KOROSAIUN UTARA OTTA AOMANDEPAUROS NUYE KAMBI.

Kamui rengaine an gusu Kiristo Yesu koro Apostoro ne Pauros newa akoro iriwak ne Timoteos anak ne,

Kamuy renkayne an kusu Kiristo Yesu kor Apostoro ne Pawros newa a=kor irwak ne Timoteos anakne,

παυλος αποστολος χριστου ιησου δια θεληματος θεου και τιμοθεος ο αδελφος

神の御心によってキリスト・イエスの使徒とされたパウロと兄弟テモテから、

Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

Korosay kotan ta osiroma Kiristo oske ta okay askanne utar newa ikipniwkes uyriwak utar orun kampi omante na: ci=kor Mici ne Kamuy oro wano irenka newa i=tom eci kusu an ro.

τοις εν κολοσσαις αγιοις και πιστοις αδελφοις εν χριστω χαρις υμιν και ειρηνη απο θεου πατρος ημων

コロサイにいる聖なる者たち、キリストに結ばれている忠実な兄弟たちへ。わたしたちの父である神からの恵みと平和が、あなたがたにあるように。

Chi utara anak ne chikoro Utarapa ne Yesu Kiristo koro Michi ne Kamui otta koyaiiraige ki hine ramma echi utara gusu inonno-itak ki na:

Ci utar anakne ci=kor Utarpa ne Yesu Kiristo kor Mici ne Kamuy or ta koyayirayke ki hine ramma eci utar kusu inonno-itak ki na:

ευχαριστουμεν τω θεω πατρι του κυριου ημων ιησου [χριστου] χριστου παντοτε περι υμων προσευχομενοι

わたしたちは、いつもあなたがたのために祈り、わたしたちの主イエス・キリストの父である神に感謝しています。

eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

e=siri eci or ta ek pirka sonko oma sonno a=rap an itak ani eci=nu kanto or ta eci utar kusu ewmasnu wa an a=ecipacipa anpe kusu,

ακουσαντες την πιστιν υμων εν χριστω ιησου και την αγαπην [ην εχετε] ην εχετε εις παντας τους αγιους

あなたがたがキリスト・イエスにおいて持っている信仰と、すべての聖なる者たちに対して抱いている愛について、聞いたからです。

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Kiristo Yesu or ta eci=ki eysokor hi hene, opittano okay askanne utar kusu eci=ki omap anpe hene ci nu nisa ruwe ne kusu ne na:

δια την ελπιδα την αποκειμενην υμιν εν τοις ουρανοις ην προηκουσατε εν τω λογω της αληθειας του ευαγγελιου

それは、あなたがたのために天に蓄えられている希望に基づくものであり、あなたがたは既にこの希望を、福音という真理の言葉を通して聞きました。

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

ne anpe poka mosir epitta ta okay wa ipehe hetukure hine sipiraspa, ayke, ne a=rap eci=nu wa sonno ka un Kamuy irenka eci=eraman toho wano eci or ta ne yakka koraci ne;

του παροντος εις υμας καθως και εν παντι τω κοσμω εστιν καρποφορουμενον και αυξανομενον καθως και εν υμιν αφ ης ημερας ηκουσατε και επεγνωτε την χαριν του θεου εν αληθεια

あなたがたにまで伝えられたこの福音は、世界中至るところでそうであるように、あなたがたのところでも、神の恵みを聞いて真に悟った日から、実を結んで成長しています。

echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

eci utar kusu Kiristo kor ikipniwkes aeyaysieywankere kur ne ci=kor omap an tura iki ussiw ne Epapras oro wano ka eci yayhannokkara koraci ne;

καθως εμαθετε απο επαφρα του αγαπητου συνδουλου ημων ος εστιν πιστος υπερ ημων υμων διακονος του χριστου

あなたがたは、この福音を、わたしたちと共に仕えている仲間、愛するエパフラスから学びました。彼は、あなたがたのためにキリストに忠実に仕える者であり、

shinuma anak, shui, Ramat otta an echi omap arabe un nure nisa ruwe ne.

sinuma anak, suy, Ramat or ta an eci=omap a=rap un nure nisa ruwe ne.

ο και δηλωσας ημιν την υμων αγαπην εν πνευματι

また、“霊”に基づくあなたがたの愛を知らせてくれた人です。

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Tanpe kusu, ci utar ne yakka, ne oruspe nu toho oro wano eci utar anakne opittano okay ramat oma wayasnu anpe newa eraman hi or ta Sinuma kor irenka eraman pe ani eci aesikno an kuni hene,

δια τουτο και ημεις αφ ης ημερας ηκουσαμεν ου παυομεθα υπερ υμων προσευχομενοι και αιτουμενοι ινα πληρωθητε την επιγνωσιν του θεληματος αυτου εν παση σοφια και συνεσει πνευματικη

こういうわけで、そのことを聞いたときから、わたしたちは、絶えずあなたがたのために祈り、願っています。どうか、“霊”によるあらゆる知恵と理解によって、神の御心を十分悟り、

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

sama ta, Utarpa nupetnere kuni kopakeatpe or ta eci=apkas hine opittano okay pirka iki p or ta ipehe hetukure wa Kamuy oma eraman pe or ta naa sukup kuni ne okere somo ki no inonno-itak ci ki wa koramkor siriki okay;

περιπατησαι αξιως του κυριου εις πασαν αρεσκειαν εν παντι εργω αγαθω καρποφορουντες και αυξανομενοι τη επιγνωσει του θεου

すべての点で主に喜ばれるように主に従って歩み、あらゆる善い業を行って実を結び、神をますます深く知るように。

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Sinuma kor nupeki ani kiroro an koraci, nupetne hine opittano okay yaiyupupu a=rap newa ramusiporore anpe kusu, opittano okay kiroro ani atumasnure:

εν παση δυναμει δυναμουμενοι κατα το κρατος της δοξης αυτου εις πασαν υπομονην και μακροθυμιαν μετα χαρας

そして、神の栄光の力に従い、あらゆる力によって強められ、どんなことも根気強く耐え忍ぶように。喜びをもって、

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

orowa, peker or ta okay askanne utar tura aeykeskoro kuni an anpe ci uyna kuni ne un kopakeatte Mici or ta koyayirayke ki;

ευχαριστουντες τω πατρι τω ικανωσαντι υμας εις την μεριδα του κληρου των αγιων εν τω φωτι

