PETROS SANGETU IKINNE AN KATORIK KAMBI.

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

Yesu Kiristo kor ussiw ne kur newa Apostoro ne Simon Petros anakne, ci=kor Kamuy newa un Kashiobiukip ne Yesu Kiristo kor owpeka hi or ta un turano ukoraci an aoskoro eysokor hi a=kore utar or ta,

σιμων συμεων πετρος δουλος και αποστολος ιησου χριστου τοις ισοτιμον ημιν λαχουσιν πιστιν εν δικαιοσυνη του θεου ημων και σωτηρος ιησου χριστου

イエス・キリストの僕であり、使徒であるシメオン・ペトロから、わたしたちの神と救い主イエス・キリストの義によって、わたしたちと同じ尊い信仰を受けた人たちへ。

kambi omande na: Kamui newa chikoro Utarapa ne Yesu eraman-i otta irenga newa itomo echi gusu aporore na;

kampi omante na: Kamuy newa ci=kor Utarpa ne Yesu eraman hi or ta irenka newa i=tom eci kusu a=porore na;

χαρις υμιν και ειρηνη πληθυνθειη εν επιγνωσει του θεου και ιησου του κυριου ημων

神とわたしたちの主イエスを知ることによって、恵みと平和が、あなたがたにますます豊かに与えられるように。

yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

yaykota kor nupeki newa pirka anpe ani un takpe eraman hi kusu, kor Kamuy oma kiroro anakne inotu newa Kamuy ko oripak hi or ta an opittano okaype un korpare nisa;

ως παντα ημιν της θειας δυναμεως αυτου τα προς ζωην και ευσεβειαν δεδωρημενης δια της επιγνωσεως του καλεσαντος ημας δια δοξης και αρετης ιδια δοξη και αρετη

主イエスは、御自分の持つ神の力によって、命と信心とにかかわるすべてのものを、わたしたちに与えてくださいました。それは、わたしたちを御自身の栄光と力ある業とで召し出してくださった方を認識させることによるのです。

tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.

tanpe kusu, Sinuma anakne kor aoskoro newa sino poro uytaknup un korpare nisa; tap okaype ani, eci utar anakne ipeporore anpe kusu mosir or ta okay muninpe oro wano ohay ta okere wa, Kamuy oma oype eci oro ta a=korpare kuni kusu an anpe ne ruwe ne.

δι ων τα τιμια και μεγιστα ημιν επαγγελματα δεδωρηται ινα δια τουτων γενησθε θειας κοινωνοι φυσεως αποφυγοντες της εν τω κοσμω εν επιθυμια φθορας

この栄光と力ある業とによって、わたしたちは尊くすばらしい約束を与えられています。それは、あなたがたがこれらによって、情欲に染まったこの世の退廃を免れ、神の本性にあずからせていただくようになるためです。

Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

Ruwe newa, tapan ikkewehe an kusu opittano okay yuptek hi eci kasiomare yan, eci=ki eysokor hi or ta pirka anpe iyo; orowa, pirka anpe or ta eraman hi iyo;

και αυτο τουτο δε σπουδην πασαν παρεισενεγκαντες επιχορηγησατε εν τη πιστει υμων την αρετην εν δε τη αρετη την γνωσιν

だから、あなたがたは、力を尽くして信仰には徳を、徳には知識を、

orowa, eraman-i otta yaishikkashima ambe iyo; orowa, yaishikkashima ambe otta yaishiporore ambe iyo; orowa, yaishiporore ambe otta Kamui ko-oripak ambe iyo;

orowa, eraman hi or ta yaysikkasma anpe iyo; orowa, yaysikkasma anpe or ta yaysiporore anpe iyo; orowa, yaysiporore anpe or ta Kamuy ko-oripak anpe iyo;

εν δε τη γνωσει την εγκρατειαν εν δε τη εγκρατεια την υπομονην εν δε τη υπομονη την ευσεβειαν

知識には自制を、自制には忍耐を、忍耐には信心を、

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

orowa, Kamuy ko-oripak anpe or ta irwak utar kokatayrotke anpe iyo; orowa irwak utar katayrotke anpe or ta omap anpe iyo yan.

εν δε τη ευσεβεια την φιλαδελφιαν εν δε τη φιλαδελφια την αγαπην

信心には兄弟愛を、兄弟愛には愛を加えなさい。

Inambe gusu ne yakun, tap okaibe echi korobe ne wa nuye an chiki, chikoro Utarapa ne Yesu Kiristo eraman-i otta shomo toranne,

Inanpe kusu ne yakun, tap okaype eci=kor pe ne wa nuye an ciki, ci=kor Utarpa ne Yesu Kiristo eraman hi or ta somo toranne,

ταυτα γαρ υμιν υπαρχοντα και πλεοναζοντα ουκ αργους ουδε ακαρπους καθιστησιν εις την του κυριου ημων ιησου χριστου επιγνωσιν

これらのものが備わり、ますます豊かになるならば、あなたがたは怠惰で実を結ばない者とはならず、わたしたちの主イエス・キリストを知るようになるでしょう。

shomo ibehe sak no echi kara an na Inambe gusu ne yakun, tap okaibe sak guru anak ne shiknakbe ne, koro fushko katpak aashkannere-hi oira wa ouse ehange no an ambe nukan ruwe ne gusu ne na.

somo ipehe sak no eci=kar an na Inanpe kusu ne yakun, tap okaype sak kur anakne siknakpe ne, kor husko katpak aaskannere hi oyra wa owse ehanke no an anpe nukar ruwe ne kusu ne na.

