TIMOTEOSORUN AOMANDEHOSHIKI AN KAMBI.

Chikoro un kashiobiukip ne Kamui ikashpaotte newa, gusu echipachipa ash Kiristo Yesu ankushkerai Kiristo Yesu koro Apostoro ne akara Pauros ku ne anak ne,

Ci=kor un kasiopiwkip ne Kamuy ikaspaotte newa, kusu ecipacipa as Kiristo Yesu an kuskeray Kiristo Yesu kor Apostoro ne a=kar Pawros ku ne anakne,

παυλος αποστολος χριστου ιησου κατ επιταγην θεου σωτηρος ημων και χριστου ιησου της ελπιδος ημων

わたしたちの救い主である神とわたしたちの希望であるキリスト・イエスによって任命され、キリスト・イエスの使徒となったパウロから、

eishokor-i gusu son no an ku poho ne Timoteos otta kambi ku omande na: Michi ne Kamui newa chikoro Utarapa ne Kiristo Yesu orowa no irenga hemhem, rampoken hemhem, itomo hemhem echi kore an kuni akoramkon na.

eysokor hi kusu sonno an ku=poho ne Timoteos or ta kampi ku=omante na: Mici ne Kamuy newa ci=kor Utarpa ne Kiristo Yesu oro wano irenka hemhem, ranpoken hemhem, i=tom hemhem eci=kore an kuni a=koramkor na.

τιμοθεω γνησιω τεκνω εν πιστει χαρις ελεος ειρηνη απο θεου πατρος και χριστου ιησου του κυριου ημων

信仰によるまことの子テモテへ。父である神とわたしたちの主キリスト・イエスからの恵み、憐れみ、そして平和があるように。

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

Etoko ta Makedonia mosir or ta ku=arpa hi ta eani anakne Epesos kotan ta riya hine, okay an utar anakne mosma an epakasi iteki epakasnu, sama ta, eysokor hi oma Kamuy oro wano a=sikkasmare anpe somo ne no an,

καθως παρεκαλεσα σε προσμειναι εν εφεσω πορευομενος εις μακεδονιαν ινα παραγγειλης τισιν μη ετεροδιδασκαλειν

マケドニア州に出発するときに頼んでおいたように、あなたはエフェソにとどまって、ある人々に命じなさい。異なる教えを説いたり、

koroka, makangane upahunara ambe hetukure uwepekere newa ainu ikiri reihei gusu an orushpe iteki ekotanu wa esanniyo kuni ne ku ikashpaotte ash korachi, tane ne yakka ku iki na.

korka, makankane upahunara anpe hetukure uwepeker newa aynu ikiri rehe kusu an oruspe iteki e=kotan wa esanniyo kuni ne ku=ikaspaotte as koraci, tane ne yakka ku=iki na.

μηδε προσεχειν μυθοις και γενεαλογιαις απεραντοις αιτινες εκζητησεις παρεχουσιν μαλλον η οικονομιαν θεου την εν πιστει

作り話や切りのない系図に心を奪われたりしないようにと。このような作り話や系図は、信仰による神の救いの計画の実現よりも、むしろ無意味な詮索を引き起こします。

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutum korobe hemhem, kankapkapeka sak no an eishokor-i atte ambe hemhem ne ruwe ne:

Korka, ne ikaspaotte eramusinnere anpe anak tur-sak sanpe wano omap hi oasinke anpe hemhem, a=otkeotke somo ne an kewtum kor pe hemhem, kankapkapeka sak no an eysokor hi atte anpe hemhem ne ruwe ne:

το δε τελος της παραγγελιας εστιν αγαπη εκ καθαρας καρδιας και συνειδησεως αγαθης και πιστεως ανυποκριτου

わたしのこの命令は、清い心と正しい良心と純真な信仰とから生じる愛を目指すものです。

tapan okaibe gusu sereke okai utara ihaita wa oha-itak eun eshirihoshi henoye nisa ruwe ne;

tapan okaype kusu serke okay utar ihayta wa oha-itak eun esirihosi henoye nisa ruwe ne;

ων τινες αστοχησαντες εξετραπησαν εις ματαιολογιαν

ある人々はこれらのものからそれて、無益な議論の中に迷い込みました。

nei utara anak ne yaikota sange itak hene shiyuppa no ye orushpe ikkeu hene erampeutek a yakka, tuitak epakashnu utara ne rusui ruwe ne.

ne utar anakne yaykota sanke itak hene siyuppa no ye oruspe ikkew hene eranpewtek a yakka, tuytak epakasnu utar ne rusuy ruwe ne.

θελοντες ειναι νομοδιδασκαλοι μη νοουντες μητε α λεγουσιν μητε περι τινων διαβεβαιουνται

彼らは、自分の言っていることも主張している事柄についても理解していないのに、律法の教師でありたいと思っています。

Koroka, ainu anak ne oheuge sak no nei tuitak eiwange yakun, tuitak anak pirikap ne sekoro chi eraman;

Korka, aynu anakne ohewke sak no ne tuytak eywanke yakun, tuytak anak pirka p ne sekor ci eraman;

οιδαμεν δε οτι καλος ο νομος εαν τις αυτω νομιμως χρηται

しかし、わたしたちは、律法は正しく用いるならば良いものであることを知っています。

tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

tanpe ka ci eraman, tuytak anakne owpeka utar kusu a=karpe somo ne, korka, ihayta kewtura kor utar newa itakkasi utar kusu Kamuy kooripak somo ki utar newa ci=kokatpak utar kusu, tur-us utar newa momok utar kusu, micihi rayke utar newa unuhu rayke utar kusu, keweuk utar kusu,

ειδως τουτο οτι δικαιω νομος ου κειται ανομοις δε και ανυποτακτοις ασεβεσιν και αμαρτωλοις ανοσιοις και βεβηλοις πατρολωαις και μητρολωαις ανδροφονοις

すなわち、次のことを知って用いれば良いものです。律法は、正しい者のために与えられているのではなく、不法な者や不従順な者、不信心な者や罪を犯す者、神を畏れぬ者や俗悪な者、父を殺す者や母を殺す者、人を殺す者、

hoiyo utara gusu, ukokateaikap utara gusu, ainu eikka utara gusu, shunge utara gusu, ikoshunge utara gusu, samata, nep ne yakka nisashnu epakashi kopakeat shomo ne ambe an chiki, nei ambe gusu tuitak akan na;

hoiyo utar kusu, ukokateaykap utar kusu, aynu eikka utar kusu, sunke utar kusu, ikosunke utar kusu, sama ta, nep ne yakka nisasnu epakasi kopakeat somo ne anpe an ciki, ne anpe kusu tuytak a=kar na;

πορνοις αρσενοκοιταις ανδραποδισταις ψευσταις επιορκοις και ει τι ετερον τη υγιαινουση διδασκαλια αντικειται

みだらな行いをする者、男色をする者、誘拐する者、偽りを言う者、偽証する者のために与えられ、そのほか、健全な教えに反することがあれば、そのために与えられているのです。

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

tanpe anak en=sikkasmare sinnunuke an Kamuy a=rakur kusu an pirka sonko néno an ap ne ruwe ne na.

