って来るとします。

amip ami otek-sak guru ne yakka ahun yakun, aige, nei sarambe amip yaitomchiure guru orun nukara wa hetak tan pirika ushike ta a wa en kore ani ye, aine, toada ash hene, teda an ku goro chikiri set samta a hene otek-sak guru otta e ye chiki;

amip ami otek-sak kur ne yakka ahun yakun, ayke, ne saranpe amip yaytomciwre kur orun nukar wa hetak tan pirka usike ta a wa en=kore ani ye, ayne, toata as hene, teta an ku=kor cikiri set sam ta a hene otek-sak kur or ta e ye ciki;

επιβλεψητε δε επι τον φορουντα την εσθητα την λαμπραν και ειπητε συ καθου ωδε καλως και τω πτωχω ειπητε συ στηθι η καθου εκει εκει η καθου υπο το υποποδιον μου

その立派な身なりの人に特別に目を留めて、「あなたは、こちらの席にお掛けください」と言い、貧しい人には、「あなたは、そこに立っているか、わたしの足もとに座るかしていなさい」と言うなら、

keutum ta utara ushinnai are wa wen yainu-lri gusu koipishi ki utara shomo echi ne ruwe he an?

kewtum ta utar usinnay are wa wen yaynu-lri kusu koypisi ki utar somo eci ne ruwe he an?

ου διεκριθητε εν εαυτοις και εγενεσθε κριται διαλογισμων πονηρων

あなたがたは、自分たちの中で差別をし、誤った考えに基づいて判断を下したことになるのではありませんか。

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

Ku=omap an irwak utar nu yan; Sinuma omap utar or ta aeytakamkire wa an mosir eykeskore kusu Kamuy anak tara mosir kusu irapokkari wa eysokor hi kusu oteknu utar numke somo ki ruwe he an?

ακουσατε αδελφοι μου αγαπητοι ουχ ο θεος εξελεξατο τους πτωχους τω κοσμω πλουσιους εν πιστει και κληρονομους της βασιλειας ης επηγγειλατο τοις αγαπωσιν αυτον

わたしの愛する兄弟たち、よく聞きなさい。神は世の貧しい人たちをあえて選んで、信仰に富ませ、御自身を愛する者に約束された国を、受け継ぐ者となさったではありませんか。

Koroka, echi utara anak ne nei irapokkari guru epeka shomo yaikatanu ki nisa ruwe ne na. Oteknu utara anak ne echi ramunishte wa kore hine akoipishi set otta echi nimba shomoki ruwe he an?

Korka, eci utar anakne ne irapokkari kur epeka somo yaykatanu ki nisa ruwe ne na. Oteknu utar anakne eci=ramuniste wa kore hine akoypisi set or ta eci=ninpa somo ki ruwe he an?

υμεις δε ητιμασατε τον πτωχον ουχ οι πλουσιοι καταδυναστευουσιν υμων και αυτοι ελκουσιν υμας εις κριτηρια

だが、あなたがたは、貧しい人を辱めた。富んでいる者たちこそ、あなたがたをひどい目に遭わせ、裁判所へ引っ張って行くではありませんか。

Ari echi reikore an aeoripak an reihei nei utara koatcha shomoki ruwe he an?

Ari eci rékore an a=eoripak an rehe ne utar koatca somo ki ruwe he an?

ουκ αυτοι βλασφημουσιν το καλον ονομα το επικληθεν εφ υμας

また彼らこそ、あなたがたに与えられたあの尊い名を、冒瀆しているではないですか。

Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na:

Yakka, eci utar anakne Kamuy kampi kata ciesinnuye wa an — Eani yaykota yay-omap koraci a=o ta un kur omap yan, — ari an sapane an tuytak ueomare ciki, pirka p eci=iki na:

ει μεντοι νομον τελειτε βασιλικον κατα την γραφην αγαπησεις τον πλησιον σου ως σεαυτον καλως ποιειτε

もしあなたがたが、聖書に従って、「隣人を自分のように愛しなさい」という最も尊い律法を実行しているのなら、それは結構なことです。

koroka, echi utara ainu yaikoramu iki yakun, katpak echi ki na, aige, akatpakte an utara korachi tuitak gusu katpak an sekoro aesanniyo ruwe ne na.

korka, eci utar aynu yaykoramu iki yakun, katpak eci=ki na, ayke, akatpakte an utar koraci tuytak kusu katpak an sekor a=esanniyo ruwe ne na.

ει δε προσωπολημπτειτε αμαρτιαν εργαζεσθε ελεγχομενοι υπο του νομου ως παραβαται

しかし、人を分け隔てするなら、あなたがたは罪を犯すことになり、律法によって違犯者と断定されます。

Inambe gusu ne yakun, nen ne yakka tuitak ebitta ki wa shinep gusu ureepetchiu chiki, nei guru anak obitta ehaita ruwe ne.

Inanpe kusu ne yakun, nen ne yakka tuytak epitta ki wa sinep kusu ureepetciw ciki, ne kur anak opitta ehayta ruwe ne.