ω γαρ μη παρεστιν ταυτα τυφλος εστιν μυωπαζων ληθην λαβων του καθαρισμου των παλαι αυτου αμαρτιων

これらを備えていない者は、視力を失っています。近くのものしか見えず、以前の罪が清められたことを忘れています。

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

Tanpe kusu, irwak utar, eci=a=tak an anpe newa a=numke an anpe anakne atumasnure kuni ne naa siarikiki no kar yan: inanpe kusu ne yakun, tap okaype eci=kar ciki, ramma pakno somo eci ureepetciw kusu ne na:

διο μαλλον αδελφοι σπουδασατε βεβαιαν υμων την κλησιν και εκλογην ποιεισθαι ταυτα γαρ ποιουντες ου μη πταισητε ποτε

だから兄弟たち、召されていること、選ばれていることを確かなものとするように、いっそう努めなさい。これらのことを実践すれば、決して罪に陥りません。

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

orowa, tapne kane ci=kor Utarpa newa Kashiobiukip ne Yesu Kiristo kor sasuysir pakno an mosir orun ahup hi anakne nuye an no eci=kore an ruwe ne kusu ne na.

ουτως γαρ πλουσιως επιχορηγηθησεται υμιν η εισοδος εις την αιωνιον βασιλειαν του κυριου ημων και σωτηρος ιησου χριστου

こうして、わたしたちの主、救い主イエス・キリストの永遠の御国に確かに入ることができるようになります。

Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

Tanpe kusu, tap okaype eci=eraman, sama ta, eci tura an sonep oro ta eci=roski wa okay yakka, tap okaype eci eskarunte kuni ne ramma-kane ku=etoko-oyki wa an ruwe ne kusu ne na.

διο μελλησω αει υμας υπομιμνησκειν περι τουτων καιπερ ειδοτας και εστηριγμενους εν τη παρουση αληθεια

従って、わたしはいつも、これらのことをあなたがたに思い出させたいのです。あなたがたは既に知っているし、授かった真理に基づいて生活しているのですが。

Orowa, chikoro Utarapa ne Yesu Kiristo en epakashnu korachi, ku goro kash oyakta ande-i tunashi no ek na, sekoro,

Orowa, ci=kor Utarpa ne Yesu Kiristo en=epakasnu koraci, ku=kor kas oyak ta ante hi tunasno ek na, sekor,

δικαιον δε ηγουμαι εφ οσον ειμι εν τουτω τω σκηνωματι διεγειρειν υμας εν υπομνησει

わたしは、自分がこの体を仮の宿としている間、あなたがたにこれらのことを思い出させて、奮起させるべきだと考えています。

ku eraman hine kuani anak ne tan kash orota an wa, an pakno echi eshkarunde wa echi keutum paraparasere kuni-hi pirika ruwe ne sekoro ku esanniyo ruwe ne na.

ku=eraman hine kuani anakne tan kas oro ta an wa, an pakno eci eskarunte wa eci=kewtum paraparasere kuni hi pirka ruwe ne sekor ku=esanniyo ruwe ne na.

ειδως οτι ταχινη εστιν η αποθεσις του σκηνωματος μου καθως και ο κυριος ημων ιησους χριστος εδηλωσεν μοι

わたしたちの主イエス・キリストが示してくださったように、自分がこの仮の宿を間もなく離れなければならないことを、わたしはよく承知しているからです。

Ruwe ne wa, ku isam okaketa ramma-kane tap okaibe echi eshkarun eashkai kuni ne shiarikiki no ku ki kusu ne na.

Ruwe ne wa, ku=isam okake ta ramma-kane tap okaype eci=eskarun easkay kuni ne siarikiki no ku=ki kusu ne na.

σπουδασω δε και εκαστοτε εχειν υμας μετα την εμην εξοδον την τουτων μνημην ποιεισθαι

自分が世を去った後もあなたがたにこれらのことを絶えず思い出してもらうように、わたしは努めます。

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.

Inanpe kusu ne yakun, eci utar anakne ci=kor Utarpa ne Yesu Kiristo kor kiroro newa ek an hi eci=nure as hi ta, askay no a=oske uwepeker kor wa ki somo ki, korka, ci utar anakne Sinuma kor poro pase anpe siki ari nukar utar ci ne ruwe ne kusu ne na.

ου γαρ σεσοφισμενοις μυθοις εξακολουθησαντες εγνωρισαμεν υμιν την του κυριου ημων ιησου χριστου δυναμιν και παρουσιαν αλλ εποπται γενηθεντες της εκεινου μεγαλειοτητος

わたしたちの主イエス・キリストの力に満ちた来臨を知らせるのに、わたしたちは巧みな作り話を用いたわけではありません。わたしたちは、キリストの威光を目撃したのです。

Inambe gusu ne yakun, Shinuma orota, — Tambe anak ku omap, shi no ku enupetne Poho ne ruwe ne, sekorʼan nepkoro hawehe son no tomte no an nupeki wano ek ita, Shinuma anak ne Michi ne Kamui orowa no aeoripak-i newa nupeki akore nisa ruwe ne gusu ne na:

Inanpe kusu ne yakun, Sinuma oro ta, — Tanpe anak ku=omap, sino ku=enupetne Poho ne ruwe ne, sekor an nepkor hawehe sonno tomteno an nupeki wano ek hi ta, Sinuma anakne Mici ne Kamuy oro wano a=eoripak hi newa nupeki a=kore nisa ruwe ne kusu ne na:

λαβων γαρ παρα θεου πατρος τιμην και δοξαν φωνης ενεχθεισης αυτω τοιασδε υπο της μεγαλοπρεπους δοξης ο υιος μου ο αγαπητος μου ουτος εστιν εις ον εγω ευδοκησα

荘厳な栄光の中から、「これはわたしの愛する子。わたしの心に適う者」というような声があって、主イエスは父である神から誉れと栄光をお受けになりました。

orowa, chi utara anak ne Shinuma tura nei ashkanne nupuri ta okai ita, tan hawehe kando wano asange-hi chi nu nisa ruwe ne.

orowa, ci utar anakne Sinuma tura ne askanne nupuri ta okay hi ta, tan hawehe kanto wano a=sanke hi ci nu nisa ruwe ne.