κατα το ευαγγελιον της δοξης του μακαριου θεου ο επιστευθην εγω

今述べたことは、祝福に満ちた神の栄光の福音に一致しており、わたしはその福音をゆだねられています。

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

En easkayre ci=kor Utarpa ne Kiristo Yesu ku=koyayirayke na, Sinuma anakne ikipniwkes kur ku ne sekor esanniyo hine or ta ku yaysieywankere kuni ne en=atte nisa ruwe ne kusu ne na;

χαριν εχω τω ενδυναμωσαντι με χριστω ιησου τω κυριω ημων οτι πιστον με ηγησατο θεμενος εις διακονιαν

わたしを強くしてくださった、わたしたちの主キリスト・イエスに感謝しています。この方が、わたしを忠実な者と見なして務めに就かせてくださったからです。

etokota Kamui koatchap ku ne, keshke guru ku ne, shomo yaikatanu ki guru ku ne a yakka: aige, ku eumbipka wa erampeutek no nei no ku iki nisa ruwe ne gusu aerampokiwen wa a en kore an na;

etoko ta Kamuy koatcap ku ne, keske kur ku ne, somo yaykatanu ki kur ku ne a yakka: ayke, ku=eunpipka wa eranpewtek no néno ku=iki nisa ruwe ne kusu a=eranpokiwen wa a en=kore an na;

το προτερον οντα βλασφημον και διωκτην και υβριστην αλλα ηλεηθην οτι αγνοων εποιησα εν απιστια

以前、わたしは神を冒瀆する者、迫害する者、暴力を振るう者でした。しかし、信じていないとき知らずに行ったことなので、憐れみを受けました。

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

orowa, ci=kor Utarpa kor irenka anak Kiristo Yesu oske ta an eysokor hi newa omap anpe turasi no nuye an no an nisa ruwe ne na.

υπερεπλεονασεν δε η χαρις του κυριου ημων μετα πιστεως και αγαπης της εν χριστω ιησου

そして、わたしたちの主の恵みが、キリスト・イエスによる信仰と愛と共に、あふれるほど与えられました。

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Kiristo Yesu anakne katpak kor utar kasiopiwki kusu mosir or ta ek nisa ruwe ne ari an itak anakne sonno anpe ne, utar sikkasima kuni an itak ne ruwe ne na; ne utar tumuke ta iyotta wenpe ku ne ruwe ne!

πιστος ο λογος και πασης αποδοχης αξιος οτι χριστος ιησους ηλθεν εις τον κοσμον αμαρτωλους σωσαι ων πρωτος ειμι εγω

「キリスト・イエスは、罪人を救うために世に来られた」という言葉は真実であり、そのまま受け入れるに値します。わたしは、その罪人の中で最たる者です。

Yakka, tapan ikkewehe an gusu a en erampokiwen wa akore ruwe ne, tewa no shiokere shomoki inotu aoma kuni ne Shinuma eishokoro utara epeka shiroshi ne gusu iyotta wenbe ne en otta Yesu Kiristo anak ne obitta no okai koro ramushiporore ambe nukare kuni gusu ne na.

Yakka, tapan ikkewehe an kusu a en=eranpokiwen wa a=kore ruwe ne, tewano siokere somo ki inotu aoma kuni ne Sinuma eysokor utar epeka sirosi ne kusu iyotta wenpe ne en or ta Yesu Kiristo anakne opittano okay kor ramusiporore anpe nukare kuni kusu ne na.

αλλα δια τουτο ηλεηθην ινα εν εμοι πρωτω ενδειξηται χριστος ιησους την απασαν μακροθυμιαν προς υποτυπωσιν των μελλοντων πιστευειν επ αυτω εις ζωην αιωνιον

しかし、わたしが憐れみを受けたのは、キリスト・イエスがまずそのわたしに限りない忍耐をお示しになり、わたしがこの方を信じて永遠の命を得ようとしている人々の手本となるためでした。

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

Tane, otu sasuysir pakno an, munin somo ki, a=nukar eaykap, patek Kamuy ne, Mosir sikkasimap or ta aeoripakpe newa a=rakur newa ramma-ramma an na. Amen.

τω δε βασιλει των αιωνων αφθαρτω αορατω μονω θεω τιμη και δοξα εις τους αιωνας των αιωνων αμην

永遠の王、不滅で目に見えない唯一の神に、誉れと栄光が世々限りなくありますように、アーメン。

Ku poho ne Timoteos, ani pirika tumi e kotumikoro iki kuni ne, teeda e kashita etoko arapa uweingarape an korachi,

Ku=poho ne Timoteos, ani pirka tumi e kotumikor iki kuni ne, teeta e kasi ta etoko arpa uweinkarape an koraci,

ταυτην την παραγγελιαν παρατιθεμαι σοι τεκνον τιμοθεε κατα τας προαγουσας επι σε προφητειας ινα στρατευη εν αυταις την καλην στρατειαν

わたしの子テモテ、あなたについて以前預言されたことに従って、この命令を与えます。その預言に力づけられ、雄々しく戦いなさい、

ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

ku=e ikaspaotte as na; a=otke-otke somo ne an kewtura ani koraci eysokor hi atte yan; serke okay utar anakne ne anpe epeka eyaykoemaka hine eysokor hi kusu mimam-awente okere ruwe ne:

εχων πιστιν και αγαθην συνειδησιν ην τινες απωσαμενοι περι την πιστιν εναυαγησαν

信仰と正しい良心とを持って。ある人々は正しい良心を捨て、その信仰は挫折してしまいました。

nei utara tumugeta Humenaios newa Areksandros okai; aige, nei utara iteki Kamui koatcha kuni ne aepakashnu gusu, Satan otta ku arapare nisa ruwe ne na.

ne utar tumke ta Humenayos newa Areksandros okay; ayke, ne utar iteki Kamuy koatca kuni ne a=epakasnu kusu, Satan or ta ku=arpare nisa ruwe ne na.

ων εστιν υμεναιος και αλεξανδρος ους παρεδωκα τω σατανα ινα παιδευθωσιν μη βλασφημειν

その中には、ヒメナイとアレクサンドロがいます。わたしは、神を冒瀆してはならないことを学ばせるために、彼らをサタンに引き渡しました。

Obitta no okai utara gusu koramkoro itak hemhem, inonno-itak hemhem, Kamui anishuk itak hemhem, yaiiraige an ambe hemhem, hoshiki no aye kuni kuani e onishnishi ash na;

Opittano okay utar kusu koramkor itak hemhem, inonno-itak hemhem, Kamuy a=nisuk itak hemhem, yayirayke an anpe hemhem, hoskino a=ye kuni kuani e onisnisi as na;

παρακαλω ουν πρωτον παντων ποιεισθαι δεησεις προσευχας εντευξεις ευχαριστιας υπερ παντων ανθρωπων

そこで、まず第一に勧めます。願いと祈りと執り成しと感謝とをすべての人々のためにささげなさい。

Moshiri shikkashima utara newa pase mondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

Mosir sikkasima utar newa pase montum kor utar kusu ne yakka; tanpe anak nekona ka Kamuy kooripak an no yaykatanu hine ratcitara wa i=tom kor no osiroma kuni kusu ne na.