οστις γαρ ολον τον νομον τηρηση πταιση δε εν ενι γεγονεν παντων ενοχος

律法全体を守ったとしても、一つの点でおちどがあるなら、すべての点について有罪となるからです。

Iteki omoinu koro yan, sekoro ye Kamui anak ne, shui, iteki keuk yan ne yakka ye nisa ruwe ne gusu ne na. Orowa, eani anak ne omoinu shomoki yakka, koroka, keuk chiki, tuitak ehaita guru e ne ruwe ne.

Iteki omoynu kor yan, sekor ye Kamuy anakne, suy, iteki keuk yan ne yakka ye nisa ruwe ne kusu ne na. Orowa, eani anakne omoynu somo ki yakka, korka, keuk ciki, tuytak ehayta kur e ne ruwe ne.

ο γαρ ειπων μη μοιχευσης ειπεν και μη φονευσης ει δε ου μοιχευεις φονευεις δε γεγονας παραβατης νομου

「姦淫するな」と言われた方は、「殺すな」とも言われました。そこで、たとえ姦淫はしなくても、人殺しをすれば、あなたは律法の違犯者になるのです。

Rengaine mondum an tuitak ani akoipishi kusu ne utara nei no korachi ye yan, iki yan.

Renkayne montum an tuytak ani akoypisi kusu ne utar néno koraci ye yan, iki yan.

ουτως λαλειτε και ουτως ποιειτε ως δια νομου ελευθεριας μελλοντες κρινεσθαι

自由をもたらす律法によっていずれは裁かれる者として、語り、またふるまいなさい。

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Inanpe kusu ne yakun, eranpokiwen wa kore somo ki kur anakne somo a=eranpokiwen wa akoypisi kusu ne na: koypisi anpe anakne ranpoken kusu an rapok akari kusu ne ruwe tapan na.

η γαρ κρισις ανελεος τω μη ποιησαντι ελεος κατακαυχαται ελεος κρισεως

人に憐れみをかけない者には、憐れみのない裁きが下されます。憐れみは裁きに打ち勝つのです。

Ku iriwak utara, ainu anak ne eishokor-i an sekoro ye wa ki ikip isam chiki nep yaiepirikarep an a? Nei eishokor-i anak ne nei guru kashiobiuki eashkai ruwe he an?

Ku=irwak utar, aynu anakne eysokor hi an sekor ye wa ki iki p isam ciki nep yayepirikarep an a? Ne eysokor hi anakne ne kur kasiopiwki easkay ruwe he an?

τι το οφελος αδελφοι μου εαν πιστιν λεγη τις εχειν εργα δε μη εχη μη δυναται η πιστις σωσαι αυτον

わたしの兄弟たち、自分は信仰を持っていると言う者がいても、行いが伴わなければ、何の役に立つでしょうか。そのような信仰が、彼を救うことができるでしょうか。

Okkai ainu iriwak hene mat ainu iriwak hene atusa hene ki, kesto e kuni aep sak hene ki,

Okkay aynu irwak hene mataynu irwak hene atusa hene ki, kesto e kuni aep sak hene ki,

εαν αδελφος η αδελφη γυμνοι υπαρχωσιν και λειπομενοι της εφημερου τροφης

もし、兄弟あるいは姉妹が、着る物もなく、その日の食べ物にも事欠いているとき、

aige, orota mo an no paye wa yaipopkere hene ki, ibe yaieramushinnere hene ki yan, sekoro echi tumugeta nenka ye chiki; yakka, netobake gusu nei aeishiramnep koropare shomoki yakun, nep epirikarep an ya?

ayke, oro ta mo an no paye wa yaypopkere hene ki, ipe yayeramusinnere hene ki yan, sekor eci=tumke ta nen ka ye ciki; yakka, netopake kusu ne aeysiramnep korpare somo ki yakun, nep epirikarep an ya?

ειπη δε τις αυτοις εξ υμων υπαγετε εν ειρηνη θερμαινεσθε και χορταζεσθε μη δωτε δε αυτοις τα επιτηδεια του σωματος τι το οφελος

あなたがたのだれかが、彼らに、「安心して行きなさい。温まりなさい。満腹するまで食べなさい」と言うだけで、体に必要なものを何一つ与えないなら、何の役に立つでしょう。

Tap korachi eishokor-i anak ne ki ikip sak no an chiki, yaikota gusu rai wa an ruwe ne.

Tap koraci eysokor hi anakne ki iki p sak no an ciki, yaykota kusu ray wa an ruwe ne.

ουτως και η πιστις εαν μη εχη εργα νεκρα εστιν καθ εαυτην

信仰もこれと同じです。行いが伴わないなら、信仰はそれだけでは死んだものです。

Ruwe un, Eani anak ne eishokor-i koro, orowa, kuani anak ki ikip an, sekoro ye kusu ne guru an: ki ikip sak no an e koro eishokor-i en nukare yan, yakun, kuani anak ku ki ikip ani ku goro eishokor-i e nukare ash na.