光の中にある聖なる者たちの相続分に、あなたがたがあずかれるようにしてくださった御父に感謝するように。

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Sinuma anakne kunne kiroro oro wano un ohaytare wa, kor omap an Toho kor mosir orun un ahupte nisa ruwe ne;

ος ερρυσατο ημας εκ της εξουσιας του σκοτους και μετεστησεν εις την βασιλειαν του υιου της αγαπης αυτου

御父は、わたしたちを闇の力から救い出して、その愛する御子の支配下に移してくださいました。

samata, Shinuma ankushkerai kikiaraye arabe chi koro, aige, chikoro katpak atusare an na:

sama ta, Sinuma an kuskeray kikiaraye a=rap ci kor, ayke, ci=kor katpak atusare an na:

εν ω εχομεν την απολυτρωσιν την αφεσιν των αμαρτιων

わたしたちは、この御子によって、贖い、すなわち罪の赦しを得ているのです。

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

Sinuma anakne a=nukar eaykap Kamuy kor nokaha ne, opittano okay a=karpe etoko hetuku p ne; inanpe kusu ne yakun, kanto oske ta okay yakka,

ος εστιν εικων του θεου του αορατου πρωτοτοκος πασης κτισεως

御子は、見えない神の姿であり、すべてのものが造られる前に生まれた方です。

moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, mondum korope hene ne yakka obitta Shinuma otta akan nisa ruwe ne;

mosir kata okay yakka, anukarape ne a yakka, a=nukar eaykap pe ne a yakka, araset hene, enispane a=rap hene, esapane a=rap hene, montum kor pe hene ne yakka opitta Sinuma or ta a=kar nisa ruwe ne;

οτι εν αυτω εκτισθη τα παντα εν τοις ουρανοις και επι της γης τα ορατα και τα αορατα ειτε θρονοι ειτε κυριοτητες ειτε αρχαι ειτε εξουσιαι τα παντα δι αυτου και εις αυτον εκτισται

天にあるものも地にあるものも、見えるものも見えないものも、王座も主権も、支配も権威も、万物は御子において造られたからです。つまり、万物は御子によって、御子のために造られました。

obitta no okaibe Shinuma ankushkerai akara, Shinuma otta akan na; aige, Shinuma anak ne obitta no okaibe etokota an, samata, Shinuma gusu obitta no okaibe roshki ruwe ne.

opittano okaype Sinuma an kuskeray a=kar, Sinuma or ta a=kar na; ayke, Sinuma anakne opittano okaype etoko ta an, sama ta, Sinuma kusu opittano okaype roski ruwe ne.

και αυτος εστιν προ παντων και τα παντα εν αυτω συνεστηκεν

御子はすべてのものよりも先におられ、すべてのものは御子によって支えられています。

Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

Orowa, Sinuma anakne ne netopake ne karisia kor sapaha ne: atpake an ap ne, ray hi oro wano hosike hetuku p ne ruwe ne; Sinuma opittano okaype kusu e=sapanep ne kuni kusu ne na.

και αυτος εστιν η κεφαλη του σωματος της εκκλησιας ος εστιν [η] αρχη πρωτοτοκος εκ των νεκρων ινα γενηται εν πασιν αυτος πρωτευων

また、御子はその体である教会の頭です。御子は初めの者、死者の中から最初に生まれた方です。こうして、すべてのことにおいて第一の者となられたのです。

Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

Inanpe kusu ne yakun, opittano okay e=wpakte hi Sinuma oske ta osiroma kuni anpe anak Sinuma irenka ne ruwe ne kusu ne na;

οτι εν αυτω ευδοκησεν παν το πληρωμα κατοικησαι

神は、御心のままに、満ちあふれるものを余すところなく御子の内に宿らせ、

samata, koro utasap kemihi ani itomo ashte hine, Shinuma ankushkerai gusu yai otta obitta no okaibe irenga usaraye kuni gusu ne na; moshiri kata okaibe ne a yakka, kando oshiketa okaibe ne a yakka, Shinuma ankushkeraipo aratchire kuni gusu nep.

sama ta, kor utasa p kemihi ani i=tom aste hine, Sinuma an kuskeray kusu yay or ta opittano okaype irenka usaraye kuni kusu ne na; mosir kata okaype ne a yakka, kanto oske ta okaype ne a yakka, Sinuma an kuskeraypo a=ratcire kuni kusu nep.

και δι αυτου αποκαταλλαξαι τα παντα εις αυτον ειρηνοποιησας δια του αιματος του σταυρου αυτου [δι αυτου] ειτε τα επι της γης ειτε τα εν τοις ουρανοις

その十字架の血によって平和を打ち立て、地にあるものであれ、天にあるものであれ、万物をただ御子によって、御自分と和解させられました。

Orowa, echi utara anak ne etoko wa echi wen ikichi ambe gusu echi koro keutum oshke uwoyake an hine epokba utara echi ne a yakka,

Orowa, eci utar anakne etoko wa eci=wen ikici anpe kusu eci=kor kewtum oske uwoyak an hine epokpa utar eci ne a yakka,

και υμας ποτε οντας απηλλοτριωμενους και εχθρους τη διανοια εν τοις εργοις τοις πονηροις νυνι δε αποκατηλλαξεν

あなたがたは、以前は神から離れ、悪い行いによって心の中で神に敵対していました。

Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

Sinuma kotcake ta askanne newa tur-sak newa wen-puri sak no eci=roskire kuni ne, tane, Sinuma ray a=rap kor kar netopake oske ta irenka usaraye nisa ruwe ne:

εν τω σωματι της σαρκος αυτου δια του θανατου παραστησαι υμας αγιους και αμωμους και ανεγκλητους κατενωπιον αυτου

しかし今や、神は御子の肉の体において、その死によってあなたがたと和解し、御自身の前に聖なる者、きずのない者、とがめるところのない者としてくださいました。

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

eci utar anakne ne eispokor hi ta asamaha ante hine yayatte wa kanto corpoke ta an opittano okaype or ta eci=nu okere a=ewpaskuma pirka sonko kusu an cipacipa a=rap oro wano somo oyak ta okay wa eci=okay yakun, néno an ruwe ne; Pawros ne kuani anakne kusu yaysieywankere kur ku ne ruwe ne na.