υπερ βασιλεων και παντων των εν υπεροχη οντων ινα ηρεμον και ησυχιον βιον διαγωμεν εν παση ευσεβεια και σεμνοτητι

王たちやすべての高官のためにもささげなさい。わたしたちが常に信心と品位を保ち、平穏で落ち着いた生活を送るためです。

Nei no ikichi ambe anak ne un kashiobiukip ne Kamui tek-samata pirika newa nupetnere ambe ne;

Néno ikici anpe anakne un kasiopiwkip ne Kamuy tek-sama ta pirka newa nupetnere anpe ne;

τουτο καλον και αποδεκτον ενωπιον του σωτηρος ημων θεου

これは、わたしたちの救い主である神の御前に良いことであり、喜ばれることです。

obitta no okai utara kashiaobiuki wa sonep eraman kuni ambe anak ne Shinuma koro keutum ne ruwe ne.

opittano okay utar kasiaopiwki wa sonep eraman kuni anpe anakne Sinuma kor kewtum ne ruwe ne.

ος παντας ανθρωπους θελει σωθηναι και εις επιγνωσιν αληθειας ελθειν

神は、すべての人々が救われて真理を知るようになることを望んでおられます。

Inambe gusu ne yakun, shine Kamui an, Kamui newa ainu uturu shine iyuturuoma guru an, ainu ne,

Inanpe kusu ne yakun, sine Kamuy an, Kamuy newa aynu uturu sine iyuturuoma kur an, aynu ne,

εις γαρ θεος εις και μεσιτης θεου και ανθρωπων ανθρωπος χριστος ιησους

神は唯一であり、神と人との間の仲介者も、人であるキリスト・イエスただおひとりなのです。

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

Kiristo Yesu ne, Sinuma anakne opittano okay utar kikiraye kusu yaykota yaiyanke nisa ruwe ne; ayke, yaykota kor pakihi ta aepawetesu an anpe ne na;

ο δους εαυτον αντιλυτρον υπερ παντων το μαρτυριον καιροις ιδιοις

この方はすべての人の贖いとして御自身を献げられました。これは定められた時になされた証しです。

nei ambe assuru ashte guru newa Apostoro ne kuni gusu a en atte okere (sonep ku ye, ku shunge shomoki,) eishokor-i newa sonep Oya un utara epakashnu gusu a en atte an na.

ne anpe assuru aste kur newa Apostoro ne kuni kusu a en=atte okere (sonep ku=ye, ku=sunke somo ki,) eysokor hi newa sonep Oya un utar epakasnu kusu a en=atte an na.

εις ο ετεθην εγω κηρυξ και αποστολος αληθειαν λεγω ου ψευδομαι διδασκαλος εθνων εν πιστει και αληθεια

わたしは、その証しのために宣教者また使徒として、すなわち異邦人に信仰と真理を説く教師として任命されたのです。わたしは真実を語っており、偽りは言っていません。

Tambe gusu nei ita ne yakka okai utara anak ne kimakara newa utumashi keutum isam no turu-sak tekehe puni hine inonno-itak ki kuni ku kon rusui ruwe ne.

Tanpe kusu ne hi ta ne yakka okay utar anakne kimakara newa utumasi kewtum isam no tur-sak tekehe puni hine inonno-itak ki kuni ku=kor rusuy ruwe ne.

βουλομαι ουν προσευχεσθαι τους ανδρας εν παντι τοπω επαιροντας οσιους χειρας χωρις οργης και διαλογισμων διαλογισμου

だから、わたしが望むのは、男は怒らず争わず、清い手を上げてどこででも祈ることです。

Tambe nei no shiwente utara oripak an hine yaikatanu wa pirikap kopakeat amip ani yaimire; otop oshke ambe ani hene kongani ani hene ikani ani hene ataye yupke amip ani hene iteki ki yak pirika; koroka,

Tanpe néno siwente utar oripak an hine yaykatanu wa pirka p kopakeat amip ani yaymire; otop oske anpe ani hene konkani ani hene i=kani ani hene ataye yupke amip ani hene iteki ki yak pirka; korka,

ωσαυτως [και] γυναικας εν καταστολη κοσμιω μετα αιδους και σωφροσυνης κοσμειν εαυτας μη εν πλεγμασιν και χρυσιω η μαργαριταις η ιματισμω πολυτελει

同じように、婦人はつつましい身なりをし、慎みと貞淑をもって身を飾るべきであり、髪を編んだり、金や真珠や高価な着物を身に着けたりしてはなりません。

(Kamui kooripak sekoro ye shiwente utara kopakeat korachi) pirika ikip ani ki yan.

(Kamuy kooripak sekor ye siwente utar kopakeat koraci) pirka iki p ani ki yan.

αλλ ο πρεπει γυναιξιν επαγγελλομεναις θεοσεβειαν δι εργων αγαθων

むしろ、善い業で身を飾るのが、神を敬うと公言する婦人にふさわしいことです。

Shiwente guru anak ne itaknu wa eyaihannokkara yak pirika.

Siwente kur anakne itak nu wa eyayhannokkara yak pirka.

γυνη εν ησυχια μανθανετω εν παση υποταγη

婦人は、静かに、全く従順に学ぶべきです。

Koroka, shiwentep anak ne epakashnu wa okkai esapane ambe ku ramuoshma shomoki, koroka, mo no an yak pirika Inambe gusu ne yakun,

Korka, siwentep anakne epakasnu wa okkay esapane anpe ku=ramuosma somo ki, korka, mo no an yak pirka Inanpe kusu ne yakun,

διδασκειν δε γυναικι ουκ επιτρεπω ουδε αυθεντειν ανδρος αλλ ειναι εν ησυχια

婦人が教えたり、男の上に立ったりするのを、わたしは許しません。むしろ、静かにしているべきです。

Adam anak ne hoshiki no akara, okaketa Hefa; shui, Adam akokandama shomoki,

Adam anakne hoskino a=kar, okake ta Hefa; suy, Adam a=kokantama somo ki,

αδαμ γαρ πρωτος επλασθη ειτα ευα

なぜならば、アダムが最初に造られ、それからエバが造られたからです。

koroka, nei shiwentep akokandama wa chikokatpak ki okere ruwe ne:

korka, ne siwentep a=kokantama wa ci=kokatpak ki okere ruwe ne:

και αδαμ ουκ ηπατηθη η δε γυνη εξαπατηθεισα εν παραβασει γεγονεν

しかも、アダムはだまされませんでしたが、女はだまされて、罪を犯してしまいました。

koroka, nei utara yaikatanu ambe tura eishokor-i atte hemhem ki, omap ambe hemhem ki, aturu-saktep otta an hemhem iki yakun, poho shikore ita akaobiuki kusu ne na.

korka, ne utar yaykatanu anpe tura eysokor hi atte hemhem ki, omap anpe hemhem ki, a=tur-saktep or ta an hemhem iki yakun, poho sikore hi ta akaopiwki kusu ne na.