Ruwe un, Eani anakne eysokor hi kor, orowa, kuani anak ki iki p an, sekor ye kusu ne kur an: ki iki p sak no an e=kor eysokor hi en=nukare yan, yakun, kuani anak ku=ki iki p ani ku=kor eysokor hi e nukare as na.

αλλ ερει τις συ πιστιν εχεις καγω εργα εχω δειξον μοι την πιστιν σου χωρις των εργων καγω σοι δειξω εκ των εργων μου την πιστιν

しかし、「あなたには信仰があり、わたしには行いがある」と言う人がいるかもしれません。行いの伴わないあなたの信仰を見せなさい。そうすれば、わたしは行いによって、自分の信仰を見せましょう。

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

Kamuy sinep ne sekor eani eysokor ki; ne anpe pirka ne: nitnep ne yakka eysokor wa tususke ruwe ne.

συ πιστευεις οτι εις θεος εστιν εστιν ο θεος καλως ποιεις και τα δαιμονια πιστευουσιν και φρισσουσιν

あなたは「神は唯一だ」と信じている。結構なことだ。悪霊どももそう信じて、おののいています。

Aa haita guru, ki ikip sak no an eishokor-i anak ne toirenbe ne sekoro onnere shomoki ya?

Aa hayta kur, ki iki p sak no an eysokor hi anakne toyrenpe ne sekor onnere somo ki ya?

θελεις δε γνωναι ω ανθρωπε κενε οτι η πιστις χωρις των εργων αργη εστιν

ああ、愚かな者よ、行いの伴わない信仰が役に立たない、ということを知りたいのか。

Yange set kashiketa koro poho Isaak yange gusu, chikoro michi ne Abraham anak ne nei ki ikip gusu aoupekare shomoki nisa ruwe he an?

Yanke set kasike ta kor poho Isaak yanke kusu, ci=kor mici ne Abraham anakne ne ki iki p kusu a=owpekare somo ki nisa ruwe he an?

αβρααμ ο πατηρ ημων ουκ εξ εργων εδικαιωθη ανενεγκας ισαακ τον υιον αυτου επι το θυσιαστηριον

神がわたしたちの父アブラハムを義とされたのは、息子のイサクを祭壇の上に献げるという行いによってではなかったですか。

Shinuma koro ki ikip tura eishokor-i ki, samata, ki ikip gusu eishokor-i anak aeramushinnere nisa ruwe ne sekoro eani nukara; awa,

Sinuma kor ki iki p tura eysokor hi ki, sama ta, ki iki p kusu eysokor hi anak aeramusinnere nisa ruwe ne sekor eani nukar; awa,

βλεπεις οτι η πιστις συνηργει τοις εργοις αυτου και εκ των εργων η πιστις ετελειωθη

アブラハムの信仰がその行いと共に働き、信仰が行いによって完成されたことが、これで分かるでしょう。

Abraham anak ne Kamui eishokoro, aige, tambe anak shinuma gusu oupeka ambe ne sekoro aesanniyo nisa ruwe ne sekorobe ye Kamui kambi auweomare nisa ruwe ne; orowa, shinuma anak ne Kamui koro ikatairotke guru ne ani aye nisa ruwe ne na.

Abraham anakne Kamuy eysokor, ayke, tanpe anak sinuma kusu owpeka anpe ne sekor a=esanniyo nisa ruwe ne sekorope ye Kamuy kampi a=ueomare nisa ruwe ne; orowa, sinuma anakne Kamuy kor ikatayrotke kur ne ani a=ye nisa ruwe ne na.

και επληρωθη η γραφη η λεγουσα επιστευσεν δε αβρααμ τω θεω και ελογισθη αυτω εις δικαιοσυνην και φιλος θεου εκληθη

「アブラハムは神を信じた。それが彼の義と認められた」という聖書の言葉が実現し、彼は神の友と呼ばれたのです。

Ainu anak ne ki ikip gusu aoupekare wa ouse eishokor-i gusu shomo ne ruwe ne sekoro echi nukan ruwe ne.

Aynu anakne ki iki p kusu a=owpekare wa owse eysokor hi kusu somo ne ruwe ne sekor eci=nukar ruwe ne.

ορατε οτι εξ εργων δικαιουται ανθρωπος και ουκ εκ πιστεως μονον

これであなたがたも分かるように、人は行いによって義とされるのであって、信仰だけによるのではありません。

Tambe nei no yaiupshoro chari gunʼne Rahab ne yakka nei ateshkara utara ahupte, orowa, oya ru kari payere-hi gusu seenne aoupekare shomoki ruwe he an?

Tanpe néno yayupsoro cari kunne Rahab ne yakka ne a=teskar utar ahupte, orowa, oya ru kari payere hi kusu seenne a=owpekare somo ki ruwe he an?

ομοιως δε και ρααβ η πορνη ουκ εξ εργων εδικαιωθη υποδεξαμενη τους αγγελους και ετερα οδω εκβαλουσα

同様に、娼婦ラハブも、あの使いの者たちを家に迎え入れ、別の道から送り出してやるという行いによって、義とされたではありませんか。

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.