ει γε επιμενετε τη πιστει τεθεμελιωμενοι και εδραιοι και μη μετακινουμενοι απο της ελπιδος του ευαγγελιου ου ηκουσατε του κηρυχθεντος εν παση κτισει τη υπο τον ουρανον ου εγενομην εγω παυλος διακονος

ただ、揺るぐことなく信仰に踏みとどまり、あなたがたが聞いた福音の希望から離れてはなりません。この福音は、世界中至るところの人々に宣べ伝えられており、わたしパウロは、それに仕える者とされました。

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Tane anakne eci utar kusu ku=iki yay ramsitnere a=rap ku=enupetne ruwe ne, ayke, kuani anak Kiristo iki aeramcuptekpe eykohaye anpe karisia ne Sinuma kor netopake kusu ku=kar or ta kasi iyo wa upakte ruwe ne;

νυν χαιρω εν τοις παθημασιν υπερ υμων και ανταναπληρω τα υστερηματα των θλιψεων του χριστου εν τη σαρκι μου υπερ του σωματος αυτου ο εστιν η εκκλησια

今やわたしは、あなたがたのために苦しむことを喜びとし、キリストの体である教会のために、キリストの苦しみの欠けたところを身をもって満たしています。

otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

otusasiri wano okay uyrup ikiri or ta esina wa an mukkep ne Kamuy itak ueomare kuni kusu, eci utar epeka a en=kore Kamuy en=kar anpe néno koraci,

ης εγενομην εγω διακονος κατα την οικονομιαν του θεου την δοθεισαν μοι εις υμας πληρωσαι τον λογον του θεου

神は御言葉をあなたがたに余すところなく伝えるという務めをわたしにお与えになり、この務めのために、わたしは教会に仕える者となりました。

nei karisia otta aeyaishieiwangerere guru ku ne ruwe ne: koroka, tane anak ne nei arabe Shinuma koro ashkanne utara otta aeramande, awa,

ne karisia or ta aeyaysieywankerere kur ku ne ruwe ne: korka, tane anakne ne a=rap Sinuma kor askanne utar or ta a=eramante, awa,

το μυστηριον το αποκεκρυμμενον απο των αιωνων και απο των γενεων νυν δε εφανερωθη τοις αγιοις αυτου

世の初めから代々にわたって隠されていた、秘められた計画が、今や、神の聖なる者たちに明らかにされたのです。

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Oya utar tumke ta tapan mukkep kusu an a=rakur kor oteknu hi eramante kuni ap Kamuy kewtum ne, ne anpe anak a=rakur ecipacipare anpe ne, eci=oske ta an Kiristo ne ruwe ne na:

οις ηθελησεν ο θεος γνωρισαι τι το πλουτος της δοξης του μυστηριου τουτου εν τοις εθνεσιν ο εστιν χριστος εν υμιν η ελπις της δοξης

この秘められた計画が異邦人にとってどれほど栄光に満ちたものであるかを、神は彼らに知らせようとされました。その計画とは、あなたがたの内におられるキリスト、栄光の希望です。

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

ci utar anakne pisno an aynu Kiristo oske ta a=eramusinne wa atte kuni ne, wayasnu no pisno an aynu onisnisi hene ki, pisno an aynu epakasnu hene ki hine, Kiristo ewpaskuma as ruwe ne;

ον ημεις καταγγελλομεν νουθετουντες παντα ανθρωπον και διδασκοντες παντα ανθρωπον εν παση σοφια ινα παραστησωμεν παντα ανθρωπον τελειον εν χριστω

このキリストを、わたしたちは宣べ伝えており、すべての人がキリストに結ばれて完全な者となるように、知恵を尽くしてすべての人を諭し、教えています。

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

ne a=rap kusu poka kuani anak, en=onnayke ta kiroroasnu no iki, Sinuma kar a=rap néno kiroro yupu hine ku=monrayke ruwe ne.

εις ο και κοπιω αγωνιζομενος κατα την ενεργειαν αυτου την ενεργουμενην εν εμοι εν δυναμει

このために、わたしは労苦しており、わたしの内に力強く働く、キリストの力によって闘っています。

Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;

Inanpe kusu ne yakun, eci utar kusu hemhem, Raodikia un utar kusu hemhem, kar oma ku=nanuhu somo nukar opittano okay utar kusu hemhem, hemanta yupke no kiroro atte hine ku=iki a=rap eci=eraman kuni ku=kor rusuy ruwe ne;

θελω γαρ υμας ειδεναι ηλικον αγωνα εχω υπερ υμων και των εν λαοδικεια και οσοι ουχ εορακαν το προσωπον μου εν σαρκι

わたしが、あなたがたとラオディキアにいる人々のために、また、わたしとまだ直接顔を合わせたことのないすべての人のために、どれほど労苦して闘っているか、分かってほしい。

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

tanpe anakne utar kor sarape a=omaoma kuni kusu an ap ne, ayke, sinuma utar omap anpe ani awrukire hine eraman no an somo utumasire an a=rap kusu hetuku aeoteknup or ta an kuni kusu ne; tanpe anakne utar.

ινα παρακληθωσιν αι καρδιαι αυτων συμβιβασθεντες εν αγαπη και εις παν πλουτος της πληροφοριας της συνεσεως εις επιγνωσιν του μυστηριου του θεου χριστου

それは、この人々が心を励まされ、愛によって結び合わされ、理解力を豊かに与えられ、神の秘められた計画であるキリストを悟るようになるためです。

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Kamuy mukkep eraman kuni kusu nep; ne mukkep anakne Kiristo ne, ayke, Sinuma oske ta wayasnu anpe newa eramuspe oma aeoteknup a=nuyna wa an na.

εν ω εισιν παντες οι θησαυροι της σοφιας και γνωσεως αποκρυφοι

知恵と知識の宝はすべて、キリストの内に隠れています。

Inan guru ne yakka iteki shisak itak ani echi kokandama kuni ne, tambe ku ye ruwe ne.

Inan kur ne yakka iteki sisak itak ani eci=kokantama kuni ne, tanpe ku=ye ruwe ne.

τουτο λεγω ινα μηδεις υμας παραλογιζηται εν πιθανολογια

わたしがこう言うのは、あなたがたが巧みな議論にだまされないようにするためです。

Inambe gusu ne yakun, kara gusu echi tura no ku an shomoki yakka, ramat gusu echi tura no ku an, aige, echi ikiri an no an arabe hemhem, Kiristo gusu echi atte eishokor-i yupkep hemhem ku nukara wa ku nupetne ruwe ne na.

