PETROS SANGEATPAKE AN KATORIK KAMBI.

Yesu Kiristo koro apostoro ne Petros anak ne, Michi ne Kamui etoko wano eraman korachi, Yesu Kiristo koro kem aota ambe newa itaknu ambe gusu Ramat ani aashkannere wa,

Yesu Kiristo kor apostoro ne Petros anakne, Mici ne Kamuy etoko wano eraman koraci, Yesu Kiristo kor kem a=o ta anpe newa itak nu anpe kusu Ramat ani aaskannere wa,

πετρος αποστολος ιησου χριστου εκλεκτοις παρεπιδημοις διασπορας ποντου γαλατιας καππαδοκιας ασιας και βιθυνιας

イエス・キリストの使徒ペトロから、ポントス、ガラテヤ、カパドキア、アジア、ビティニアの各地に離散して仮住まいをしている選ばれた人たちへ。

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

Pontus, Garatia, Kappadokia, Asia newa Bitunia ta cicari hine riya wa okay a=numke utar or ta kampi omante: irenka newa i=tom eci kusu a=porore an na.

κατα προγνωσιν θεου πατρος εν αγιασμω πνευματος εις υπακοην και ραντισμον αιματος ιησου χριστου χαρις υμιν και ειρηνη πληθυνθειη

あなたがたは、父である神があらかじめ立てられた御計画に基づいて、“霊”によって聖なる者とされ、イエス・キリストに従い、また、その血を注ぎかけていただくために選ばれたのです。恵みと平和が、あなたがたにますます豊かに与えられるように。

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

Okes an hi ta eysokor hi ani kasiaopiwki wa okay kunak a=nukar kuni ne a=etoko-oyki wa okay Kamuy kiroro ani a=epunkine eci utar,

ευλογητος ο θεος και πατηρ του κυριου ημων ιησου χριστου ο κατα το πολυ αυτου ελεος αναγεννησας ημας εις ελπιδα ζωσαν δι αναστασεως ιησου χριστου εκ νεκρων

わたしたちの主イエス・キリストの父である神が、ほめたたえられますように。神は豊かな憐れみにより、わたしたちを新たに生まれさせ、死者の中からのイエス・キリストの復活によって、生き生きとした希望を与え、

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,

kanto oske ta ewmasnu wa an munin somo ki, tur-sak wa, somo sumumke eykeskorope sikkasmare kuni ne, ray oro wano Yesu Kiristo hetopo-siknure anpe ani kor poro ranpoken kusu i=su cipacipa kuni anpe or ta hetopo un sikore,

εις κληρονομιαν αφθαρτον και αμιαντον και αμαραντον τετηρημενην εν ουρανοις εις υμας

また、あなたがたのために天に蓄えられている、朽ちず、汚れず、しぼまない財産を受け継ぐ者としてくださいました。

chikoro Utarapa ne Yesu Kiristo koro Michi newa Kamui anak ne airamye an na.

ci=kor Utarpa ne Yesu Kiristo kor Mici newa Kamuy anakne a=yramye an na.

τους εν δυναμει θεου φρουρουμενους δια πιστεως εις σωτηριαν ετοιμην αποκαλυφθηναι εν καιρω εσχατω

あなたがたは、終わりの時に現されるように準備されている救いを受けるために、神の力により、信仰によって守られています。

Tambe otta, echi koro eishokor-i akoramnukara ambe anak ne, abe ani turu-sakte yakka munin kongani kasu no nupuru wa, Yesu Kiristo anukara ita airamye, anupekte, aeoripakka an kuni ne, tane irukai aki etokosh yakun,

Tanpe or ta, eci=kor eysokor hi a=koramnukar anpe anakne, ape ani tur-sakte yakka munin konkani kasuno nupur wa, Yesu Kiristo a=nukar hi ta a=yramye, anupekte, aeoripakka an kuni ne, tane irukay aki etokos yakun,

εν ω αγαλλιασθε ολιγον αρτι ει δεον [εστιν] λυπηθεντες εν ποικιλοις πειρασμοις

それゆえ、あなたがたは、心から喜んでいるのです。今しばらくの間、いろいろな試練に悩まねばならないかもしれませんが、

inne no okai auwande ambe an gusu echi oknatara yakka, poron no chi utara nupetne ruwe ne.

inne no okay a=uwante anpe an kusu eci=oknatara yakka, poronno ci utar nupetne ruwe ne.

ινα το δοκιμιον υμων της πιστεως πολυτιμοτερον χρυσιου του απολλυμενου δια πυρος δε δοκιμαζομενου ευρεθη εις επαινον και δοξαν και τιμην εν αποκαλυψει ιησου χριστου

あなたがたの信仰は、その試練によって本物と証明され、火で精錬されながらも朽ちるほかない金よりはるかに尊くて、イエス・キリストが現れるときには、称賛と光栄と誉れとをもたらすのです。

Shomo Shinuma echi nukara yakka ko-omap ruwe ne; tane shomo echi nukara yakka, Shinuma eishokoro wa nupeki ani aeshik aye eaikap pakno an nupetne ambe ani echi poron no enupetne ruwe ne: aige,

Somo Sinuma eci=nukar yakka ko-omap ruwe ne; tane somo eci=nukar yakka, Sinuma eysokor wa nupeki ani a=esik a=ye eaykap pakno an nupetne anpe ani eci poronno enupetne ruwe ne: ayke,

ον ουκ ιδοντες αγαπατε εις ον αρτι μη ορωντες πιστευοντες δε αγαλλιατε αγαλλιασθε χαρα ανεκλαλητω και δεδοξασμενη

あなたがたは、キリストを見たことがないのに愛し、今見なくても信じており、言葉では言い尽くせないすばらしい喜びに満ちあふれています。

gusu echi eishokoro ki ambe, echi kon ramat kashiaobiuki ambe echi kon ruwe ne na.

kusu eci=eysokor ki anpe, eci=kor ramat kasiaopiwki anpe eci=kor ruwe ne na.

κομιζομενοι το τελος της πιστεως [υμων] σωτηριαν ψυχων

それは、あなたがたが信仰の実りとして魂の救いを受けているからです。

Nei kashiobiuki-hi gusu, echi utara gusu an irenga gusu uweingara ki uweingara utara anak ne shiarikiki no hunara wa uwepekennu nisa ruwe ne; nei utara onnaigeta an Kiristo kon Ramat anak ne,

Ne kasiopiwki hi kusu, eci utar kusu an irenka kusu ueinkar ki ueinkar utar anakne siarikiki no hunara wa uwepekennu nisa ruwe ne; ne utar onnayke ta an Kiristo kor Ramat anakne,

περι ης σωτηριας εξεζητησαν και εξηραυνησαν προφηται οι περι της εις υμας χαριτος προφητευσαντες

この救いについては、あなたがたに与えられる恵みのことをあらかじめ語った預言者たちも、探求し、注意深く調べました。

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

etoko wano Kiristo ayayramsitnere anpe hene, okake ta an kusu ne nupeki anpe pawetesu ki hi ta nekona paha epeka ruwe he an? ne utar cimcimi nisa ruwe ne.