Inanpe kusu ne yakun, ramat sak no an netopake anakne ray koraci, tanpe néno ki iki p sak no an eysokor hi anakne ray wa an ap ne ruwe ne na.

ωσπερ γαρ το σωμα χωρις πνευματος νεκρον εστιν ουτως και η πιστις χωρις εργων νεκρα εστιν

魂のない肉体が死んだものであるように、行いを伴わない信仰は死んだものです。

Ku iriwak utara, chi utara anak ne naa yupke no aesanniyo wa akoipishi kusu ne sekorʼambe eraman wa inne no echi utara anak ne iteki epakashnu utara ne yan.

Ku=irwak utar, ci utar anakne naa yupke no a=esanniyo wa akoypisi kusu ne sekor anpe eraman wa inne no eci utar anakne iteki epakasnu utar ne yan.

μη πολλοι διδασκαλοι γινεσθε αδελφοι μου ειδοτες οτι μειζον κριμα λημψομεθα

わたしの兄弟たち、あなたがたのうち多くの人が教師になってはなりません。わたしたち教師がほかの人たちより厳しい裁きを受けることになると、あなたがたは知っています。

Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

Inanpe kusu ne yakun, inne no okaype kusu ci utar opitta ureepetciw ruwe ne kusu ne na. Itak kusu ureepetciw somo ki kur an ciki, sinuma anak a=eramusinne aynu ne, kor netopake ne yakka epitta sikkasima easkay pe ne.

πολλα γαρ πταιομεν απαντες ει τις εν λογω ου πταιει ουτος τελειος ανηρ δυνατος χαλιναγωγησαι και ολον το σωμα

わたしたちは皆、度々過ちを犯すからです。言葉で過ちを犯さないなら、それは自分の全身を制御できる完全な人です。

Shui, chikon rusuibe akire kuni ne, umma paroho otta kuchiwa omare yakun, koro tumama ne yakka ebitta henoyere ruwe ne.

Suy, ci=kor rusuy pe a=kir kuni ne, umma paroho or ta kuciwa omare yakun, kor tumama ne yakka epitta henoyere ruwe ne.

ει δε των ιππων τους χαλινους εις τα στοματα βαλλομεν εις το πειθεσθαι αυτους ημιν και ολον το σωμα αυτων μεταγομεν

馬を御するには、口にくつわをはめれば、その体全体を意のままに動かすことができます。

Chip ne yakka ingara yan, nei ambe anak ne ene poro shiriki, aine, yupke rera ani apashte yakka, kanchi koro guru rengaine nei shiri pon kanchi gusu henoyere eashkai ruwe ne.

Cip ne yakka inkar yan, ne anpe anakne ene poro siriki, ayne, yupke rera ani a=paste yakka, kanci kor kur renkayne ne siri pon kanci kusu henoyere easkay ruwe ne.

ιδου και τα πλοια τηλικαυτα οντα και υπο ανεμων σκληρων ελαυνομενα μεταγεται υπο ελαχιστου πηδαλιου οπου η ορμη του ευθυνοντος βουλεται

また、船を御覧なさい。あのように大きくて、強風に吹きまくられている船も、舵取りは、ごく小さい舵で意のままに操ります。

Tap korachi parumbe anak ne ponbe ne a koroka porobe gusu yaiomonnure shiriki. Ingara gusu, nep poro nitai pon abe anak uhuye ruwe!

Tap koraci parunpe anakne ponpe ne a korka poro p kusu yayomonnure siriki. Inkar kusu, nep poro nitay pon ape anak uhuy ruwe!

ουτως και η γλωσσα μικρον μελος εστιν και μεγαλα αυχει ιδου ηλικον πυρ ηλικην υλην αναπτει

同じように、舌は小さな器官ですが、大言壮語するのです。御覧なさい。どんなに小さな火でも大きい森を燃やしてしまう。

Orowa, parumbe anak ne abe ne: netobake ebitta turusakte chikoro tumam awehe tumta an oupeka sak moshiri ne, Gehenna gusu aare wa moshirʼebitta uhuyeka ruwe ne.

Orowa, parunpe anakne ape ne: netopake epitta turusakte ci=kor tumam awehe tum ta an owpeka sak mosir ne, Gehenna kusu a=re wa mosir epitta uhuyeka ruwe ne.