σωθησεται δε δια της τεκνογονιας εαν μεινωσιν εν πιστει και αγαπη και αγιασμω μετα σωφροσυνης

しかし婦人は、信仰と愛と清さを保ち続け、貞淑であるならば、子を産むことによって救われます。

Nei itak ambe sonep ne. Nen ka episkopos moni gusu yaishieiwangere-hi hunara guru an chiki, shinuma pirika ambe kon rusui ruwe ne.

Ne itak anpe sonep ne. Nen ka episkopos moni kusu yaysieywankere hi hunara kur an ciki, sinuma pirka anpe kor rusuy ruwe ne.

πιστος ο λογος ει τις επισκοπης ορεγεται καλου εργου επιθυμει

この言葉は真実です。「監督の職を求める人がいれば、その人は良い仕事を望んでいる。」

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

Tanpe kusu episkopos anakne a=ekot kuni usike sak, owse sine mat kor, yayramatte wayasnu kewtum kor, irammakaka an, i=kateomare ki, epakasnu easkay, somo iku-sakayo ki,

δει ουν τον επισκοπον ανεπιλημπτον ειναι μιας γυναικος ανδρα νηφαλιον σωφρονα κοσμιον φιλοξενον διδακτικον

だから、監督は、非のうちどころがなく、一人の妻の夫であり、節制し、分別があり、礼儀正しく、客を親切にもてなし、よく教えることができなければなりません。

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

aynu kokik somo ki kur ne kunip ne; korka, yaykatanu kewtura kor, koyki kopan, a=etunne kuni ani eyayepirikare anpe somo ko-omap kur ne kunip ne:

μη παροινον μη πληκτην αλλα επιεικη αμαχον αφιλαργυρον

また、酒におぼれず、乱暴でなく、寛容で、争いを好まず、金銭に執着せず、

pirika no yaikota kot chisei epungine hine nep yaikatanu ambe tura koro poho itaknure;

pirkano yaykota kot cise epunkine hine nep yaykatanu anpe tura kor poho itaknure;

του ιδιου οικου καλως προισταμενον τεκνα εχοντα εν υποταγη μετα πασης σεμνοτητος

自分の家庭をよく治め、常に品位を保って子供たちを従順な者に育てている人でなければなりません。

(koroka, ainu anak ne nekon a yaikota koro uni epungine ambe erampeutek chiki, hemanda iki wa Kamui karisia shikkashima eashkai ruwe he an? tanebo baptisma akore guru shomo ne,)

(korka, aynu anakne nekona yaykota kor uni epunkine anpe eranpewtek ciki, hemanta iki wa Kamuy karisia sikkasima easkay ruwe he an? tanepo paptisma a=kore kur somo ne,)

ει δε τις του ιδιου οικου προστηναι ουκ οιδεν πως εκκλησιας θεου επιμελησεται

自分の家庭を治めることを知らない者に、どうして神の教会の世話ができるでしょうか。

ikineipeka shinuma pakesara wa nitne kamui nei no aesanniyo korachi aesanniyo kusu ne na.

ikineypeka sinuma pakesara wa nitne kamuy néno a=esanniyo koraci a=esanniyo kusu ne na.

μη νεοφυτον ινα μη τυφωθεις εις κριμα εμπεση του διαβολου

監督は、信仰に入って間もない人ではいけません。それでは高慢になって悪魔と同じ裁きを受けかねないからです。

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

Naa mosma, soy ta okay utar anak sinuma kusu pirka pawetesu anpe kor kunip ne; ikineypeka sinuma a=esapse wa nitne kamuy kor akpe oro-osma kusu ne na.

δει δε και μαρτυριαν καλην εχειν απο των εξωθεν ινα μη εις ονειδισμον εμπεση και παγιδα του διαβολου

更に、監督は、教会以外の人々からも良い評判を得ている人でなければなりません。そうでなければ、中傷され、悪魔の罠に陥りかねないからです。

Diakonos utara ne yakka yaikatanu kunip ne, iteki tu parumbe koro, iku rui shomoki, aetunne kuni ani yaiepirikare ambe kon rusui shomoki;

tiakonos utar ne yakka yaykatanu kunip ne, iteki tu parunpe kor, iku ruy somo ki, a=etunne kuni ani yayepirikare anpe kor rusuy somo ki;

διακονους ωσαυτως σεμνους μη διλογους μη οινω πολλω προσεχοντας μη αισχροκερδεις

同じように、奉仕者たちも品位のある人でなければなりません。二枚舌を使わず、大酒を飲まず、恥ずべき利益をむさぼらず、

turu-sak keutum ani eishokor-i gusu an mukke ambe shikkashima.

tur-sak kewtum ani eysokor hi kusu an mukke anpe sikkasima.

εχοντας το μυστηριον της πιστεως εν καθαρα συνειδησει

清い良心の中に信仰の秘められた真理を持っている人でなければなりません。

Tan utara hoshiki no aeshiruwande yara; orowa, wen-buri sak yakun, diakonos korachi yaishieiwangerere yan.

Tan utar hoskino aesiruwante yara; orowa, wen-puri sak yakun, tiakonos koraci yaysieywankerere yan.

και ουτοι δε δοκιμαζεσθωσαν πρωτον ειτα διακονειτωσαν ανεγκλητοι οντες

この人々もまず審査を受けるべきです。その上で、非難される点がなければ、奉仕者の務めに就かせなさい。

Shiwente utara ne yakka yaikatanu kunip ne, shomo ohaigekara, yairamatte, nep ne yakka gusu son no ambe ki kunip ne ruwe ne.

Siwente utar ne yakka yaykatanu kunip ne, somo ohaykekar, yayramatte, nep ne yakka kusu sonno anpe ki kunip ne ruwe ne.

γυναικας ωσαυτως σεμνας μη διαβολους νηφαλιους πιστας εν πασιν

婦人の奉仕者たちも同じように品位のある人でなければなりません。中傷せず、節制し、あらゆる点で忠実な人でなければなりません。

Diakonos utara anak ne ouse shine mat koro wa irammakaka yaikota koro uni newa poho utara epungine.

tiakonos utar anakne owse sine mat kor wa irammakaka yaykota kor uni newa poho utar epunkine.

διακονοι εστωσαν μιας γυναικος ανδρες τεκνων καλως προισταμενοι και των ιδιων οικων

奉仕者は一人の妻の夫で、子供たちと自分の家庭をよく治める人でなければなりません。

Inambe gusu ne yakun, diakonos ki kuni moni epeka pirika no yashieiwangere okere utara anak ne yaikota gusu pirika assuru koro, samata, Kiristo Yesu otta an eishokor-i gusu shi no rametok kon no an kusu ne ruwe ne gusu ne na.