εραυνωντες εις τινα η ποιον καιρον εδηλου το εν αυτοις πνευμα χριστου προμαρτυρομενον τα εις χριστον παθηματα και τας μετα ταυτα δοξας

預言者たちは、自分たちの内におられるキリストの霊が、キリストの苦難とそれに続く栄光についてあらかじめ証しされた際、それがだれを、あるいは、どの時期を指すのか調べたのです。

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

Kanto oro wano aette Askanne Ramat ani eci oro ta pirka sonko ewpaskuma ki utar an kuskeray eci=a=nure tan okaype yaykota kusu ki somo ki no, eci utar kusu ki ruwe ne anpe ne utar a=eramante nisa ruwe ne na; Kamuy hawturunpe ne okaype esanniyo rusuy nisa ruwe ne na.

οις απεκαλυφθη οτι ουχ εαυτοις υμιν δε διηκονουν αυτα α νυν ανηγγελη υμιν δια των ευαγγελισαμενων υμας [εν] πνευματι αγιω αποσταλεντι απ ουρανου εις α επιθυμουσιν αγγελοι παρακυψαι

彼らは、それらのことが、自分たちのためではなく、あなたがたのためであるとの啓示を受けました。それらのことは、天から遣わされた聖霊に導かれて福音をあなたがたに告げ知らせた人たちが、今、あなたがたに告げ知らせており、天使たちも見て確かめたいと願っているものなのです。

Tambe gusu, echi koro keutum ta kut koro wa yairamatte yan, orowa, Yesu Kiristo anukara ita echi utara gusu hetuku irenga utumashi shomoki no echipachipa yan;

Tanpe kusu, eci=kor kewtum ta kut kor wa yayramatte yan, orowa, Yesu Kiristo a=nukar hi ta eci utar kusu hetuku irenka utumasi somo ki no ecipacipa yan;

διο αναζωσαμενοι τας οσφυας της διανοιας υμων νηφοντες τελειως ελπισατε επι την φερομενην υμιν χαριν εν αποκαλυψει ιησου χριστου

だから、いつでも心を引き締め、身を慎んで、イエス・キリストが現れるときに与えられる恵みを、ひたすら待ち望みなさい。

itaknu poho utara korachi ki wa eramushkare ita ki korachi iteki ibeporore ambe otta yaikoropare yan:

itak nu poho utar koraci ki wa eramuskare hi ta ki koraci iteki ipeporore anpe or ta yaykorpare yan:

ως τεκνα υπακοης μη συσχηματιζομενοι ταις προτερον εν τη αγνοια υμων επιθυμιαις

無知であったころの欲望に引きずられることなく、従順な子となり、

koroka, echi tak Kamui anak ne turu-sak korachi, nep ne yakka gusu echi utara ne yakka turu-sak no okai yan;

korka, eci=tak Kamuy anakne tur-sak koraci, nep ne yakka kusu eci utar ne yakka tur-sak no okay yan;

αλλα κατα τον καλεσαντα υμας αγιον και αυτοι αγιοι εν παση αναστροφη γενηθητε

召し出してくださった聖なる方に倣って、あなたがた自身も生活のすべての面で聖なる者となりなさい。

kuani anak ne ashkanne ruwe ne gusu, echi utara ne yakka ashkanne ne kusu ne, sekoro chieshinnuye wa an ruwe ne gusu ne na.

kuani anakne askanne ruwe ne kusu, eci utar ne yakka askanne ne kusu ne, sekor ciesinnuye wa an ruwe ne kusu ne na.

διοτι γεγραπται [οτι] αγιοι εσεσθε οτι εγω αγιος [ειμι]

「あなたがたは聖なる者となれ。わたしは聖なる者だからである」と書いてあるからです。

Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

Orowa, aynu kasiramu somo ki no pisno pisno an kur kor iki p an koraci koypisi Kamuy, Mici nep kor koraci eci konisuk yakanak ne

και ει πατερα επικαλεισθε τον απροσωπολημπτως κρινοντα κατα το εκαστου εργον εν φοβω τον της παροικιας υμων χρονον αναστραφητε

また、あなたがたは、人それぞれの行いに応じて公平に裁かれる方を、「父」と呼びかけているのですから、この地上に仮住まいする間、その方を畏れて生活すべきです。

ishitoma an on teda oshiroma yan: aige, tambe onnere yan, echi utara anak ne echi koro ekashi epakashnu raka isam no an ki buri orowa no, munin kuni shirokani ani hene kongani ani hene echi kikiaraye shomo ne,

isitoma an on teta osiroma yan: ayke, tanpe onnere yan, eci utar anakne eci=kor ekasi epakasnu raka isam no an ki puri oro wano, munin kuni sirokani ani hene konkani ani hene eci kikiaraye somo ne,

ειδοτες οτι ου φθαρτοις αργυριω η χρυσιω ελυτρωθητε εκ της ματαιας υμων αναστροφης πατροπαραδοτου

知ってのとおり、あなたがたが先祖伝来のむなしい生活から贖われたのは、金や銀のような朽ち果てるものにはよらず、

koroka, turu-sak no echi-sak no an pon hitsuji korachi an Kiristo koro nupuru kem ani poka echi kikiaraye an na:

korka, tur-sak no eci-sak no an pon hitsuji koraci an Kiristo kor nupur kem ani poka eci kikiaraye an na:

αλλα τιμιω αιματι ως αμνου αμωμου και ασπιλου χριστου

きずや汚れのない小羊のようなキリストの尊い血によるのです。

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;

Sinuma anakne mosir asama a=ante etoko wano a=ermu anpe ne, korka, eci utar kusu pakihi okeseketa a=nukare nisa ruwe ne;

προεγνωσμενου μεν προ καταβολης κοσμου φανερωθεντος δε επ εσχατου των χρονων δι υμας

キリストは、天地創造の前からあらかじめ知られていましたが、この終わりの時代に、あなたがたのために現れてくださいました。

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

eci utar anakne Kamuy or ta eysokor hene ki cipacipa hene ki kuni ne, Sinuma ray hi oro wano hetopo-siknure wa or ta nupeki korpare Kamuy or ta, Sinuma kusu eysokor hi ki utar eci ne ruwe ne.

τους δι αυτου πιστους εις θεον τον εγειραντα αυτον εκ νεκρων και δοξαν αυτω δοντα ωστε την πιστιν υμων και ελπιδα ειναι εις θεον

あなたがたは、キリストを死者の中から復活させて栄光をお与えになった神を、キリストによって信じています。従って、あなたがたの信仰と希望とは神にかかっているのです。

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

Eci utar anakne ohewke sak no irwak utar omap hemhem ki, sonep or ta itak nu hemhem eci=ki hi ani kor ramat eci=tur-sakte okere kusu, orowa,

τας ψυχας υμων ηγνικοτες εν τη υπακοη της αληθειας εις φιλαδελφιαν ανυποκριτον εκ [καθαρας] καρδιας αλληλους αγαπησατε εκτενως

あなたがたは、真理を受け入れて、魂を清め、偽りのない兄弟愛を抱くようになったのですから、清い心で深く愛し合いなさい。

munin kuni piyehe ani shomo ne, koroka, shiknu wa okai Kamui itak ani munin shomoki piyehe ani echi hekatu wa an gusu, shiarikiki no ramuosshi wano utashpa uweomap yan.

munin kuni piyehe ani somo ne, korka, siknu wa okay Kamuy itak ani munin somo ki piyehe ani eci=hekatu wa an kusu, siarikiki no ramuossi wano utaspa uweomap yan.