και η γλωσσα πυρ ο κοσμος της αδικιας η γλωσσα καθισταται εν τοις μελεσιν ημων η σπιλουσα ολον το σωμα και φλογιζουσα τον τροχον της γενεσεως και φλογιζομενη υπο της γεεννης

舌は火です。舌は「不義の世界」です。わたしたちの体の器官の一つで、全身を汚し、移り変わる人生を焼き尽くし、自らも地獄の火によって燃やされます。

Inambe gusu ne yakun, nep chikoikip hene, chikap hene, reye ambe hene, rep un okaibe hene, aratchitara shiomaparare an, Ainu orowa no aratchitara shiomaparare nisa ruwe ne:

Inanpe kusu ne yakun, nep cikoykip hene, cikap hene, reye anpe hene, repun okaype hene, a=ratcitara siomaparare an, Aynu oro wano a=ratcitara siomaparare nisa ruwe ne:

πασα γαρ φυσις θηριων τε και πετεινων ερπετων τε και εναλιων δαμαζεται και δεδαμασται τη φυσει τη ανθρωπινη

あらゆる種類の獣や鳥、また這うものや海の生き物は、人間によって制御されていますし、これまでも制御されてきました。

koroka, parumbe ratchitara shiomaparare guru isam; nei ambe anak ne shinire hokamba wenbe ne, rai oma surugu ne ruwe ne na.

korka, parunpe ratcitara siomaparare kur isam; ne anpe anakne sinire hokanpa wenpe ne, ray oma surku ne ruwe ne na.

την δε γλωσσαν ουδεις δαμασαι δυναται ανθρωπων ακαταστατον κακον μεστη ιου θανατηφορου

しかし、舌を制御できる人は一人もいません。舌は、疲れを知らない悪で、死をもたらす毒に満ちています。

Nei ambe ani chi utara anak ne Utarapa newa Michi ne Kamui ramye ruwe ne; shui, nei ambe ani Kamui katuhu nepkoro korachi akara ainu iyoitakushi ki ruwe ne:

Ne anpe ani ci utar anakne Utarpa newa Mici ne Kamuy ramye ruwe ne; suy, ne anpe ani Kamuy katuhu nepkor koraci a=kar aynu iyoytakus ki ruwe ne:

εν αυτη ευλογουμεν τον κυριον και πατερα και εν αυτη καταρωμεθα τους ανθρωπους τους καθ ομοιωσιν θεου γεγονοτας

わたしたちは舌で、父である主を賛美し、また、舌で、神にかたどって造られた人間を呪います。

shine paro wano ramye ambe newa iyoitakushi ambe san ruwe ne. Ku iriwak utara tap ambe anak ene okaibe an kunip shomo ne ruwe tapan na.

sine paro wano ramye anpe newa iyoytakus anpe san ruwe ne. Ku=irwak utar tapanpe anak ene okaype an kunip somo ne ruwe tapan na.

εκ του αυτου στοματος εξερχεται ευλογια και καταρα ου χρη αδελφοι μου ταυτα ουτως γινεσθαι

同じ口から賛美と呪いが出て来るのです。わたしの兄弟たち、このようなことがあってはなりません。

Shine pui orowa no pituru wakka newa shiunin wakka tup ne kane asangere eashkaibe ne ruwe he an?

Sine puy oro wano pituru wakka newa siwnin wakka tup ne kane asankere easkay pe ne ruwe he an?

μητι η πηγη εκ της αυτης οπης βρυει το γλυκυ και το πικρον

泉の同じ穴から、甘い水と苦い水がわき出るでしょうか。

Ku iriwak utara, ichijiku chikuni anak ne kanran nikaop hetukure eashkai ya? Shui, hat pungara anak ne ichijiku nikaop hetukure eashkai ya? tap korachi, runnu wakka anak ne pituru wakka sangere eaikap ruwe ne na.

Ku=irwak utar, icijiku cikuni anakne kan ran nikaop hetukure easkay ya? Suy, hat punkar anakne icijiku nikaop hetukure easkay ya? tap koraci, runnu wakka anakne pituru wakka sankere eaykap ruwe ne na.

μη δυναται αδελφοι μου συκη ελαιας ποιησαι η αμπελος συκα ουτε αλυκον γλυκυ ποιησαι υδωρ

わたしの兄弟たち、いちじくの木がオリーブの実を結び、ぶどうの木がいちじくの実を結ぶことができるでしょうか。塩水が甘い水を作ることもできません。

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

Eci=tum ta wayasnu wa eramus kur nen ne ruwe? Ne kur i=su wa pirka puri kor hine ramurotca an wayasnu iki p nukare yan.

τις σοφος και επιστημων εν υμιν δειξατω εκ της καλης αναστροφης τα εργα αυτου εν πραυτητι σοφιας

あなたがたの中で、知恵があり分別があるのはだれか。その人は、知恵にふさわしい柔和な行いを、立派な生き方によって示しなさい。

Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.

Korka, kewtum ta ikoytupa siwnin pe newa sakayo kane eci=kor ciki, iteki yayomonnure, iteki sonep kusu sunke ki yan.

ει δε ζηλον πικρον εχετε και εριθειαν εν τη καρδια υμων μη κατακαυχασθε και ψευδεσθε κατα της αληθειας

しかし、あなたがたは、内心ねたみ深く利己的であるなら、自慢したり、真理に逆らってうそをついたりしてはなりません。

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Tapne an wayasnu hi anakne rik oro wano ran ap somo ne, korka, mosir un pe ne, renkayne an kewtum un pe ne, nitne kamuy un pe ne ruwe ne.