Inanpe kusu ne yakun, tiakonos ki kuni moni epeka pirkano yasieywankere okere utar anakne yaykota kusu pirka assuru kor, sama ta, Kiristo Yesu or ta an eysokor hi kusu sino rametok kor no an kusu ne ruwe ne kusu ne na.

οι γαρ καλως διακονησαντες βαθμον εαυτοις καλον περιποιουνται και πολλην παρρησιαν εν πιστει τη εν χριστω ιησου

というのも、奉仕者の仕事を立派に果たした人々は、良い地位を得、キリスト・イエスへの信仰によって大きな確信を得るようになるからです。

Naa pon no okaketa e orun ku oman kuni ku chipachipa wa tapan okaibe ku nuye ruwe ne;

Naa ponno okake ta e orun ku=oman kuni ku=cipacipa wa tapan okaype ku=nuye ruwe ne;

ταυτα σοι γραφω ελπιζων ελθειν [προς σε] προς σε εν ταχει

わたしは、間もなくあなたのところへ行きたいと思いながら、この手紙を書いています。

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

korka, ohor no utur ta somo ku=ek yakun, Kamuy kor kenru ta aynu utar anakne nekona iki yak pirka ya e eraman kuni kusu ne na, ne anpe anakne i=su Kamuy kor karisia ne, sonep kusu an ikuspe newa asamaha ne ruwe ne.

εαν δε βραδυνω ινα ειδης πως δει εν οικω θεου αναστρεφεσθαι ητις εστιν εκκλησια θεου ζωντος στυλος και εδραιωμα της αληθειας

行くのが遅れる場合、神の家でどのように生活すべきかを知ってもらいたいのです。神の家とは、真理の柱であり土台である生ける神の教会です。

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hauturumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Orowa, somo a=ye a yakka, Kamuy kooripak kusu an mukke anpe anakne poro ruwe ne; Sinuma anakne kam oske ta a=nukar, ramat oske ta owpekap ne a=esanniyo, Kamuy hawturunpe oro wano a=nukar, mosir uyrup tumuke ta a=ewpaskuma, mosir kata a=eysokor an, a=rakur orun auk okere na.

και ομολογουμενως μεγα εστιν το της ευσεβειας μυστηριον ος εφανερωθη εν σαρκι εδικαιωθη εν πνευματι ωφθη αγγελοις εκηρυχθη εν εθνεσιν επιστευθη εν κοσμω ανελημφθη εν δοξη

信心の秘められた真理は確かに偉大です。すなわち、キリストは肉において現れ、“霊”において義とされ、天使たちに見られ、異邦人の間で宣べ伝えられ、世界中で信じられ、栄光のうちに上げられた。

Koroka, okake an pakihi ta sereke okai utara anak ne kokandama ramat newa nitne kamui utara koro epakashi inu hine shunge itak ki utara kankapkapeka

Korka, okake an pakihi ta serke okay utar anakne kokantama ramat newa nitne kamuy utar kor epakasi inu hine sunke itak ki utar kankapkapeka

το δε πνευμα ρητως λεγει οτι εν υστεροις καιροις αποστησονται τινες της πιστεως προσεχοντες πνευμασιν πλανοις και διδασκαλιαις δαιμονιων

しかし、“霊”は次のように明確に告げておられます。終わりの時には、惑わす霊と、悪霊どもの教えとに心を奪われ、信仰から脱落する者がいます。

ambe ankushkerai seisek kani ani korachi koro keutura auhuyeka wa eishokor-i gusu eyaikoemaka kusu ne ari Ramat anak irammataka ye ruwe ne;

anpe an kuskeray sesek kani ani koraci kor kewtura awhuyeka wa eysokor hi kusu eyaykoemaka kusu ne ari Ramat anak irammataka ye ruwe ne;

εν υποκρισει ψευδολογων κεκαυστηριασμενων την ιδιαν συνειδησιν

このことは、偽りを語る者たちの偽善によって引き起こされるのです。彼らは自分の良心に焼き印を押されており、

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.

ne utar matkore anpe hattoki hemhem ki, sonep eysokor wa eraman utar i=yayirayke kor awina kuni Kamuy kar aep kusu somo ramnu ki anpe kaspaotte hemhem ki ruwe ne.

κωλυοντων γαμειν απεχεσθαι βρωματων α ο θεος εκτισεν εις μεταλημψιν μετα ευχαριστιας τοις πιστοις και επεγνωκοσιν την αληθειαν

結婚を禁じたり、ある種の食物を断つことを命じたりします。しかし、この食物は、信仰を持ち、真理を認識した人たちが感謝して食べるようにと、神がお造りになったものです。

Kamui karape obitta pirika ruwe ne, aige, iyaiiraige an keutura ani auina yakun,

Kamuy kar pe opitta pirka ruwe ne, ayke, i=yayirayke an kewtura ani awina yakun,

οτι παν κτισμα θεου καλον και ουδεν αποβλητον μετα ευχαριστιας λαμβανομενον

というのは、神がお造りになったものはすべて良いものであり、感謝して受けるならば、何一つ捨てるものはないからです。

aemaka kuni ambe isam ruwe ne.

a=emaka kuni anpe isam ruwe ne.

αγιαζεται γαρ δια λογου θεου και εντευξεως

神の言葉と祈りとによって聖なるものとされるのです。

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

Eani anakne tapan okaype irwak utar eskarunte ciki, Kiristo Yesu kor pirka tiakonos e ne wa, eysokor hi kusu an itak or ta hemhem, e iki pirka epakasi or ta hemhem a=respa kur e ne kusu ne na:

ταυτα υποτιθεμενος τοις αδελφοις καλος εση διακονος χριστου ιησου εντρεφομενος τοις λογοις της πιστεως και της καλης διδασκαλιας η παρηκολουθηκας

これらのことを兄弟たちに教えるならば、あなたは、信仰の言葉とあなたが守ってきた善い教えの言葉とに養われて、キリスト・イエスの立派な奉仕者になります。

koroka, momok uwepekere newa bakko ramkoro an uwepekere eshishi yan.

korka, momok uwepeker newa pakko ramkor an uwepeker esisi yan.

τους δε βεβηλους και γραωδεις μυθους παραιτου γυμναζε δε σεαυτον προς ευσεβειαν

俗悪で愚にもつかない作り話は退けなさい。信心のために自分を鍛えなさい。

Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.

Orowa, Kamuy kooripakpe ani yaykota yayriterite yan: inanpe kusu ne yakun, netopake kusu an yayriterite anpe anakne ponno ka e=pirkare kunip ne, korka, Kamuy kooripak anpe anakne nep ne yakka kusu e=pirkare kunip ne, ayke, tane an inotu kusu ne yakka, okake ta an inotu kusu ne yakka eytakamkire a=eoma an anpe ne ruwe ne kusu ne na.