αναγεγεννημενοι ουκ εκ σπορας φθαρτης αλλα αφθαρτου δια λογου ζωντος θεου και μενοντος

あなたがたは、朽ちる種からではなく、朽ちない種から、すなわち、神の変わることのない生きた言葉によって新たに生まれたのです。

Inambe gusu ne yakun, Obitta no okai kam anak ne mun korachi ne. Nei tombe-i anak ne mun ponno ukorachi ne ruwe ne. Mun anak ne shumumge, nei nonno rapapse:

Inanpe kusu ne yakun, Opittano okay kam anakne mun koraci ne. Ne tonpe hi anakne mun ponno ukoraci ne ruwe ne. Mun anakne sumumke, ne nonno rapapse:

διοτι πασα σαρξ ως χορτος και πασα δοξα αυτης ως ανθος χορτου εξηρανθη ο χορτος και το ανθος εξεπεσεν

こう言われているからです。「人は皆、草のようで、その華やかさはすべて、草の花のようだ。草は枯れ、花は散る。

Koroka, Utarapa itak anak ne otusashuishiri pakno an ruwe tapan na. Orowa tan itak anak ne echi utara otta eupaskuma an pirika shongo ne ruwe ne na.

Korka, Utarpa itak anakne otu sasuysir pakno an ruwe tapan na. Orowa tan itak anakne eci utar or ta ewpaskuma an pirka sonko ne ruwe ne na.

το δε ρημα κυριου μενει εις τον αιωνα τουτο δε εστιν το ρημα το ευαγγελισθεν εις υμας

しかし、主の言葉は永遠に変わることがない。」これこそ、あなたがたに福音として告げ知らされた言葉なのです。

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

Tanpe kusu opittano okay wenpe hene, opittano okay kokantama anpe hene, kankapkapeka anpe hene, eyaytunnap ki anpe hene, opittano okay wen itak sanke anpe hene oyak ta ante yan;

αποθεμενοι ουν πασαν κακιαν και παντα δολον και υποκρισιν υποκρισεις και φθονους και πασας καταλαλιας

だから、悪意、偽り、偽善、ねたみ、悪口をみな捨て去って、

kashiaobiuki gusu echi shukup kuni ne, tane shiko aiai korachi,

kasiaopiwki kusu eci=sukup kuni ne, tane siko ayay koraci,

ως αρτιγεννητα βρεφη το λογικον αδολον γαλα επιποθησατε ινα εν αυτω αυξηθητε εις σωτηριαν

生まれたばかりの乳飲み子のように、混じりけのない霊の乳を慕い求めなさい。これを飲んで成長し、救われるようになるためです。

Utarapa anak ne irenga an ambe ne sekoro echi sapke wa nu okere chiki, wenbe sak no an ramu oma tope ekatnu yan:

Utarpa anakne irenka an anpe ne sekor eci=sapke wa nu okere ciki, wenpe sak no an ramu oma tope ekatnu yan:

ει εγευσασθε οτι χρηστος ο κυριος

あなたがたは、主が恵み深い方だということを味わいました。

utara orowa no aemaka yakka, Kamui numge shiknu wa an aeoripak an shuma ne Shinuma orota araki yan;

utar oro wano a=emaka yakka, Kamuy numke siknu wa an a=eoripak an suma ne Sinuma oro ta arki yan;

προς ον προσερχομενοι λιθον ζωντα υπο ανθρωπων μεν αποδεδοκιμασμενον παρα δε θεω εκλεκτον εντιμον

この主のもとに来なさい。主は、人々からは見捨てられたのですが、神にとっては選ばれた、尊い、生きた石なのです。

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

eci utar ne yakka siknu suma ne koraci, Yesu Kiristo ani Kamuy nupetnere ramat oma yankep yanke kuni ne, Kamuy or ta yaysieywankere askanne utar eci ne kuni kusu, ramat oma cise ne eci=kar an na.

και αυτοι ως λιθοι ζωντες οικοδομεισθε οικος πνευματικος εις ιερατευμα αγιον ανενεγκαι πνευματικας θυσιας ευπροσδεκτους [τω] θεω δια ιησου χριστου

あなたがた自身も生きた石として用いられ、霊的な家に造り上げられるようにしなさい。そして聖なる祭司となって神に喜ばれる霊的ないけにえを、イエス・キリストを通して献げなさい。

Inambe gusu ne yakun, Kamui kambi kata ene an na; — Ingarʼan, Zion otta anumge, aeoripak an sapane shikkiu nep Ku ande ruwe ne: Nei ambe eishokoro gurʼanak ne shomo ayainikoroshmare kusu ne na.

Inanpe kusu ne yakun, Kamuy kampi kata ene an na; — Inkar=an, Zion or ta a=numke, a=eoripak an sapane sikkiw nep Ku=ante ruwe ne: Ne anpe eysokor kur anakne somo ayaynikorosmare kusu ne na.

διοτι περιεχει εν γραφη ιδου τιθημι εν σιων λιθον εκλεκτον ακρογωνιαιον ακρογωνιαιον εκλεκτον εντιμον και ο πιστευων επ αυτω ου μη καταισχυνθη

聖書にこう書いてあるからです。「見よ、わたしは、選ばれた尊いかなめ石を、シオンに置く。これを信じる者は、決して失望することはない。」

Tambe gusu, eishokoro ki echi utara gusu tan aeoripak ambe an: koroka, shomo eishokoro ki utara gusu, Chisei kara utara emaka shuma anak ne, Nei shuma anak shikkiu sapane shuma ne akara nisa ruwe ne;

Tanpe kusu, eysokor ki eci utar kusu tan a=eoripak anpe an: korka, somo eysokor ki utar kusu, Cise kar utar emaka suma anakne, Ne suma anak sikkiw sapane suma ne a=kar nisa ruwe ne;

υμιν ουν η τιμη τοις πιστευουσιν απιστουσιν δε λιθος ον απεδοκιμασαν οι οικοδομουντες ουτος εγενηθη εις κεφαλην γωνιας

従って、この石は、信じているあなたがたには掛けがえのないものですが、信じない者たちにとっては、「家を建てる者の捨てた石、これが隅の親石となった」のであり、

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.

Orowa, Esitciwre kuni suma, epetciwre kuni watara ne a=kar nisa ruwe ne: inanpe kusu ne yakun, ne utar itakkasi wa esitciw ruwe ne; ne anpe kusu poka ne utar anakne a=aste nisa ruwe ne.