ουκ εστιν αυτη η σοφια ανωθεν κατερχομενη αλλα επιγειος ψυχικη δαιμονιωδης

そのような知恵は、上から出たものではなく、地上のもの、この世のもの、悪魔から出たものです。

Inambe gusu ne yakun, ikoitupa ambe newa sakayo an ita anak ne, nei ushiketa eramu-hokasusu ambe

Inanpe kusu ne yakun, ikoytupa anpe newa sakayo an hi ta anakne, ne uske ta eramu-hokasusu anpe

οπου γαρ ζηλος και εριθεια εκει ακαταστασια και παν φαυλον πραγμα

ねたみや利己心のあるところには、混乱やあらゆる悪い行いがあるからです。

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

newa opittano okay wen-puri an kusu ne na. Korka, rik oro wano an wayasnu hi anakne hoskino turusakpe ne, orowa, i=tom irenka kor pe ne, rotca ne, yayrotcare kasus ne anpe ne, ranpoken newa pirka iki p ani a=esik, utomotne somo ki, kankapkapeka somo ki ruwe ne.

η δε ανωθεν σοφια πρωτον μεν αγνη εστιν επειτα ειρηνικη επιεικης ευπειθης μεστη ελεους και καρπων αγαθων αδιακριτος ανυποκριτος

上から出た知恵は、何よりもまず、純真で、更に、温和で、優しく、従順なものです。憐れみと良い実に満ちています。偏見はなく、偽善的でもありません。

Orowa, oupeka gusu an ibehe anak ne itomo an no itomo irenga sange utara ani aetoita ruwe ne na.

Orowa, owpeka kusu an ipehe anakne i=tom an no i=tom irenka sanke utar ani aetoyta ruwe ne na.

καρπος δε δικαιοσυνης εν ειρηνη σπειρεται τοις ποιουσιν ειρηνην

義の実は、平和を実現する人たちによって、平和のうちに蒔かれるのです。

Echi tumugeta okai iki tumi newa ukoiki ambe anak ne hunak wa hetuku ya? Echi koro awehe ta iki eikaunu an keutum gusu shomo hetuku ya?

Eci=tumke ta okay iki tumi newa ukoyki anpe anakne hunak wa hetuku ya? Eci=kor awehe ta iki e=kawnu an kewtum kusu somo hetuku ya?

ποθεν πολεμοι και ποθεν μαχαι εν υμιν ουκ εντευθεν εκ των ηδονων υμων των στρατευομενων εν τοις μελεσιν υμων

何が原因で、あなたがたの間に戦いや争いが起こるのですか。あなたがた自身の内部で争い合う欲望が、その原因ではありませんか。

Echi utara ibeporore ki, koroka, shomo koro: echi keuk hemhem ki, ikoitupa hemhem ki, koroka, uina eaikap ruwe ne: ukoiki echi ki, tumi echi koro; shomo echi koramkoro gusu shomo echi kon ruwe ne.

Eci utar ipeporore ki, korka, somo kor: eci keuk hemhem ki, ikoytupa hemhem ki, korka, uyna eaykap ruwe ne: ukoyki eci=ki, tumi eci=kor; somo eci=koramkor kusu somo eci=kor ruwe ne.

επιθυμειτε και ουκ εχετε φονευετε και ζηλουτε και ου δυνασθε επιτυχειν μαχεσθε και πολεμειτε ουκ εχετε δια το μη αιτεισθαι υμας

あなたがたは、欲しても得られず、人を殺します。また、熱望しても手に入れることができず、争ったり戦ったりします。得られないのは、願い求めないからで、

Echi koramkoro, aige, shomo akore na, eikaunu an no yaikota gusu nei ambe eiwange kuni ne wen no echi koramkoro ruwe ne gusu ne na.

Eci=koramkor, ayke, somo a=kore na, e=kawnu an no yaykota kusu ne anpe eywanke kuni ne wenno eci=koramkor ruwe ne kusu ne na.

αιτειτε και ου λαμβανετε διοτι κακως αιτεισθε ινα εν ταις ηδοναις υμων δαπανησητε

願い求めても、与えられないのは、自分の楽しみのために使おうと、間違った動機で願い求めるからです。

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

omoynu kor utar, mosir kateomare anpe anakne Kamuy epokpap ne sekor somo eci=eraman ya? Tanpe kusu, nen ne yakka mosir kateomare kuni ramu kur anakne, Kamuy epokpa kur ne yaykar ruwe ne.

μοιχαλιδες ουκ οιδατε οτι η φιλια του κοσμου εχθρα του θεου εστιν ος εαν ουν βουληθη φιλος ειναι του κοσμου εχθρος του θεου καθισταται

神に背いた者たち、世の友となることが、神の敵となることだとは知らないのか。世の友になりたいと願う人はだれでも、神の敵になるのです。

Samata, ikkewe isam no Kamui kambi ye ruwe ne sekoro echi yainu ya? Un onnaigeta Shinuma shiromare ramat anak ne eyaitunnap iki ruwe he an?

Sama ta, ikkewe isam no Kamuy kampi ye ruwe ne sekor eci=yaynu ya? Un onnayke ta Sinuma siromare ramat anakne eyaytunnap iki ruwe he an?