και ταυτην την φωνην ημεις ηκουσαμεν εξ ουρανου ενεχθεισαν συν αυτω οντες εν τω αγιω ορει

わたしたちは、聖なる山にイエスといたとき、天から響いてきたこの声を聞いたのです。

Orosama, naa atumashnure wa an uweingara itak chi koro; orowa, kunne-nisat hetuku pakno, echi koro keutum ta tokap-nochiu hetuku pakno, kunne ushiketa nupeki atte ratchako ne-hi korachi, nei ambe gusu echi yaitubare chiki pirika na:

Orosama, naa atumasnure wa an ueinkar itak ci kor; orowa, kunne-nisat hetuku pakno, eci=kor kewtum ta tokap-nociw hetuku pakno, kunne uske ta nupeki atte ratcako ne hi koraci, ne anpe kusu eci=yaytupare ciki pirka na:

και εχομεν βεβαιοτερον τον προφητικον λογον ω καλως ποιειτε προσεχοντες ως λυχνω φαινοντι εν αυχμηρω τοπω εως ου ημερα διαυγαση και φωσφορος ανατειλη εν ταις καρδιαις υμων

こうして、わたしたちには、預言の言葉はいっそう確かなものとなっています。夜が明け、明けの明星があなたがたの心の中に昇るときまで、暗い所に輝くともし火として、どうかこの預言の言葉に留意していてください。

hoshike no tambe onnere yan, Kamui Kambi kata obitta no okai uweingarape anak ne rengaine gusu apita kuni ambe shomo ne ruwe ne.

hosike no tanpe onnere yan, Kamuy Kampi kata opittano okay uweinkarape anakne renkayne kusu a=pita kuni anpe somo ne ruwe ne.

τουτο πρωτον γινωσκοντες οτι πασα προφητεια γραφης ιδιας επιλυσεως ου γινεται

何よりもまず心得てほしいのは、聖書の預言は何一つ、自分勝手に解釈すべきではないということです。

Inambe gusu ne yakun, nep uweingarape ne yakka ainu rengaine gusu asangep shomo ne: koroka, utara anak ne Ashkanne Ramat ani apariri wa Kamui orowa no chiitakte nisa ruwe ne gusu ne na.

Inanpe kusu ne yakun, nep uweinkarape ne yakka aynu renkayne kusu asankep somo ne: korka, utar anakne Askanne Ramat ani apariri wa Kamuy oro wano ci=itakte nisa ruwe ne kusu ne na.

ου γαρ θεληματι ανθρωπου ηνεχθη προφητεια ποτε αλλα υπο πνευματος αγιου φερομενοι ελαλησαν απο θεου ανθρωποι

なぜなら、預言は、決して人間の意志に基づいて語られたのではなく、人々が聖霊に導かれて神からの言葉を語ったものだからです。

Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

Korka, ne utar tumke ta sunke ueinkar utar ka hopunpa nisa ruwe ne; tanpe néno, casnu no an a=ysamka hi yaykorpare, orowano ne utar hok Nispa poka esikaske, Kamuy oruspe ohoke yaynu anpe nuyna no ahupte sunke epakasnu utar eci=tumke ta ne yakka hopunpa kusu ne na.

εγενοντο δε και ψευδοπροφηται εν τω λαω ως και εν υμιν εσονται ψευδοδιδασκαλοι οιτινες παρεισαξουσιν αιρεσεις απωλειας και τον αγορασαντα αυτους δεσποτην αρνουμενοι επαγοντες εαυτοις ταχινην απωλειαν

かつて、民の中に偽預言者がいました。同じように、あなたがたの中にも偽教師が現れるにちがいありません。彼らは、滅びをもたらす異端をひそかに持ち込み、自分たちを贖ってくださった主を拒否しました。自分の身に速やかな滅びを招いており、

Orowa, inne utara anak ne nei utara koro ramupekere iki buri kara kusu ne; tambe gusu, nei utara okai gusu son no an ruhu anak ne akoatcha kusu ne na.

Orowa, inne utar anakne ne utar kor ramupekere iki puri kar kusu ne; tanpe kusu, ne utar okay kusu sonno an ruhu anakne a=koatca kusu ne na.

και πολλοι εξακολουθησουσιν αυτων ταις ασελγειαις δι ους η οδος της αληθειας βλασφημηθησεται

しかも、多くの人が彼らのみだらな楽しみを見倣っています。彼らのために真理の道はそしられるのです。

Orowa, yaikoshipuinere ki wa shiwayashnure itak ani echi iraugetupa kusu ne: nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Orowa, yaykosipuynere ki wa siwayasnure itak ani eci=irawketupa kusu ne: ne utar kusu an aesanniyop anakne husko wano tane poka tere somo ki, kor a=ysamka hi mokor somo ki ruwe ne.