και λιθος προσκομματος και πετρα σκανδαλου οι προσκοπτουσιν τω λογω απειθουντες εις ο και ετεθησαν

また、「つまずきの石、妨げの岩」なのです。彼らは御言葉を信じないのでつまずくのですが、実は、そうなるように以前から定められているのです。

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

Korka, kunne hi wano kor iyokunnure an peker or ta eci=tak Kamuy kor pirka anpe assuru aste kuni ne eci utar anakne a=numke an utar eci ne, esapane kur kor Kamuy or ta yaysieywankere utar eci ne, askanne uyrup eci ne, Kamuy yaykota sikkasima kuni utar eci ne ruwe ne:

υμεις δε γενος εκλεκτον βασιλειον ιερατευμα εθνος αγιον λαος εις περιποιησιν οπως τας αρετας εξαγγειλητε του εκ σκοτους υμας καλεσαντος εις το θαυμαστον αυτου φως

しかし、あなたがたは、選ばれた民、王の系統を引く祭司、聖なる国民、神のものとなった民です。それは、あなたがたを暗闇の中から驚くべき光の中へと招き入れてくださった方の力ある業を、あなたがたが広く伝えるためなのです。

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

etoko ta anakne uyrup utar somo eci ne, korka, tane anak Kamuy utar eci ne ruwe ne: etoko ta anak eranpokiwen wa a=kore somo ki, korka, tane a=eranpokiwen wa okay na.

οι ποτε ου λαος νυν δε λαος θεου οι ουκ ηλεημενοι νυν δε ελεηθεντες

あなたがたは、「かつては神の民ではなかったが、今は神の民であり、憐れみを受けなかったが、今は憐れみを受けている」のです。

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

A=omap an utar, eci utar anakne payekay utar ne, irukay rewsi utar koraci eci ne wa kusu, ramat kotumikor wa okay kam oma ipeporore anpe somo eci=ki kuni eci onisnisi as na;

αγαπητοι παρακαλω ως παροικους και παρεπιδημους απεχεσθαι των σαρκικων επιθυμιων αιτινες στρατευονται κατα της ψυχης

愛する人たち、あなたがたに勧めます。いわば旅人であり、仮住まいの身なのですから、魂に戦いを挑む肉の欲を避けなさい。

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

Oya utar tumke ta okay rapoketa yayramatte wa okay yan: ne utar eci iyohaykekara wa wenpe ki kur eci ne sekor ye ciki, eci=ki pirka iki p nukar hine a=esanniyo toho ta ne utar Kamuy ramye kuni ne néno kar yan.

την αναστροφην υμων εν τοις εθνεσιν εχοντες καλην ινα εν ω καταλαλουσιν υμων ως κακοποιων εκ των καλων εργων εποπτευοντες δοξασωσιν τον θεον εν ημερα επισκοπης

また、異教徒の間で立派に生活しなさい。そうすれば、彼らはあなたがたを悪人呼ばわりしてはいても、あなたがたの立派な行いをよく見て、訪れの日に神をあがめるようになります。

Utarapa gusu utara aashtep otta koitaknu yan;

Utarpa kusu utar aastep or ta koytaknu yan;

υποταγητε παση ανθρωπινη κτισει δια τον κυριον ειτε βασιλει ως υπερεχοντι

主のために、すべて人間の立てた制度に従いなさい。それが、統治者としての皇帝であろうと、

iyotta pase Ahekote nishpa otta hene, wen-buri ki utara panakte hemhem ki, pirikap ki utara ramye hemhem ki kuni Shinuma orowa no aette epungine utara otta hene ne yakka ki yan.

iyotta pase A=hekote nispa or ta hene, wen-puri ki utar panakte hemhem ki, pirka p ki utar ramye hemhem ki kuni Sinuma oro wano aette epunkine utar or ta hene ne yakka ki yan.

ειτε ηγεμοσιν ως δι αυτου πεμπομενοις εις εκδικησιν κακοποιων επαινον δε αγαθοποιων

あるいは、悪を行う者を処罰し、善を行う者をほめるために、皇帝が派遣した総督であろうと、服従しなさい。

Inambe gusu ne yakun, echi utara anak ne pirikap ki-hi ani ramu-sak utara erampeutekbe raore kuni ambe anak ne, Kamui irenga ne ruwe ne:

Inanpe kusu ne yakun, eci utar anakne pirka p ki hi ani ramu-sak utar eranpewtekpe raore kuni anpe anakne, Kamuy irenka ne ruwe ne:

οτι ουτως εστιν το θελημα του θεου αγαθοποιουντας φιμοιν φιμουν την των αφρονων ανθρωπων αγνωσιαν

善を行って、愚かな者たちの無知な発言を封じることが、神の御心だからです。

rengaine an mondum koro yakka wenbe akamurep ne gusu iteki nei a echi koro rengaine an mondum koro yan; koroka, Kamui usshiune utara korachi echi okai yan.

renkayne an montum kor yakka wenpe akamurep ne kusu iteki ne a eci=kor renkayne an montum kor yan; korka, Kamuy ussiw ne utar koraci eci=okay yan.

ως ελευθεροι και μη ως επικαλυμμα εχοντες της κακιας την ελευθεριαν αλλ ως θεου δουλοι

自由な人として生活しなさい。しかし、その自由を、悪事を覆い隠す手だてとせず、神の僕として行動しなさい。

Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

Opittano okay utar ko-oripak yan. Irwak ne utar omap yan. Kamuy koysitoma yan. A=hekote nispa ko-oripak yan.

παντας τιμησατε την αδελφοτητα αγαπατε τον θεον φοβεισθε τον βασιλεα τιματε

すべての人を敬い、兄弟を愛し、神を畏れ、皇帝を敬いなさい。

Auitek utara, ishitoma ki wa koro nishpane utara otta koitaknu yan; ouse pirikap newa rotcha guru otta patek shomo ne, koroka, niwen guru otta ne yakka ki yan.

awitek utar, isitoma ki wa kor nispane utar or ta koytaknu yan; owse pirka p newa rotca kur or ta patek somo ne, korka, niwen kur or ta ne yakka ki yan.

οι οικεται υποτασσομενοι εν παντι φοβω τοις δεσποταις ου μονον τοις αγαθοις και επιεικεσιν αλλα και τοις σκολιοις

召し使いたち、心からおそれ敬って主人に従いなさい。善良で寛大な主人にだけでなく、無慈悲な主人にもそうしなさい。

Nen ka Kamui ko-oripak an gusu ikkewe sak no ayairamshitnere, aige, nei sarabe oknatara ambe eyaishiporore yakun, tambe anak ne irenga ne ruwe ne.

Nen ka Kamuy ko-oripak an kusu ikkewe sak no ayayramsitnere, ayke, ne sarape oknatara anpe eyaysiporore yakun, tanpe anakne irenka ne ruwe ne.