η δοκειτε οτι κενως η γραφη λεγει προς φθονον επιποθει το πνευμα ο κατωκισεν εν ημιν

それとも、聖書に次のように書かれているのは意味がないと思うのですか。「神はわたしたちの内に住まわせた霊を、ねたむほどに深く愛しておられ、

Koroka, Shinuma anak ne irenga naa an no un koropare. Tambe gusu, Kamui anak ne pakesara utara eshishi, koroka, yaieoripakka utara otta irenga koropare ruwe ne, ari itak.

Korka, Sinuma anakne irenka naa an no un korpare. Tanpe kusu, Kamuy anakne pakesara utar esisi, korka, yayeoripakka utar or ta irenka korpare ruwe ne, ari itak.

μειζονα δε διδωσιν χαριν διο λεγει ο θεος υπερηφανοις αντιτασσεται ταπεινοις δε διδωσιν χαριν

もっと豊かな恵みをくださる。」それで、こう書かれています。「神は、高慢な者を敵とし、謙遜な者には恵みをお与えになる。」

Tambe gusu, Kamui koitaknu yan; koroka, nitne kamui esbishi yan, yakun shinuma echi orowa no shaot kusu ne na.

Tanpe kusu, Kamuy koytaknu yan; korka, nitne kamuy espisi yan, yakun sinuma eci=oro wano saot kusu ne na.

υποταγητε ουν τω θεω αντιστητε δε τω διαβολω και φευξεται αφ υμων

だから、神に服従し、悪魔に反抗しなさい。そうすれば、悪魔はあなたがたから逃げて行きます。

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

Kamuy orun karankeno arki yan, yakun, Sinuma eci=orun karankeno ek kusu ne. Katpak kor utar, eci=kor teke askannere yan; tu kewtum kor utar, eci=kor sarape turusakte yan.

εγγισατε τω θεω και εγγισει εγγιει υμιν καθαρισατε χειρας αμαρτωλοι και αγνισατε καρδιας διψυχοι

神に近づきなさい。そうすれば、神は近づいてくださいます。罪人たち、手を清めなさい。心の定まらない者たち、心を清めなさい。

Yairamkoiki hene ki, yaituwashkarap hene ki, chish hene ki yan; echi mina ambe itasare wa yaituwashkarap ne kara, echi nupetne-hi itasare wa oknatara ambe ne kara yan.

yayramkoyki hene ki, yaytuwaskarap hene ki, cis hene ki yan; eci=mina anpe itasare wa yaytuwaskarap ne kar, eci=nupetne hi itasare wa oknatara anpe ne kar yan.

ταλαιπωρησατε και πενθησατε και κλαυσατε ο γελως υμων εις πενθος μετατραπητω και η χαρα εις κατηφειαν

悲しみ、嘆き、泣きなさい。笑いを悲しみに変え、喜びを愁いに変えなさい。

Utarapa tek-samata yaieoripakka yan, yakun Shinuma echi riknare kusu ne na.

Utarpa tek-sama ta yayeoripakka yan, yakun Sinuma eci riknare kusu ne na.

ταπεινωθητε ενωπιον κυριου και υψωσει υμας

主の前にへりくだりなさい。そうすれば、主があなたがたを高めてくださいます。

Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.

Irwak utar, utaspa iteki ohaykekar yan. Kor irwak kusu ohaykekar hene ki, irwak koypisi hene ki kur anakne tuytak ohaykekar, tuytak koypisi ruwe ne: korka, eani anakne tuytak koypisi ciki, tuytak ki kur somo e ne, koypisi ki kur e ne ruwe ne.

μη καταλαλειτε αλληλων αδελφοι ο καταλαλων αδελφου η κρινων τον αδελφον αυτου καταλαλει νομου και κρινει νομον ει δε νομον κρινεις ουκ ει ποιητης νομου αλλα κριτης

兄弟たち、悪口を言い合ってはなりません。兄弟の悪口を言ったり、自分の兄弟を裁いたりする者は、律法の悪口を言い、律法を裁くことになります。もし律法を裁くなら、律法の実践者ではなくて、裁き手です。

Tuitak sange wa koipiship shinep an, nei ambe anak ne kashiobiuki hene ki isamka hene ki eashkaibe ne: koroka, aota un guru koipishi eani anak ne nen ne ruwe?

Tuytak sanke wa koypisip sinep an, ne anpe anakne kasiopiwki hene ki isamka hene ki easkay pe ne: korka, a=o ta un kur koypisi eani anakne nen ne ruwe?