Inanpe kusu ne yakun, kar kusu eci turano ku=an somo ki yakka, ramat kusu eci turano ku=an, ayke, eci=ikiri an no an a=rap hemhem, Kiristo kusu eci=atte eysokor hi yupke p hemhem ku=nukar wa ku=nupetne ruwe ne na.

ει γαρ και τη σαρκι απειμι αλλα τω πνευματι συν υμιν ειμι χαιρων και βλεπων υμων την ταξιν και το στερεωμα της εις χριστον πιστεως υμων

わたしは体では離れていても、霊ではあなたがたと共にいて、あなたがたの正しい秩序と、キリストに対する固い信仰とを見て喜んでいます。

Tambe gusu, echi utara Utarapa ne Kiristo Yesu akore korachi, Shinuma oshiketa apkash yan; Shinuma oshiketa shinrichi koro hine aeyairoshkire, aige,

Tanpe kusu, eci utar Utarpa ne Kiristo Yesu a=kore koraci, Sinuma oske ta apkas yan; Sinuma oske ta sinrici kor hine aeyayroskire, ayke,

ως ουν παρελαβετε τον χριστον ιησουν τον κυριον εν αυτω περιπατειτε

あなたがたは、主キリスト・イエスを受け入れたのですから、キリストに結ばれて歩みなさい。

aepakashnu an korachi poka, iyaiiraige an keutura koro wa echi ki eishokor-i atte yan.

a=epakasnu an koraci poka, i=yayirayke an kewtura kor wa eci=ki eysokor hi atte yan.

ερριζωμενοι και εποικοδομουμενοι εν αυτω και βεβαιουμενοι τη πιστει καθως εδιδαχθητε περισσευοντες [εν αυτη] εν ευχαριστια

キリストに根を下ろして造り上げられ、教えられたとおりの信仰をしっかり守って、あふれるばかりに感謝しなさい。

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

Kiristo kusu somo ne, korka, utar kor oyna kusu hene, mosir kusu an isayka epakasi kusu hene, kor aeramasure eramuspe newa oyra kokantama itak ani iteki eci=siren kur an kuni yaytupare yan:

βλεπετε μη τις υμας εσται ο συλαγωγων δια της φιλοσοφιας και κενης απατης κατα την παραδοσιν των ανθρωπων κατα τα στοιχεια του κοσμου και ου κατα χριστον

人間の言い伝えにすぎない哲学、つまり、むなしいだまし事によって人のとりこにされないように気をつけなさい。それは、世を支配する霊に従っており、キリストに従うものではありません。

inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

inanpe kusu ne yakun, a=eramusinne an kamuy-oype anak netopake an néno Kiristo oske ta osiroma ruwe ne,

οτι εν αυτω κατοικει παν το πληρωμα της θεοτητος σωματικως

キリストの内には、満ちあふれる神性が、余すところなく、見える形をとって宿っており、

aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa mondum korobe koro sapaha ne ruwe ne:

ayke, Sinuma oske ta eci utar aeramusinnere an na, ayne, Sinuma anakne opittano okay e=sapanep newa montum kor pe kor sapaha ne ruwe ne:

και εστε εν αυτω πεπληρωμενοι ος εστιν η κεφαλη πασης αρχης και εξουσιας

あなたがたは、キリストにおいて満たされているのです。キリストはすべての支配や権威の頭です。

Shinuma oshiketa teke ani shomo akore okarituye buri ani echi utara anak ne okarituye buri ani akore poka ki nisa ruwe ne, tambe anak Kiristo koro okarituye buri ne, kam netobake shiraraye arabe ne ruwe ne;

Sinuma oske ta teke ani somo a=kore okarituye puri ani eci utar anakne okarituye puri ani a=kore poka ki nisa ruwe ne, tanpe anak Kiristo kor okarituye puri ne, kam netopake siraraye a=rap ne ruwe ne;

εν ω και περιετμηθητε περιτομη αχειροποιητω εν τη απεκδυσει του σωματος της σαρκος εν τη περιτομη του χριστου

あなたがたはキリストにおいて、手によらない割礼、つまり肉の体を脱ぎ捨てるキリストの割礼を受け、

aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

ayke, Sinuma tura paptisma eun a=omare hine ray hi oro wano Sinuma hetopo-siknure Kamuy iki iki p ani eysokor hi an kuskeray Sinuma tura eci utar ne yakka hetopo-a=siknure nisa ruwe ne.

συνταφεντες αυτω εντω τω βαπτισματι βαπτισμω ενω ω και συνηγερθητε δια της πιστεως της ενεργειας του θεου του εγειραντος αυτον εκ νεκρων

洗礼によって、キリストと共に葬られ、また、キリストを死者の中から復活させた神の力を信じて、キリストと共に復活させられたのです。

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

Orowa, eci utar anakne, kor ci=kokatpak newa kam oma okarituye puri an kuskeray kusu ray okere eci utar anakne, opittano okay ci=kor ci=kokatpak Sinuma tusare hine Sinuma oro wano Sinuma tura a=siknure nisa ruwe ne;

και υμας νεκρους οντας [εν] τοις παραπτωμασιν και τη ακροβυστια της σαρκος υμων συνεζωοποιησεν υμας συν αυτω χαρισαμενος ημιν παντα τα παραπτωματα

肉に割礼を受けず、罪の中にいて死んでいたあなたがたを、神はキリストと共に生かしてくださったのです。神は、わたしたちの一切の罪を赦し、

aige, un epeka wa un epokba ipawetenge nei no ikiri koro teke ani anuye kambi isamka: aine, nei ambe oyakta koro wa utasa chikuni otta kungi kokikkik nisa ruwe ne;

ayke, un epeka wa un epokpa ipawetenke néno ikiri kor teke ani a=nuye kampi isamka: ayne, ne anpe oyak ta kor wa utasa cikuni or ta kunki kokikkik nisa ruwe ne;

εξαλειψας το καθ ημων χειρογραφον τοις δογμασιν ο ην υπεναντιον ημιν και αυτο ηρκεν εκ του μεσου προσηλωσας αυτο τω σταυρω

規則によってわたしたちを訴えて不利に陥れていた証書を破棄し、これを十字架に釘付けにして取り除いてくださいました。

samata, yaikota yai orowa no esapane ambe newa mondum korobe soshpa okere chiki, anukan no nei ambe nukare hine, gusu nei ambe epeka yaiokkainere nisa ruwe ne na.

sama ta, yaykota yay oro wano esapane anpe newa montum kor pe sospa okere ciki, a=nukar no ne anpe nukare hine, kusu ne anpe epeka yayokkaynere nisa ruwe ne na.