τουτο γαρ χαρις ει δια συνειδησιν θεου υποφερει τις λυπας πασχων αδικως

不当な苦しみを受けることになっても、神がそうお望みだとわきまえて苦痛を耐えるなら、それは御心に適うことなのです。

Katpak echi ki gusu shirikik an wa echi yaishiporore yakka, nekon a airamye kuni ambe an a? Koroka, pirikap echi iki wa gusu echi ayairamshitnere hine eyaishiporore chiki, tambe anak Kamui gusu an irenga ne ruwe ne.

katpak eci=ki kusu sirkik an wa eci=yaysiporore yakka, nekona a=yramye kuni anpe an a? Korka, pirka p eci=iki wa kusu eci ayayramsitnere hine eyaysiporore ciki, tanpe anak Kamuy kusu an irenka ne ruwe ne.

ποιον γαρ κλεος ει αμαρτανοντες και κολαφιζομενοι υπομενειτε αλλ ει αγαθοποιουντες και πασχοντες υπομενειτε τουτο χαρις παρα θεω

罪を犯して打ちたたかれ、それを耐え忍んでも、何の誉れになるでしょう。しかし、善を行って苦しみを受け、それを耐え忍ぶなら、これこそ神の御心に適うことです。

Tambe gusu, echi anishuk nisa ruwe ne: inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne:

Tanpe kusu, eci=a=nisuk nisa ruwe ne: inanpe kusu ne yakun, Kiristo ne yakka eci utar kusu ayayramsitnere, awa, ne koci or ta eci=kari kuni ne, eci utar kusu aykoykarape ante nisa ruwe ne:

εις τουτο γαρ εκληθητε οτι και χριστος επαθεν υπερ υμων υμιν υπολιμπανων υπογραμμον ινα επακολουθησητε τοις ιχνεσιν αυτου

あなたがたが召されたのはこのためです。というのは、キリストもあなたがたのために苦しみを受け、その足跡に続くようにと、模範を残されたからです。

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

Sinuma anakne katpak seenne ki, kor paro or ta kokantama anpe ne yakka a=nukar somo ki nisa ruwe ne:

ος αμαρτιαν ουκ εποιησεν ουδε ευρεθη δολος εν τω στοματι αυτου

「この方は、罪を犯したことがなく、その口には偽りがなかった。」

Shinuma, aiyoitakushi ita, shomo tasa oitakushi ki; ayairamshitnere ita kosakayokara shomoki; koroka, oupeka no koipishi guru otta yaikoropare nisa ruwe ne:

Sinuma, a=iyoytakus hi ta, somo tasa oytakusi ki; ayayramsitnere hi ta kosakayokar somo ki; korka, owpekano koypisi kur or ta yaykorpare nisa ruwe ne:

ος λοιδορουμενος ουκ αντελοιδορει πασχων ουκ ηπειλει παρεδιδου δε τω κρινοντι δικαιως

ののしられてもののしり返さず、苦しめられても人を脅さず、正しくお裁きになる方にお任せになりました。

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

Sinuma yaykota kor netopake oske ta ci=kor ci=kokatpak kor hine cikuni or ta sey wa arpa, ne anpe anakne ci utar katpak or ta ray wa owpekap or ta siknu kusu ne a anpe ne; Sinuma a=kore sirkik hi kusu eci utar aywankere nisa ruwe ne.

ος τας αμαρτιας ημων αυτος ανηνεγκεν εν τω σωματι αυτου επι το ξυλον ινα ταις αμαρτιαις απογενομενοι τη δικαιοσυνη ζησωμεν ου τω μωλωπι ιαθητε

そして、十字架にかかって、自らその身にわたしたちの罪を担ってくださいました。わたしたちが、罪に対して死んで、義によって生きるようになるためです。そのお受けになった傷によって、あなたがたはいやされました。

Hitsuji chikoikip korachi echi ru turainu shiriki wa okai, awa, tane echi kon ramat anak ne koro shiure guru ne echi epungine guru otta hoshipi wa an ruwe ne na.

hitsuji cikoykip koraci eci=ru turaynu siriki wa okay, awa, tane eci=kor ramat anakne kor siwre kur ne eci=epunkine kur or ta hosipi wa an ruwe ne na.

ητε γαρ ως προβατα πλανωμενοι αλλα επεστραφητε νυν επι τον ποιμενα και επισκοπον των ψυχων υμων

あなたがたは羊のようにさまよっていましたが、今は、魂の牧者であり、監督者である方のところへ戻って来たのです。

Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,

Tap koraci, maci ne eci utar, yaykota kor hoku or ta itak nu yan: ne utar poka itak or ta ko-nu somo ki no,

ομοιως [αι] γυναικες υποτασσομεναι τοις ιδιοις ανδρασιν ινα και ει τινες απειθουσιν τω λογω δια της των γυναικων αναστροφης ανευ λογου κερδηθησονται

同じように、妻たちよ、自分の夫に従いなさい。夫が御言葉を信じない人であっても、妻の無言の行いによって信仰に導かれるようになるためです。

nei itak sak no an a yakka, echi puri pirikap ne oripak ambe nukara hine, koro machi ki buri ani aitaknure kuni gusu ne na.

ne itak sak no an a yakka, eci=puri pirka p ne oripak anpe nukar hine, kor maci ki puri ani aytaknure kuni kusu ne na.

εποπτευσαντες την εν φοβω αγνην αναστροφην υμων

神を畏れるあなたがたの純真な生活を見るからです。

Yaitomte kara chiki, shomo anukara kuni sapa shiocha hene ki, shomo kongani an tombe unu hene ki, mipihi utomchiure hene shomo ki, koroka,

yaytomte kar ciki, somo a=nukar kuni sapa sioca hene ki, somo konkani an tonpe unu hene ki, mipihi utomciwre hene somo ki, korka,

ων εστω ουχ ο εξωθεν εμπλοκης τριχων και περιθεσεως χρυσιων η ενδυσεως ιματιων κοσμος

あなたがたの装いは、編んだ髪や金の飾り、あるいは派手な衣服といった外面的なものであってはなりません。

Kamui tek-samata shi no ataye nupuru, keutum oshiketa anuina wa an guru, munin shomoki ramu-shiroma newa rotcha keutum ani yaitomte kara yan.

Kamuy tek-sama ta sino ataye nupur, kewtum oske ta a=nuyna wa an kur, munin somo ki ramu-siroma newa rotca kewtum ani yaytomte kar yan.

αλλ ο κρυπτος της καρδιας ανθρωπος εν τω αφθαρτω του ησυχιου και πραεως πραεως και ησυχιου πνευματος ο εστιν ενωπιον του θεου πολυτελες

むしろそれは、柔和でしとやかな気立てという朽ちないもので飾られた、内面的な人柄であるべきです。このような装いこそ、神の御前でまことに価値があるのです。

Inambe gusu ne yakun, tap korachi fushkotoi ta okai Kamui gusu chipachipa ashkanne shiwentep utara anak ne yaikota koro hoku otta ko-itaknu wa yaitomte kan nisa ruwe ne:

Inanpe kusu ne yakun, tap koraci huskotoy ta okay Kamuy kusu cipacipa askanne siwentep utar anakne yaykota kor hoku or ta ko-itak nu wa yaytomte kan nisa ruwe ne:

ουτως γαρ ποτε και αι αγιαι γυναικες αι ελπιζουσαι εις θεον εκοσμουν εαυτας υποτασσομεναι τοις ιδιοις ανδρασιν

その昔、神に望みを託した聖なる婦人たちも、このように装って自分の夫に従いました。

Sara anak Abraham otta itaknu wa nishpa ari an itak ani porose ruwe ne: echi utara anak ne pirikap echi ki wa, nep ashitomare ambe gusu shomo ishitoma chiki, tane shinuma koro poho echi ne ruwe ne.