εις εστιν [ο] νομοθετης και κριτης ο δυναμενος σωσαι και απολεσαι συ δε τις ει ο κρινων τον πλησιον

律法を定め、裁きを行う方は、おひとりだけです。この方が、救うことも滅ぼすこともおできになるのです。隣人を裁くあなたは、いったい何者なのですか。

Tanto hene nishatta hene nei kotan paye ash hine shine pa reushi, orowa, iraugetupa wa yaiepirikare kusu ne, ari an itak ani ye utara hetak tane esanniyo yan:

Tanto hene nisatta hene ne kotan paye as hine sine pa rewsi, orowa, irawketupa wa yayepirikare kusu ne, ari an itak ani ye utar hetak tane esanniyo yan:

αγε νυν οι λεγοντες σημερον η αυριον πορευσομεθα εις τηνδε την πολιν και ποιησομεν εκει ενιαυτον και εμπορευσομεθα και κερδησομεν

よく聞きなさい。「今日か明日、これこれの町へ行って一年間滞在し、商売をして金もうけをしよう」と言う人たち、

nishatta hetuku kusu ne okaibe nekon a ambe ne ya sekoro echi erampeutek ruwe ne gusu ne na. Echi koro inotu nekon a ambe ne ya? Echi utara anak ne irukai an, aige, ush wa isam paha echi ne ruwe ne gusu ne na.

nisatta hetuku kusu ne okaype nekona anpe ne ya sekor eci=eranpewtek ruwe ne kusu ne na. Eci=kor inotu nekona anpe ne ya? Eci utar anakne irukay an, ayke, us wa isam paha eci ne ruwe ne kusu ne na.

οιτινες ουκ επιστασθε το της αυριον ποια η ζωη υμων ατμις γαρ εστε η προς ολιγον φαινομενη επειτα και αφανιζομενη

あなたがたには自分の命がどうなるか、明日のことは分からないのです。あなたがたは、わずかの間現れて、やがて消えて行く霧にすぎません。

Utarapa ramuoshma yakun chi utara shiknu wa tambe hene ki nei ambe hene ki kusu ne na ari an itak ani echi ye kuni an ambe ne.

Utarpa ramuosma yakun ci utar siknu wa tanpe hene ki ne anpe hene ki kusu ne na ari an itak ani eci=ye kuni an anpe ne.

αντι του λεγειν υμας εαν ο κυριος θελη θεληση και ζησομεν και ποιησομεν τουτο η εκεινο

むしろ、あなたがたは、「主の御心であれば、生き永らえて、あのことやこのことをしよう」と言うべきです。

Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

Korka, pakesara wa tane eci=yayomonnure ruwe ne: tap koraci yayomonnure anpe anakne wenpe ne ruwe ne na.

νυν δε καυχασθε εν ταις αλαζονειαις υμων πασα καυχησις τοιαυτη πονηρα εστιν

ところが、実際は、誇り高ぶっています。そのような誇りはすべて、悪いことです。

Tambe gusu, pirikap ki katu eraman wa nei ambe shomo iki guru an chiki, shinuma gusu katpak ne ruwe ne na.

Tanpe kusu, pirka p ki katu eraman wa ne anpe somo iki kur an ciki, sinuma kusu katpak ne ruwe ne na.

ειδοτι ουν καλον ποιειν και μη ποιουντι αμαρτια αυτω εστιν

人がなすべき善を知りながら、それを行わないのは、その人にとって罪です。

Oteknu an echi utara, tane paye wa echi otta ek kushki yairamkoiki ambe gusu chish yan, hawe ashte yan.

Oteknu an eci utar, tane paye wa eci or ta ek kuski yayramkoyki anpe kusu cis yan, hawe aste yan.

αγε νυν οι πλουσιοι κλαυσατε ολολυζοντες επι ταις ταλαιπωριαις υμων ταις επερχομεναις

富んでいる人たち、よく聞きなさい。自分にふりかかってくる不幸を思って、泣きわめきなさい。

Echi koro ikoro munin, echi koro amip shish ae ruwe ne.

Eci=kor i=kor munin, eci=kor amip sis ae ruwe ne.

ο πλουτος υμων σεσηπεν και τα ιματια υμων σητοβρωτα γεγονεν

あなたがたの富は朽ち果て、衣服には虫が付き、

Echi koro kongani, echi koro shirokani shikopop; nei shikopopbe anak ne echi gusu paweteshu ki, abe korachi echi koro kam ibe kusu ne na. Okese an toho ta ikoro echi eumashnu nisa ruwe ne.

Eci=kor konkani, eci=kor sirokani sikopop; ne sikopoppe anakne eci kusu pawetesu ki, ape koraci eci=kor kam ipe kusu ne na. Okes an toho ta i=kor eci ewmasnu nisa ruwe ne.

ο χρυσος υμων και ο αργυρος κατιωται και ο ιος αυτων εις μαρτυριον υμιν εσται και φαγεται τας σαρκας υμων ως πυρ εθησαυρισατε εν εσχαταις ημεραις

金銀もさびてしまいます。このさびこそが、あなたがたの罪の証拠となり、あなたがたの肉を火のように食い尽くすでしょう。あなたがたは、この終わりの時のために宝を蓄えたのでした。

Ingarʼan, echi utara iramisamka ki wa echi kot toi mose-kara gusu auitek utara koro pummaha hawe ashte ruwe ne: mose-kara ki utara koro hawehe anak ne Sabaot koro Utarapa kisaraha orun ahun nisa ruwe ne na.