απεκδυσαμενος τας αρχας και τας εξουσιας εδειγματισεν εν παρρησια θριαμβευσας αυτους εν αυτω

そして、もろもろの支配と権威の武装を解除し、キリストの勝利の列に従えて、公然とさらしものになさいました。

Tambe gusu, ibe arabe gusu hene, iku ambe gusu hene, iwai an toho gusu hene, ashiri kunne-chup gusu hene, shini toho gusu hene, iteki nen ka echi koipishi kuni ne ki yan:

Tanpe kusu, ipe a=rap kusu hene, iku anpe kusu hene, iway an toho kusu hene, a=siri kunne-cup kusu hene, sini toho kusu hene, iteki nen ka eci koypisi kuni ne ki yan:

μη ουν τις υμας κρινετω εν βρωσει και εν ποσει η εν μερει εορτης η νεομηνιας η σαββατων

だから、あなたがたは食べ物や飲み物のこと、また、祭りや新月や安息日のことでだれにも批評されてはなりません。

tap arabe anak ne ek kushki okaibe gusu an kurihi ne; koroka netobake anak ne Kiristo korobe ne ruwe ne.

tap a=rap anakne ek kuski okaype kusu an kurihi ne; korka netopake anakne Kiristo kor pe ne ruwe ne.

α εστιν σκια των μελλοντων το δε σωμα του χριστου

これらは、やがて来るものの影にすぎず、実体はキリストにあります。

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Iteki nen ka iki renkayne an yayeoripakka anpe newa Kamuy hawturunpe koonkamire anpe ani eci=kor iwayehe eikkare yan; néno ikici kur anakne anukarape an a=rap kata roski,

μηδεις υμας καταβραβευετω θελων εν ταπεινοφροσυνη και θρησκεια των αγγελων α εορακεν εμβατευων εικη φυσιουμενος υπο του νοος της σαρκος αυτου

偽りの謙遜と天使礼拝にふける者から、不利な判断を下されてはなりません。こういう人々は、幻で見たことを頼りとし、肉の思いによって根拠もなく思い上がっているだけで、

raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.

raka-sak no kor kam-us kewtura kusu pittarane, ayke, ari netopake epitta ikra newa kut-rit an kuskeray kusu a=respa hine Kamuy oro wano asukupte wa sukup ne sapaha yupke no somo sikkasima ruwe ne na.

και ου κρατων την κεφαλην εξ ου παν το σωμα δια των αφων και συνδεσμων επιχορηγουμενον και συμβιβαζομενον αυξει την αυξησιν του θεου

頭であるキリストにしっかりと付いていないのです。この頭の働きにより、体全体は、節と節、筋と筋とによって支えられ、結び合わされ、神に育てられて成長してゆくのです。

Tam moshiri gusu an isaika ambe epeka Kiristo tura echi rai nisa ruwe ne a yakun,

Tam mosir kusu an isayka anpe epeka Kiristo tura eci=ray nisa ruwe ne a yakun,

ει απεθανετε συν χριστω απο των στοιχειων του κοσμου τι ως ζωντες εν κοσμω δογματιζεσθε

あなたがたは、キリストと共に死んで、世を支配する諸霊とは何の関係もないのなら、なぜ、まだ世に属しているかのように生き、

hemanda gusu, moshiri gusu koishu korachi, utara epakashi nei no utara ikashpaotte nei no ipawetenge nep koran esanniyop koitaknu ya?

hemanta kusu, mosir kusu koysu koraci, utar epakasi néno utar ikaspaotte néno ipawetenke nep koran esanniyop koytaknu ya?

μη αψη μηδε γευση μηδε θιγης

「手をつけるな。味わうな。触れるな」などという戒律に縛られているのですか。

(nei arabe anak, iteki teke ani kishima, iteki sapke, iteki tomooshma ari an ap ne).

(ne a=rap anak, iteki teke ani kisma, iteki sapke, iteki tomoosma ari an ap ne).

α εστιν παντα εις φθοραν τη αποχρησει κατα τα ενταλματα και διδασκαλιας των ανθρωπων

これらはみな、使えば無くなってしまうもの、人の規則や教えによるものです。

Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.

Tapan okaype anakne renkayne an kewtura ani Kamuy koonkami anpe kusu hemhem, yayeoripakka anpe kusu hemhem, netopake epeka eramu-yupke kore anpe kusu hemhem wayasnu kotom a=rap ne sekor a=nukar; korka, kam iki rusuy pe epeka raka-sak no an anpe ne ruwe ne.

ατινα εστιν λογον μεν εχοντα σοφιας εν εθελοθρησκια και ταπεινοφροσυνη [και] αφειδια σωματος ουκ εν τιμη τινι προς πλησμονην της σαρκος

これらは、独り善がりの礼拝、偽りの謙遜、体の苦行を伴っていて、知恵のあることのように見えますが、実は何の価値もなく、肉の欲望を満足させるだけなのです。

Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

Tanpe kusu eci utar anakne Kiristo tura hetopo-a=siknure ciki, Kamuy simon tek-sama ta a koran Kiristo osiroma uske ta an okaype hunara yan.

ει ουν συνηγερθητε τω χριστω τα ανω ζητειτε ου ο χριστος εστιν εν δεξια του θεου καθημενος

さて、あなたがたは、キリストと共に復活させられたのですから、上にあるものを求めなさい。そこでは、キリストが神の右の座に着いておられます。

Rikta an okaibe esanniyo wa iteki moshiri kata an okaibe esanniyo yan.

Rik ta an okaype esanniyo wa iteki mosir kata an okaype esanniyo yan.