Sara anak Abraham or ta itak nu wa nispa ari an itak ani porse ruwe ne: eci utar anakne pirka p eci=ki wa, nep a=sitomare anpe kusu somo isitoma ciki, tane sinuma kor poho eci ne ruwe ne.

ως σαρρα υπηκουεν υπηκουσεν τω αβρααμ κυριον αυτον καλουσα ης εγενηθητε τεκνα αγαθοποιουσαι και μη φοβουμεναι μηδεμιαν πτοησιν

たとえばサラは、アブラハムを主人と呼んで、彼に服従しました。あなたがたも、善を行い、また何事も恐れないなら、サラの娘となるのです。

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.

Tap koraci hoku ne eci utar, eci=kor inonno-itak somo aerannakpe ne kuni kusu, eraman no kor maci tura osiroma, ayke, eci utar ukotura siknu irenka kor wa okay kusu, sinuma tursak awehe ne a=esanniyo wa ko-oripak yan.

οι ανδρες ομοιως συνοικουντες κατα γνωσιν ως ασθενεστερω σκευει τω γυναικειω απονεμοντες τιμην ως και συγκληρονομοι συγκληρονομοις χαριτος ζωης εις το μη εγκοπτεσθαι τας προσευχας υμων

同じように、夫たちよ、妻を自分よりも弱いものだとわきまえて生活を共にし、命の恵みを共に受け継ぐ者として尊敬しなさい。そうすれば、あなたがたの祈りが妨げられることはありません。

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

Orosama okeseketa, eci utar opitta kewtum sineatkire, utaspa uweranpokiwen wa kore, uyriwak koraci omap ki, uweiyeramuhawke an kewtum kor,

το δε τελος παντες ομοφρονες συμπαθεις φιλαδελφοι ευσπλαγχνοι ταπεινοφρονες

終わりに、皆心を一つに、同情し合い、兄弟を愛し、憐れみ深く、謙虚になりなさい。

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

yayeoripakka wa okay yan: wenpe kusu iteki wenpe hekiru, akowenpasuypa kusu iteki kowenpasuypa anpe hekiru, korka, makankane nunuke yan; inanpe kusu ne yakun, nunuke anpe eci eykeskore kuni kusu eci=a=nisuk nisa ruwe ne kusu ne na.

μη αποδιδοντες κακον αντι κακου η λοιδοριαν αντι λοιδοριας τουναντιον δε ευλογουντες οτι εις τουτο εκληθητε ινα ευλογιαν κληρονομησητε

悪をもって悪に、侮辱をもって侮辱に報いてはなりません。かえって祝福を祈りなさい。祝福を受け継ぐためにあなたがたは召されたのです。

Inotu omap wa, Pirika toho nukan rusui gurʼanak ne, Wenbe wano koro parumbe eshishire, Koro patoi iteki irarabe ye kuni kara yan:

Inotu omap wa, Pirka toho nukar rusuy kur anakne, Wenpe wano kor parunpe esisire, Kor patoy iteki irara p ye kuni kar yan:

ο γαρ θελων ζωην αγαπαν και ιδειν ημερας αγαθας παυσατω την γλωσσαν απο κακου και χειλη του μη λαλησαι δολον

「命を愛し、幸せな日々を過ごしたい人は、舌を制して、悪を言わず、唇を閉じて、偽りを語らず、

Nei guru wenbe eshishi wa pirikap ki; Itomo hunara wa nei ambe noshpa kuni ki yan.

Ne kur wenpe esisi wa pirka p ki; I=tom hunara wa ne anpe nospa kuni ki yan.

εκκλινατω δε απο κακου και ποιησατω αγαθον ζητησατω ειρηνην και διωξατω αυτην

悪から遠ざかり、善を行い、平和を願って、これを追い求めよ。

Inambe gusu ne yakun, Utarapa shikiki anak ne oupeka utara kashiketa an, Nei utara koro inonno-itak otta koro kisara ikokanu wa okai: Koroka, wenbe ikichi guru kashiketa Kamui nanuhu an ruwe ne gusu ne na.

Inanpe kusu ne yakun, Utarpa sikiki anakne owpeka utar kasike ta an, Ne utar kor inonno-itak or ta kor kisara ikokanu wa okay: Korka, wenpe ikici kurkasike ta Kamuy nanuhu an ruwe ne kusu ne na.

οτι οφθαλμοι κυριου επι δικαιους και ωτα αυτου εις δεησιν αυτων προσωπον δε κυριου επι ποιουντας κακα

主の目は正しい者に注がれ、主の耳は彼らの祈りに傾けられる。主の顔は悪事を働く者に対して向けられる。」

Orowa, echi utara pirikap ki kuni echi kiroro yupu chiki,

Orowa, eci utar pirka p ki kuni eci=kiroro yupu ciki,

και τις ο κακωσων υμας εαν του αγαθου ζηλωται γενησθε

もし、善いことに熱心であるなら、だれがあなたがたに害を加えるでしょう。

echi wende guru nen ne ruwe he an? Koroka, oupekap gusu echi ayairamshitnere an yakun, echi anunuke ne: iteki nei utara ashitoma ambe gusu ishitoma yan, iteki yaikota eyairamusarakka yan; koroka,

eci=wente kur nen ne ruwe he an? Korka, owpekap kusu eci ayayramsitnere an yakun, eci=a=nunuke ne: iteki ne utar asitoma anpe kusu isitoma yan, iteki yaykota eyayramusarakka yan; korka,

αλλ ει και πασχοιτε δια δικαιοσυνην μακαριοι τον δε φοβον αυτων μη φοβηθητε μηδε ταραχθητε

しかし、義のために苦しみを受けるのであれば、幸いです。人々を恐れたり、心を乱したりしてはいけません。

Kiristo anak ne Utarapa ne sekoro echi keutura ta esanniyo yan: echi oshiketa okai chipachipa ambe ikkewehe ramu-rotcha wa ishitoma an no nen ne yakka otta ese-itak sange kuni ne ramma-kane etokooiki wa okai yan:

Kiristo anakne Utarpa ne sekor eci kewtura ta esanniyo yan: eci=oske ta okay cipacipa anpe ikkewehe ramu-rotca wa isitoma an no nen ne yakka or ta ese-itak sanke kuni ne ramma-kane etokooyki wa okay yan:

κυριον δε τον χριστον αγιασατε εν ταις καρδιαις υμων ετοιμοι αει προς απολογιαν παντι τω αιτουντι υμας λογον περι της εν υμιν ελπιδος αλλα μετα πραυτητος και φοβου

心の中でキリストを主とあがめなさい。あなたがたの抱いている希望について説明を要求する人には、いつでも弁明できるように備えていなさい。

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

eci=ohaykekar an wa, Kiristo or ta eci=iki pirka p wenno ye utar anakne ayaynikorosmare kuni kusu, katpak isam no an kewtum kor yan.