η γαρ σωματικη γυμνασια προς ολιγον εστιν ωφελιμος η δε ευσεβεια προς παντα ωφελιμος εστιν επαγγελιαν εχουσα ζωης της νυν και της μελλουσης

体の鍛練も多少は役に立ちますが、信心は、この世と来るべき世での命を約束するので、すべての点で益となるからです。

Nei itak ambe anak ne sonep ne, auk kuni oupak an ambe ne na.

Ne itak anpe anakne sonep ne, auk kuni owpak an anpe ne na.

πιστος ο λογος και πασης αποδοχης αξιος

この言葉は真実であり、そのまま受け入れるに値します。

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

Tan ikkewehe an kusu ci utar anakne monrayke wa siyuppa no iki, inanpe kusu ne yakun, ci utar anakne opittano okay utar, makankane eysokor hi atte utar, kor kasiopiwkip ne i=su Kamuy kusu cipacipa ruwe ne na.

εις τουτο γαρ κοπιωμεν και αγωνιζομεθα οτι ηλπικαμεν επι θεω ζωντι ος εστιν σωτηρ παντων ανθρωπων μαλιστα πιστων

わたしたちが労苦し、奮闘するのは、すべての人、特に信じる人々の救い主である生ける神に希望を置いているからです。

Tap okaibe kashpaotte hemhem ki, epakashnu hemhem ki yan.

Tap okaype kaspaotte hemhem ki, epakasnu hemhem ki yan.

παραγγελλε ταυτα και διδασκε

これらのことを命じ、教えなさい。

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

Inan kur ne yakka iteki e paha ponpe esapse kuni ne ki yan; korka, itak or ta ne yakka, iki puri or ta ne yakka, omap anpe or ta ne yakka, eysokor hi or ta ne yakka, tur-sak pe or ta ne yakka, eysokor wa okay utar kusu aekoykarape ne yaykar yan.

μηδεις σου της νεοτητος καταφρονειτω αλλα τυπος γινου των πιστων εν λογω εν αναστροφη εν αγαπη εν πιστει εν αγνεια

あなたは、年が若いということで、だれからも軽んじられてはなりません。むしろ、言葉、行動、愛、信仰、純潔の点で、信じる人々の模範となりなさい。

Ku ek pakno, karabi-orooitak ambe, onishnishi ambe epakashnu ambe ki yan.

Ku=ek pakno, karap-oroytak anpe, onisnisi anpe epakasnu anpe ki yan.

εως ερχομαι προσεχε τη αναγνωσει τη παρακλησει τη διδασκαλια

わたしが行くときまで、聖書の朗読と勧めと教えに専念しなさい。

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

puresputeros utar kor teke e kasike ta a=ante hi tura ueinkar anpe ani a=kore an eikrap iteki isayka no kor yan.

μη αμελει του εν σοι χαρισματος ο εδοθη σοι δια προφητειας μετα επιθεσεως των χειρων του πρεσβυτεριου

あなたの内にある恵みの賜物を軽んじてはなりません。その賜物は、長老たちがあなたに手を置いたとき、預言によって与えられたものです。

Tap an okaibe gusu muchinashnu no iki yan; nei ambe orun ramne no yaikoropare yan; e ki ikip obitta no okai utara otta anukara kuni gusu ne na.

Tapan okaype kusu mucinasnu no iki yan; ne anpe orun ramne no yaykorpare yan; e ki iki p opittano okay utar or ta a=nukar kuni kusu ne na.

ταυτα μελετα εν τουτοις ισθι ινα σου η προκοπη φανερα η πασιν

これらのことに努めなさい。そこから離れてはなりません。そうすれば、あなたの進歩はすべての人に明らかになるでしょう。

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

Yaykota kusu ne yakka e iki epakasnu anpe kusu ne yakka yaytupare yan. Tap okaype oske ta riya yan; inanpe kusu ne yakun, tapanpe e ki ciki, eani anakne yaykota ne yakka e nu utar ne yakka e kasiopiwki kusu ne na.

επεχε σεαυτω και τη διδασκαλια επιμενε αυτοις τουτο γαρ ποιων και σεαυτον σωσεις και τους ακουοντας σου

自分自身と教えとに気を配りなさい。以上のことをしっかりと守りなさい。そうすれば、あなたは自分自身と、あなたの言葉を聞く人々とを救うことになります。

Ekashi ne chiki iteki kopashirota, koroka, michi korachi onishnishi yan;

Ekasi ne ciki iteki kopasirota, korka, mici koraci onisnisi yan;

πρεσβυτερω μη επιπληξης αλλα παρακαλει ως πατερα νεωτερους ως αδελφους

老人を叱ってはなりません。むしろ、自分の父親と思って諭しなさい。若い男は兄弟と思い、

upen utara ne yakun; uiriwak utara korachi; rupne shiwentep utara ne yakun, habo korachi, upen mat ne yakun, nep turu-ushbe sak no, turesh korachi iki yan.

upen utar ne yakun; uyriwak utar koraci; rupne siwentep utar ne yakun, hapo koraci, upen mat ne yakun, nep tur-uspe sak no, tures koraci iki yan.

πρεσβυτερας ως μητερας νεωτερας ως αδελφας εν παση αγνεια

年老いた婦人は母親と思い、若い女性には常に清らかな心で姉妹と思って諭しなさい。

Son no okai shiyompiyara shiwentep kooripak yan.

Sonno okay siyonpiyar siwentep kooripak yan.

χηρας τιμα τας οντως χηρας

身寄りのないやもめを大事にしてあげなさい。

Koroka, nei shiyompiyara shiwentep anak poho hene mitpo hene koro yakun, nei utara anak ne yaikota koro uni un utara epeka hoshiki no kooripak ki hene koro eshikop utara tasa kore kuni iki yak pirika; tambe anak ne Kamui nupetnerep ne ruwe ne gusu ne na.

Korka, ne siyonpiyar siwentep anak poho hene mitpo hene kor yakun, ne utar anakne yaykota kor uni un utar epeka hoskino kooripak ki hene kor esikop utar tasa kore kuni iki yak pirka; tanpe anakne Kamuy nupetnerep ne ruwe ne kusu ne na.

ει δε τις χηρα τεκνα η εκγονα εχει μανθανετωσαν πρωτον τον ιδιον οικον ευσεβειν και αμοιβας αποδιδοναι τοις προγονοις τουτο γαρ εστιν αποδεκτον ενωπιον του θεου

やもめに子や孫がいるならば、これらの者に、まず自分の家族を大切にし、親に恩返しをすることを学ばせるべきです。それは神に喜ばれることだからです。

Koroka, son no newa shiyompiyara ne hine shinen ne po an shiwentep anak ne Kamui echipachipa, aige, kunne to ta ne yakka tokap to ta ne yakka ramma-kane Kamui koramkoro hemhem ki inonno-itak hemhem ki ruwe ne.

Korka, sonno newa siyonpiyar ne hine sinen ne po an siwentep anakne Kamuy ecipacipa, ayke, kunne to ta ne yakka tokap to ta ne yakka ramma-kane Kamuy koramkor hemhem ki inonno-itak hemhem ki ruwe ne.

η δε οντως χηρα και μεμονωμενη ηλπικεν επι [τον] θεον και προσμενει ταις δεησεσιν και ταις προσευχαις νυκτος και ημερας

身寄りがなく独り暮らしのやもめは、神に希望を置き、昼も夜も願いと祈りを続けますが、

Koroka, shiniwe patek gusu iki shiyompiyara shiwentep anak ne shiknu rapoketa rai wa an ruwe ne.

Korka, siniwe patek kusu iki siyonpiyar siwentep anakne siknu rapoketa ray wa an ruwe ne.

η δε σπαταλωσα ζωσα τεθνηκεν

放縦な生活をしているやもめは、生きていても死んでいるのと同然です。

Nei utara anak ne aekot kuni ushike isam kuni ne tap okaibe ne yakka kashpaotte yan.

Ne utar anakne a=ekot kuni usike isam kuni ne tap okaype ne yakka kaspaotte yan.

και ταυτα παραγγελλε ινα ανεπιλημπτοι ωσιν

やもめたちが非難されたりしないように、次のことも命じなさい。

Koroka, inan ainu ne yakka yaikota korobe gusu, makangane yaikota koro uni un utara gusu, etoko-oiki shomoki yakun, shinuma anak aeishokor-i eshikashke ruwe ne, aige, eishokoro shomoki guru kasu no wen guru ne ruwe ne na.

Korka, inan aynu ne yakka yaykota kor pe kusu, makankane yaykota kor uni un utar kusu, etoko-oyki somo ki yakun, sinuma anak a=eysokor hi esikaske ruwe ne, ayke, eysokor somo ki kur kasuno wenkur ne ruwe ne na.

ει δε τις των ιδιων και μαλιστα οικειων ου προνοει την πιστιν ηρνηται και εστιν απιστου χειρων

自分の親族、特に家族の世話をしない者がいれば、その者は信仰を捨てたことになり、信者でない人にも劣っています。

Ouse shine ainu kon machi ne, samata, pirika buri gusu pirika assuru koro hine hotne pa pokashnu pa an yakun, iteki shiyompiyara oma kambi kata sapa nuye yan,

Owse sine aynu kon maci ne, sama ta, pirka puri kusu pirka assuru kor hine hotne pa pokasnu pa an yakun, iteki siyonpiyar oma kampi kata sapa nuye yan,

χηρα καταλεγεσθω μη ελαττον ετων εξηκοντα γεγονυια ενος ανδρος γυνη

やもめとして登録するのは、六十歳未満の者ではなく、一人の夫の妻であった人、

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

ne kur anakne poho utar respa yakun, atci un utar a=yanto kore yakun, askanne utar cikiri uraye yakun, yayramhekonro utar kaopiwki yakun, siarikiki no opittano okay pirka iki p néno iki yakun, sapaha nuye yan.

εν εργοις καλοις μαρτυρουμενη ει ετεκνοτροφησεν ει εξενοδοχησεν ει αγιων ποδας ενιψεν ει θλιβομενοις επηρκεσεν ει παντι εργω αγαθω επηκολουθησεν

善い行いで評判の良い人でなければなりません。子供を育て上げたとか、旅人を親切にもてなしたとか、聖なる者たちの足を洗ったとか、苦しんでいる人々を助けたとか、あらゆる善い業に励んだ者でなければなりません。

Koroka, upen shiyompiyara shiwentep gusu iteki sapaha nuye yan: inambe gusu ne yakun, nei utara Kiristo gusu keutum ehaita chiki,

Korka, upen siyonpiyar siwentep kusu iteki sapaha nuye yan: inanpe kusu ne yakun, ne utar Kiristo kusu kewtum ehayta ciki,

νεωτερας δε χηρας παραιτου οταν γαρ καταστρηνιασωσιν του χριστου γαμειν θελουσιν

年若いやもめは登録してはなりません。というのは、彼女たちは、情欲にかられてキリストから離れると、結婚したがるようになり、

shui soshipi rusui; aige, nei utara anak ne atpakta koro eishokor-i atte keutum eyaikoemaka gusu ekokatpakte ruwe ne na.

suy sosipi rusuy; ayke, ne utar anakne atpakta kor eysokor hi atte kewtum eyaykoemaka kusu ekokatpakte ruwe ne na.

εχουσαι κριμα οτι την πρωτην πιστιν ηθετησαν

前にした約束を破ったという非難を受けることになるからです。

Samata, nei no okai utara anak ne toranne iki wa chisei pishno shioyapkire apkash; toranne patek shomo ne koroka paro-rui ne yakka ki, moshima guru orushpe orun isaikako, aige, shomo aye kuni itak ye ruwe ne.

Sama ta, néno okay utar anakne toranne iki wa cise pisno sioyapkire apkas; toranne patek somo ne korka paro-ruy ne yakka ki, mosma kur oruspe orun isaykako, ayke, somo a=ye kuni itak ye ruwe ne.

αμα δε και αργαι μανθανουσιν περιερχομεναι τας οικιας ου μονον δε αργαι αλλα και φλυαροι και περιεργοι λαλουσαι τα μη δεοντα

その上、彼女たちは家から家へと回り歩くうちに怠け癖がつき、更に、ただ怠けるだけでなく、おしゃべりで詮索好きになり、話してはならないことまで話しだします。

Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

Tanpe kusu, upen siwentep utar anakne hoku kor wa poho sikore, orowa, epokpa kur oytakusi kusu an ika somo kore hine kor uni sikkasima kuni ku=kor rusuy ruwe ne;

βουλομαι ουν νεωτερας γαμειν τεκνογονειν οικοδεσποτειν μηδεμιαν αφορμην διδοναι τω αντικειμενω λοιδοριας χαριν

だから、わたしが望むのは、若いやもめは再婚し、子供を産み、家事を取りしきり、反対者に悪口の機会を一切与えないことです。

inambe gusu ne yakun, sereke an utara anak ne tane ne yakka Satan orun henoye okere ruwe ne.

inanpe kusu ne yakun, serke an utar anakne tane ne yakka Satan orun henoye okere ruwe ne.

ηδη γαρ τινες εξετραπησαν οπισω του σατανα

既に道を踏み外し、サタンについて行ったやもめもいるからです。

Eishokoro iki shiyompiyara shiwentep koro shiwentep an chiki, shinuma nei utara kaobiuki yak pirika, aige, son no an shiyompiyara kaobiuki eashkai kuni ne iteki karisia seire yan.

Eysokor iki siyonpiyar siwentep kor siwentep an ciki, sinuma ne utar kaopiwki yak pirka, ayke, sonno an siyonpiyar kaopiwki easkay kuni ne iteki karisia sere yan.

ει τις πιστη εχει χηρας επαρκειτω αυταις και μη βαρεισθω η εκκλησια ινα ταις οντως χηραις επαρκεση

信者の婦人で身内にやもめがいれば、その世話をすべきであり、教会に負担をかけてはなりません。そうすれば教会は身寄りのないやもめの世話をすることができます。

Pirika no epungine puresbuteros utara eusamanu aainukoro kunip ne sekoro esanniyo yan, makangane nei itak gusu ne yakka epakashnu ambe gusu ne yakka monraige utara epeka nei no iki yan.

Pirkano epunkine puresputeros utar ewsamanu aynukor kunip ne sekor esanniyo yan, makankane ne itak kusu ne yakka epakasnu anpe kusu ne yakka monrayke utar epeka néno iki yan.

οι καλως προεστωτες πρεσβυτεροι διπλης τιμης αξιουσθωσαν μαλιστα οι κοπιωντες εν λογω και διδασκαλια

よく指導している長老たち、特に御言葉と教えのために労苦している長老たちは二倍の報酬を受けるにふさわしい、と考えるべきです。

Inambe gusu ne yakun, amam ibehe oashinge beko otta iteki etukarip eunu yan, sekorʼambe Kamui kambi kata anuye wa an ruwe ne gusu ne na. Samata, monraige guru anak ne koro pummaha akore kunip ne ruwe ne na.

Inanpe kusu ne yakun, amam ipehe oasinke peko or ta iteki etukarip e=wn yan, sekor anpe Kamuy kampi kata a=nuye wa an ruwe ne kusu ne na. Sama ta, monrayke kur anakne kor pummaha a=kore kunip ne ruwe ne na.

λεγει γαρ η γραφη βουν αλοωντα ου φιμωσεις και αξιος ο εργατης του μισθου αυτου

聖書には、「脱穀している牛に口籠をはめてはならない」と、また「働く者が報酬を受けるのは当然である」と書かれています。

Tun ren paweteshu guru iki ambe shomo ne yakun, puresbuteros epeka eiyonnuppa ambe iteki uk yan.

Tun ren pawetesu kur iki anpe somo ne yakun, puresputeros epeka eiyonnuppa anpe iteki uk yan.

κατα πρεσβυτερου κατηγοριαν μη παραδεχου εκτος ει μη επι δυο η τριων μαρτυρων

長老に反対する訴えは、二人あるいは三人の証人がいなければ、受理してはなりません。

Chikokatpak utara okai chiki, moshima okai utara ishitoma kuni ne obitta no okai utara shik-samata pakashnu yan.

Ci=kokatpak utar okay ciki, mosma okay utar isitoma kuni ne opittano okay utar sik-sama ta pakasnu yan.

τους [δε] αμαρτανοντας ενωπιον παντων ελεγχε ινα και οι λοιποι φοβον εχωσιν

罪を犯している者に対しては、皆の前でとがめなさい。そうすれば、ほかの者も恐れを抱くようになります。

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

Ohewke sak no tap okaype e iki, aynu kasiramu kusu somo ki no nep ne yakka ki kuni ne Kamuy tek-sama ta newa Kiristo Yesu teksam ta newa a=numke wa okay Kamuy hawturunpe tek-sama ta newa e ikaspaotte as na.

διαμαρτυρομαι ενωπιον του θεου και χριστου ιησου και των εκλεκτων αγγελων ινα ταυτα φυλαξης χωρις προκριματος μηδεν ποιων κατα προσκλισιν

神とキリスト・イエスと選ばれた天使たちとの前で、厳かに命じる。偏見を持たずにこれらの指示に従いなさい。何事をするにも、えこひいきはなりません。

Yaitunashka wa ainu kata iteki teke ande, shui, moshima guru tura iteki chikokatpak koro: yaituru-sak no e an kuni ki yan.

Yaytunaska wa aynu kata iteki teke ante, suy, mosma kur tura iteki ci=kokatpak kor: yayturu-sak no e an kuni ki yan.

χειρας ταχεως μηδενι επιτιθει μηδε κοινωνει αμαρτιαις αλλοτριαις σεαυτον αγνον τηρει

性急にだれにでも手を置いてはなりません。他人の罪に加わってもなりません。いつも潔白でいなさい。

Tewa no ouse wakka patek shomo iku, koroka, e honihi gusu hemhem kanna-kanna e etashumka ambe gusu tonoto pon no ka eiwange yan.

Tewano owse wakka patek somo iku, korka, e honihi kusu hemhem kanna-kanna e etasumka anpe kusu tonoto ponno ka eywanke yan.

μηκετι υδροποτει αλλα οινω ολιγω χρω δια τον στομαχον και τας πυκνας σου ασθενειας

これからは水ばかり飲まないで、胃のために、また、度々起こる病気のために、ぶどう酒を少し用いなさい。

Sereke okai utara koro chikokatpak anak ne etoko wano aeramanbe ne, aige, aesanniyo kuni ne hoshiki no arapa; orowa, sereke okai utara korobe gusu anak, nei ambe iyoshi no arapa ruwe ne.

Serke okay utar kor ci=kokatpak anakne etoko wano aeramanpe ne, ayke, a=esanniyo kuni ne hoskino arpa; orowa, serke okay utar kor pe kusu anak, ne anpe i=yos no arpa ruwe ne.

τινων ανθρωπων αι αμαρτιαι προδηλοι εισιν προαγουσαι εις κρισιν τισιν δε και επακολουθουσιν

ある人々の罪は明白でたちまち裁かれますが、ほかの人々の罪は後になって明らかになります。

Tambe nei no ne yakka anukarape ne pirika ikip okai; orowa, pirika shomo ne ambe anak anuina eaikap ruwe ne.

Tanpe néno ne yakka anukarape ne pirka iki p okay; orowa, pirka somo ne anpe anak a=nuyna eaykap ruwe ne.

ωσαυτως και τα εργα τα καλα προδηλα και τα αλλως εχοντα κρυβηναι ου δυνανται

同じように、良い行いも明白です。そうでない場合でも、隠れたままのことはありません。

Rekut unbe pokta ausshiune wa okai utara yaikota koro nishpa aainukoro kunip ne sekoro esanniyo yak pirika, tambe anak ne Kamui reihei newa nei epakashi shomo akoatcha kuni gusu ne na.

Rekut un pe pok ta aussiwne wa okay utar yaykota kor nispa aynukor kunip ne sekor esanniyo yak pirka, tanpe anakne Kamuy rehe newa ne epakasi somo a=koatca kuni kusu ne na.

οσοι εισιν υπο ζυγον δουλοι τους ιδιους δεσποτας πασης τιμης αξιους ηγεισθωσαν ινα μη το ονομα του θεου και η διδασκαλια βλασφημηται

軛の下にある奴隷の身分の人は皆、自分の主人を十分尊敬すべきものと考えなければなりません。それは、神の御名とわたしたちの教えが冒瀆されないようにするためです。

Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

Orowa, eysokor hi atte nispa utar kor utar anakne, iteki ne utar panke yak pirka, irwak utar ne ruwe ne kusu ne na; tor ta, makankane or ta yaysieywankere yak pirka, inanpe kusu ne yakun, ne pirka iki p kor utar anakne eysokor utar ne, omap ki utar ne ruwe ne. Tap okaype epakasnu wa onisnisi yan.