τα ανω φρονειτε μη τα επι της γης

上にあるものに心を留め、地上のものに心を引かれないようにしなさい。

Inambe gusu ne yakun, echi utara anak ne rai nisa ruwe ne, echi koro inotu Kiristo tura

Inanpe kusu ne yakun, eci utar anakne ray nisa ruwe ne, eci=kor inotu Kiristo tura

απεθανετε γαρ και η ζωη υμων κεκρυπται συν τω χριστω εν τω θεω

あなたがたは死んだのであって、あなたがたの命は、キリストと共に神の内に隠されているのです。

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Kamuy or ta a=nuyna wa an ruwe ne. Ci=kor inotu ne Kiristo anakne a=nukar kusu ne hi ta, ne hi ta anak eci utar ne yakka Sinuma turano nupeki or ta a=nukar kusu ne na.

οταν ο χριστος φανερωθη η ζωη ημων υμων τοτε και υμεις συν αυτω φανερωθησεσθε εν δοξη

あなたがたの命であるキリストが現れるとき、あなたがたも、キリストと共に栄光に包まれて現れるでしょう。

Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

Tanpe kusu, mosir kata okay eci=kor awehe rayke yan; hoiyo hene, icakkere a=rap hene, wen katcam hene, wenpe ki rusuy kewtura hene, potoki koonkami ari an yaykosipuynere a=rap hene rayke yan;

νεκρωσατε ουν τα μελη τα επι της γης πορνειαν ακαθαρσιαν παθος επιθυμιαν κακην και την πλεονεξιαν ητις εστιν ειδωλολατρια

だから、地上的なもの、すなわち、みだらな行い、不潔な行い、情欲、悪い欲望、および貪欲を捨て去りなさい。貪欲は偶像礼拝にほかならない。

tap okaibe rengap gusu itakkashi poho utara otta Kamui irushka ambe ek ruwe ne;

tap okaype renkap kusu itakkasi poho utar or ta Kamuy iruska anpe ek ruwe ne;

δι α ερχεται η οργη του θεου [επι τους υιους της απειθειας]

これらのことのゆえに、神の怒りは不従順な者たちに下ります。

orowa, tap okaibe otta echi shiknu wa an rapoketa, otta eeshiri echi utara ne yakka apkash nisa ruwe ne na.

orowa, tap okaype or ta eci=siknu wa an rapoketa, or ta e=siri eci utar ne yakka apkas nisa ruwe ne na.

εν οις και υμεις περιεπατησατε ποτε οτε εζητε εν τουτοις

あなたがたも、以前このようなことの中にいたときには、それに従って歩んでいました。

Koroka, irushka arabe hemhem, kinrakarabe hemhem, wenbe hemhem, koatcha arabe hemhem, paro wano san yainikoroshma itak ambe hemhem, tane tap okaibe obitta oyakta are yan:

Korka, iruska a=rap hemhem, kinrakarape hemhem, wenpe hemhem, koatca a=rap hemhem, paro wano san yaynikorosma itak anpe hemhem, tane tap okaype opitta oyak ta are yan:

νυνι δε αποθεσθε και υμεις τα παντα οργην θυμον κακιαν βλασφημιαν αισχρολογιαν εκ του στοματος υμων

今は、そのすべてを、すなわち、怒り、憤り、悪意、そしり、口から出る恥ずべき言葉を捨てなさい。

iteki utashpa shunge yan: fushko ainu koro iki ikip tura echi shioraye hine ashiri ainu echi utomchiure okere ruwe ne gusu ne na;

iteki utaspa sunke yan: husko aynu kor iki iki p tura eci sioraye hine a=siri aynu eci=utomciwre okere ruwe ne kusu ne na;

μη ψευδεσθε εις αλληλους απεκδυσαμενοι τον παλαιον ανθρωπον συν ταις πραξεσιν αυτου

互いにうそをついてはなりません。古い人をその行いと共に脱ぎ捨て、

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

ne a=rap anakne oro wano a=kar Kamuy kor katuhu néno eramanuspe kusu asinno a=kar kor an ruwe ne:

και ενδυσαμενοι τον νεον τον ανακαινουμενον εις επιγνωσιν κατ εικονα του κτισαντος αυτον

造り主の姿に倣う新しい人を身に着け、日々新たにされて、真の知識に達するのです。

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

ne uske ta Herenes hene Yudea un pe hene, okarituye puri a=kore a=rap hene okarituye puri somo a=kore anpe hene, oya kotan un kur hene, Skitia un kur hene, aussiwne an kur hene, renkayne an kur hene isam: korka, Kiristo anakne opittano okaype okkasi an, opittano okaype onnayke ta an ruwe ne na.

οπου ουκ ενι ελλην και ιουδαιος περιτομη και ακροβυστια βαρβαρος σκυθης δουλος ελευθερος αλλα [τα] παντα και εν πασιν χριστος

そこには、もはや、ギリシア人とユダヤ人、割礼を受けた者と受けていない者、未開人、スキタイ人、奴隷、自由な身分の者の区別はありません。キリストがすべてであり、すべてのもののうちにおられるのです。

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Tanpe kusu, Kamuy kor a=numke askanne newa a=omap an utar koraci, ranpokiwen an kewtura hemhem, pirka irenka hemhem, yayeoripakka a=rap hemhem, ramu-rotca a=rap hemhem, ramu-siporore anpe hemhem,

ενδυσασθε ουν ως εκλεκτοι του θεου αγιοι και ηγαπημενοι σπλαγχνα οικτιρμου χρηστοτητα ταπεινοφροσυνην πραυτητα μακροθυμιαν

あなたがたは神に選ばれ、聖なる者とされ、愛されているのですから、憐れみの心、慈愛、謙遜、柔和、寛容を身に着けなさい。

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

utomciwre yan; utaspa ue-siyupupu; nep ne yakka eiyonnuppa kuni usike an ciki uwewsaraye yan; Utarpa eci=tusare koraci eci utar ne yakka néno ki yan;

ανεχομενοι αλληλων και χαριζομενοι εαυτοις εαν τις προς τινα εχη μομφην καθως και ο κυριος εχαρισατο υμιν ουτως και υμεις

互いに忍び合い、責めるべきことがあっても、赦し合いなさい。主があなたがたを赦してくださったように、あなたがたも同じようにしなさい。

orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

orowa, tap okaype kasuno pasere wa omap a=rap utomciwre yan; tanpe anakne a=eramusinne kusu an kut ne ruwe ne na.