συνειδησιν εχοντες αγαθην ινα εν ω καταλαλεισθε καταισχυνθωσιν οι επηρεαζοντες υμων την αγαθην εν χριστω αναστροφην

それも、穏やかに、敬意をもって、正しい良心で、弁明するようにしなさい。そうすれば、キリストに結ばれたあなたがたの善い生活をののしる者たちは、悪口を言ったことで恥じ入るようになるのです。

Kamui rengaine nei no esanniyo chiki, echi utara wenbe echi ki gusu aeramshitnere kasu no, pirikap echi ki wa gusu aeramshitnere-hi anak ne naa pirika ruwe ne.

Kamuy renkayne néno esanniyo ciki, eci utar wenpe eci=ki kusu aeramsitnere kasuno, pirka p eci=ki wa kusu aeramsitnere hi anakne naa pirka ruwe ne.

κρειττον γαρ αγαθοποιουντας ει θελοι το θελημα του θεου πασχειν η κακοποιουντας

神の御心によるのであれば、善を行って苦しむ方が、悪を行って苦しむよりはよい。

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

Inanpe kusu ne yakun, Kiristo anakne Kamuy or ta un tura kuni ne arsuy no katpak kusu ramsitnere nisa ruwe ne, tanpe anak owpeka sak utar sirine owpeka an kur aeyayramsitnere anpe ne; Sinuma anakne kar kusu arayke, korka,

οτι και χριστος απαξ περι αμαρτιων απεθανεν επαθεν δικαιος υπερ αδικων ινα υμας προσαγαγη τω θεω θανατωθεις μεν σαρκι ζωοποιηθεις δε πνευματι

キリストも、罪のためにただ一度苦しまれました。正しい方が、正しくない者たちのために苦しまれたのです。あなたがたを神のもとへ導くためです。キリストは、肉では死に渡されましたが、霊では生きる者とされたのです。

ramat gusu ashiknure; nei ambe ani Shinuma upakashnu ushike ta okai ramat otta oman wa upaskuma ki,

ramat kusu a=siknure; ne anpe ani Sinuma upakasnu usike ta okay ramat or ta oman wa upaskuma ki,

εν ω και τοις εν φυλακη πνευμασιν πορευθεις εκηρυξεν

そして、霊においてキリストは、捕らわれていた霊たちのところへ行って宣教されました。

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

ne ramat anakne huskotoyta, Noa okay wa sinuma kar cip a=etokoyki wa an Kamuy ramusiporore ki wa untere rapoketa itakkasi utar ne; ne cip or ta moyo utar, tupesan niw ne utar wakka kusu kasiaopiwki nisa ruwe ne na;

απειθησασιν ποτε οτε απεξεδεχετο η του θεου μακροθυμια εν ημεραις νωε κατασκευαζομενης κιβωτου εις ην ολιγοι τουτ εστιν οκτω ψυχαι διεσωθησαν δι υδατος

この霊たちは、ノアの時代に箱舟が作られていた間、神が忍耐して待っておられたのに従わなかった者です。この箱舟に乗り込んだ数人、すなわち八人だけが水の中を通って救われました。

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

ne wakka anakne tane un kasiopiwki paptisma kor sonno nokaha ne ruwe ne, tanpe anakne kar oma icakkerep isamka kusu somo ne, korka, Yesu Kiristo hetoposiknu hi an kusu Kamuy epeka no kewtum yaykowepekere somo ki hi kusu an anpe ne ruwe ne;

ο και υμας αντιτυπον νυν σωζει βαπτισμα ου σαρκος αποθεσις ρυπου αλλα συνειδησεως αγαθης επερωτημα εις θεον δι αναστασεως ιησου χριστου

この水で前もって表された洗礼は、今やイエス・キリストの復活によってあなたがたをも救うのです。洗礼は、肉の汚れを取り除くことではなくて、神に正しい良心を願い求めることです。

Shinuma anak ne kando otta ahun wa Kamui shimon tek-samata an ruwe ne; orowa, Kamui hauturumbe hene, raondum korobe hene, kiroro umbe hene, Shinuma gusu akoitaknure an ruwe ne na.

Sinuma anakne kanto or ta ahun wa Kamuy simon tek-sama ta an ruwe ne; orowa, Kamuy hawturunpe hene, raontum kor pe hene, kiroro un pe hene, Sinuma kusu akoytaknure an ruwe ne na.

ος εστιν εν δεξια [του] θεου πορευθεις εις ουρανον υποταγεντων αυτω αγγελων και εξουσιων και δυναμεων

キリストは、天に上って神の右におられます。天使、また権威や勢力は、キリストの支配に服しているのです。

Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

Tanpe Kiristo anakne kam or ta ayayramsitnere kusu, tanpe kusu, eci utar ne yakka néno an yaynu hi ani yaykota eci yaymutkare yan; inanpe kusu ne yakun, kar or ta ayayramsitnere kur anakne katpak siokere nisa ruwe ne na;

χριστου ουν παθοντος σαρκι και υμεις την αυτην εννοιαν οπλισασθε οτι ο παθων σαρκι πεπαυται αμαρτιαις αμαρτιας

キリストは肉に苦しみをお受けになったのですから、あなたがたも同じ心構えで武装しなさい。肉に苦しみを受けた者は、罪とのかかわりを絶った者なのです。

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

tanpe anakne eci utar tewano poka utar kor e=kawnu anpe kusu kar or ta somo eci utar i=su, korka, Kamuy irenka néno ki wa mosir eci=ko-i=su kuni kusu ne na.

εις το μηκετι ανθρωπων επιθυμιαις αλλα θεληματι θεου τον επιλοιπον εν σαρκι βιωσαι χρονον

それは、もはや人間の欲望にではなく神の御心に従って、肉における残りの生涯を生きるようになるためです。

Inambe gusu ne yakun, oya moshiri un utara ki rusuibe gusu shiokere pakihi anak ne pakno ne nangoro, samata, ramupekere ambe otta hene, ibeporore ambe otta hene, iku-rui ambe otta hene, iku-sakayo otta hene, iku ambe hene, katpak an potoki ko-ongami ambe otta hene, apkash gusu shiokere pakihi anak ne pakno ne nangoro:

Inanpe kusu ne yakun, oya mosir un utar ki rusuy pe kusu siokere pakihi anakne pakno ne nankor, sama ta, ramupekere anpe or ta hene, ipeporore anpe or ta hene, iku-ruyanpe or ta hene, iku-sakayo or ta hene, iku anpe hene, katpak an potoki ko-onkami anpe or ta hene, apkas kusu siokere pakihi anakne pakno ne nankor:

αρκετος γαρ ο παρεληλυθως χρονος το βουλημα των εθνων κατειργασθαι πεπορευμενους εν ασελγειαις επιθυμιαις οινοφλυγιαις κωμοις ποτοις και αθεμιτοις ειδωλολατριαις

かつてあなたがたは、異邦人が好むようなことを行い、好色、情欲、泥酔、酒宴、暴飲、律法で禁じられている偶像礼拝などにふけっていたのですが、もうそれで十分です。

echi utara tap korachi ki wa nei utara tura no wen-sakayo hopunire shomoki gusu aeoyamokte wa aokaigekarʼan na:

eci utar tap koraci ki wa ne utar turano wen-sakayo hopunire somo ki kusu aeoyamokte wa aokaykekar an na:

εν ω ξενιζονται μη συντρεχοντων υμων εις την αυτην της ασωτιας αναχυσιν βλασφημουντες

あの者たちは、もはやあなたがたがそのようなひどい乱行に加わらなくなったので、不審に思い、そしるのです。

nei utara anak ne shiknu guru kene rai guru kene koipiski gusu shipini wa an Kamui otta yaieorushpe nu yara kusu ne na.

ne utar anakne siknu kur kene raykur kene koypiski kusu sipini wa an Kamuy or ta yayeoruspe nu yara kusu ne na.