και εν πλεονεξια πλαστοις λογοις υμας εμπορευσονται οις το κριμα εκπαλαι ουκ αργει και η απωλεια αυτων ου νυσταζει

彼らは欲が深く、うそ偽りであなたがたを食い物にします。このような者たちに対する裁きは、昔から怠りなくなされていて、彼らの滅びも滞ることはありません。

Inambe gusu ne yakun, Kamui anak ne katpak ki hauturumbe honnere shomoki koroka, akoipishi kuni gusu ashikkasmimare wa Tartaros otta an kunne shui orun okeuba chiki,

Inanpe kusu ne yakun, Kamuy anakne katpak ki hawturunpe honnere somo ki korka, akoypisi kuni kusu asikkasmimare wa Tartaros or ta an kunne suy orun okewpa ciki,

ει γαρ ο θεος αγγελων αμαρτησαντων ουκ εφεισατο αλλα σειροις σειραις ζοφου ταρταρωσας παρεδωκεν εις κρισιν τηρουμενους

神は、罪を犯した天使たちを容赦せず、暗闇という縄で縛って地獄に引き渡し、裁きのために閉じ込められました。

orowa, fushko moshiri honnere shomoki koroka, shomo Kamui ko-oripak raoshiri uirup gusu pesambe hetukure ita, oupekap eupaskuma Noa newa tura no okai ara wa niu ne utara shiknure chiki; samata,

orowa, husko mosir honnere somo ki korka, somo Kamuy ko-oripak raosiri uyrup kusu pesanpe hetukure hi ta, owpekap ewpaskuma Noa newa turano okay ar wa niw ne utar siknure ciki; sama ta,

και αρχαιου κοσμου ουκ εφεισατο αλλα ογδοον νωε δικαιοσυνης κηρυκα εφυλαξεν κατακλυσμον κοσμω ασεβων επαξας

また、神は昔の人々を容赦しないで、不信心な者たちの世界に洪水を引き起こし、義を説いていたノアたち八人を保護なさったのです。

shomo Kamui ko-oripak no moshiri koishu utara pakashnu gusu Sodom newa Gomorra kotan uina ne kara hine wentoikantoi akokiru wa panakte; aige,

somo Kamuy ko-oripak no mosir koysu utar pakasnu kusu Sodom newa Gomorra kotan uyna ne kar hine wentoykantoy a=kokiru wa panakte; ayke,

και πολεις σοδομων και γομορρας τεφρωσας [καταστροφη] κατεκρινεν υποδειγμα μελλοντων ασεβεσιν ασεβεσιν τεθεικως

また、神はソドムとゴモラの町を灰にし、滅ぼし尽くして罰し、それから後の不信心な者たちへの見せしめとなさいました。

ohaita utara koro ramupekere iki buri gusu shi

ohay ta utar kor ramupekere iki puri kusu si

και δικαιον λωτ καταπονουμενον υπο της των αθεσμων εν ασελγεια αναστροφης ερρυσατο

しかし神は、不道徳な者たちのみだらな言動によって悩まされていた正しい人ロトを、助け出されました。

no yaioknatara wa an oupeka Rot kashiobiuki (inambe gusu ne yakun, nei oupeka guru anak ne nei utara tumugeta oshiroma hine, nukara hene ki inu hene ki wa, kesto-kesto nei utara ohaita ikip gusu, kon ramat iuninkare nisa ruwe ne na):

no yayoknatara wa an owpeka Rot kasiopiwki (inanpe kusu ne yakun, ne owpeka kur anakne ne utar tumke ta osiroma hine, nukar hene ki inu hene ki wa, kesto-kesto ne utar ohay ta iki p kusu, kor ramat iwninkare nisa ruwe ne na):

βλεμματι γαρ και ακοη ο δικαιος εγκατοικων εν αυτοις ημεραν εξ ημερας ψυχην δικαιαν ανομοις εργοις εβασανιζεν

なぜなら、この正しい人は、彼らの中で生活していたとき、毎日よこしまな行為を見聞きして正しい心を痛めていたからです。

Utarapa anak ne Kamui ko-oripak utara akoramnukara-i ohaitare katu eraman, samata, koipishi toho pakno apanakte kuni gusu oupeka sak utara shikkashima katu eraman;

Utarpa anakne Kamuy ko-oripak utar a=koramnukar hi ohaytare katu eraman, sama ta, koypisi toho pakno a=panakte kuni kusu owpeka sak utar sikkasima katu eraman;

οιδεν κυριος ευσεβεις εκ πειρασμου ρυεσθαι αδικους δε εις ημεραν κρισεως κολαζομενους τηρειν

主は、信仰のあつい人を試練から救い出す一方、正しくない者たちを罰し、裁きの日まで閉じ込めておくべきだと考えておられます。

makangane turu-ushbe kam eikaunu no apkash hene ki, enishpane ambe etunne hene ki utara otta kara katu Utarapa eraman ruwe ne. Wen rametok koro, keutum eikaunu no ki wa nupeki ambe koatcha wa shomo tusushke ruwe ne;

makankane tur-uspe kam e=kawnu no apkas hene ki, enispane anpe etunne hene ki utar or ta kar katu Utarpa eraman ruwe ne. Wen rametok kor, kewtum e=kawnu no ki wa nupeki anpe koatca wa somo tususke ruwe ne;

μαλιστα δε τους οπισω σαρκος εν επιθυμια μιασμου πορευομενους και κυριοτητος καταφρονουντας τολμηται αυθαδεις δοξας ου τρεμουσιν βλασφημουντες

特に、汚れた情欲の赴くままに肉に従って歩み、権威を侮る者たちを、そのように扱われるのです。彼らは、厚かましく、わがままで、栄光ある者たちをそしってはばかりません。

koroka, Kamui hauturumbe anak ne, nei utara kasu no naa tumashnu wa kiroro koro yakka, nei utara gusu Utarapa kotchaketa koatcha akoipishi itak sange shomoki ruwe ne.

korka, Kamuy hawturunpe anakne, ne utar kasuno naa tumasnu wa kiroro kor yakka, ne utar kusu Utarpa kotcake ta koatca akoypisi itak sanke somo ki ruwe ne.

οπου αγγελοι ισχυι και δυναμει μειζονες οντες ου φερουσιν κατ αυτων [παρα κυριω] παρα κυριου βλασφημον κρισιν

天使たちは、力も権能もはるかにまさっているにもかかわらず、主の御前で彼らをそしったり訴え出たりはしません。

Koroka, tan utara anak ramu-sakbe, chikoikip nepkoro gusu aki kuni an buri koro wa akoiki hene ki a wende hene ki kuni ne hekatu erampeutekbe koatcha, tan utara anak ne, koro ki oupeka sak pummaha gusu aewende,

Korka, tan utar anak ramu-sak pe, cikoykip nepkor kusu aki kuni an puri kor wa a=koyki hene ki a wente hene ki kuni ne hekatu eranpewtekpe koatca, tan utar anakne, kor ki owpeka sak pummaha kusu aewente,

ουτοι δε ως αλογα ζωα γεγεννημενα φυσικα εις αλωσιν και φθοραν εν οις αγνοουσιν βλασφημουντες εν τη φθορα αυτων και φθαρησονται

この者たちは、捕らえられ、殺されるために生まれてきた理性のない動物と同じで、知りもしないことをそしるのです。そういった動物が滅びるように、彼らも滅んでしまいます。

iwende ki wa son no poka awende kusu ne na; tokap to ta ko ibesam kuni ambe aenupetnerep ne sekoro yainu, echi newa piri-ushbe, echi tura no marapto ki ita echi koro omap gusu an marapto ko ibesam ruwe ne;

iwente ki wa sonno poka awente kusu ne na; tokap to ta ko ipesam kuni anpe aenupetnerep ne sekor yaynu, eci=newa piri-uspe, eci turano marapto ki hi ta eci=kor omap kusu an marapto ko ipesam ruwe ne;

αδικουμενοι μισθον αδικιας ηδονην ηγουμενοι την εν ημερα τρυφην σπιλοι και μωμοι εντρυφωντες εν ταις απαταις αυτων συνευωχουμενοι υμιν

不義を行う者は、不義にふさわしい報いを受けます。彼らは、昼間から享楽にふけるのを楽しみにしています。彼らは汚れやきずのようなもので、あなたがたと宴席に連なるとき、はめを外して騒ぎます。

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

kor sikihi anakne omoynu ani a=esik; katpak okakeanka eaykap; utumasi kewtum siren; kor sarape yaykosipuynere siriki; a=iyoytakus poho; owpeka ruhu emaka,

οφθαλμους εχοντες μεστους μοιχαλιδος και ακαταπαστους ακαταπαυστους αμαρτιας δελεαζοντες ψυχας αστηρικτους καρδιαν γεγυμνασμενην πλεονεξιας εχοντες καταρας τεκνα

その目は絶えず姦通の相手を求め、飽くことなく罪を重ねています。彼らは心の定まらない人々を誘惑し、その心は強欲におぼれ、呪いの子になっています。

aige, oupeka sakbe iki gusu an pummaha konoburu Beor poho Beraam kon ru otta apkash wa,

ayke, owpeka sak pe iki kusu an pummaha konopuru Beor poho Beraam kor ru or ta apkas wa,

καταλειποντες ευθειαν οδον επλανηθησαν εξακολουθησαντες τη οδω του βαλααμ του βεωρ βοσορ ος μισθον αδικιας ηγαπησεν

彼らは、正しい道から離れてさまよい歩き、ボソルの子バラムが歩んだ道をたどったのです。バラムは不義のもうけを好み、

ru turainu nisa ruwe ne; koroka, Shinuma anak ne yaikota ki ohaita buri gusu apakashnu nisa ruwe ne: shomo-itak roba anak ne, ainu hau sange hine nei uweingara guru kon ramusakbe hattoki nisa ruwe ne na.

ru turaynu nisa ruwe ne; korka, Sinuma anakne yaykota ki ohay ta puri kusu a=pakasnu nisa ruwe ne: somo-itak ropa anakne, aynu haw sanke hine ne ueinkar kur kor ramusakpe hattoki nisa ruwe ne na.

ελεγξιν δε εσχεν ιδιας παρανομιας υποζυγιον αφωνον εν ανθρωπου φωνη φθεγξαμενον εκωλυσεν την του προφητου παραφρονιαν

それで、その過ちに対するとがめを受けました。ものを言えないろばが人間の声で話して、この預言者の常軌を逸した行いをやめさせたのです。

Tan utara anak ne wakka sak shimpui ne, rerashui pashte rakura ne; nei utara gusu kurokok kunnep aeumashnu wa an na.

Tan utar anakne wakka sak sinpuy ne, rerasuy paste rakur ne; ne utar kusu kurokok kunnep aewmasnu wa an na.

ουτοι εισιν πηγαι ανυδροι και ομιχλαι υπο λαιλαπος ελαυνομεναι οις ο ζοφος του σκοτους τετηρηται

この者たちは、干上がった泉、嵐に吹き払われる霧であって、彼らには深い暗闇が用意されているのです。

Inambe gusu ne yakun, raka-sak ashipushkere wa an ambe sange hine, wenbe ki wa ishu utara orowa no ohaitare shiri okai utara, ramupekere ambe ani, kara oma ibeporore otta shiren ruwe ne gusu ne na;

Inanpe kusu ne yakun, raka-sak asipuskere wa an anpe sanke hine, wenpe ki wa i=su utar oro wano ohaytare siri okay utar, ramupekere anpe ani, kar oma ipeporore or ta siren ruwe ne kusu ne na;

υπερογκα γαρ ματαιοτητος φθεγγομενοι δελεαζουσιν εν επιθυμιαις σαρκος ασελγειαις τους ολιγως αποφευγοντας τους εν πλανη αναστρεφομενους

彼らは、無意味な大言壮語をします。また、迷いの生活からやっと抜け出て来た人たちを、肉の欲やみだらな楽しみで誘惑するのです。

yaikota aisamka gusu an ambe otta yaiusshiunere wa okai rapoketa, rengaine an raondum koropare kuni eitakamkire ruwe ne; inambe gusu ne yakun, orowa no aannokara gusu anak ne,

yaykota a=ysamka kusu an anpe or ta yayussiwnere wa okay rapoketa, renkayne an raontum korpare kuni eytakamkire ruwe ne; inanpe kusu ne yakun, orowano a=annokar kusu anakne,

ελευθεριαν αυτοις επαγγελλομενοι αυτοι δουλοι υπαρχοντες της φθορας ω γαρ τις ηττηται τουτω δεδουλωται

その人たちに自由を与えると約束しながら、自分自身は滅亡の奴隷です。人は、自分を打ち負かした者に服従するものです。

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

ne anpe or ta aussiwnere wa an na. Ne utar anakne Utarpa newa Kashiobiukip ne Yesu Kiristo eramu-an hi kusu mosir tur-uspe aohaytare okake ta, suy ne anpe kusu a=kisma wa a=annokar ciki, atpake an katuhu kasuno i=yos no an katuhu anakne utar kusu naa wenpe ne ruwe ne kusu ne na.

ει γαρ αποφυγοντες τα μιασματα του κοσμου εν επιγνωσει του κυριου [ημων] και σωτηρος ιησου χριστου τουτοις δε παλιν εμπλακεντες ηττωνται γεγονεν αυτοις τα εσχατα χειρονα των πρωτων

わたしたちの主、救い主イエス・キリストを深く知って世の汚れから逃れても、それに再び巻き込まれて打ち負かされるなら、そのような者たちの後の状態は、前よりずっと悪くなります。

Inambe gusu ne yakun, oupeka an ruhu eraman orowa no, orota akoropare ashkanne ikashpaotte emaka ambe kasu no, nei ambe atpaketa shomo eraman kuni i anak naa pirika ruwe ne na.

Inanpe kusu ne yakun, owpeka an ruhu eraman oro wano, oro ta a=korpare askanne ikaspaotte emaka anpe kasuno, ne anpe atpake ta somo eraman kuni i anak naa pirka ruwe ne na.

κρειττον γαρ ην αυτοις μη επεγνωκεναι την οδον της δικαιοσυνης η επιγνουσιν υποστρεψαι εκ της παραδοθεισης αυτοις αγιας εντολης

義の道を知っていながら、自分たちに伝えられた聖なる掟から離れ去るよりは、義の道を知らなかった方が、彼らのためによかったであろうに。

Nei utara gusu nei son no an itak-maukushtep korachi an na:— Seta anak ne yaikota sange eatup orun hosari, afuraye okere matne buta anak yachi oshiketa yaikirukiru gusu hosari ruwe tapan na.

Ne utar kusu ne sonno an itak-mawkustep koraci an na:— Seta anakne yaykota sanke eatup orun hosari, a=huraye okere matne puta anak yaci oske ta yaykirukiru kusu hosari ruwe tapan na.

συμβεβηκεν αυτοις το της αληθους παροιμιας κυων επιστρεψας επι το ιδιον εξεραμα και υς λουσαμενη εις κυλισμον βορβορου

ことわざに、「犬は、自分の吐いた物のところへ戻って来る」また、「豚は、体を洗って、また、泥の中を転げ回る」と言われているとおりのことが彼らの身に起こっているのです。

Aomap an utara, tambe anak ne echi utara gusu tu ikinne an ku nuye kambi ne ruwe ne; orowa, nei tup otta echi eshkarunde wa echi koro so ne an keutum ku chiukopoyere na;

A=omap an utar, tanpe anakne eci utar kusu tu ikinne an ku=nuye kampi ne ruwe ne; orowa, ne tup or ta eci eskarunte wa eci=kor so ne an kewtum ku ciwkopoyere na;

ταυτην ηδη αγαπητοι δευτεραν υμιν γραφω επιστολην εν αις διεγειρω υμων εν υπομνησει την ειλικρινη διανοιαν

愛する人たち、わたしはあなたがたに二度目の手紙を書いていますが、それは、これらの手紙によってあなたがたの記憶を呼び起こして、純真な心を奮い立たせたいからです。

ashkanne uweingara utara etokota ye itak hene echi eshkarun, samata, echi koro Apostoro utara gusu an Utarapa newa Kashiobiukip sange ikashpaotte hene echi eshkarun kuni ambe ne:

askanne ueinkar utar etoko ta ye itak hene eci=eskarun, sama ta, eci=kor Apostoro utar kusu an Utarpa newa Kashiobiukip sanke ikaspaotte hene eci=eskarun kuni anpe ne:

μνησθηναι των προειρημενων ρηματων υπο των αγιων προφητων και της των αποστολων υμων εντολης του κυριου και σωτηρος

聖なる預言者たちがかつて語った言葉と、あなたがたの使徒たちが伝えた、主であり救い主である方の掟を思い出してもらうためです。

tambe hoshiki no uonnere yan, okese an toho ta eoya-itak ki utara araki, orowa, yaikota koro ibeporore an keutum nei no kara wa eoya-itak ki,

tanpe hoskino uonnere yan, okes an toho ta e=oya-itak ki utar arki, orowa, yaykota kor ipeporore an kewtum néno kar wa e=oya-itak ki,

τουτο πρωτον γινωσκοντες οτι ελευσονται επ εσχατων των ημερων εν [εν] εμπαιγμονη εμπαικται κατα τας ιδιας επιθυμιας αυτων πορευομενοι

まず、次のことを知っていなさい。終わりの時には、欲望の赴くままに生活してあざける者たちが現れ、あざけって、

aige, ene itak kusu ne-hi; — Shinuma ek kuni eitakamkire ambe hunakta an a? inambe gusu ne yakun, ekashi utara mokonnoye orowa no, moshiri akara heashi wano, nep ne yakka ramma-ramma an na,

ayke, ene itak kusu ne hi; — Sinuma ek kuni eytakamkire anpe hunak ta an a? inanpe kusu ne yakun, ekasi utar mokonnoye oro wano, mosir a=kar heasi wano, nep ne yakka ramma-ramma an na,

και λεγοντες που εστιν η επαγγελια της παρουσιας αυτου αφ ης γαρ οι πατερες εκοιμηθησαν παντα ουτως διαμενει απ αρχης κτισεως

こう言います。「主が来るという約束は、いったいどうなったのだ。父たちが死んでこのかた、世の中のことは、天地創造の初めから何一つ変わらないではないか。」

ari an itak ani itak kusu ne. Nei utara anak ne hokamginʼno tambe oira, Kamui itak an gusu, fushko wano kando an, orowa, wakka orowa no etuk, wakka oshiketa roshki toitoi ka an na;

ari an itak ani itak kusu ne. Ne utar anakne hokamkin no tanpe oyra, Kamuy itak an kusu, husko wano kanto an, orowa, wakka oro wano etuk, wakka oske ta roski toytoy ka an na;

λανθανει γαρ αυτους τουτο θελοντας οτι ουρανοι ησαν εκπαλαι και γη εξ υδατος και δι υδατος συνεστωσα τω του θεου λογω

彼らがそのように言うのは、次のことを認めようとしないからです。すなわち、天は大昔から存在し、地は神の言葉によって水を元として、また水によってできたのですが、

nei okaibe ari nei rapoketa an raoshiri anak ne wakka ani akamure wa aisamka:

ne okaype ari ne rapoketa an raosiri anakne wakka ani a=kamure wa a=ysamka:

δι ων ο τοτε κοσμος υδατι κατακλυσθεις απωλετο

当時の世界は、その水によって洪水に押し流されて滅んでしまいました。

koroka, tane okai kando, toitoi tura kane, nei shinep ne an itak ari, akoipishi kuni toho, Kamui koatcha utara aisamka kuni toho pakno ashikkashima wa abe gusu aande wa an na

korka, tane okay kanto, toytoy tura kane, ne sinep ne an itak ari, akoypisi kuni toho, Kamuy koatca utar a=ysamka kuni toho pakno a=sikkasma wa ape kusu a=ante wa an na

οι δε νυν ουρανοι και η γη τω αυτω λογω τεθησαυρισμενοι εισιν πυρι τηρουμενοι εις ημεραν κρισεως και απωλειας των ασεβων ανθρωπων

しかし、現在の天と地とは、火で滅ぼされるために、同じ御言葉によって取っておかれ、不信心な者たちが裁かれて滅ぼされる日まで、そのままにしておかれるのです。

Koroka, aomap an utara, tan shine ambe iteki oira yan; Utarapa otta shine to anak ne ashikne shine wan hotne pa ukorachi ne, orowa, ashikne shine wan hotne pa anak shine to korachi ne ruwe ne.

Korka, a=omap an utar, tan sine anpe iteki oyra yan; Utarpa or ta sine to anakne asikne sine wan hotne pa ukoraci ne, orowa, asikne sine wan hotne pa anak sine to koraci ne ruwe ne.

εν δε τουτο μη λανθανετω υμας αγαπητοι οτι μια ημερα παρα κυριω ως χιλια ετη και χιλια ετη ως ημερα μια

愛する人たち、このことだけは忘れないでほしい。主のもとでは、一日は千年のようで、千年は一日のようです。

Okai utara esanniyo korachi Utarapa anak ne koro eitakamkire gusu moire shomo ne; koroka, nen ne yakka aisamka kuni ambe Shinuma konoburu shomoki no, utara obitta yaikokatpak kuni ambe konoburu wa, echi utara gusu ramushiporore ruwe ne na.

Okay utar esanniyo koraci Utarpa anakne kor eytakamkire kusu moyre somo ne; korka, nen ne yakka a=ysamka kuni anpe Sinuma konopuru somo ki no, utar opitta yaykokatpak kuni anpe konopuru wa, eci utar kusu ramusiporore ruwe ne na.

ου βραδυνει κυριος της επαγγελιας ως τινες βραδυτητα ηγουνται αλλα μακροθυμει εις υμας μη βουλομενος τινας απολεσθαι αλλα παντας εις μετανοιαν χωρησαι

ある人たちは、遅いと考えているようですが、主は約束の実現を遅らせておられるのではありません。そうではなく、一人も滅びないで皆が悔い改めるようにと、あなたがたのために忍耐しておられるのです。

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Korka, Utarpa topo anakne ikka kur koraci ek kusu ne; ne hi ta kanto anakne poro humi aste wa isam, orowa, kanto orunpe siri sesek wa nin, orowa, toytoy hene or ta okay iki p hene awhuyeka wa a=ysamka kusu ne na.

ηξει δε ημερα κυριου ως κλεπτης εν η οι ουρανοι ροιζηδον παρελευσονται στοιχεια δε καυσουμενα λυθησεται και γη και τα εν αυτη εργα ευρεθησεται

主の日は盗人のようにやって来ます。その日、天は激しい音をたてながら消えうせ、自然界の諸要素は熱に熔け尽くし、地とそこで造り出されたものは暴かれてしまいます。

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

Tap koraci tap okaype nin wa a=ysamka kuni anpe ne sekor ci eraman kusu, tur-sak no mosir koysu hene ki,

τουτων ουτως παντων λυομενων ποταπους δει υπαρχειν [υμας] εν αγιαις αναστροφαις και ευσεβειαις

このように、すべてのものは滅び去るのですから、あなたがたは聖なる信心深い生活を送らなければなりません。

Kamui ko-oripak hene ki, gusu kando uhuye wa nin, kando orunbe shiri seisek wa ru Kamui toho ek kuni ambe shi no chipachipa hine ehuye hene ki wa, nekon a okai utara chi ne kunip etokosh ruwe he an?

Kamuy ko-oripak hene ki, kusu kanto uhuy wa nin, kanto orunpe siri sesek wa ru Kamuy toho ek kuni anpe sino cipacipa hine ehuy hene ki wa, nekona okay utar ci ne kunip etokos ruwe he an?

προσδοκωντας και σπευδοντας την παρουσιαν της του θεου ημερας δι ην ουρανοι πυρουμενοι λυθησονται και στοιχεια καυσουμενα τηκεται

神の日の来るのを待ち望み、また、それが来るのを早めるようにすべきです。その日、天は焼け崩れ、自然界の諸要素は燃え尽き、熔け去ることでしょう。

Koroka, Shinuma ki eitakamkire ambe nei no, otta oupeka ambe oshiroma ashiri kando ashiri toitoi chi ehuye korʼan ruwe ne.

Korka, Sinuma ki eytakamkire anpe néno, or ta owpeka anpe osiroma a=siri kanto a=siri toytoy ci ehuy kor an ruwe ne.

καινους δε ουρανους και γην καινην κατα το επαγγελμα αυτου προσδοκωμεν εν οις δικαιοσυνη κατοικει

しかしわたしたちは、義の宿る新しい天と新しい地とを、神の約束に従って待ち望んでいるのです。

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

Tanpe kusu, a=omap an utar, tap okaype eci=ehuy wa okay kusu, eci utar anakne Sinuma tek-sama ta eci=sak no, piri isam no, i=tom an no a=nukar kuni ne siarikiki no kar yan.

διο αγαπητοι ταυτα προσδοκωντες σπουδασατε ασπιλοι και αμωμητοι αυτω ευρεθηναι εν ειρηνη

だから、愛する人たち、このことを待ち望みながら、きずや汚れが何一つなく、平和に過ごしていると神に認めていただけるように励みなさい。

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

Orowa, ci=kor Utarpa ramu-siporore hi anakne kasiopiwki anpe ne sekor esanniyo yan; ci=kor omap an irwak ne Pawros ne yakka oro ta a=kore wayasnu hi koraci eci kusu nuye néno ki yan; Sinuma anakne opitta nuye kampi kata poka tap okaype kusu ye na;

και την του κυριου ημων μακροθυμιαν σωτηριαν ηγεισθε καθως και ο αγαπητος ημων αδελφος παυλος κατα την δοθεισαν αυτω σοφιαν εγραψεν υμιν

また、わたしたちの主の忍耐深さを、救いと考えなさい。それは、わたしたちの愛する兄弟パウロが、神から授かった知恵に基づいて、あなたがたに書き送ったことでもあります。

nei oshiketa eramuhokamba orushpe okai, aine, erampeutek wa utumashire utara anak ne yaikota isamka gusu moshima okai Kamui kambi poka oheugere korachi, nei ambe ne yakka oheugere ruwe ne.

ne oske ta eramuhokanpa oruspe okay, ayne, eranpewtek wa utumasire utar anakne yaykota isamka kusu mosma okay Kamuy kampi poka ohewkere koraci, ne anpe ne yakka ohewkere ruwe ne.

ως και εν πασαις επιστολαις λαλων εν αυταις περι τουτων εν αις εστιν δυσνοητα τινα α οι αμαθεις και αστηρικτοι στρεβλουσιν ως και τας λοιπας γραφας προς την ιδιαν αυτων απωλειαν

彼は、どの手紙の中でもこのことについて述べています。その手紙には難しく理解しにくい個所があって、無学な人や心の定まらない人は、それを聖書のほかの部分と同様に曲解し、自分の滅びを招いています。

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

Tanpe kusu, a=omap an utar, eci utar anakne etoko wano eraman kusu, ikineypeka, katpak kor utar kor ohaytap ani a=ekira wa, yaykota kor utumasi somo ki anpe iteki awtumasire kuni ne yaytupare yan.

υμεις ουν αγαπητοι προγινωσκοντες φυλασσεσθε ινα μη τη των αθεσμων πλανη συναπαχθεντες εκπεσητε του ιδιου στηριγμου

それで、愛する人たち、あなたがたはこのことをあらかじめ知っているのですから、不道徳な者たちに唆されて、堅固な足場を失わないように注意しなさい。

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

Korka, ci=kor Utarpa newa un Kashiobiukip ne Yesu Kiristo kusu an irenka newa eramuspe oske ta sukup yan. Sinuma oro ta tane ne yakka otu sasuysir pakno ne yakka nupeki an na. Amen.

αυξανετε δε εν χαριτι και γνωσει του κυριου ημων και σωτηρος ιησου χριστου αυτω η δοξα και νυν και εις ημεραν αιωνος [αμην]

わたしたちの主、救い主イエス・キリストの恵みと知識において、成長しなさい。このイエス・キリストに、今も、また永遠に栄光がありますように、アーメン。