επι πασιν δε τουτοις την αγαπην ο εστιν συνδεσμος της τελειοτητος

これらすべてに加えて、愛を身に着けなさい。愛は、すべてを完成させるきずなです。

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

Suy, Kiristo kor i=tom eci=kewtum ta esapanere yan, tanpe kusu ka sine netopake or ta eci=a=hotuyekar wa okay ruwe ne na;

και η ειρηνη του χριστου βραβευετω εν ταις καρδιαις υμων εις ην και εκληθητε εν [ενι] ενι σωματι και ευχαριστοι γινεσθε

また、キリストの平和があなたがたの心を支配するようにしなさい。この平和にあずからせるために、あなたがたは招かれて一つの体とされたのです。いつも感謝していなさい。

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshiromare yan; iyohaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

orowa, yayirayke an no okay yan. Sino wayasnu no nuye an no Kiristo kor itak eci=oske ta osiromare yan; iyohaycis ani hene, sinotca ani hene, ramat oma yayrap ani hene eci=kor kewtura ta irenka kor wa Kamuy or ta sinotcaki wa utaspa ue-epakasnu hemhem ki, ue-onisnisi hemhem ki yan.

ο λογος του χριστου ενοικειτω εν υμιν πλουσιως εν παση σοφια διδασκοντες και νουθετουντες εαυτους ψαλμοις υμνοις ωδαις πνευματικαις εν [τη] χαριτι αδοντες εν ταις καρδιαις υμων τω θεω

キリストの言葉があなたがたの内に豊かに宿るようにしなさい。知恵を尽くして互いに教え、諭し合い、詩編と賛歌と霊的な歌により、感謝して心から神をほめたたえなさい。

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

Orowa, itak or ta hene iki p or ta hene nep ne yakka eci=ki ciki Utarpa ne Yesu Kiristo rehe an kuskeraypo ki, ayne, Sinuma kor irenka kusu Mici ne Kamuy or ta ko-yayirayke yan.

και παν ο τι εαν ποιητε εν λογω η εν εργω παντα εν ονοματι κυριου ιησου ευχαριστουντες τω θεω πατρι δι αυτου

そして、何を話すにせよ、行うにせよ、すべてを主イエスの名によって行い、イエスによって、父である神に感謝しなさい。

Machi ne utara, Utarapa gusu kopakeat kuni ne echi koro hoku otta koitaknu yan.

Maci ne utar, Utarpa kusu kopakeat kuni ne eci=kor hoku or ta koytaknu yan.

αι γυναικες υποτασσεσθε τοις ανδρασιν ως ανηκεν εν κυριω

妻たちよ、主を信じる者にふさわしく、夫に仕えなさい。

Hoku ne utara, echi koro machi omap wa otta iteki iporo-slriuka yan.

Hoku ne utar, eci=kor maci omap wa or ta iteki iporo-slriwka yan.

οι ανδρες αγαπατε τας γυναικας και μη πικραινεσθε προς αυτας

夫たちよ、妻を愛しなさい。つらく当たってはならない。

Poho utara, nep ne yakka gusu echi koro eshikop koitaknu yan, tambe anak ne Utara nupetnere ambe ne ruwe ne gusu ne na.

Poho utar, nep ne yakka kusu eci=kor esikop koytaknu yan, tanpe anakne Utar nupetnere anpe ne ruwe ne kusu ne na.

τα τεκνα υπακουετε τοις γονευσιν κατα παντα τουτο γαρ ευαρεστον εστιν εν κυριω

子供たち、どんなことについても両親に従いなさい。それは主に喜ばれることです。

Michihi utara, echi koro poho utara iteki ramu-rai kuni ne iteki irushkare yan.

Micihi utar, eci=kor poho utar iteki ramu-ray kuni ne iteki iruskare yan.

οι πατερες μη ερεθιζετε τα τεκνα υμων ινα μη αθυμωσιν

父親たち、子供をいらだたせてはならない。いじけるといけないからです。

Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

aussiwne okay utar, nep ne yakka kusu kar epeka an eci=esapane utar koytaknu yan; aynu nupetnere kusu aesikkoinkara kuni koraci somo ne, korka, Utarpa kusu iki néno ohewke sak sarape kor yan: nep ne yakka eci=ki ciki,

οι δουλοι υπακουετε κατα παντα τοις κατα σαρκα κυριοις μη εν οφθαλμοδουλιαις οφθαλμοδουλια ως ανθρωπαρεσκοι αλλ εν απλοτητι καρδιας φοβουμενοι τον κυριον

奴隷たち、どんなことについても肉による主人に従いなさい。人にへつらおうとしてうわべだけで仕えず、主を畏れつつ、真心を込めて従いなさい。

ramu-osshi wa ki yan, utara gusu shomo iki no Utarapa gusu iki korachi ki yan;

ramu-ossi wa ki yan, utar kusu somo iki no Utarpa kusu iki koraci ki yan;

ο εαν ποιητε εκ ψυχης εργαζεσθε ως τω κυριω και ουκ ανθρωποις

何をするにも、人に対してではなく、主に対してするように、心から行いなさい。

Utarapa orowa aeikeshkorobe gusu an iwayehe akore kusu ne ambe eraman; aige, Utarapa ne Kiristo gusu echi yaishieiwangere na.

Utarpa orowa aeykeskorope kusu an iwayehe a=kore kusu ne anpe eraman; ayke, Utarpa ne Kiristo kusu eci yaysieywankere na.

ειδοτες οτι απο κυριου απολημψεσθε την ανταποδοσιν της κληρονομιας τω κυριω χριστω δουλευετε

あなたがたは、御国を受け継ぐという報いを主から受けることを知っています。あなたがたは主キリストに仕えているのです。

Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.

Inanpe kusu ne yakun, wenpe ikici kur anakne aki okere wenpe kusu tasa a=kore kusu ne: ayne, utar kowen utar ko pirka kewtum isam ruwe ne kusu ne na.

ο γαρ αδικων κομισεται ο ηδικησεν και ουκ εστιν προσωπολημψια

不義を行う者は、その不義の報いを受けるでしょう。そこには分け隔てはありません。

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

Nispa ne utar, eci=kor ussiw ne utar or ta owpeka newa owpak an anpe kore yan; ayke, eci utar ne yakka kanto oske ta Nispa kor ruwe ne kunak eramu yan.

οι κυριοι το δικαιον και την ισοτητα τοις δουλοις παρεχεσθε ειδοτες οτι και υμεις εχετε κυριον εν ουρανω

主人たち、奴隷を正しく、公平に扱いなさい。知ってのとおり、あなたがたにも主人が天におられるのです。

Shiyuppa no inonno-itak ki, iyaiiraige koro wa iki hine shiruwande yan;

Siyuppa no inonno-itak ki, i=yayirayke kor wa iki hine siruwante yan;

τη προσευχη προσκαρτερειτε γρηγορουντες εν αυτη εν ευχαριστια

目を覚まして感謝を込め、ひたすら祈りなさい。

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

samake ta, un kusu ne yakka iki, Kiristo kusu an a=nuyna anpe a=ye hine itak a=rap ahun kusu, un orun Kamuy apa maka kuni ne ki yan,

προσευχομενοι αμα και περι ημων ινα ο θεος ανοιξη ημιν θυραν του λογου λαλησαι το μυστηριον του χριστου δι ο και δεδεμαι

同時にわたしたちのためにも祈ってください。神が御言葉のために門を開いてくださり、わたしたちがキリストの秘められた計画を語ることができるように。このために、わたしは牢につながれています。

nei okaibe gusu ku atupetupe an na; samata, nekon a katu ani ku ye kunip ne ya aeramande kuni gusu ki yan.

ne okaype kusu ku=a=tupetupe an na; sama ta, nekona katu ani ku=ye kunip ne ya a=eramante kuni kusu ki yan.

ινα φανερωσω αυτο ως δει με λαλησαι

わたしがしかるべく語って、この計画を明らかにできるように祈ってください。

Soita okai utara epeka pakihi kikiraye korachi wayashnu no apkash yan.

Soy ta okay utar epeka pakihi kikiraye koraci wayasnu no apkas yan.

εν σοφια περιπατειτε προς τους εξω τον καιρον εξαγοραζομενοι

時をよく用い、外部の人に対して賢くふるまいなさい。

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

Nekona katu ani pisno an kur orun koese kunip ne ya sekor eci=eraman kuni ne, ramma kane eci=ye itak irenka tura a=sanke wa sippo eomare yan.

ο λογος υμων παντοτε εν χαριτι αλατι ηρτυμενος ειδεναι πως δει υμας ενι εκαστω αποκρινεσθαι

いつも、塩で味付けされた快い言葉で語りなさい。そうすれば、一人一人にどう答えるべきかが分かるでしょう。

Obitta no okai ku goro orushpe gusu anak Tikikos echi nure kushki, nei guru anak ne Utarapa oshiketa aomap an iriwak ne, ikipniukesh yaishieiwangere guru ne, tura no iki ausshiunere an gunʼne ruwe ne: echi utara un gusu an orushpe eraman,

Opittano okay ku=kor oruspe kusu anak Tikikos eci=nure kuski, ne kur anakne Utarpa oske ta a=omap an irwak ne, ikipniwkes yaysieywankere kur ne, turano iki aussiwnere an kunne ruwe ne: eci utar un kusu an oruspe eraman,

τα κατ εμε παντα γνωρισει υμιν τυχικος ο αγαπητος αδελφος και πιστος διακονος και συνδουλος εν κυριω

わたしの様子については、ティキコがすべてを話すことでしょう。彼は主に結ばれた、愛する兄弟、忠実に仕える者、仲間の僕です。

orowa, shinuma echi sambe omaoma kuni gusu an, tapan son no ikkewehe an gusu echi orun kuani shinuma omande nisa ruwe ne;

orowa, sinuma eci=sanpe omaoma kuni kusu an, tapan sonno ikkewehe an kusu eci=orun kuani sinuma omante nisa ruwe ne;

ον επεμψα προς υμας εις αυτο τουτο ινα γνωτε τα περι ημων και παρακαλεση τας καρδιας υμων

彼をそちらに送るのは、あなたがたがわたしたちの様子を知り、彼によって心が励まされるためなのです。

echi tumuge wano an nei ikipniukesh newa aomap an iriwak guru ne Onesimos tura ku omande ruwe ne na. Nei utara anak ne teda an orushpe obitta echi nure kushki na.

eci=tumuke wano an ne ikipniwkes newa a=omap an irwak kur ne Onesimos tura ku=omante ruwe ne na. Ne utar anakne teta an oruspe opitta eci=nure kuski na.

συν ονησιμω τω πιστω και αγαπητω αδελφω ος εστιν εξ υμων παντα υμιν γνωρισουσιν τα ωδε

また、あなたがたの一人、忠実な愛する兄弟オネシモを一緒に行かせます。彼らは、こちらの事情をすべて知らせるでしょう。

En tura no ipakashnu chisei ta an Aristarkos echi ekap an na, Barnabas koro karaku Markos ne yakka echi ekap na (shinuma gusu echi kashpaotte ash okere; aige, shinuma echi orun ek chiki uk wa en kore yan),

En turano ipakasnu cise ta an Aristarkos eci=ekap an na, Barnabas kor karku Markos ne yakka eci=ekap na (sinuma kusu eci=kaspaotte as okere; ayke, sinuma eci=orun ek ciki uk wa en=kore yan),

ασπαζεται υμας αρισταρχος ο συναιχμαλωτος μου και μαρκος ο ανεψιος βαρναβα περι ου ελαβετε εντολας εαν ελθη προς υμας δεξασθε αυτον

わたしと一緒に捕らわれの身となっているアリスタルコが、そしてバルナバのいとこマルコが、あなたがたによろしくと言っています。このマルコについては、もしそちらに行ったら迎えるようにとの指示を、あなたがたは受けているはずです。

samata, okarituye-buri oma Youstos ari aporose Yesu ne yakka echi ekap na: tan utara patek Kamui moshiri gusu tura no ikichi utara ne, gusu a en omaoma utara ne ruwe ne.

sama ta, okarituye-puri oma Youstos ari a=porse Yesu ne yakka eci=ekap na: tan utar patek Kamuy mosir kusu turano ikici utar ne, kusu a en=omaoma utar ne ruwe ne.

και ιησους ο λεγομενος ιουστος οι οντες εκ περιτομης ουτοι μονοι συνεργοι εις την βασιλειαν του θεου οιτινες εγενηθησαν μοι παρηγορια

ユストと呼ばれるイエスも、よろしくと言っています。割礼を受けた者では、この三人だけが神の国のために共に働く者であり、わたしにとって慰めとなった人々です。

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.