οι αποδωσουσιν λογον τω ετοιμως κρινοντι εχοντι κριναι ζωντας και νεκρους

彼らは、生きている者と死んだ者とを裁こうとしておられる方に、申し開きをしなければなりません。

Inambe gusu ne yakun, rai guru anak ne shiknu guru nep koro akoipishi, koroka, ramat otta Kamui korachi shiknu kuni gusu, orota pirika shongo anure nisa ruwe ne.

Inanpe kusu ne yakun, raykur anakne siknu kur nep kor akoypisi, korka, ramat or ta Kamuy koraci siknu kuni kusu, oro ta pirka sonko a=nure nisa ruwe ne.

εις τουτο γαρ και νεκροις ευηγγελισθη ινα κριθωσιν μεν κατα ανθρωπους σαρκι ζωσιν δε κατα θεον πνευματι

死んだ者にも福音が告げ知らされたのは、彼らが、人間の見方からすれば、肉において裁かれて死んだようでも、神との関係で、霊において生きるようになるためなのです。

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

Korka, opittano okaype a=okere hi anakne ehanke ruwe ne; tanpe kusu, kewtum yayeasirkar hine yayramatte wa inonno-itak ki yan: orowa, utaspa

παντων δε το τελος ηγγικεν σωφρονησατε ουν και νηψατε εις προσευχας

万物の終わりが迫っています。だから、思慮深くふるまい、身を慎んで、よく祈りなさい。

makangane ara uweomap ki yan; inambe gusu ne yakun, onrap ambe anak ne uwatte no okai katpak

makankane ar uweomap ki yan; inanpe kusu ne yakun, onrap anpe anakne uwatte no okay katpak

προ παντων την εις εαυτους αγαπην εκτενη εχοντες οτι αγαπη καλυπτει πληθος αμαρτιων

何よりもまず、心を込めて愛し合いなさい。愛は多くの罪を覆うからです。

kamure ruwe ne gusu ne na: oromam shomoki no

kamure ruwe ne kusu ne na: oromam somo ki no

φιλοξενοι εις αλληλους ανευ γογγυσμου

不平を言わずにもてなし合いなさい。

uweutashpa ikateonrare yan: echi utara pishno pishno aikrap akore an nei no, Kamui inne no okai irenga gusu pirika no okai ashikkashimare utara korachi,

uwewtaspa ikateonrare yan: eci utar pisno pisno aikrap a=kore an néno, Kamuy inne no okay irenka kusu pirkano okay a=sikkasmare utar koraci,

εκαστος καθως ελαβεν χαρισμα εις εαυτους αυτο διακονουντες ως καλοι οικονομοι ποικιλης χαριτος θεου

あなたがたはそれぞれ、賜物を授かっているのですから、神のさまざまな恵みの善い管理者として、その賜物を生かして互いに仕えなさい。

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no akoropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

uwewtaspa ne anpe kusu yaysieywankere yan: itak ye kur an ciki, Kamuy sonko an koraci yero; yaysieywankere kur an ciki, Kamuy oro wano a=korpare kiroro an koraci kiro; tanpe anak Yesu Kiristo renkap kusu nep ne yakka or ta Kamuy ako-oripak kuni kusu ne na; nupeki newa kiroro kane sasuysir wano sasuysir pakno Sinuma kor pe ne. Amen.

ει τις λαλει ως λογια θεου ει τις διακονει ως εξ ισχυος ης χορηγει ο θεος ινα εν πασιν δοξαζηται ο θεος δια ιησου χριστου ω εστιν η δοξα και το κρατος εις τους αιωνας των αιωνων αμην

語る者は、神の言葉を語るにふさわしく語りなさい。奉仕をする人は、神がお与えになった力に応じて奉仕しなさい。それは、すべてのことにおいて、イエス・キリストを通して、神が栄光をお受けになるためです。栄光と力とが、世々限りなく神にありますように、アーメン。

Aomap an utara, echi utara tumugeta an abe o koramnukarabe gusu aoyaraoktep echi gusu hetuku an sekoro iteki yainu yan:

A=omap an utar, eci utar tumke ta an ape o koramnukarape kusu aoyaraoktep eci kusu hetuku an sekor iteki yaynu yan:

αγαπητοι μη ξενιζεσθε τη εν υμιν πυρωσει προς πειρασμον υμιν γινομενη ως ξενου υμιν συμβαινοντος

愛する人たち、あなたがたを試みるために身にふりかかる火のような試練を、何か思いがけないことが生じたかのように、驚き怪しんではなりません。

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

korka, Kiristo iki ayayramsitnere anpe turano iki utar eci ne ruwe ne kusu nupetne yan; tanpe anak Sinuma kor nupekihi a=nukar hi ta ne yakka, poronno ramuritetke wa, eci=nupetne kusu ne na.

αλλα καθο κοινωνειτε τοις του χριστου παθημασιν χαιρετε ινα και εν τη αποκαλυψει της δοξης αυτου χαρητε αγαλλιωμενοι

むしろ、キリストの苦しみにあずかればあずかるほど喜びなさい。それは、キリストの栄光が現れるときにも、喜びに満ちあふれるためです。

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

Eci utar anakne Kiristo rehe kusu a=kosakayokar an ciki, eci=a=nunuke ne; inanpe kusu ne yakun, nupeki Ramat newa Kamuy Ramat anakne eci=kasike ta okay siri ne kusu ne na.

ει ονειδιζεσθε εν ονοματι χριστου μακαριοι οτι το της δοξης και το του θεου πνευμα εφ υμας αναπαυεται

あなたがたはキリストの名のために非難されるなら、幸いです。栄光の霊、すなわち神の霊が、あなたがたの上にとどまってくださるからです。

Koroka, keweuk guru korachi hene, ikka guru korachi hene, wen-buri iki guru korachi hene, moshima guru korope ekottanu guru korachi hene gusu iteki ayairamshitnere kuni ki yan:

Korka, keweuk kur koraci hene, ikka kur koraci hene, wen-puri iki kur koraci hene, mosma kur kor pe ekottanu kur koraci hene kusu iteki ayayramsitnere kuni ki yan: